IPL

  • associate partner
HOME » NEWS » Ipl » KANNADIGA KL RAHUL CRIED AFTER KINGS ELEVEN PUNJAB LOST AGAINST KRR RMD

KL Rahul: ಪಂದ್ಯ ಮುಗಿದ ಮೇಲೆ ಕಣ್ಣೀರು ಹಾಕಿದ ಕೆಎಲ್​ ರಾಹುಲ್​; ವಿಡಿಯೋ ವೈರಲ್​

ಬೌಂಡರಿ ​​​ಗಡಿಗೆ ಸಿಡಿದ ಬಾಲು ಒಂದಿಂಚು ಮುಂದೆ ಬಿದ್ದಿದ್ದರೂ ಸಿಕ್ಸ್​ ಆಗಿ ಬಿಡುತ್ತಿತ್ತು. ಆಗ ಸೂಪರ್​ ಓವರ್​ ಆಗುತ್ತಿತ್ತು. ಆದರೆ, ಆ ಅವಕಾಶ ಕೂಡ ಕೈ ತಪ್ಪಿತ್ತು.

news18-kannada
Updated:October 11, 2020, 8:49 AM IST
KL Rahul: ಪಂದ್ಯ ಮುಗಿದ ಮೇಲೆ ಕಣ್ಣೀರು ಹಾಕಿದ ಕೆಎಲ್​ ರಾಹುಲ್​; ವಿಡಿಯೋ ವೈರಲ್​
KL Rahul
  • Share this:
ಇಂಡಿಯನ್ ಪ್ರೀಮಿಯರ್ ಲೀಗ್ 13ನೇ ಆವೃತ್ತಿಯಲ್ಲಿ ನಡೆದ 24ನೇ ಪಂದ್ಯದಲ್ಲಿ ಕಿಂಗ್ಸ್​ ಇಲೆವೆನ್ ಪಂಜಾಬ್ ವಿರುದ್ಧ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 2 ರನ್​ಗಳ ರೋಚಕ ಗೆಲುವು ಸಾಧಿಸಿತ್ತು. ಕನ್ನಡಿಗರಾದ ನಾಯಕ ಕೆ. ಎಲ್. ರಾಹುಲ್ ಹಾಗೂ ಮಯಾಂಕ್ ಅಗರ್ವಾಲ್ ಹೋರಟಕ್ಕೆ ಫಲ ಸಿಗದೆ ಪಂಜಾಬ್ ಟೂರ್ನಿಯಲ್ಲಿ 6ನೇ ಸೋಲುಕಂಡಿತು. ಈ ಸೋಲನ್ನು ಅರಗಿಸಿಕೊಳ್ಳಲು ಸಾಧ್ಯವಾಗದ ನಾಯಕ ಕೆಎಲ್​ ರಾಹುಲ್​ ಅತ್ತಿದ್ದು, ವಿಡಿಯೋ ವೈರಲ್​ ಆಗಿದೆ.

ಕೆಕೆಆರ್ ನೀಡಿದ್ದ 165 ರನ್​ಗಳ ಗುರಿ ಬೆನ್ನಟ್ಟಿದ ಪಂಜಾಬ್ ತಂಡ ಉತ್ತಮ ಆರಂಭ ಪಡೆದುಕೊಂಡಿತು. ಓಪನರ್​ಗಳಾದ ಕೆ. ಎಲ್ ರಾಹುಲ್ ಹಾಗೂ ಮಯಾಂಕ್ ಅಗರ್ವಾಲ್ ಎಚ್ಚರಿಕೆಯಿಂದ ಬ್ಯಾಟ್ ಬೀಸಿದರು. ಮೊದಲ 6 ಓವರ್​ನಲ್ಲಿ 47 ರನ್ ಹರಿದುಬಂತು.ಪವರ್ ಪ್ಲೇ ಓವರ್ ನಂತರ  ಬಿರುಸಿನ ಬ್ಯಾಟಿಂಗ್ ನಡೆಸಿದ ಇವರಿಬ್ಬರು (115 ರನ್) ಶತಕದ ಜೊತೆಯಾಟ ಆಡಿದರು. ಭರ್ಜರಿ ಬ್ಯಾಟಿಂಗ್ ನಡೆಸಿದ ರಾಹುಲ್- ಮಯಾಂಕ್ ಪಂಜಾಬ್ ಬೌಲರ್​ಗಳ ಬೆವರಿಳಿಸಿದರು. ಕೊನೆಯ ಎಸೆತದಲ್ಲಿ ಗೆಲ್ಲಲು 7 ರನ್​ಗಳ ಅವಶ್ಯಕತೆಯಿತ್ತು. ಆದರೆ ಮ್ಯಾಕ್ಸ್​ವೆಲ್ ಬೌಂಡರಿ ಬಾರಿಸಲಷ್ಟೇ ಶಕ್ತರಾಗಿ ಪಂಜಾಬ್​ ಸೋಲೊಪ್ಪಿಗೊಂಡಿತು.

ಬೌಂಡರಿ ​​​ಗಡಿಗೆ ಸಿಡಿದ ಬಾಲು ಒಂದಿಂಚು ಮುಂದೆ ಬಿದ್ದಿದ್ದರೂ ಸಿಕ್ಸ್​ ಆಗಿ ಬಿಡುತ್ತಿತ್ತು. ಆಗ ಸೂಪರ್​ ಓವರ್​ ಆಗುತ್ತಿತ್ತು. ಆದರೆ, ಆ ಅವಕಾಶ ಕೂಡ ಕೈ ತಪ್ಪಿತ್ತು. ಸರಣಿಯಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದ  ಹೊರತಾಗಿಯೂ ಪಂಜಾಬ್​ ಸೋಲನ್ನು ಕಾಣುತ್ತಿದೆ. ನಿನ್ನೆ ಕೂಡ ಅದೇ ರೀತಿ ಆಗಿದೆ. ಇದನ್ನು ನೆನೆದ ಕೆಎಲ್​ ರಾಹುಲ್​ ಕಣ್ಣಲ್ಲಿ ನೀರು ಜಿನುಗಿದ್ದು, ಫೋಟೋಗಳು ವೈರಲ್​ ಆಗಿವೆ.  ಪಂದ್ಯ ಮುಗಿದ ನಂತರ ಮಾತನಾಡಿದ್ದ ಕೆಎಲ್​ ರಾಹುಲ್​, ನಿಜವಾಗಲೂ ನಮಗೆ ಏನು ಹೇಳಬೇಕು ಎಂಬುದೇ ಗೊತ್ತಾಗುತ್ತಿಲ್ಲ ಎಂದು ಹೇಳಿದ್ದರು.






ಪಂಜಾಬ್​ ಪ್ಲೇಆಫ್​ಗೆ ಲಗ್ಗೆ ಇಡಬೇಕೆಂದರೆ ಮುಂದಿನ ಏಳೂ ಪಂದ್ಯಗಳಲ್ಲಿ ಅದ್ಭುತ ಪ್ರದರ್ಶನ ನೀಡಬೇಕಿದೆ.
Published by: Rajesh Duggumane
First published: October 11, 2020, 8:49 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories