CPL 2021: ಕೀರನ್ ಪೊಲಾರ್ಡ್​ಗೆ ನಾಯಕನ ಪಟ್ಟ..!

ಐಪಿಎಲ್​ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ಕೀರನ್ ಪೊಲಾರ್ಡ್​ ರೋಹಿತ್ ಶರ್ಮಾ ಅನುಪಸ್ಥಿತಿಯಲ್ಲಿ ತಂಡವನ್ನು ಮುನ್ನಡೆಸಿದ್ದರು. ಅಲ್ಲದೆ ಪ್ರಸ್ತುತ ವೆಸ್ಟ್ ಇಂಡೀಸ್ ಟಿ20 ತಂಡದ ನಾಯಕರಾಗಿದ್ದಾರೆ.

kieron pollard

kieron pollard

  • Share this:
    ಭಾರತದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ರದ್ದಾದರೆ, ಅತ್ತ ವೆಸ್ಟ್ ಇಂಡೀಸ್​ನಲ್ಲಿ ಕೆರಿಬಿಯರ್ ಪ್ರೀಮಿಯರ್ ಲೀಗ್ ಚುಟುವಟಿಕೆಗಳು ಶರುವಾಗಿದೆ. ಅದರ ಮೊದಲ ಹೆಜ್ಜೆ ಎಂಬಂತೆ ಹರಾಜಿಗಾಗಿ ಆಟಗಾರರ ರಿಟೈನ್ ಹಾಗೂ ರಿಲೀಸ್ ಪ್ರಕ್ರಿಯೆಗಳು ಆರಂಭವಾಗಿವೆ. ಅದರಂತೆ ಈ ಬಾರಿ ಕೂಡ ಟ್ರಿನ್​ಬಾಗೊ ನೈಟ್ ರೈಡರ್ಸ್​ ತಂಡದಲ್ಲಿ ಕೀರನ್ ಪೊಲಾರ್ಡ್ ಅವರನ್ನು ಉಳಿಸಲಾಗಿದ್ದು, ಅವರಿಗೆ ತಂಡದ ನಾಯಕತ್ವನ್ನು ವಹಿಸಲಾಗಿದೆ. ಈ ಹಿಂದೆ ಟಿಕೆಆರ್​ ತಂಡವನ್ನು ಡ್ವೇನ್ ಬ್ರಾವೋ ಮುನ್ನಡೆಸುತ್ತಿದ್ದರು. ಆದರೆ ಕಳೆದ ಸೀಸನ್​ನಲ್ಲಿ ಗಾಯದ ಸಮಸ್ಯೆಯಿಂದ ಹೊರಗುಳಿದಿದ್ದ ಬ್ರಾವೋ ಅವರ ಬದಲಿಗೆ ಕೀರನ್ ಪೊಲಾರ್ಡ್​ಗೆ ನಾಯಕನ ಪಟ್ಟ ನೀಡಲಾಗಿತ್ತು.

    ಕಳೆದ ಸೀಸನ್​ನಲ್ಲಿ ಪೊಲಾರ್ಡ್ ನಾಯಕತ್ವದಲ್ಲಿ ಆಡಿದ್ದ ಟ್ರಿನ್​ಬಾಗೊ ನೈಟ್ ರೈಡರ್ಸ್ ತಂಡವು ಲೀಗ್ ಹಂತದ ಎಲ್ಲಾ 10 ಪಂದ್ಯಗಳನ್ನು ಗೆದ್ದು ಫೈನಲ್‌ನಲ್ಲಿ ಸೇಂಟ್ ಲೂಸಿಯಾ ಅಥ್ಲೀಟ್‌ಗಳನ್ನು ಸೋಲಿಸಿ ಚಾಂಪಿಯನ್ ಪಟ್ಟ ಅಲಂಕರಿಸಿಕೊಂಡಿತ್ತು. ಇದೀಗ ಈ ಬಾರಿ ಟಿಕೆಆರ್‌ಗಾಗಿ ಪ್ರಶಸ್ತಿಯನ್ನು ಉಳಿಸುವ ಜವಾಬ್ದಾರಿಯನ್ನು ಪೊಲಾರ್ಡ್​ಗೆ ವಹಿಸಲಾಗಿದೆ. ಅತ್ತ ನಾಯಕನ ಸ್ಥಾನ ಕಳೆದುಕೊಳ್ಳುವುದರೊಂದಿಗೆ ಬ್ರಾವೊ ಟಿಕೆಆರ್ ತಂಡದಿಂದ ಹೊರಬಿದ್ದಿದ್ದಾರೆ. ಅಲ್ಲದೆ ಈ ಬಾರಿ ಸೆಂಟ್ ಕಿಟ್ಸ್ ನೆವಿಸ್ ಪ್ಯಾಟ್​ರಯಟ್ಸ್ ಪರ ಆಡಲಿದ್ದಾರೆ.

    ಐಪಿಎಲ್​ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ಕೀರನ್ ಪೊಲಾರ್ಡ್​ ರೋಹಿತ್ ಶರ್ಮಾ ಅನುಪಸ್ಥಿತಿಯಲ್ಲಿ ತಂಡವನ್ನು ಮುನ್ನಡೆಸಿದ್ದರು. ಅಲ್ಲದೆ ಪ್ರಸ್ತುತ ವೆಸ್ಟ್ ಇಂಡೀಸ್ ಟಿ20 ತಂಡದ ನಾಯಕರಾಗಿದ್ದಾರೆ. ಕೆರಿಬಿಯನ್ ಪ್ರೀಮಿಯರ್ ಲೀಗ್​ನ ಮುಂಬರುವ ಸೀಸನ್​ ಆಗಸ್ಟ್ 28 ರಂದು ಪ್ರಾರಂಭವಾಗಲಿದ್ದು, ಟಿಕೆಆರ್ ತಂಡವನ್ನು ಮುನ್ನಡೆಸುವ ಮೂಲಕ ಮತ್ತೊಮ್ಮೆ ಚಾಂಪಿಯನ್ ಪಟ್ಟದ ಮೇಲೆ ಕಣ್ಣಿಟ್ಟಿದ್ದಾರೆ ಕೀರನ್ ಪೊಲಾರ್ಡ್​.
    Published by:zahir
    First published: