Ishan Kishan: ಮೊನ್ನೆ ತಿವಾಟಿಯಾ, ನಿನ್ನೆ ಇಶನ್​ ಕಿಶನ್​; ಧೋನಿಯನ್ನು ಏಕಲವ್ಯನಂತೆ ಆರಾಧಿಸಿದ ಯುವಕನ ಕತೆ ಇದು!

ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದ ಹಾಲಿ ಚಾಂಪಿಯನ್ಸ್ ​ ಮುಂಬೈ ಇಂಡಿಯನ್ಸ್ ​ ​ಹಾಗೂ ಆರ್​ಸಿಬಿ ನಡುವಿನ ಪಂದ್ಯ ರೋಚಕತೆಗೆ ಸಾಕ್ಷಿಯಾಯಿತು. ಆರ್​ಸಿಬಿ ನೀಡಿದ 202 ರನ್​ಗಳ ಟಾರ್ಗೆಟ್ ಬೆನ್ನತ್ತಿದ ಮುಂಬೈ ಇಂಡಿಯನ್ಸ್​ 201 ರನ್ ಗಳಿಸುವ ಮೂಲಕ ಸಮಬಲ ಸಾಧಿಸಿತು. ಬಳಿಕ ನಡೆದ ಸೂಪರ್ ಓವರ್​ನಲ್ಲಿ ರೋಹಿತ್ ಪಡೆ ನೀಡಿದ 8 ರನ್​ಗಳ ಗುರಿಯನ್ನು ಮುಟ್ಟುವ ಮೂಲಕ ಆರ್​ಸಿಬಿ ರೋಚಕ ಜಯ ಸಾಧಿಸಿತು. ಈ ಪಂದ್ಯದಲ್ಲಿ ಮುಂಬೈ ಸೋತರೂ ತಂಡದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದು ಮಾತ್ರ ಇಶನ್​ ಕಿಶನ್​. 22ರ ಹರೆಯದ ಈ ಯುವಕ ನಿನ್ನೆಯ ಪಂದ್ಯದಲ್ಲಿ ಮೋಡಿಯನ್ನೇ ಮಾಡಿ ಬಿಟ್ಟರು.

ಆರ್​ಸಿಬಿ ನೀಡಿದ 202 ರನ್​ಗಳ ಗುರಿ ಬೆನ್ನು ಹತ್ತಿದ ಮುಂಬೈ ಇಂಡಿಯನ್ಸ್​ ಆರಂಭ ಅಷ್ಟು ಉತ್ತಮವಾಗಿರಲಿಲ್ಲ. ನಾಯಕ ರೋಹಿತ್​ ಶರ್ಮಾ ಬೆನ್ನಲ್ಲೇ ಮತ್ತಿಬ್ಬರು ಆಟಗಾರರು ಕಡಿಮೆ ರನ್​ಗೆ ಪೆವಿಲಿಯನ್ ಸೇರಿದರು. ಈ ವೇಳೆ ಪಂದ್ಯ ಕಟ್ಟೋಕೆ ನಿಂತಿದ್ದು, ಯುವ ಆಟಗಾರ ಇಶನ್​ ಕಿಶನ್​. ಹಾರ್ದಿಕ್​ ಪಾಂಡ್ಯ ಹಗೂ ಇಶನ್​ ಕಿಶನ್​ ಉತ್ತಮ ಜೊತೆಯಾಟ ಆರಂಭಿಸಿದರು. ಈ ವೇಳೆ ಪಾಂಡ್ಯ ಔಟ್​ ಆದರೆ, ಇಶನ್​ ತಮ್ಮ ಆಟವನ್ನು ಮುಂದುವರಿಸಿದರು. ಈ ವೇಳೆ ಬಂದ ಪೊಲಾರ್ಡ್​ ಅಬ್ಬರದ ಬ್ಯಾಟ್​ ಬೀಸಿದರು. ಒಂದೆಡೆ ಪೊಲಾರ್ಡ್​ ಅಬ್ಬರ, ಮತ್ತೊಂದೆಡೆ ಇಶನ್​ ಕಿಶನ್​ ಹುರುಪಿನ ಆಟ. ಈ ಮೂಲಕ ಪಂದ್ಯವನ್ನು ಗೆಲುವನ ಗಡಿಗೆ ತಂದಿದ್ದರು.

ಕೊನೆಯ ಓವರ್​ನಲ್ಲಿ ಮುಂಬೈ ಇಂಡಿಯನ್ಸ್​ಗೆ 19 ರನ್​ ಬೇಕಿತ್ತು. ಈ ವೇಳೆ ಎರಡು ಸಿಕ್ಸರ್​ ಬಾರಿಸುವ ಮೂಲಕ ಮುಂಬೈ ತಂಡವನ್ನು ಗೆಲುವಿನತ್ತ ಕರೆತಂದರು. ಅಲ್ಲದೆ, ತಮ್ಮ ವೈಕ್ತಿಕ ರನ್​ ಅನ್ನು 99ಕ್ಕೆ ಏರಿಕೆ ಮಾಡಿಕೊಂಡರು. ಈ ವೇಳೆ ಸಿಕ್ಸರ್​ ಸಿಡಿಸಲು ಹೋಗಿ ಔಟ್​ ಆದರು.

ನಿನ್ನೆಯ ಕಿಶನ್ ಹೋರಾಟಕ್ಕೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ. ಅವರ ಅಬ್ಬರದ ಆಟ ನೋಡಿ ಎಲ್ಲರೂ ಕೊಂಡಾಡಿದ್ದಾರೆ. ಮೊನ್ನೆಯ ಪಂದ್ಯದಲ್ಲಿ ರಾಜಸ್ಥಾನ್​ ರಾಯಲ್ಸ್​​ನ ರಾಹುಲ್​ ತಿವಾಟಿಯಾ ಮಿಂಚಿದ್ದರು. ನಿನ್ನೆ ಇಶನ್​ ಕಿಶನ್​ ಹೊಸ ಹೀರೋ ಆಗಿ ಹೊರ ಹೊಮ್ಮಿದ್ದಾರೆ.

Feeling sad 😞 for this incredible player . Win or loose it’s okay but you won our hearts champ @ishankishan51 🙏🙏😎😎🤙🤙👍👍👏👏 !! @mipaltan #MI #IPL2020 #MumbaiIndians #RCBvMI #OneFamily #IshanKishan #Dream11IPL #Dream11 #SarkaruVaariPaata pic.twitter.com/QC9wrxmIp5

— Akash (@Akash_SSMB) September 28, 2020

Kishan's hopeful 99, Polly's blazing 60* or Boult's 2-wicket haul?

To vote, DM us 'RCBvMI' or send it here: https://t.co/HiHCyGa2ud#OneFamily #MumbaiIndians #MI #Dream11IPL #RCBvMI @ishankishan51 @KieronPollard55 @trent_boult @UshaIntl pic.twitter.com/n7O85Q6vqp

— Mumbai Indians (@mipaltan) September 28, 2020

ಯಾರು ಈ ಇಶನ್​ ಕಿಶನ್​?

ಇಶನ್​ ಕಿಶನ್​ ಬಿಹಾರದ ಪಾಟ್ನಾದಲ್ಲಿ 1998, ಜುಲೈ 18ರಂದು ಹುಟ್ಟಿದ್ದರು. ಇವರ ತಂದೆ ಉದ್ಯಮಿ. ಮೊದಲಿನಿಂದಲೂ ಇಶನ್​ ಕ್ರಿಕೆಟ್​ ಮೇಲೆ ಆಸಕ್ತಿ ಹೊಂದಿದ್ದರು. ಬಿಹಾರ ಕ್ರಿಕೆಟ್​ ಮಂಡಳಿ ಹಾಗೂ ಬಿಸಿಸಿಐ ನಡುವೆ ನೋಂದಣಿ ವಿಚಾರದ ಸಮಸ್ಯೆ ಇರುವದರಿಂದ ಇಶನ್​ ನೆರೆಯ ರಾಜ್ಯ ಜಾರ್ಖಂಡಕ್ಕಾಗಿ ಆಡಲು ಆರಂಭಿಸಿದರು.

2016-17 ರಣಜಿ ಟ್ರೋಫಿಯಲ್ಲಿ ಇಶನ್​ 273 ರನ್​ ಕಲೆ ಹಾಕಿದ್ದರು. ರಣಜಿ ಟ್ರೋಫಿಯಲ್ಲಿ ಜಾರ್ಖಂಡದ ತಂಡದ ಆಟಗಾರನೊಬ್ಬನಿಂದ ಸಿಡಿದ ಗರಿಷ್ಠ ಮೊತ್ತ ಇದಾಗಿದೆ. 2017-18ರ ರಣಜಿ ಟ್ರೋಫಿಯಲ್ಲಿ 6 ಪಂದ್ಯಗಳಿಂದ ಇವರು ಬರೋಬ್ಬರಿ 484 ರನ್​ ಸಿಡಿಸಿದ್ದರು.

Send a 💙 if you love this pocket-sized dynamo named Ishan Kishan!#OneFamily #MumbaiIndians #MI #Dream11IPL #RCBvMI @ishankishan51 pic.twitter.com/8FsMbOgH0q

— Mumbai Indians (@mipaltan) September 28, 2020

2018ರ ಜನವರಿ ತಿಂಗಳಲ್ಲಿ ಮುಂಬೈ ಇಂಡಿಯನ್ಸ್​ ಇಶನ್​ ಅವರನ್ನು ಪಡೆದುಕೊಂಡಿತ್ತು. ಅಂದಿನಿಂದ ಇಲ್ಲಿವರೆಗೆ ಅವರು ಮುಂಬೈಗಾಗಿ ಆಡುತ್ತಿದ್ದಾರೆ. ಐಪಿಎಲ್​ನಲ್ಲಿ 34 ಪಂದ್ಯಗಳನ್ನು ಅವರು ಆಡಿದ್ದು 794 ರನ್​ ಸಿಡಿಸಿದ್ದಾರೆ. ನಿನ್ನೆ ಸಿಡಿಸಿದ 99 ರನ್ ಇಶನ್​​ ಐಪಿಎಲ್​ನಲ್ಲಿ ಕಲೆ ಹಾಕಿದ ಅತ್ಯಧಿಕ ರನ್​ ಆಗಿದೆ.

ಧೋನಿಯೇ ಮಾದರಿ:

ಇಶನ್​ ಕಿಶನ್​ಗೆ ಭಾರತ ತಂಡದ ಮಾಜಿ ನಾಯಕ ಎಂಎಸ್​ ಧೋನಿಯೇ ಮಾದರಿ. ಧೋನಿ ರೀತಿಯಲ್ಲೇ ಮಿಂಚಬೇಕು ಎಂಬುದು ಇಶನ್​ ಆಸೆ. ಹೀಗಾಗಿ, ಧೋನಿಯನ್ನು ಇಶನ್​ ದೇವರ ರೀತಿಯಲ್ಲಿ ಕಾಣುತ್ತಾರಂತೆ. ಅವರನ್ನು ಸದಾ ಆರಾಧಿಸುತ್ತಾರಂತೆ. ಆಸ್ಟ್ರೇಲಿಯಾದ ಮಾಜಿ ವಿಕೆಟ್​ ಕೀಪರ್​ ಆಡಮ್​ ಗಿಲಿಕ್ರಿಸ್ಟ್​ ಕೂಡ ಕಿಶನ್​ ಫೆವರಿಟ್.