IPL 2022: RCB ಬಗ್ಗೆ ಕೊನೆಗೂ ಮೌನ ಮುರಿದ ಚಹಾಲ್​.. ನನ್ನ ಒಂದು ಮಾತು ಕೇಳ್ಬೇಕಿತ್ತು ಎಂದಿದ್ಯಾಕೆ?

ಯುಜ್ವೇಂದ್ರ ಚಹಾಲ್ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್. ವಾಸ್ತವವಾಗಿ ಅವರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರವಾಗಿ ಸನ್ ರೈಸರ್ಸ್ ವಿರುದ್ಧ ಈ ಸಾಧನೆ ಮಾಡಿದರು. ಯುಜ್ವೇಂದ್ರ ಚಹಾಲ್ 16 ಪಂದ್ಯಗಳಲ್ಲಿ 17 ವಿಕೆಟ್ ಕಬಳಿಸಿದ್ದಾರೆ. ಇದೀಗ ಚಾಹಲ್ ಈ ಋತುವಿನಲ್ಲಿ ರಾಜಸ್ಥಾನ ರಾಯಲ್ಸ್ ಪರ ಕಣಕ್ಕಿಳಿದಿದ್ದಾರೆ. ಯಾರೂ ಊಹಿಸಿದರ ರೀತಿಯಲ್ಲಿ ಆರ್​ಸಿಬಿ ಯುಜ್ವೆಂದ್ರ ಅವರನ್ನು ತಂಡದಿಂದ ಕೈಬಿಡಲಾಗಿತ್ತು.ಇದೀಗ ಯುಜ್ವೇಂದ್ರ ಚಹಾಲ್​ ಕೊನೆಗೂ ಮೌನ ಮುರಿದ್ದಿದ್ದಾರೆ. ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಬಗ್ಗೆ ಮಾತನಾಡಿದ್ದಾರೆ.

ಒಂದ್​ ಮಾತು ನನ್ನ ಕೇಳ್ಬೇಕಿತ್ತು ಎಂದಿದ್ಯಾಕೆ ಚಹಾಲ್!

‘ಆರ್​ಸಿಬಿ ನನ್ನನ್ನು ಕೈಬಿಡುವ ಮುನ್ನ ಒಮ್ಮೆ ಕೇಳಬೇಕಿತ್ತು. ಆರ್​ಸಿಬಿಯಲ್ಲಿ ಇರಲು ನೀವು ಇಷ್ಟ ಪಡುತ್ತೀರಾ? ಎಂದು ಕೇಳಬೇಕಿತ್ತು. ನಾವು ನಿಮ್ಮನ್ನು ಹರಾಜಿನಲ್ಲಿ ಮತ್ತೆ ಖರೀದಿ ಮಾಡುತ್ತೇವೆ ಎಂದಿದ್ದರು. ಆದರೆ, ಮಾಡಲಿಲ್ಲ. ನನಗೆ ಹಣದ ಮೇಲೆ ಆಸೆ ಇರಲಿಲ್ಲ. ನನಗೆ ಆರ್​ಸಿಬಿ ತಾಯಿ ಇದ್ದಂತೆ. ಇಷ್ಟು ವರ್ಷ ಆ ತಂಡದಲ್ಲಿ ಆಡಿದ್ದೆ. ನನ್ನ ಬೆಂಗಳೂರು ಅಭಿಮಾನಿಗಳಿಗೆ ಸದಾ ಚಿರಋಣಿಯಾಗಿರುತ್ತೆನೆ. ನಾನು ಅವರನ್ನು ತುಂಬಾ ಪ್ರೀತಿಸುತ್ತೇನೆ ಏನೇ ಆದರೂ’ ಎಂದು ಯುಜ್ವೇಂದ್ರ ಚಹಾಲ್​ ಹೇಳಿದ್ದಾರೆ. ಈ ಮಾತುಗಳನ್ನು ಕೇಳಿ ಆರ್​ಸಿಬಿ ಅಭಿಮಾನಿಗಳು ಚಹಾಲ್​ ಅವರನ್ನು ನೀವು ರಿಟೈನ್​ ಮಾಡಬೇಕಿತ್ತು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮೊದಲ ಪಂದ್ಯದಲ್ಲೇ RCB ಖಾತೆಯಲ್ಲಿ ಕೆಟ್ಟ ದಾಖಲೆ, ಇದು ಬೇಡವಾಗಿತ್ತು ಅಂತಿದ್ದಾರೆ ಅಭಿಮಾನಿಗಳು

ಮೊದಲ ಪಂದ್ಯದಲ್ಲೇ ಆರ್​ಸಿಬಿ ಕೆಟ್ಟ ದಾಖಲೆ!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2022 ರ ಋತುವನ್ನು ಕೆಟ್ಟ ದಾಖಲೆಯೊಂದಿಗೆ ಪ್ರಾರಂಭಿಸಿದೆ. ಹೌದು, ಪಂಜಾಬ್ ನಡುವಿನ ಮೊದಲ ಪಂದ್ಯದಲ್ಲಿ ದೊಡ್ಡ ಮೊತ್ತ ಪೇರೆಪಿಸಿದರೂ ಉತ್ತಮ ಬೌಲಿಂಗ್ ಮಾಡದ ಹಿನ್ನಲೆ ಆರ್​ಸಿಬಿ ಸೋಲನ್ನಪ್ಪಿತು. ಇದರೊಂದಿಗೆ ಕೆಟ್ಟ ದಾಖಲೆಯನ್ನೂ ದಾಖಲಿಸಿದೆ.

ಇದನ್ನೂ ಓದಿ: RCB ಐಪಿಎಲ್ ಗೆದ್ದಾಗ ನೆನಪಾಗೋದು ಕುಚಿಕು ಗೆಳೆಯ! Kohli ಮನದಾಳ ಮಾತು

ಒಂದು ಪಂದ್ಯದಲ್ಲಿ ಅತಿ ಹೆಚ್ಚು ವೈಡ್‌ಗಳನ್ನು ದಾಖಲಿಸಿದ ತಂಡವಾಗಿದ್ದು, ಈ ಪಂದ್ಯದಲ್ಲಿ ಬೆಂಗಳೂರು ತಂಡ 21 ವೈಡ್​ಗಳನ್ನು ಹಾಕಿದೆ. RCB ಬೌಲಿಂಗ್‌ನಲ್ಲಿ ಒಟ್ಟು 22 ಎಕ್ಸ್‌ಟ್ರಾಗಳನ್ನು ನೀಡಿದ್ದು, ಅದರಲ್ಲಿ 21 ವೈಡ್‌ಗಳ ರೂಪದಲ್ಲಿ ಬಂದಿವೆ. ಈ ಪ್ರದರ್ಶನದ ಮೂಲಕ ಬೆಂಗಳೂರು ತಂಡವು 19 ವೈಡ್​ಗಳ ಹಿಂದಿನ ದಾಖಲೆಯನ್ನು ಮುರಿದಿದೆ. 2011ರ ಐಪಿಎಲ್ ಋತುವಿನಲ್ಲಿ, ನಂತರ ಕಿಂಗ್ಸ್ ಇಲೆವೆನ್ ಪಂಜಾಬ್. ಕೊಚ್ಚಿ ಟಸ್ಕರ್ಸ್ ವಿರುದ್ಧದ ಪಂದ್ಯದಲ್ಲಿ 19 ವೈಡ್​ಗಳನ್ನು ಹಾಕಿತ್ತು.