ಸ್ವಿಮ್ಮಿಂಗ್ ಪೂಲ್​ಗೆ ಡೈ ಹೊಡೆದಂತೆ ಮನೀಶ್ ಪಾಂಡೆ ಅದ್ಭುತ ಕ್ಯಾಚ್: ಇಲ್ಲಿದೆ ರೋಚಕ ವಿಡಿಯೋ

ಶಾರ್ಜಾದಲ್ಲಿ ನಡೆದ ಐಪಿಎಲ್​ನ 17ನೇ ಪಂದ್ಯದಲ್ಲಿ ಸನ್​ರೈಸರ್ಸ್​ ಹೈದರಾಬಾದ್ ತಂಡದ ವಿರುದ್ಧ ಮುಂಬೈ ಇಂಡಿಯನ್ಸ್ ತಂಡ ಭರ್ಜರಿ ಗೆಲುವು ತನ್ನದಾಗಿಸಿತು. ಕ್ವಿಂಟನ್ ಡಿಕಾಕ್ ಅವರ ಅಮೋಘ ಅರ್ಧಶತಕ ಹಾಗೂ ಅಂತಿಮ ಹಂತದಲ್ಲಿ ಪೊಲಾರ್ಡ್​ ಹಾಗೂ ಪಾಂಡ್ಯ ಬ್ರದರ್ಸ್​ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಮುಂಬೈ 208 ರನ್​ಗಳ ಕಲೆ ಹಾಕಿತು. ಹೈದರಾಬಾದ್ 174 ರನ್​ಗಳನ್ನಷ್ಟೆ ಕಲೆಹಾಕಿ ಸೋಲೊಪ್ಪಿಗೊಂಡ ಪರಿಣಾಮ ರೋಹಿತ್ ಪಡೆ 34 ರನ್​ಗಳ ಜಯ ಸಾಧಿಸಿತು. ಮುಂಬೈ ತಂಡದ ಮೊತ್ತ ಇದಕ್ಕಿಂತಲೂ ಅಧಿಕವಾಗುದರಲ್ಲಿತ್ತು. ಆದರೆ, ಇದಕ್ಕೆ ಬ್ರೇಕ್ ಹಾಕಿದ್ದು ಮನೀಶ್ ಪಾಂಡೆ ಹಿಡಿದ ಈ ಒಂದು ಕ್ಯಾಚ್. ಕಳೆದ ಆರ್​ಸಿಬಿ ವಿರುದ್ಧದ ಪಂದ್ಯದಲ್ಲಿ 99 ರನ್ ಚಚ್ಚಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ದ ಇಶಾನ್ ಕಿಶನ್ ಅವರು ಇಂದು ಕೂಡ ಬಿರುಸಿನ ಆಟ ಆಡುವ ಎಲ್ಲ ಸೂಚನೆ ನೀಡಿದ್ದರು.

ನಿನ್ನ ಜೊತೆ ಸಿಕ್ಸ್ ಸಿಡಿಸುವ ಸ್ಫರ್ಧೆ ಮಾಡಬೇಕು ಎಂದ ಯುವರಾಜ್​ಗೆ ಪಡಿಕ್ಕಲ್ ರಿಪ್ಲೇ ಏನು ಗೊತ್ತೇ?

ಅದರಂತೆ ಕಿಶನ್ ಅವರು 22 ಎಸೆತಗಳಲ್ಲಿ 1 ಬೌಂಡರಿ, 2 ಸಿಕ್ಸರ್ ಸಿಡಿಸಿ 31 ರನ್ ಚಚ್ಚಿ ಕ್ರೀಸ್​ನಲ್ಲಿದ್ದರು. ಈ ಸಂದರ್ಭ ಸಂದೀಪ್ ಶರ್ಮಾ ಬೌಲಿಂಗ್​ನಲ್ಲಿ ಕಿಶನ್ ಚೆಂಡನ್ನು ನೇರವಾಗಿ ಸಿಕ್ಸರ್​ಗೆ ಅಟ್ಟಲು ಯತ್ನಿಸಿದರು. ಅದರಂತೆ ಚೆಂಡು ವೇಗವಾಗಿ ಬೌಂಡರಿ ಲೈನ್ ಬಳಿ ಹೋಗುತ್ತಿತ್ತು. ಆದರೆ, ಈ ಸಂದರ್ಭ ಸೂಪರ್ ಮ್ಯಾನ್​ನಂತೆ ಬಂದ ಮನೀಶ್ ಪಾಂಡೆ ಅಮೋಘವಾಗಿ ಹಾರಿ ಡೈ ಹೊಡೆದು ಅದ್ಭುತ ಕ್ಯಾಚ್ ಹಿಡಿದರು.

What a sensational catch by Manish Pandey! @im_manishpandey The fielding efforts in the @IPL is getting better and better.. Splendid cricket all round.. #Dream11IPL pic.twitter.com/zZauSm8I8h

— Jeevan Mendis (@jeevanmendis) October 4, 2020

ಸದ್ಯ ಪಾಂಡೆ ಹಿಡಿದ ಈ ಪರ್ಫೆಕ್ಟ್ ಕ್ಯಾಚ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಪಾಂಡೆ ಕ್ಯಾಚ್ ಕಂಡ ಕಾಮೆಂಟೇಟರ್​ಗಳು ಮೂಕವಿಸ್ಮಿತರಾದರು. ಮಿಚೆಲ್ ಸ್ಲಾಟರ್ ಈ ಕ್ಯಾಚ್ ಕಂಡು, 'ಇಂತಹ ಕ್ಯಾಚ್ ನಾನು ನೋಡಿಯೇ ಇರಲಿಲ್ಲ' ಎಂದರು. ಮುರಳಿ ಕಾರ್ತಿಕ್ 'ಇದು ಸ್ವಿಮ್ಮಿಂಗ್ ಪೂಲ್ ಡೈವ್, ಅದ್ಭುತ' ಎಂದು ಹೇಳಿದ್ದಾರೆ.

What a catch by Manish Pandey💉 pic.twitter.com/pXBsWduSuq

— 🦇 (@115_Adelaide) October 4, 2020

ಇದಕ್ಕೂ ಮೊದಲು ಮನೀಶ್ ಪಾಂಡೆ ಅವರು ಆರಂಭದಲ್ಲಿ ಕ್ಯಾಚ್ ಒಂದನ್ನು ಡ್ರಾಪ್ ಮಾಡಿದ್ದರು. 7ನೇ ಓವರ್​ನಲ್ಲಿ ಕ್ವಿಂಟನ್ ಡಿಕಾಕ್ ಅವರು 16 ರನ್ ಗಳಿಸಿದ್ದಾಗ ಪಾಂಡೆ ಸಿಕ್ಸ್ ಲೈನ್ ಬಳಿ ಕ್ಯಾಚ್ ಡ್ರಾಪ್ ಮಾಡಿದ್ದರು. ಇದರಿಂದ ಡಿಕಾಕ್ 39 ಎಸೆತಗಳಲ್ಲಿ 67 ರನ್ ಚಚ್ಚುವಂತಾಯಿತು.

ಸದ್ಯ ಮುಂಬೈ ಇಂಡಿಯನ್ಸ್ ತಂಡ ಕ್ವಿಂಟನ್ ಡಿಕಾಕ್ ಅವರ ಆಕರ್ಷಕ ಅರ್ಧಶತಕ, ಹಾರ್ದಿಕ್ ಪಾಂಡ್ಯ, ಕ್ರುನಾಲ್ ಪಾಂಡ್ಯ ಹಾಗೂ ಕೀರೊನ್ ಪೊಲಾರ್ಡ್​ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 20 ಓವರ್​ನಲ್ಲಿ 208 ರನ್ ಬಾರಿಸಿತು.

ಸದ್ಯ ಈ ಟಾರ್ಗೆಟ್ ಬೆನ್ನಟ್ಟಿರುವ ಸನ್​ರೈಸರ್ಸ್​ ಹೈದರಾಬಾದ್ ತಂಡ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸುತ್ತಿದೆ. ಗೆಲುವಿಗಾಗಿ ಕಠಿಣ ಹೋರಾಟ ನಡೆಸುತ್ತಿದೆ.