Krunal Pandya: ಮುಂಬೈ ವಿಮಾನ ನಿಲ್ದಾಣದಲ್ಲಿ ಕ್ರುನಾಲ್​ ಪಾಂಡ್ಯ ವಶಕ್ಕೆ, 3 ಗಂಟೆ ವಿಚಾರಣೆ!

ಮುಂಬೈ ತಂಡದ ಆಲ್​ರೌಂಡರ್​ ಕ್ರುನಾಲ್​ ಪಾಂಡ್ಯಗೆ ಸಂಕಷ್ಟವೊಂದು ಎದುರಾಗಿದೆ. ಐಪಿಎಲ್​ನಲ್ಲಿ ಕಪ್​ ಎತ್ತಿ ಭಾರತಕ್ಕೆ ವಾಪಾಸಾದ ಅವರಿಗೆ ಕಂದಾಯ ಗುಪ್ತಚರ ನಿರ್ದೇಶನಾಲಯದ ಅಧಿಕಾರಿಗಳು ಶಾಕ್​ ನೀಡಿದ್ದಾರೆ. ವಿಮಾನ ನಿಲ್ದಾಣಕ್ಕೆ ಬರುತ್ತಿದ್ದಂತೆ ಅವರನ್ನು ಅಧಿಕಾರಿಗಳು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ. ಅಷ್ಟಕ್ಕೂ ಕ್ರುನಾಲ್​ರನ್ನು ವಿಚಾರಣೆ ನಡೆಸಲು ಕಾರಣವೇನು? ಅದಕ್ಕೆ ಇಲ್ಲಿದೆ ಉತ್ತರ.

ಮಂಗಳವಾರವಷ್ಟೇ ಐಪಿಎಲ್​ ಪೂರ್ಣಗೊಂಡಿತ್ತು. ಮುಂಬೈ ಇಂಡಿಯನ್ಸ್​ ಸತತ ಎರಡನೇ ಬಾರಿಗೆ ಕಪ್​ ಎತ್ತಿತ್ತು. ಇದೇ ಖುಷಿಗೆ ಕ್ರುನಾಲ್​ ಪಾಂಡ್ಯ ವಜ್ರದಿಂದ ಮಾಡಲಾದ ಆಡೆಮರ್ಸ್ ಪಿಗುಯೆಟ್ ಕಂಪೆನಿಯ ಎರಡು ವಾಚ್​ ಹಾಗೂ ರೊಲೆಕ್ಸ್​ ಕಂಪೆನಿಯ ಎರಡು ವಾಚ್​ಅನ್ನು ಖರೀದಿಸಿ ತಂದಿದ್ದರು. ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ನಂತರ ಈ ಬಗ್ಗೆ ಅಧಿಕಾರಿಗಳಿಗೆ ಕ್ರುನಾಲ್​ ಮಾಹಿತಿ ನೀಡಿಲ್ಲ. ಹೀಗಾಗಿ ವಶಕ್ಕೆ ಪಡೆದು, 3 ಗಂಟೆ ವಿಚಾರಣೆ ನಡೆಸಲಾಗಿದೆ.

Cricketer Krunal Pandya stopped by Directorate of Revenue Intelligence (DRI) at the Mumbai International Airport over suspicion of being in possession of undisclosed gold and other valuables, while returning from UAE: DRI sources pic.twitter.com/9Yk82coBgz

— ANI (@ANI) November 12, 2020

ಸುಂಕ​ ಕಾಯ್ದೆ ಪ್ರಕಾರ ವಿದೇಶದಿಂದ 50 ಸಾವಿರ ಅದಕ್ಕೂ ಕಡಿಮೆ ಬೆಲೆಯ ವಸ್ತುಗನ್ನು ತಂದರೆ ಅದಕ್ಕೆ ಭಾರತದಲ್ಲಿ ತೆರಿಗೆ ತುಂಬಬೇಕೆಂದಿಲ್ಲ. ಅದಕ್ಕೂ ದುಬಾರಿ ವಸ್ತು ಖರೀದಿ ಮಾಡಿದರೆ ವಿಮಾನ ನಿಲ್ದಾಣಕ್ಕೆ ಬಂದ ಕೂಡಲೇ ಸುಂಕ​ ಅಧಿಕಾರಿಗೆ ಮಾಹಿತಿ ನೀಡಬೇಕು. ಇಂಥ ವಸ್ತುಗಳಿಗೆ ಶೇ.36ರವರೆಗೆ ತೆರಿಗೆ ಪಾವತಿ ಮಾಡಬೇಕು. ಹೀಗಾಗಿ,  ಬಹುತೇಕರು ವಿಮಾನ ನಿಲ್ದಾಣದಲ್ಲಿ ಸುಂಕ ಅಧಿಕಾರಿಗಳಿಗೆ ಮಾಹಿತಿ ನೀಡದೇ ತೆರಳಲು  ಪ್ರಯತ್ನಿಸುತ್ತಾರೆ. ಒಂದೊಮ್ಮೆ ಕ್ರುನಾಲ್​ ನಿಯಮಗಳನ್ನು ಉಲ್ಲಂಘಿಸಿರುವುದು ಕಂಡುಬಂದಲ್ಲಿ, ಅವರು ಸುಂಕ ಕಾಯ್ದೆಯಡಿ ಕ್ರಮವನ್ನು ಎದುರಿಸಬೇಕಾಗುತ್ತದೆ.