GT vs CSK: ಗುಜರಾತ್​ ವಿರುದ್ಧ ಮುಗ್ಗರಿಸಿದ ಚೆನ್ನೈ, ಹಾರ್ದಿಕ್​​ ಪಡೆಗೆ ಗೆಲುವಿನ ಶುಭಾರಂಭ

ಐಪಿಎಲ್​ 2023 (IPL 2023) ರ ಮೊದಲ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (GV vs CSK) ತಂಡಗಳು ಮುಖಾಮುಖಿಯಾದವು. ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ (Narendra Modi Stadium) ನಡೆದ ಪಂದ್ಯದಲ್ಲಿ ಚೆನ್ನೈ ವಿರುದ್ಧ ಹಾಲಿ ಚಾಂಪಿಯನ್​​ ಗುಜರಾತ್​ ತಂಡವು ರೋಚಕ ಗೆಲುವು ದಾಖಲಿಸಿತು. ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಚೆನ್ನೈ ನಿಗದಿತ 20 ಓವರ್​ನಲ್ಲಿ 7 ವಿಕೆಟ್​ ನಷ್ಟಕ್ಕೆ 178 ರನ್ ಗಳಿಸಿತು. ಈ ಟಾರ್ಗೆಟ್​ ಬೆನ್ನಟ್ಟಿದ ಹಾರ್ದಿಕ್​ ಪಡೆ ನಿಗದಿತ 19.2 ಓವರ್​ ಗಳಲ್ಲಿ 5  ವಿಕೆಟ್​​ಗಳ ನಷ್ಟಕ್ಕೆ 182 ರನ್​ ಗಳಿಸುವ ಮೂಲಕ ರೋಚಕ ಜಯ ದಾಖಲಿಸಿತು.

ಗಿಲ್​ ಭರ್ಜರಿ ಬ್ಯಾಟಿಂಗ್​:

ಇನ್ನು, ಚೆನ್ನೈ ನೀಡಿದ ಟಾರ್ಗೆಟ್​ ಬೆನ್ನಟ್ಟಿದ ಗುಜರಾತ್​ ತಂಡ  ನಿಗದಿತ 19.2 ಓವರ್​ ಗಳಲ್ಲಿ 5  ವಿಕೆಟ್​​ಗಳ ನಷ್ಟಕ್ಕೆ 182 ರನ್​ ಗಳಿಸುವ ಮೂಲಕ ರೋಚಕ ಜಯ ದಾಖಲಿಸಿತು. ವೃದ್ಧಿಮಾನ್​ ಸಹಾ 25 ರನ್, ಶುಭ್​ಮನ್ ಗಿಲ್ 63 ರನ್​, ಸಾಯಿ ಸುದರ್ಶನ್​ 22 ರನ್​, ಹಾರ್ದಿಕ್​ ಪಾಂಡ್ಯ 8 ರನ್, ವಿಜಯ್​ ಶಂಕರ್ 27 ರನ್​​, ರಾಹುಲ್​ ತೆವಾಟಿಯಾ 15 ರನ್​ ಮತ್ತು ರಷೀಧ್​ ಖಾನ್​ 10 ರನ್​ ಗಳಿಸುವ ಮೂಲಕ ಗೆಲುವಿನ ದಡ ಸೇರಿಸಿದರು.

A successful final-over chase at the Narendra Modi Stadium to kick off #TATAIPL 2023 🔥🔥

The @rashidkhan_19-@rahultewatia02 duo at it again as @gujarat_titans secure a win against #CSK💪

Scorecard ▶️ https://t.co/61QLtsnj3J#GTvCSK pic.twitter.com/uKS9xJgIbw

— IndianPremierLeague (@IPL) March 31, 2023

ಇನ್ನು, ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ಪರ ರಾಜವರ್ಧನ್ ಹಂಗರ್ಗೇಕರ್ ಉತ್ತಮ ಬೌಲಿಂಗ್​ ಮಾಡಿದರು. ಅವರು 4 ಓವರ್​ ಬೌಲ್​ ಮಾಡಿ ಪ್ರಮುಖ 3 ವಿಕೆಟ್ ಪಡೆದರು. ಉಳಿದಂತೆ ರವೀಂದ್ರ ಜಡೇಜಾ ಮತ್ತು ತುಷಾರಾ ದೇಶಪಾಂಡೆ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: Virat Kohli: ಬ್ಯಾಟ್ ಹಿಡಿದ್ರೆ ಸೆಂಚುರಿ ಬಾರಿಸುವ ಕೊಹ್ಲಿ 10ನೇ ಕ್ಲಾಸ್‌ ಮಾರ್ಕ್ಸ್ ಎಷ್ಟು? ಆ ಸಬ್ಜೆಕ್ಟ್‌ನಲ್ಲಂತೂ ಜಸ್ಟ್ ಪಾಸ್ ಅಂತೆ!

ಶತಕ ವಂಚಿತರಾದ ಗಾಯಕ್ವಾಡ:

ಇನ್ನು, ರುತುರಾಜ್​ ಗಾಯಕ್ವಾಡ ಸ್ವಲ್ಪದರಲ್ಲಿಯೇ ಶತಕ ವಂಚಿತರಾದರು. ಅವರು, 50 ಎಸೆತದಲ್ಲಿ 9 ಸಿಕ್ಸ್ ಮತ್ತು 4 ಫೊರ್​ ಮೂಲಕ 92 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಉಳಿದಂತೆ ಡೆವೊನ್ ಕಾನ್ವೆ 1 ರನ್, ಬೆನ್ ಸ್ಟೋಕ್ಸ್ 7 ರನ್, ಅಂಬಟಿ ರಾಯುಡು 12 ರನ್, ಮೊಯಿನ್ ಅಲಿ 23 ರನ್, ಶಿವಂ ದುಬೆ 19 ರನ್, ರವೀಂದ್ರ ಜಡೇಜಾ 1 ರನ್, ಎಂಎಸ್​ ಧೋನಿ ಅಂತಿಮವಾಗಿ ಆಕರ್ಷಕ ಸಿಕ್ಸ್ ಸಿಡಿಸುವ ಮೂಲಕ 7 ಬಾಲ್​ಗೆ 14 ರನ್​ ಗಳಿಸಿದರು. ಮಿಚೆಲ್ ಸ್ಯಾಂಟ್ನರ್ 1 ರನ್ ಗಳಿಸಿದರು.

ಗುಜರಾತ್​ ಟೈಟನ್ಸ್ ಉತ್ತಮ ಬೌಲಿಂಗ್​:

ಟೈಟನ್ಸ್​ ಪರ ಮೊಹಮ್ಮದ್ ಶಮಿ, ರಶೀದ್ ಖಾನ್ ಮತ್ತು ಅಲ್ಜಾರಿ ಜೋಸೆಫ್ ತಲಾ 2 ವಿಕೆಟ್​ ಪಡೆದು ಮಿಂಚಿದರು. ಜೋಶುವಾ ಲಿಟಲ್ ಸಹ 1 ವಿಕೆಟ್​ ಪಡೆಯುವ ಮೂಲಕ ಚೆನ್ನೈ ಬ್ಯಾಟ್ಸ್​ ಮನ್​​ಗಳನ್ನು ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. ಇದರ ನಡುವೆ ಮೊಹಮ್ಮದ್ ಶಮಿ ದೊಡ್ಡ ಸಾಧನೆ ಮಾಡಿದ್ದಾರೆ. ಮೊಹಮ್ಮದ್ ಶಮಿ ತಮ್ಮ ನಾಲ್ಕನೇ ಐಪಿಎಲ್ ತಂಡದೊಂದಿಗೆ ಆಡುವಾಗ ಐಪಿಎಲ್​ ಲೀಗ್‌ನಲ್ಲಿ 100 ವಿಕೆಟ್‌ಗಳನ್ನು ಪೂರೈಸಿದ ಸಾಧನೆ ಮಾಡಿದರು.