IPL 2020: ಧೋನಿಯ 200ನೇ ಜೆರ್ಸಿ ಪಡೆದ ಎದುರಾಳಿ ತಂಡದ ಬಿಗ್ ಫ್ಯಾನ್..!

ಸೋಮವಾರ ಅಬುಧಾಬಿಯ ಶೇಖ್ ಝಾಯೆದ್ ಮೈದಾನದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಕಣಕ್ಕಿಳಿಯುವ ಮೂಲಕ ಮಹೇಂದ್ರ ಸಿಂಗ್ ಧೋನಿ ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ 200 ಪಂದ್ಯವನ್ನಾಡಿದ ಹೊಸ ಇತಿಹಾಸ ನಿರ್ಮಿಸಿದರು. ಸಿಎಸ್​ಕೆ ನಾಯಕನ ಪಾಲಿನ ವಿಶೇಷ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ 7 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತು. ಮೊದಲು ಬ್ಯಾಟ್ ಮಾಡಿದ ಚೆನ್ನೈ ಸೂಪರ್ ಕಿಂಗ್ಸ್ ನಿಗದಿತ 20 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 125 ರನ್​ಗಳಿಸಿತು.

126 ರನ್​ಗಳ ಸುಲಭ ಟಾರ್ಗೆಟ್ ಪಡೆದಿದ್ದ ರಾಜಸ್ಥಾನ್ ರಾಯಲ್ಸ್​ಗೆ ಆರಂಭಿಕ ಆಘಾತ ನೀಡುವಲ್ಲಿ ಸಿಎಸ್​ಕೆ ಬೌಲರುಗಳು ಯಶಸ್ವಿಯಾಗಿದ್ದರು. ಆರ್​ಆರ್​ ಮೊತ್ತ 28 ಆಗುವಷ್ಟರಲ್ಲಿ ಪ್ರಮುಖ 3 ವಿಕೆಟ್​ಗಳು ಬಿದ್ದಿದ್ದವು. ಆದರೆ ಆ ಬಳಿಕ ಜೊತೆಗೂಡಿದ ನಾಯಕ ಸ್ಟೀವ್ ಸ್ಮಿತ್ ಹಾಗೂ ಜೋಸ್ ಬಟ್ಲರ್ ಉತ್ತಮ ಆಟದೊಂದಿಗೆ ತಂಡಕ್ಕೆ ಜಯ ತಂದುಕೊಟ್ಟರು.

ಅದರಲ್ಲೂ ಸಿಎಸ್​ಕೆ ಬೌಲರುಗಳ ವಿರುದ್ಧ ಅಬ್ಬರಿಸಿದ್ದ ಬಟ್ಲರ್ 48 ಎಸೆತಗಳಲ್ಲಿ ಅಜೇಯ 70 ರನ್ ಚಚ್ಚಿದರು. ಈ ಬಿರುಸಿನ ಇನಿಂಗ್ಸ್​ನಲ್ಲಿ 7 ಬೌಂಡರಿ ಹಾಗೂ 2 ಸಿಕ್ಸರ್​ಗಳು ಮೂಡಿಬಂದಿದ್ದವು. ಅಲ್ಲದೆ ಈ ಅಮೋಘ ಇನಿಂಗ್ಸ್​ಗೆ ಮ್ಯಾನ್ ಆಫ್ ದಿ ಮ್ಯಾಚ್ ಕೂಡ ಒಲಿಯಿತು. ಆದರೆ ಪಂದ್ಯ ಶ್ರೇಷ್ಠ ಪ್ರಶಸ್ತಿಗಿಂತ ಜೋಸ್ ಬಟ್ಲರ್​ನ್ನು ಮತ್ತಷ್ಟು ಖುಷಿಪಡಿಸಿದ್ದು ಮಾತ್ರ ಧೋನಿ ನೀಡಿದ ಜೆರ್ಸಿ.

ಹೌದು, ಧೋನಿ 200ನೇ ಪಂದ್ಯದಲ್ಲಿ ಧರಿಸಿದ್ದ ಸಿಎಸ್​ಕೆ ಜೆರ್ಸಿಯನ್ನು ರಾಜಸ್ಥಾನ್ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್ ಜೋಸ್ ಬಟ್ಲರ್​ಗೆ ನೀಡಿ ಅವರ ದಿನವನ್ನು ಇನ್ನಷ್ಟು ವಿಶೇಷಗೊಳಿಸಲಾಯಿತು. ಈ ಖುಷಿ ಕ್ಷಣ ಫೋಟೋವನ್ನು ಇಂಗ್ಲೆಂಡ್ ಆಟಗಾರ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಏಕೆಂದರೆ ಜೋಸ್ ಬಟ್ಲರ್ ಟೀಮ್ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಅಪ್ಪಟ ಅಭಿಮಾನಿ.

ಜೋಸ್ ಬಟ್ಲರ್​

2019ರ ಐಸಿಸಿ ವಿಶ್ವಕಪ್ ವೇಳೆ ಕೂಡ ಜೋಸ್ ಬಟ್ಲರ್ ತಾನೊಬ್ಬ ಧೋನಿ ಅಭಿಮಾನಿ ಎಂದು ಹೇಳಿಕೊಂಡಿದ್ದರು. ಇದೀಗ ಸಿಎಸ್​ಕೆ ನಾಯಕನ ಮುಂದೆಯೇ ಭರ್ಜರಿ ಪ್ರದರ್ಶನ ನೀಡಿ, ಅವರ ವಿಶೇಷ ಜೆರ್ಸಿಯನ್ನು ತನ್ನದಾಗಿಸಿಕೊಂಡು ಹಿರಿ ಹಿರಿ ಹಿಗ್ಗಿದ್ದಾರೆ ಬಟ್ಲರ್.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ:   IPL 2020: ರಾಹುಲ್ ಸಲಹೆಗೆ ಕೊಹ್ಲಿಯ ಕೌಂಟರ್..!