RCB: ದಿನೇಶ್​ ಕಾರ್ತಿಕ್​ ಮುಂದೆ ತಲೆ ಬಾಗಿದ ಕಿಂಗ್​ ಕೊಹ್ಲಿ! ಇದಕ್ಕೆ ಎಲ್ರಿಗೂ ಇಷ್ಟ ಆಗೋದು ವಿರಾಟ್​

ಐಪಿಎಲ್ 2022ರ (IPL 2022) 15ನೇ ಆವೃತ್ತಿಯ 54ನೇ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ (SRH) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡಗಳು ಮುಖಾಮುಖಿಯಾಗಿತ್ತು. ಮುಂಬೈನ (Mumbai) ವಾಂಖೆಡೆ ಸ್ಟೇಡಿಯಂ ನಲ್ಲಿ ನಡೆದ ಪಂದ್ಯದಲ್ಲಿ ಆರ್​ಸಿಬಿ ಗೆದ್ದು ಬೀಗಿದೆ. ಹದಿನೈದನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ 54ನೇ ಪಂದ್ಯ ಇಂದು ( ಮೇ 8 ) ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಸನ್ ರೈಸರ್ಸ್ ಹೈದರಾಬಾದ್ (Sun Risers) ತಂಡಗಳ ನಡುವೆ ಮುಂಬೈನ ವಾಂಖೆಡೆ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಜರುಗಿತು. ಈ ಪಂದ್ಯದಲ್ಲಿ ಫಾಫ್ ಡು ಪ್ಲೆಸಿಸ್ (Faf Du Plessis) ಬಳಗ ಕೇನ್ ವಿಲಿಯಮ್ಸನ್ ಬಳಗವನ್ನು ಸದೆಬಡಿದು 67 ರನ್‌ಗಳ ಬೃಹತ್ ಜಯ ಸಾಧಿಸಿದೆ. ಟೂರ್ನಿಯಲ್ಲಿ ಏಳನೇ ಜಯ ದಾಖಲಿಸಿರುವ ಆರ್​ಸಿಬಿ ನಾಲ್ಕನೇ ಸ್ಥಾನದಲ್ಲಿ ಭದ್ರವಾಗಿದೆ. ಇಂದಿನ ಪಂದ್ಯದಲ್ಲೂ ದಿನೇಶ್​ ಕಾರ್ತಿಕ್ (Dinesh Karthik)​ ಅಬ್ಬರಿಸಿದರು. ಕೊನೆ ಓವರ್​ನಲ್ಲಿ ಅಬ್ಬರ ಬ್ಯಾಟಿಂಗ್​ ಮಾಡಿದರು.

ದಿನೇಶ್​ ಕಾರ್ತಿಕ್​ ಮುಂದೆ ತಲೆ ಬಾಗಿದ ಕೊಹ್ಲಿ!

ಕೊನೆಯಲ್ಲಿ ಸ್ಪೋಟಕ ಬ್ಯಾಟಿಂಗ್ ನಡೆಸಿದ ಗ್ಲೆನ್ ಮ್ಯಾಕ್ಸ್‌ವೆಲ್‌ 24 ಎಸೆತಗಳಲ್ಲಿ 33 ರನ್ ಬಾರಿಸಿದರೆ, ಜೀವದಾನದ ಅವಕಾಶವನ್ನು ಸಂಪೂರ್ಣವಾಗಿ ಬಳಸಿಕೊಂಡ ದಿನೇಶ್ ಕಾರ್ತಿಕ್ ಕೇವಲ 8 ಎಸೆತಗಳಲ್ಲಿ 1 ಬೌಂಡರಿ ಹಾಗೂ 4 ಸಿಕ್ಸರ್‌ ಸಹಿತ ಅಜೇಯ 30 ರನ್ ಬಾರಿಸುವ ಮೂಲಕ ತಂಡದ ಮೊತ್ತವನ್ನು 190ರ ಗಡಿ ದಾಟಿಸಿದರು. 19ನೇ ಓವರ್​ನಲ್ಲಿ 3 ಸಿಕ್ಸರ್​ ಹಾಗೂ ಒಂದು ಬೌಂಡರಿ ಬಾರಿಸುವ ಮೂಲಕ ಕೊನೆ ಓವರ್​ನಲ್ಲಿ 25 ರನ್​ ಗಳಿಸಿದರು. 20 ಓವರ್​ ಬಳಿಕ ದಿನೇಶ್​ ಕಾರ್ತಿಕ್​ ಆರ್​ಸಿಬಿ ವಿರಾಟ್​ ಕೊಹ್ಲಿ ಎದುರಾದರು. ಆರ್​ಸಿಬಿ ಡ್ರೆಸ್ಸಿಂಗ್​ ರೂಂನಲ್ಲಿ ವಿರಾಟ್ ದಿನೇಶ್​ ಕಾರ್ತಿಕ್​ ಬರ್ತಿದ್ದಂತೆ ತಲೆ ಬಾಗಿ ವೆಲ್​ಕಮ್​ ಮಾಡಿದ್ದಾರೆ.

pic.twitter.com/DsFW2kmG1b

— Diving Slip (@SlipDiving) May 8, 2022

ಇದಕ್ಕೆ ವಿರಾಟ್​  ಕೊಹ್ಲಿ ಎಲ್ಲರಿಗೂ ಇಷ್ಟ!

ಕಿಂಗ್​ ವಿರಾಟ್​ ಕೊಹ್ಲಿ ದಿನೇಶ್​ ಕಾರ್ತಿಕ್​ಗೆ ಬೋ ಮಾಡಿರುವ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ತ ಡಕ್​ಔಟ್​ ಆದಾಗ ಬೇಜಾರು ಮಾಡಿಕೊಂಡಿದ್ದ ವಿರಾಟ್​ ಕೊಹ್ಲಿ ಇತರೆ ಆಟಗಾರರು ಅಬ್ಬರಿಸುತ್ತಿದ್ದಂತೆ ಅವರನ್ನು ಪ್ರೋತ್ಸಾಹಿಸಿದರು. ಕೊನೆಗೆ ಬ್ಯಾಟಿಂಗ್​ ಮುಗಿಸಿ ಡೆಸ್ಸಿಂಗ್​ ರೂಂಗೆ ಬಂದ ದಿನೇಶ್​ ಕಾರ್ತಿಕ್ ಕಂಡು ವಿರಾಟ್​ ಕುಣಿದಾಡಿದ್ದಾರೆ. ಅಷ್ಟೇ ಅಲ್ಲದೇ ಅವರ ಮುಂದೆ ಬೋ ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.  ಇದಕ್ಕೆ ವಿರಾಟ್​ ನಮಗೆ ಇಷ್ಟವಾಗೋದು ಅಂತ ಫ್ಯಾನ್ಸ್​ ಕಮೆಂಟ್​ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಐಪಿಎಲ್​ ರಣರಂಗದಲ್ಲಿ ಹಸರಂಗ ಮ್ಯಾಜಿಕ್​! ಗೆದ್ದು ಬೀಗಿದ ಆರ್​ಸಿಬಿ, ಕಪ್​ ನಮ್ದೇ ಬಾಸ್​

ಆರ್​ಸಿಬಿ ಬೌಲರ್​ಗಳ ಮ್ಯಾಜಿಕ್​!

ಇಂದಿನ ಪಂದ್ಯದಲ್ಲಿ ಆರ್​ಸಿಬಿ ತಂಡ ಉತ್ತಮ ಆಟ ಪ್ರದರ್ಶಿಸಿದೆ. ಹಸರಂಗ 5 ವಿಕೆಟ್​ ಕಬಳಿಸಿದರೆ, ಹೇಜಲ್​ವುಡ್​ 2 ವಿಕೆಟ್ ಪಡೆದುಕೊಂಡರು. ಇನ್ನೂ ಗ್ಲೆನ್​ ಮ್ಯಾಕ್ಸ್​​ವೆಲ್​ 1 ವಿಕೆಟ್​, ಹರ್ಷಲ್​ ಪಟೇಲ್​ ತಲಾ ಒಂದು ವಿಕೆಟ್​ ಪಡೆದುಕೊಂಡರು. ಇನ್ನೂ ಹೇಜಲ್​ವುಡ್​ ಹಾಗೂ ಹಸರಂಗಗೆ ಹ್ಯಾಟಿಕೆ ವಿಕೆಟ್​ ಪಡೆಯವ ಅವಕಾಶ ಕೂಡ ಇತ್ತು.

ಇದನ್ನೂ ಓದಿ: ಸೂಪರ್​ ಡೂಪರ್​ ಡು ಪ್ಲೆಸಿಸ್​, ಕೊನೆಯಲ್ಲಿ ಡಿಕೆ ದರ್ಬಾರ್​! ಇದು ಆ್ಯಕ್ಚುಲಿ ಚೆನ್ನಾಗಿರೋದು

ಮತ್ತೆ ಡಕ್​ ಔಟ್​ ಆದ ವಿರಾಟ್​ ಕೊಹ್ಲಿ!

ಇನ್ನಿಂಗ್ಸ್ ಆರಂಭದ ಮೊದಲ ಎಸೆತದಲ್ಲೇ ವಿರಾಟ್​ ಕೊಹ್ಲಿ ಔಟಾಗಿದ್ದಾರೆ. ಇಂದಿನ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಅವರಿಂದ ಒಳ್ಳೆಯ ಇನ್ನಿಂಗ್ಸ್​ ನಿರೀಕ್ಷಿಸಲಾಗಿತ್ತು. ಆದರೆ, ವಿರಾಟ್ ಸುಚಿತ್​ ಎಸೆದ ಮೊದಲ ಬೌಲ್​ನಲ್ಲೇ ಹೈದರಾಬಾದ್​ ಸನ್​ರೈಸರ್ಸ್​ ತಂಡ ನಾಯಕ ಕೇನ್​ ವಿಲಿಯಮ್ಸನ್​ಗೆ ಕ್ಯಾಚ್​ ನೀಡಿ ಔಟ್​ ಆದರು. ಕಳೆದ ಪಂದ್ಯದಲ್ಲಿ ಆಕರ್ಷಕ ಅರ್ಧ ಶತಕ ಸಿಡಿಸಿದ್ದ ವಿರಾಟ್​ ಕೊಹ್ಲಿ, ಇಂದಿನ ಪಂದ್ಯದಲ್ಲಿ ಖಾತೆ ತೆರಯುವ ಮುನ್ನವೇ ಡಕ್​ ಔಟ್​ ಆಗಿದ್ದಾರೆ.