IPL

  • associate partner

KKR vs MI; ನಡೆಯದ ರಸೆಲ್-ಮಾರ್ಗನ್‌ ಮ್ಯಾಜಿಕ್: ಬ್ಯಾಟಿಂಗ್-ಬೌಲಿಂಗ್ ನಲ್ಲಿ ಮಿಂಚಿದ ಮುಂಬೈಗೆ ಭರ್ಜರಿ ಗೆಲುವು

Dream11 IPL 2020 Live Score: ಅಬುಧಾಬಿಯ ಶೇಖ್ ಝಯಾದ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್​ನ 5ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ ಹಾಗೂ ಕೊಲ್ಕತ್ತಾ ನೈಟ್ ರೈಡರ್ಸ್ ಮುಖಾಮುಖಿಯಾಗಿದೆ.

news18-kannada
Updated:September 24, 2020, 12:00 AM IST
KKR vs MI; ನಡೆಯದ ರಸೆಲ್-ಮಾರ್ಗನ್‌ ಮ್ಯಾಜಿಕ್: ಬ್ಯಾಟಿಂಗ್-ಬೌಲಿಂಗ್ ನಲ್ಲಿ ಮಿಂಚಿದ ಮುಂಬೈಗೆ ಭರ್ಜರಿ ಗೆಲುವು
ಮುಂಬೈ ಇಂಡಿಯನ್ಸ್​
  • Share this:
ಅಬುಧಾಬಿಯ ಶೇಖ್ ಝಯಾದ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್​ನ 5ನೇ ಪಂದ್ಯದಲ್ಲಿ ಕೊಲ್ಕತ್ತಾ ವಿರುದ್ಧ ಮುಂಬೈ ಇಂಡಿಯನ್ಸ್​ ತಂಡ 49 ರನ್​ಗಳ ಭರ್ಜರಿ ಜಯ ಸಾಧಿಸಿದೆ. ಟಾಸ್  ಗೆದ್ದ ಕೊಲ್ಕತ್ತಾ ನೈಟ್ ರೈಡರ್ಸ್ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಅದರಂತೆ ಬ್ಯಾಟಿಂಗ್​ಗೆ ಇಳಿದ ಮುಂಬೈ ಇಂಡಿಯನ್ಸ್​ ತಂಡ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದಲ್ಲದೆ, ನಾಯಕ ರೋಹಿತ್​ ಶರ್ಮಾ ಅವರ ಅರ್ಧ ಶತಕದಿಂದ 20 ಓವರ್​ನಲ್ಲಿ  195 ರನ್​ ಗಳಿಸಿತು.

ಮುಂಬೈ ನೀಡಿರುವ ಕಠಿಣ ಗುರಿ‌‌ ಬೆನ್ನಟ್ಟಿರುವ ಕೋಲ್ಕತಾ ತಂಡ‌ ಆರಂಭದಲ್ಲೇ ಪ್ರಮುಖ ವಿಕೆಟ್ ಕಳೆದುಕೊಂಡಿತು. ಓಪನರ್ ಶುಭ್ಮನ್ ಗಿಲ್ ಕೇವಲ 7 ರನ್ ಗಳಿಸಿ ಟ್ರೆಂಟ್ ಬೌಲ್ಟ್ ಗೆ ವಿಕೆಟ್ ಒಪ್ಪಿಸಿದರು.

ನಂತರ ಬಂದ ಸುನೀಲ್ ನರೈನ್ ‌ 10 ಬಾಲ್​ಗೆ 9 ರನ್​ ಬಾರಿಸಿ ಔಟ್ ಆದರು​. ನಾಯಕ  ದಿನೇಶ್ ಕಾರ್ತಿಕ್ ತಂಡದ ಮೊತ್ತವನ್ನು ಸೇರಿಸಲು ಪ್ರಯತ್ನಪಟ್ಟರಾದರು ರಾಹುಲ್​ ಚಾಹರ್​ ಎಸೆದ ಚೆಂಡಿಗೆ ಎಲ್​ಬಿಡಬ್ಲ್ಯು ಆಗಿ ಔಟ್​ ಆದರು.

ನಂತರ ಬಂದ ನಿತೀಶ್​ ರಾಣಾ ಮೇಲೆ ತಂಡದ ನಿರೀಕ್ಷೆ ಇತ್ತಾದರು ಪೊಲಾರ್ಡ್​ ಎಸೆದ ಚೆಂಡಿಗೆ ಬ್ಯಾಟ್​ ಬೀಸಲು ಹೋದರು. ಪರಿಣಾಮ ಹಾರ್ದಿಕ್​ ಪಾಂಡ್ಯ ಅವರಿಗೆ ಕ್ಯಾಚ್​ ನೀಡಿ  ಔಟ್​ ಆದರು. ಇನ್ನು ರಸೆಲ್​​ (11) ಮತ್ತು ಮಾರ್ಗನ್​ (16) ಕೂಡ ಬ್ರೂಮಾ ಎಸೆದ ಬಾಲ್​ಗೆ ವಿಕೆಟ್​ ಒಪ್ಪಿಸಿದರು.

ಪ್ಯಾಟ್​ ಕಮಿನ್ಸ್​ ಮತ್ತು ನಿಖಿಲ್​ ನಾಯಕ್​ ಕ್ರೀಸ್​ ಕ್ರೀಸ್​ನಲ್ಲಿ ಹೋರಾಟ ನಡೆಸಿದರು. ಆದರೆ ಟ್ರೆಂಟ್​ ಬೌಲ್ಟ್​​ ಎಸೆದ ಚೆಂಡಿಗೆ ಬ್ಯಾಡ್​ ಬೀಸಿ ಹಾರ್ದಿಕ್​ ಪಾಂಡ್ಯ ಕೈಗೆ ಕ್ಯಾಚ್​ ನೀಡಿದರು. ಪ್ಯಾಟ್​​ ಕಮಿನ್ಸ್ (33)​ ಕೂಡ ಹಾರ್ದಿಕ್​ ಕೈಗೆ ಕ್ಯಾಚ್​ ನೀಡಿ ಔಟ್​ ಆದರು.

ಶಿವಂ ಮಾಮಿ ಮತ್ತು ಕುಲದೀಪ್​ ಯಾದವ್​ ಮುಂದೆ ಬಹೃತ್​ ಮೊತ್ತ ಟಾರ್ಗೆಟ್​ ಇತ್ತಾದರು. ರನ್​ಗಳನ್ನು ಸೇರಿದಲು ವಿಫಲವಾದರು. ಕೊನೆಗೆ ಮುಂಬೈ ತಂಡ 49 ರನ್​ಗಳ ಭರ್ಜರಿ ಜಯ ಸಾಧಿಸಿದೆ.

ಇನ್ನು ಬೂಮ್ರಾ, ಬೋಲ್ಟ್​​, ಪ್ಯಾಟಿಸನ್​  ಎರಡೆರಡು ವಿಕೆಟ್​ ಕಿತ್ತರೆ. ಪೊಲಾರ್ಡ್​ 1 ವಿಕೆಟ್​ ತಮ್ಮದಾಗಿಸಿಕೊಂಡರುಪ್ರಾರಂಭದಲ್ಲಿ ಬ್ಯಾಟಿಂಗ್​ ಇಳಿದ ಮುಂಬೈ ಇಂಡಿಯನ್ಸ್​ ಆರಂಭ ಉತ್ತಮವಾಗಿರಲಿಲ್ಲ. ಆರಂಭಿಕರಾಗಿ ಕಣಕ್ಕಿಳಿದ ಕ್ವಿಂಟನ್ ಡಿ ಕಾಕ್ (1) ಶಿವಂ ಮಾವಿ ಅವರ  2ನೇ ಓವರ್​ನಲ್ಲಿ ಕ್ಯಾಚ್ ನೀಡಿ ಹೊರ ನಡೆದರು.

ಇದರ ಬೆನ್ನಲ್ಲೇ ಕ್ರೀಸ್​ಗಿಳಿದ ಸೂರ್ಯಕುಮಾರ್ ಯಾದವ್ ಮೂರನೇ ಓವರ್​ನಲ್ಲಿ ಬ್ಯಾಕ್ ಟು ಬ್ಯಾಕ್ ಫೋರ್ ಬಾರಿಸುವ ಮೂಲಕ 16 ರನ್ ಕಲೆಹಾಕಿದರು. ಅಲ್ಲದೆ ನಾಯಕನ ಜೊತೆಗೂಡಿ 27 ಎಸೆತಗಳಲ್ಲಿ 50 ರನ್​​ಗಳ ಸ್ಪೋಟಕ ಜೊತೆಯಾಟವಾಡಿದರು. ಪರಿಣಾಮ ಪವರ್​ಪ್ಲೇ ನಲ್ಲಿ ಮುಂಬೈ ಇಂಡಿಯನ್ಸ್​ 59 ರನ್​ ಗಳಿಸುವಂತಾಯಿತು.

ಒಂದೆಡೆ ಸೂರ್ಯಕುಮಾರ್ ಅಬ್ಬರಿಸುತ್ತಿದ್ರೆ ಮತ್ತೊಂದೆಡೆ ರೋಹಿತ್ ಶರ್ಮಾ ಕೂಡ ಉತ್ತಮ ಸಾಥ್ ನೀಡಿದರು. 4 ಭರ್ಜರಿ ಸಿಕ್ಸರ್ ಸಿಡಿಸಿ ಕೆಕೆಆರ್ ಬೌಲರುಗಳ ಬೆಂಡೆತ್ತಿದರು. ಆದರೆ 28 ಎಸೆತಗಳಲ್ಲಿ 48 ರನ್​ಗಳಿಸಿದ ಸೂರ್ಯಕುಮಾರ್ ಯಾದವ್ ರನೌಟ್ ಆಗುವ ಮೂಲಕ ಅರ್ಧಶತಕ ತಪ್ಪಿಸಿಕೊಂಡರು. ಇನ್ನೊಂದೆಡೆ 39 ಎಸೆತಗಳಲ್ಲಿ ಎದುರಿಸಿ ಹಿಟ್​ಮ್ಯಾನ್ ತಮ್ಮ ಅರ್ಧಶತಕ ಪೂರೈಸಿದರು.

ಹಾಫ್ ಸೆಂಚುರಿ ಬೆನ್ನಲ್ಲೇ ಅಬ್ಬರಿಸಲಾರಂಭಿಸಿದ ರೋಹಿತ್ ಶರ್ಮಾ, ಕುಲ್ದೀಪ್ ಯಾದವ್ ಎಸೆದ 14ನೇ ಓವರ್​ನಲ್ಲಿ 2 ಭರ್ಜರಿ ಸಿಕ್ಸರ್ ಸಿಡಿಸಿ ಐಪಿಎಲ್​ನಲ್ಲಿ 200 ಸಿಕ್ಸರ್ ಬಾರಿಸಿದ ಆಟಗಾರರ ಪಟ್ಟಿಗೆ ಎಂಟ್ರಿ ಕೊಟ್ಟರು. ಮತ್ತೊಂದು ತುದಿಯಲ್ಲಿದ್ದ ಸೌರವ್ ತಿವಾರಿ 13 ಎಸೆತಗಳಲ್ಲಿ ಒಂದು ಭರ್ಜರಿ ಸಿಕ್ಸರ್​ ಹಾಗೂ ಬೌಂಡರಿಯೊಂದಿಗೆ 21 ರನ್​ಗಳಿಸಿ ಸುನೀಲ್ ನರೈನ್​ಗೆ ವಿಕೆಟ್ ಒಪ್ಪಿಸಿದರು. ಇದೇ ವೇಳೆ ತಂಡದ ಮೊತ್ತ  3 ವಿಕೆಟ್ ನಷ್ಟಕ್ಕೆ 16 ಓವರ್​ಗಳಲ್ಲಿ 148 ರನ್ ತಲುಪಿತ್ತು.

ಪ್ಯಾಟ್ ಕಮಿನ್ಸ್ ಅವರ 17ನೇ ಓವರ್​ನಲ್ಲಿ ಸಿಡಿದ ಹಾರ್ದಿಕ್ ಪಾಂಡ್ಯ ಒಂದು ಸಿಕ್ಸರ್ ಹಾಗೂ 2 ಬೌಂಡರಿ ಬಾರಿಸಿ 19 ರನ್ ಕಲೆಹಾಕಿದರು. ಆದರೆ 18ನೇ ಓವರ್​ನಲ್ಲಿ ಬಿಗ್ ಹಿಟ್​ಗೆ ಕೈ ಹಾಕಿದ ಹಿಟ್​​ಮ್ಯಾನ್ ಕ್ಯಾಚ್ ನೀಡಿ ಹೊರ ನಡೆದರು. ಈ ವೇಳೆಗೆ ರೋಹಿತ್ ಶರ್ಮಾ 54 ಎಸೆತಗಳಲ್ಲಿ 80 ರನ್ ಪೇರಿಸಿದರು. ನಂತರ ಸಿಕ್ಸ್​​ ಬಾರಿಸಲು ಹೋದ ರೋಹಿತ್​ ಕ್ಯಾಚ್​ ನೀಡಿ ಔಟ್​ ಆದರು.

ಪೊಲಾರ್ಡ್​ ಹಾಗೂ ಹಾರ್ದಿಕ್ ಪಾಂಡ್ಯ ಬ್ಯಾಟ್ 200 ರನ್​ಗಳನ್ನು ಪೇರಿಸುವ ಮುಂದಾಲೋಚನೆಯಲ್ಲಿದ್ದರು. ಆದರೆ ಪಾಂಡ್ಯ ಅವರ ಬ್ಯಾಟ್​ ವಿಕೆಟ್​​ಗೆ ತಾಗಿ ಔಟ್​ ಆದರು. ನಂತರ ಕ್ರುನಾಲ್​ ಪಾಂಡ್ಯ ಮತ್ತು ಪೊಲಾರ್ಡ್​ ತಂಡದ ಮೊತ್ತವನ್ನು 195 ಒಟ್ಟುಗೂಡಿಸಿದರು.

ಉಭಯ ತಂಡಗಳು ಬಲಿಷ್ಠವಾಗಿದ್ದು, ಘಟಾನುಘಟಿ ಆಟಗಾರರು ಎರಡು ತಂಡಗಳಲ್ಲೂ ಇದೆ. ಆದರೆ ಅಂಕಿ ಅಂಶಗಳನ್ನು ಗಮನಿಸಿದ್ರೆ ಮುಂಬೈ ಇಂಡಿಯನ್ಸ್​ ಕೆಕೆಆರ್ ವಿರುದ್ಧ ಮೇಲುಗೈ ಸಾಧಿಸಿದೆ. ಎರಡು ತಂಡಗಳು 25 ಬಾರಿ ಮುಖಾಮುಖಿಯಾಗಿದ್ದು, ಅದರಲ್ಲಿ 19 ಸಲ ಮುಂಬೈ ಇಂಡಿಯನ್ಸ್ ವಿಜಯ ಸಾಧಿಸಿದೆ. ಇನ್ನು 6 ಬಾರಿ ಗೆದ್ದಿರುವ ಕೊಲ್ಕತ್ತಾ ನೈಟ್ ರೈಡರ್ಸ್ ಈ ಬಾರಿ ಗೆಲುವಿನ ಅಂಕಿಯನ್ನು ಏರಿಸುವ ಆತ್ಮ ವಿಶ್ವಾಸದಲ್ಲಿದೆ.

ಹಾಗೆಯೇ ಉಭಯದ ತಂಡಗಳ ನಡುವಣ ಕೊನೆಯ ಐದು ಪಂದ್ಯಗಳನ್ನು ತೆಗೆದುಕೊಂಡರೂ ಮುಂಬೈ ಇಂಡಿಯನ್ಸ್ ಪಾರುಪತ್ಯವನ್ನು ಹೊಂದಿದೆ. ಏಕೆಂದರೆ ಐದರಲ್ಲಿ ಕೇವಲ ಒಂದು ಗೆಲುವು ಸಾಧಿಸುವಲ್ಲಿ ಮಾತ್ರ ದಿನೇಶ್ ಕಾರ್ತಿಕ್ ಪಡೆ ಯಶಸ್ವಿಯಾಗಿದೆ. ಆದರೆ ಈ ಬಾರಿ ಕೆಕೆಆರ್ ತಂಡದಲ್ಲಿ ಕೆಲ ಬದಲಾವಣೆಗಳಾಗಿದ್ದು, ಹೀಗಾಗಿ ಫಲಿತಾಂಶಗಳಲ್ಲೂ ವ್ಯತ್ಯಾಸಗಳಾಗುವುದನ್ನು ನಿರೀಕ್ಷಿಸಬಹುದು.

ಕೆಕೆಆರ್ ತಂಡಕ್ಕೆ ಇಂಗ್ಲೆಂಡ್ ದಾಂಡಿಗ ಇಯಾನ್ ಮೋರ್ಗನ್ ಎಂಟ್ರಿ, ಬೌಲಿಂಗ್ ವಿಭಾಗದಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ ಪ್ರಮುಖ ಅಸ್ತ್ರವಾಗಬಹುದು. ಅಲ್ಲದೆ ಈಗಾಗಲೇ ಕೆಕೆಆರ್ ಬೆನ್ನಲುಬಾಗಿರುವ ಆಂಡ್ರೆ ರಸೆಲ್ ಈ ಸೀಸನ್​ನಲ್ಲೂ ಮಿಂಚುವ ವಿಶ್ವಾಸದಲ್ಲಿದ್ದಾರೆ. ಸ್ಪಿನ್ ವಿಭಾಗದಲ್ಲಿ ಕುಲ್​ದೀಪ್ ಯಾದವ್ ಹಾಗೂ ಸುನೀಲ್ ನರೈನ್ ಇದ್ದು, ಇಬ್ಬರ ಮೇಲೆ ತಂಡದ ಅವಲಂಭಿತವಾಗಿದೆ ಎಂದರೆ ತಪ್ಪಾಗಲಾರದು. ಇನ್ನು ಈ ಪಂದ್ಯದ ಮೂಲಕ ಯುವ ಬ್ಯಾಟ್ಸ್​ಮನ್ ಶುಭ್​ಮನ್ ಗಿಲ್ ಇನಿಂಗ್ಸ್ ಆರಂಭಿಸುವ ಸಾಧ್ಯತೆ ಹೆಚ್ಚಿದ್ದು, ಇವರಿಗೆ ಜೋಡಿಯಾಗಿ ನರೈನ್ ಕಣಕ್ಕಿಳಿಯಲಿದ್ದಾರೆ.

ಮತ್ತೊಂದೆಡೆ, ಮೊದಲ ಸೋಲಿನಿಂದ ಎಚ್ಚೆತ್ತಿರುವ ಮುಂಬೈ ಇಂಡಿಯನ್ಸ್ ತಂಡ ಗೆಲುವಿನ ಖಾತೆ ತೆರೆಯಲು ಸಕಲ ಸಿದ್ದತೆಯಲ್ಲಿದೆ. ಸಿಎಸ್​ಕೆ ವಿರುದ್ಧ ಕಣಕ್ಕಿಳಿದ ತಂಡವೇ ಇಂದು ಕೂಡ ಮೈದಾನಕ್ಕಿಳಿಯಲಿದೆ. ಒಟ್ಟಿನಲ್ಲಿ ಮೊದಲ ಜಯದ ನಿರೀಕ್ಷೆಯಲ್ಲಿರುವ ಮುಂಬೈ ಇಂಡಿಯನ್ಸ್​ಗೆ, ಭರ್ಜರಿ ಶುಭಾರಂಭ ತವಕದಲ್ಲಿರುವ ಕೊಲ್ಕತ್ತಾ ನೈಟ್ ರೈಡರ್ಸ್ ಸವಾಲಾಗಿ ಪರಿಣಮಿಸುವುದರಲ್ಲಿ ಸಂದೇಹವೇ ಇಲ್ಲ.
Published by: zahir
First published: September 23, 2020, 6:51 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading