IPL

  • associate partner
HOME » NEWS » Ipl » PRAYER AUNTY MUMBAI INDIANS LUCKY CHARM PRAYER AUNTY IS BACK IN THE STANDS ZP

IPL 2020 Prayer Aunty: ಮತ್ತೆ ಕಾಣಿಸಿಕೊಂಡ ಪ್ರೇಯರ್ ಆಂಟಿ: ಈ ಸಲ ಕಪ್ ನಮ್ದೆ ಅಂತಿದ್ದಾರೆ ಮುಂಬೈ ಇಂಡಿಯನ್ಸ್

Prayer Aunty: ಸಾಧಾರಣ ಗುರಿ ಬೆನ್ನತ್ತಿದ ರೈಸಿಂಗ್ ಪುಣೆ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದ್ದರು. ನಾಯಕ ಸ್ಟೀವ್ ಸ್ಮಿತ್ ಆಕರ್ಷಕ ಅರ್ಧಶತಕ ಬಾರಿಸಿ 11ನೇ ಓವರ್​ ಆಗುವಾಗ ತಂಡದ ಮೊತ್ತವನ್ನು 70 ರ ಗಡಿದಾಟಿಸಿದ್ದರು.

news18-kannada
Updated:November 6, 2020, 5:22 PM IST
IPL 2020 Prayer Aunty: ಮತ್ತೆ ಕಾಣಿಸಿಕೊಂಡ ಪ್ರೇಯರ್ ಆಂಟಿ: ಈ ಸಲ ಕಪ್ ನಮ್ದೆ ಅಂತಿದ್ದಾರೆ ಮುಂಬೈ ಇಂಡಿಯನ್ಸ್
Prayer Aunty
  • Share this:
IPL 2020ಯ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಮುಂಬೈ ಇಂಡಿಯನ್ಸ್​ ಭರ್ಜರಿ ಜಯ ದಾಖಲಿಸಿ ಫೈನಲ್ ಪ್ರವೇಶಿಸಿದೆ. ಈ ಪಂದ್ಯದ ವೇಳೆ ಪ್ರೇಕ್ಷಕರ ಸ್ಟ್ಯಾಂಡ್​ನಲ್ಲಿ ಹಿರಿಯ ಮಹಿಳೆಯೊಬ್ಬರು ಕಾಣಿಸಿಕೊಂಡಿದ್ದರು. ಅಷ್ಟೇ ಅಲ್ಲದೆ ಪಂದ್ಯದ ವೇಳೆ ಪುಸ್ತಕವೊಂದನ್ನು ಓದುತ್ತಿರುವುದನ್ನು ಕ್ಯಾಮೆರಾಮೆನ್ ಸೆರೆ ಹಿಡಿದಿದ್ದರು. ಇದರೊಂದಿಗೆ ಯಾರಾಪ್ಪ ಆ ಮಹಿಳೆ. ಮ್ಯಾಚ್ ನೋಡುವುದನ್ನು ಬಿಟ್ಟು ಪುಸ್ತಕ ಓದುತ್ತಿದ್ದಾರೆ ಎಂಬ ಚರ್ಚೆಗಳು ಸೋಷಿಯಲ್ ಮೀಡಿಯಾದಲ್ಲಿ ಶುರುವಾಗಿತ್ತು.

ಇವರು ಯಾರು ಎಂದು ತಿಳಿಯಬೇಕಿದ್ರೆ 3 ವರ್ಷಗಳ ಹಿಂದಕ್ಕೆ ಒಮ್ಮೆ ಕಣ್ಣಾಡಿಬೇಕಾಗುತ್ತದೆ. ಏಕೆಂದರೆ ಇದೇ ಮಹಿಳೆ 2017ರ ಐಪಿಎಲ್ ಫೈನಲ್ ಪಂದ್ಯದ ವೇಳೆ ಸ್ಟೇಡಿಯಂನಲ್ಲಿ ಕಾಣಿಸಿಕೊಂಡಿದ್ದರು. ಅಲ್ಲದೆ ಪ್ರೇಕ್ಷಕರ ಸ್ಟ್ಯಾಂಡ್​ನಲ್ಲಿ ಕೂತು ಪ್ರಾರ್ಥನೆಯಲ್ಲಿ ತೊಡಗಿಸಿಕೊಂಡಿದ್ದರು. ಮೇ 21, 2017 ರಲ್ಲಿ ನಡೆದ ಫೈನಲ್​ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಹಾಗೂ ರೈಸಿಂಗ್ ಪುಣೆ ಜೈಂಟ್ಸ್ ಮುಖಾಮುಖಿಯಾಗಿತ್ತು.

ಟಾಸ್ ಗೆದ್ದ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಬ್ಯಾಟಿಂಗ್ ಆಯ್ದುಕೊಂಡಿದ್ದರು. ಆದರೆ ನಾಯಕನ ಲೆಕ್ಕಚಾರ ತಲೆಕೆಳಗಾಗಿತ್ತು. ಕೇವಲ 65 ರನ್​ಗಳಿಗೆ 5 ಪ್ರಮುಖ ಬ್ಯಾಟ್ಸ್​​ಮನ್​ಗಳು ಔಟ್ ಆಗಿದ್ದರು. ಕೊನೆಗೆ ಏಕಾಂಗಿ ಹೋರಾಟ ನಡೆಸಿದ ಕೃನಾಲ್ ಪಾಂಡ್ಯ 47 ರನ್​ಗಳೊಂದಿಗೆ ನಿಗದಿತ 20 ಓವರ್​ಗಳಲ್ಲಿ ಮುಂಬೈ ಮೊತ್ತವನ್ನು 129 ಕ್ಕೆ ತಂದು ನಿಲ್ಲಿಸಿದರು.

ಸಾಧಾರಣ ಗುರಿ ಬೆನ್ನತ್ತಿದ ರೈಸಿಂಗ್ ಪುಣೆ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದ್ದರು. ನಾಯಕ ಸ್ಟೀವ್ ಸ್ಮಿತ್ ಆಕರ್ಷಕ ಅರ್ಧಶತಕ ಬಾರಿಸಿ 11ನೇ ಓವರ್​ ಆಗುವಾಗ ತಂಡದ ಮೊತ್ತವನ್ನು 70 ರ ಗಡಿದಾಟಿಸಿದ್ದರು. ಇನ್ನೇನು ಗೆಲ್ಲಲು 54 ಎಸೆತಗಳಲ್ಲಿ 60 ರನ್​ಗಳ ಅವಶ್ಯಕತೆಯಿತ್ತು. ಕೇವಲ 1 ವಿಕೆಟ್ ಮಾತ್ರ ಕಳೆದುಕೊಂಡಿತು. ಹೀಗಾಗಿ ಎಲ್ಲರೂ ರೈಸಿಂಗ್ ಪುಣೆ ಜೈಂಟ್ಸ್​ ಟ್ರೋಫಿ ಎತ್ತಿ ಹಿಡಿಯಲಿದ್ದಾರೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಅತ್ತ ಗ್ಯಾಲರಿಯಲ್ಲಿ ಕೂತಿದ್ದ ಹಿರಿಯ ಮಹಿಳೆ ಮಾತ್ರ ಪ್ರಾರ್ಥನೆಯಲ್ಲಿ ನಿರತರಾಗಿದ್ದರು. ಇದನ್ನೇ ಹಲವು ಬಾರಿ ಕ್ಯಾಮೆರಾಮೆನ್ ತೋರಿಸಿದ್ದರು.


ಆ ಬಳಿಕ ನಡೆದಿದ್ದೇ ನಾಟಕೀಯ ತಿರುವು. ಕೇವಲ 58 ಪೇರಿಸುವಷ್ಟರಲ್ಲಿ ತಂಡದ 5 ವಿಕೆಟ್​ಗಳು ಉರುಳಿದ್ದವು. ಇತ್ತ ರೋಹಿತ್ ಶರ್ಮಾ ಪಡೆ ಭರ್ಜರಿ ಹೋರಾಟದಲ್ಲಿ 1 ರನ್​ಗಳ ರೋಚಕ ಜಯ ಸಾಧಿಸಿ ಚಾಂಪಿಯನ್ ಪಟ್ಟ ಅಲಂಕರಿಸಿತು. ಈ ಗೆಲುವಿಗೆ ಹಿರಿಯಜ್ಜಿಯ ಪ್ರಾರ್ಥನೆಯೇ ಕಾರಣ ಎಂಬ ವಾದಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತು. ಅಂದಿನ ಈ ಹಿರಿಯ ಮಹಿಳೆಯನ್ನು ಪ್ರೇಯರ್ ಆಂಟಿ ಎಂದೇ ಕರೆಯಲಾಗುತ್ತಿದೆ.

ನಿನ್ನೆ ಡೆಲ್ಲಿ ಕ್ಯಾಪಿಟಲ್ಸ್ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡಾಗ ಮುಂಬೈ ಇಂಡಿಯನ್ಸ್ ಅರ್ಧ ಸೋತಿತ್ತು. ಆದರೆ ಕೊನೆಯ 6 ಓವರ್​ಗಳಲ್ಲಿ ಅಬ್ಬರಿಸಿದ ಹಾರ್ದಿಕ್ ಪಾಂಡ್ಯ-ಇಶಾನ್ ಕಿಶನ್ 92 ರನ್​ಗಳನ್ನು ಬಾರಿಸಿದ್ದರು. ಈ ಮೂಲಕ ತಂಡದ ಮೊತ್ತವನ್ನು 200ಕ್ಕೆ ತಂದು ನಿಲ್ಲಿಸಿದರು. ಆ ಬಳಿಕ ಪ್ರೇಕ್ಷಕರ ಸ್ಟ್ಯಾಂಡ್​ನಲ್ಲಿ ಕೂತಿದ್ದ ಪ್ರೇಯರ್ ಆಂಟಿಯನ್ನು ತೋರಿಸಲಾಗಿತ್ತು. ಅತ್ತ ಏನೋ ಓದುವಲ್ಲಿ ಮಗ್ನರಾಗಿದ್ದ ಹಿರಿಯಜ್ಜಿಯನ್ನು ನೋಡಿದ ಮುಂಬೈ ಇಂಡಿಯನ್ಸ್ ಅಭಿಮಾನಿಗಳು ಈ ಸಲ ಗೆಲುವು ನಮ್ದೆ ಎಂದು ಷರಾ ಬರೆದಿದ್ದರು. ಏಕೆಂದರೆ ಪ್ರೇಯರ್ ಆಂಟಿಯನ್ನು ಮುಂಬೈ ಪಾಲಿನ ಲಕ್ಕಿ ಚಾರ್ಮ್ ಎಂದು ಪರಿಗಣಿಸಲಾಗುತ್ತದೆ.

ಅಂದಹಾಗೆ ಈ ಪ್ರೇಯರ್ ಆಂಟಿ ಮತ್ಯಾರೂ ಅಲ್ಲ. ಮುಂಬೈ ಇಂಡಿಯನ್ಸ್ ತಂಡದ ಓನರ್‌ ನೀತಾ ಅಂಬಾನಿ ಅವರ ತಾಯಿ ಪೂರ್ಣಿಮಾ ದಲಾಲ್‌. ಹೀಗಾಗಿಯೇ ಫುಲ್ ಸಪೋರ್ಟ್​ನೊಂದಿಗೆ ಮುಂಬೈ ಇಂಡಿಯನ್ಸ್ ಪಂದ್ಯದ ವೇಳೆ ಕಾಣಿಸಿಕೊಳ್ಳುತ್ತಾರೆ.

POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಅಂದಹಾಗೆ ಈ ಪ್ರೇಯರ್ ಆ್ಯಂಟಿ ಮತ್ಯಾರೂ ಅಲ್ಲ. ಮುಂಬೈ ಇಂಡಿಯನ್ಸ್ ತಂಡದ ಓನರ್‌ ನೀತಾ ಅಂಬಾನಿ ಅವರ ತಾಯಿ ಪೂರ್ಣಿಮಾ ದಲಾಲ್‌. ಹೀಗಾಗಿಯೇ ಫುಲ್ ಸಪೋರ್ಟ್​ನೊಂದಿಗೆ ಮುಂಬೈ ಇಂಡಿಯನ್ಸ್ ಪಂದ್ಯದ ವೇಳೆ ಕಾಣಿಸಿಕೊಳ್ಳುತ್ತಾರೆ.
Published by: zahir
First published: November 6, 2020, 4:07 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories