IPL ನಡುವೆ ನಶೆ ಏರಿಸಿಕೊಂಡ ರಸೆಲ್: ಓಲ್ಡ್ ಮಾಂಕ್ ಜೊತೆ ಕೆಕೆಆರ್ ಪ್ಲೇಯರ್ ಫೋಟೋ ವೈರಲ್

ಕೊಲ್ಕತ್ತಾ ​ನೈಟ್​ ರೈಡರ್ಸ್​ ತಂಡದ ಆಟಗಾರ ಆ್ಯಂಡ್ರೆ ರಸೆಲ್​ ಬಗ್ಗೆ ಯಾರಿಗೆ ಗೊತ್ತಿಲ್ಲಾ ಹೇಳಿ.. ಎಲ್ಲರಿಗೂ ಗೊತ್ತು. ರಸೆಲ್​ ಬ್ಯಾಟಿಂಗ್​ ಅಬ್ಬರಕ್ಕೆ ಮಾರುಹೋಗದವರಿಲ್ಲ. ಒಂದು ಬಾರಿ ಕ್ರೀಸ್​ಗೆ ಬಂದರೆ ರಸೆಲ್​ ಎದುರಾಳಿಯ ಚೆಂಡನ್ನು ಧೂಳಿಪಟ ಮಾಡಿರುವ ಅನೇಕ ಉದಾಹರಣೆಗಳಿವೆ. ಆದರೆ ಈ ವರ್ಷದ ಐಪಿಎಲ್​ ಪಂದ್ಯದಲ್ಲಿ ರಸೆಲ್​ ಅಬ್ಬರ ಕೊಂಚ ಕಡಿಮೆಯಾದಂತೆ ಕಾಣುತ್ತಿದೆ.

ರಸೆಲ್​ ಕೊಲ್ಕತ್ತಾ ತಂಡದಲ್ಲಿ ಆಡುತ್ತಿದ್ದಾರೆ. ಈ ವರ್ಷದ ಇಂಡಿಯನ್ ಪ್ರಿಮಿಯರ್​ ಲೀಗ್​ನಲ್ಲಿ ಕೆಕೆಆರ್​ ತಂಡ ಆರು ಪಂದ್ಯವನ್ನು ಎದುರಿಸಿದ್ದು, ಅದರಲ್ಲಿ 4 ಪಂದ್ಯದಲ್ಲಿ ಜಯಶಾಲಿಯಾಗಿದೆ. ಇತ್ತ ರಸೆಲ್​ ಬ್ಯಾಟಿಂಗ್​ ಪ್ರದರ್ಶನದಲ್ಲಿ ಕೂಡ ಅಷ್ಟೇನು ಹೇಳಿಕೊಳ್ಳುವಂತಿಲ್ಲ. ಈವರೆಗೆ ಆರ್​ ಇನ್ಸಿಂಗ್​ನಲ್ಲಿ ಕೇವಲ 10 ರನ್​ಗಳ ಗಡಿಯನ್ನು ಅವರು ದಾಟಿದಾರಷ್ಟೆ.

ಚೆನ್ನೈ ಸೂಪರ್​ಕಿಂಗ್ಸ್​ ವಿರುದ್ಧ ರಸೆಲ್​ ಕೇವಲ 22 ಎಸೆತದಲ್ಲಿ 54 ರನ್​ ಬಾರಿಸುವ ಮೂಲಕ ಬೆರಗುಗೊಳಿಸುವಂತೆ ಮಾಡಿದ್ದರು. ಆ ಬಳಿಕ ಅದೇ ಫಾರ್ಮ್​ಗೆ ರಸೆಲ್​ ಬರಲು ಪ್ರಯತ್ನಿಸುತ್ತಿದ್ದಾರೆ.

ಇನ್ನು ರಸೆಲ್​ ಸಾಮಾಜಿಕ ಜಾಲತಾಣದಲ್ಲಿ ಸದಾ ಆ್ಯಕ್ಟೀವ್​. ಐಪಿಎಲ್ ಪ್ರಾರಂಭಕ್ಕೂ ಮುನ್ನ ಅದರ ತಯಾರಿ ಕುರಿತಾಗಿ ಫೋಟೋ, ವಿಡಿಯೋ ಸ್ಟೇಟಸ್​ ಹಾಕುತ್ತಿದ್ದರು. ಇದೀಗ ಪಂದ್ಯದ ಸಮಯದಲ್ಲಿ ಸ್ಟೇಟಸ್​ ಹಾಕುತ್ತಿರುತ್ತಾರೆ. ಅದರಂತೆ ಇತ್ತೀಚೆಗೆ ರಸೆಲ್​ ಎಣ್ಣೆ ಬಾಟಲಿ ಹಿಡಿದುಕೊಂಡ ಫೋಟೋವೊಂದನ್ನ ತಮ್ಮ ಸ್ಟೇಟಸ್​ ಹಾಕಿಕೊಂಡಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಗುಸು ಗುಸು ಮಾತುಗಳು ಜೋರಾಗಿದೆ.

ಹೌದು. ರಸೆಲ್​ ಓಲ್ಡ್​ ಮಾಂಕ್​ ಎಣ್ಣೆ ಬಾಟಲಿ ಹಿಡಿದಿರುವ ಫೋಟೋವನ್ನು ಸ್ಟೇಟಸ್​ನಲ್ಲಿ ಹಂಚಿಕೊಂಡಿದ್ದಾರೆ. ‘ಇಟ್ಸ್​ ಓಕೆ ನಾಟ್​ ಟು ಬಿ ಓಕೆ’ ‘ಹೆಲ್ಪ್​ ಆಲ್​​ ದ ಟೈಮ್​’ ಎಂದು ಬರೆದಿದ್ದಾರೆ. ಆದರೆ ಈ ಫೋಟೋ ನೋಡಿದಾಗ ರಸೆಲ್​ ಮತ್ತೆ ಫಾರ್ಮ್​ಗೆ ಬರಲು ಚಿಂತಿಸುತ್ತಿದ್ದಾರಾ? ಅಥವಾ ಮುಂದಿನ ಪಂದ್ಯದಲ್ಲಿ ಅಬ್ಬರಿಸಲು ಪ್ಲಾನ್​ ಹಾಕಿಕೊಂಡಿದ್ದಾರಾ? ಎಂಬ ಅನುಮಾನ ಅಭಿಮಾನಿಗಳ ಮನದಲ್ಲಿ ಮೂಡಿದೆ.