HOME » NEWS » Ipl » PBKS VS RCB CHRIS GAYLE AND MAXWELL WILL PLAY AGAINST OLD FRANCHISE ZP

Glenn Maxwell vs Chris Gayle: ಹಳೇ ತಂಡದ ವಿರುದ್ದ ಯಾರು ಅಬ್ಬರಿಸಲಿದ್ದಾರೆ..?

ಈ ಬಾರಿ ಕಿಂಗ್​ಗೆ ಚಾಲೆಂಜ್ ಎಸೆಯಲು ಪಂಜಾಬ್ ತಂಡದಿಂದ ಆರ್​ಸಿಬಿಗೆ ಸ್ಪೋಟಕ ಬ್ಯಾಟ್ಸ್​ಮನ್ ಗ್ಲೆನ್ ಮ್ಯಾಕ್ಸ್​ವೆಲ್ ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಭರ್ಜರಿ ಫಾರ್ಮ್​ ಪ್ರದರ್ಶಿಸಿರುವ ಮ್ಯಾಕ್ಸ್​ವೆಲ್ ಆರ್​ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ.

news18-kannada
Updated:April 30, 2021, 5:39 PM IST
Glenn Maxwell vs Chris Gayle: ಹಳೇ ತಂಡದ ವಿರುದ್ದ ಯಾರು ಅಬ್ಬರಿಸಲಿದ್ದಾರೆ..?
Glenn Maxwell vs Chris Gayle
  • Share this:
ಇಂದಿನ ಪಂದ್ಯ ಪಂಜಾಬ್ ಕಿಂಗ್ಸ್ ವರ್ಸಸ್ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಎನ್ನುದಕ್ಕಿಂತ ಕ್ರಿಸ್ ಗೇಲ್ ವರ್ಸಸ್ ಗ್ಲೆನ್ ಮ್ಯಾಕ್ಸ್​ವೆಲ್ ಆಗಿ ಮಾರ್ಪಟ್ಟಿದೆ. ಇದಕ್ಕೆ ಮುಖ್ಯ ಕಾರಣ ಈ ಇಬ್ಬರು ಆಟಗಾರರು ತಮ್ಮ ಮಾಜಿ ತಂಡದ ವಿರುದ್ದ ಆಡುತ್ತಿರುವುದು. ಕ್ರಿಸ್ ಗೇಲ್ ಆರ್​ಸಿಬಿ ಪರ 7 ವರ್ಷ ಆಡಿದ ಬಳಿಕ ಪಂಜಾಬ್ ಪಾಲಾದರೆ, ಮ್ಯಾಕ್ಸ್​ವೆಲ್ ಪಂಜಾಬ್ ಪರ 5 ವರ್ಷ ಆಡಿದ್ದರು. ಇದೀಗ ಇಬ್ಬರೂ ಆಟಗಾರರು ತಮ್ಮ ಹಳೆಯ ತಂಡದ ವಿರುದ್ದವೇ ಅಬ್ಬರಿಸಲು ಸಜ್ಜಾಗಿದ್ದಾರೆ.

ಈ ಇಬ್ಬರು ಆಟಗಾರರನ್ನು ಈ ಹಿಂದಿನ ಫ್ರಾಂಚೈಸಿಗಳು ಕಳಪೆ ಫಾರ್ಮ್ ಕಾರಣದಿಂದ ಕೈಬಿಟ್ಟಿದ್ದರು. 2017ರ ಬಳಿಕ ಗೇಲ್​ರನ್ನು ಆರ್​ಸಿಬಿ ಕೈಬಿಟ್ಟಿತ್ತು. ಆ ಬಳಿಕ ಪಂಜಾಬ್ ಪಾಲಾಗಿರುವ ಗೇಲ್ ಇದುವರೆಗೆ ಆರ್​ಸಿಬಿ ವಿರುದ್ದ 4 ಪಂದ್ಯಗಳನ್ನು ಆಡಿದ್ದಾರೆ. ಆರ್​ಸಿಬಿ ವಿರುದ್ದ ಮೊದಲ ಪಂದ್ಯದಲ್ಲಿ ಕ್ರಿಸ್ ಗೇಲ್ ಕೇವಲ 18 ರನ್ ಮಾತ್ರಗಳಿಸಿದ್ದರು. ಆದರೆ 2ನೇ ಬಾರಿ ಮುಖಾಮುಖಿಯಾದಾಗ ಅಕ್ಷರಶಃ ಅಬ್ಬರಿಸಿದ್ದರು. ಮೊಹಾಲಿಯಲ್ಲಿ ನಡೆದ ಈ ಪಂದ್ಯದಲ್ಲಿ ಆರ್​ಸಿಬಿ ಬೌಲರುಗಳನ್ನು ಮನಸೋ ಇಚ್ಛೆ ದಂಡಿಸಿದ ಗೇಲ್ 5 ಭರ್ಜರಿ ಸಿಕ್ಸರ್, 10 ಬೌಂಡರಿಗಳೊಂದಿಗೆ ಕೇವಲ 64 ಎಸೆತಗಳಲ್ಲಿ ಅಜೇಯ 99 ರನ್ ಬಾರಿಸಿದ್ದರು.

ಆರ್​ಸಿಬಿ ವಿರುದ್ದದ ಮೂರನೇ ಪಂದ್ಯದಲ್ಲಿ ಗೇಲ್ ಕೇವಲ 10 ಎಸೆತಗಳಲ್ಲಿ 23 ರನ್​ಗಳಿಸಿ ಔಟಾಗಿದ್ದರು. ಆದರೆ ಕಳೆದ ಸೀಸನ್​ನಲ್ಲಿ ಮತ್ತೊಮ್ಮೆ ಆರ್​ಸಿಬಿ ವಿರುದ್ಧ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದ ಗೇಲ್ 5 ಭರ್ಜರಿ ಸಿಕ್ಸರ್​ನೊಂದಿಗೆ ಅರ್ಧಶತಕ ಬಾರಿಸಿ ಪಂಜಾಬ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಇದೀಗ ಮತ್ತೊಮ್ಮೆ ಆರ್​ಸಿಬಿ-ಪಂಜಾಬ್ ಮುಖಾಮುಖಿಯಾಗುತ್ತಿದೆ. ರಾಯಲ್ ಚಾಲೆಂಜರ್ಸ್​ ವಿರುದ್ದ ಅಬ್ಬರಿಸಲು ಪಂಜಾಬ್ ಕಿಂಗ್ಸ್​ನ ಅಸಲಿ ಕಿಂಗ್ ಸಜ್ಜಾಗಿದ್ದಾರೆ.

ಆದರೆ ಈ ಬಾರಿ ಕಿಂಗ್​ಗೆ ಚಾಲೆಂಜ್ ಎಸೆಯಲು ಪಂಜಾಬ್ ತಂಡದಿಂದ ಆರ್​ಸಿಬಿಗೆ ಸ್ಪೋಟಕ ಬ್ಯಾಟ್ಸ್​ಮನ್ ಗ್ಲೆನ್ ಮ್ಯಾಕ್ಸ್​ವೆಲ್ ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಭರ್ಜರಿ ಫಾರ್ಮ್​ ಪ್ರದರ್ಶಿಸಿರುವ ಮ್ಯಾಕ್ಸ್​ವೆಲ್ ಆರ್​ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ. ಇದೀಗ ಇದೇ ಫಾರ್ಮ್​ನೊಂದಿಗೆ ತನ್ನ ಹಳೆಯ ತಂಡದ ವಿರುದ್ದ ಅಬ್ಬರಿಸಲು ರೆಡಿಯಾಗಿದ್ದಾರೆ. ಅತ್ತ ಆರ್​ಸಿಬಿ ವಿರುದ್ದ ಗೇಲ್ ಅಬ್ಬರಿಸಲಿದ್ದಾರೆ ಎಂಬ ವಿಶ್ವಾಸದಲ್ಲಿ ಪಂಜಾಬ್ ಅಭಿಮಾನಿಗಳಿದ್ದರೆ, ಇತ್ತ ಮ್ಯಾಕ್ಸ್​ವೆಲ್ ಪಂಜಾಬ್ ಕಿಂಗ್ಸ್​ನ್ನು ಧೂಳೀಪಟ ಮಾಡುವ ವಿಶ್ವಾಸದಲ್ಲಿದ್ದಾರೆ ಆರ್​ಸಿಬಿ ಫ್ಯಾನ್ಸ್​. ಹೀಗಾಗಿ ಈ ಇಬ್ಬರ ಬ್ಯಾಟಿಂಗ್​ ಇಂದಿನ ಪಂದ್ಯದ ಮುಖ್ಯ ಹೈಲೆಟ್ ಆಗಿರಲಿದೆ.
Published by: zahir
First published: April 30, 2021, 5:39 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories