IPL 2022- ಐಪಿಎಲ್​ನಲ್ಲಿ 10 ಟೀಮ್, ಪ್ರತೀ ತಂಡಕ್ಕೆ 14 ಪಂದ್ಯ; ಹೇಗೆ ಸಾಧ್ಯ? ಟೂರ್ನಿ ಸ್ವರೂಪ ಏನು?

15th Season IPL format know how- ಈಗಿರುವ ಸ್ವರೂಪದಲ್ಲಿ ಆಡಿಸಿದರೆ ಒಟ್ಟು ಪಂದ್ಯಗಳ ಸಂಖ್ಯೆ ನೂರರ ಗಡಿ ಸಮೀಪಿಸುತ್ತದೆ. ಆದರೆ, 74 ಪಂದ್ಯಗಳಿಗೆ ಸೀಮಿತಗೊಳಿಸಲು ನಿರ್ಧರಿಸಲಾಗಿದೆ. ಹೀಗಾಗಿ, ಪಂದ್ಯಾವಳಿಯ ಸ್ವರೂಪದಲ್ಲಿ ಬದಲಾವಣೆ ಆಗಲಿದೆ.

ಐಪಿಎಲ್ 2021 ಚಾಂಪಿಯನ್ ಚೆನ್ನೈ ತಂಡ

ಐಪಿಎಲ್ 2021 ಚಾಂಪಿಯನ್ ಚೆನ್ನೈ ತಂಡ

  • Share this:
    ಮುಂಬೈ: ಈ ವರ್ಷದ ಐಪಿಎಲ್ ಸೀಸನ್ ಮುಗಿದ ಬೆನ್ನಲ್ಲೇ ಟಿ20 ವಿಶ್ವಕಪ್ ನಡೆಯುತ್ತಿದೆ. ಇದು ಮುಗಿದ ಕೂಡಲೇ ಮುಂದಿನ ವರ್ಷದ ಐಪಿಎಲ್​ನ ಹವಾ ಜೋರಾಗಲಿದೆ. ಈಗಾಗಲೇ ಎರಡು ಹೊಸ ತಂಡಗಳ ಸೇರ್ಪಡೆಯಾಗಿದೆ. ಡಿಸೆಂಬರ್​ನಲ್ಲಿ ಆಟಗಾರರ ಹರಾಜು ನಡೆಯಲಿದೆ. 2022ರ ಏಪ್ರಿಲ್ ತಿಂಗಳಲ್ಲಿ ಐಪಿಎಲ್​ನ 15ನೇ ಸೀಸನ್ ಪಂದ್ಯಾವಳಿ ಪ್ರಾರಂಭವಾಗುವ ನಿರೀಕ್ಷೆ ಇದೆ. ಹಾಲಿ ಇರುವ ಎಂಟು ತಂಡಗಳ ಜೊತೆ ಎರಡು ಹೊಸ ತಂಡಗಳು ಸೇರಿ ಒಟ್ಟು 10 ತಂಡಗಳು ಸ್ಪರ್ಧೆ ನಡೆಸುತ್ತವೆ.

    ಬಿಸಿಸಿಐ ಈಗಾಗಲೇ ಒಟ್ಟು ಪಂದ್ಯಗಳು ಎಷ್ಟು ಎಂಬುದನ್ನು ಫಿಕ್ಸ್ ಮಾಡಿದೆ. 2022ರ ಐಪಿಎಲ್​ನಲ್ಲಿ ಒಟ್ಟು 74 ಪಂದ್ಯಗಳನ್ನ ನಡೆಸಲು ನಿಶ್ಚಯಿಸಿದೆ. ಪ್ರತೀ ತಂಡ ಕೂಡ 14 ಪಂದ್ಯಗಳನ್ನ ಆಡಲಿವೆ. ತವರಿನಲ್ಲಿ ಏಳು, ಹೊರಗೆ ಮತ್ತೆ ಏಳು ಪಂದ್ಯಗಳು ಪ್ರತೀ ತಂಡಕ್ಕೂ ಸಿಗಲಿವೆ ಎಂದು ಬಿಸಿಸಿಐ ಹೇಳಿದೆ.

    ಮಾಮೂಲಿಯಾಗಿ ಎಂಟು ತಂಡಗಳು ಇದ್ದಾಗ ಪ್ರತೀ ತಂಡ 14 ಪಂದ್ಯಗಳನ್ನ ಆಡಿತ್ತು. ಈಗ 10 ತಂಡ ಇದ್ದಾಗಲೂ 14 ಪಂದ್ಯಗಳು ಹೇಗೆ ಸಾಧ್ಯ ಎಂಬ ಸಂದೇಹ ಮೂಡಬಹುದು. ಹಿಂದಿನ ಸ್ವರೂಪದಲ್ಲೇ ಪಂದ್ಯಗಳನ್ನ ನಡೆಸಿದರೆ ಹೆಚ್ಚೂಕಡಿಮೆ ನೂರು ಪಂದ್ಯಗಳಾಗುತ್ತವೆ. ಆದರೆ, 2022ರ ಐಪಿಎಲ್​ಗೆ ಪಂದ್ಯಗಳ ಸಂಖ್ಯೆಯನ್ನ 74ಕ್ಕೆ ಸೀಮಿತಗೊಳಿಸಲಾಗಿದೆ. ಇದು ಹೇಗೆ ಸಾಧ್ಯ ಎಂಬುದಕ್ಕೆ ನಾವು 2011ರ ಐಪಿಎಲ್​ನಿಂದ ಸುಳಿವು ಪಡೆಯಬಹುದು. 2011ರ ಐಪಿಎಲ್​ನಲ್ಲೂ ಹತ್ತು ತಂಡಗಳು ಇದ್ದವು. ಆಗ ಕೊಚ್ಚಿ ಟಸ್ಕರ್ಸ್ ಮತ್ತು ಪುಣೆ ವಾರಿಯರ್ಸ್ ತಂಡಗಳು ಹೆಚ್ಚುವರಿಯಾಗಿ ಸೇರ್ಪಡೆಯಾಗಿದ್ದವು. ಆ ವರ್ಷದ ಟೂರ್ನಿಯ ಸ್ವರೂಪವನ್ನ ಈ ಬಾರಿ ಅಳವಡಿಸಿಕೊಂಡರೆ 2022ರ ಐಪಿಎಲ್​ನ ಪಂದ್ಯಗಳ ಸ್ವರೂಪ ಈ ಕೆಳಕಂಡಂತೆ ಇರಲಿದೆ.

    ಇದನ್ನೂ ಓದಿ: T20 Rankings: ಇಂಗ್ಲೆಂಡ್, ಮಲನ್, ಶಮ್ಸಿ, ಶಾಕಿಬ್ ನಂ.1; ಭಾರತದ ಟಿ20 ಟಾಪರ್ಸ್ ಯಾರು? ಇಲ್ಲಿದೆ ಪಟ್ಟಿ

    ಐಪಿಎಲ್ 2022 ಪಂದ್ಯಾವಳಿ ಸ್ವರೂಪ:

    ಮುಂದಿನ ವರ್ಷ ಒಟ್ಟು 10 ತಂಡಗಳಿವೆ. ಇದನ್ನ ಐದೈದು ತಂಡಗಳಂತೆ ಎರಡು ಗುಂಪುಗಳಾಗಿ ವಿಭಜಿಸಲಾಗುತ್ತದೆ. ಉದಾಹರಣೆಗೆ, ಎ ಗುಂಪಿನಲ್ಲಿ ಬೆಂಗಳೂರು, ಮುಂಬೈ, ಅಹ್ಮದಾಬಾದ್, ರಾಜಸ್ಥಾನ್ ಮತ್ತು ಡೆಲ್ಲಿ ತಂಡಗಳು ಇರಲಿವೆ. ಬಿ ಗುಂಪಿನಲ್ಲಿ ಚೆನ್ನೈ, ಕೋಲ್ಕತಾ, ಪಂಜಾಬ್, ಹೈದರಾಬಾದ್ ಮತ್ತು ಲಕ್ನೋ ತಂಡಗಳು ಇರಲಿವೆ ಎಂದಿಟ್ಟುಕೊಳ್ಳೋಣ.

    ಈಗ ಬೆಂಗಳೂರು ತಂಡ ತನ್ನ ಎ ಗುಂಪಿನಲ್ಲಿ ಜೊತೆಯಲ್ಲಿರುವ ಇತರ ನಾಲ್ಕು ತಂಡಗಳ ಜೊತೆ ಎರಡೆರಡು ಪಂದ್ಯಗಳನ್ನ ಆಡುತ್ತದೆ. ಅಂದರೆ ತವರಿನಲ್ಲಿ ನಾಲ್ಕು, ಹೊರಗೆ ನಾಲ್ಕು ಹೀಗೆ ಎಂಟು ಪಂದ್ಯಗಳಾಗುತ್ತವೆ.

    ಬಳಿಕ ಬಿ ಗುಂಪಿನಿಂದ ಯಾದೃಚ್ಛಿಕವಾಗಿ (Randomly) ಆರಿಸಲಾದ ಒಂದು ತಂಡದ ಜೊತೆ ಆರ್​ಸಿಬಿ ಎರಡು ಪಂದ್ಯವಾಡುತ್ತದೆ. ಈಗ ಆರ್​ಸಿಬಿ ಪಂದ್ಯಗಳ ಸಂಖ್ಯೆ 10 ಆಯಿತು.

    ಇದನ್ನೂ ಓದಿ: T20 World Cup 2021 Schedule | ಟಿ20 ವಿಶ್ವಕಪ್ ವೇಳಾಪಟ್ಟಿ; ಭಾರತದ ಪಂದ್ಯಗಳು ಇತ್ಯಾದಿ ಎಲ್ಲಾ ಮಾಹಿತಿ

    ನಂತರ, ಅದೇ ಗುಂಪಿನಲ್ಲಿ ಉಳಿದ ನಾಲ್ಕು ತಂಡಗಳ ಜೊತೆ ಆರ್​ಸಿಬಿ ಒಂದೊಂದು ಪಂದ್ಯ ಆಡುತ್ತದೆ. ಇದರಲ್ಲಿ ತವರಿನಲ್ಲಿ ಎರಡು, ಹೊರಗೆ ಎರಡು ಪಂದ್ಯಗಳು ಸಿಗುತ್ತವೆ. ಅಲ್ಲಿಗೆ ಆರ್​ಸಿಬಿಗೆ ಲೀಗ್ ಹಂತದಲ್ಲಿ ಸಿಗುವ ಪಂದ್ಯಗಳು 14 ಆದಂತಾಗುತ್ತದೆ.

    ಎಲ್ಲಾ 10 ತಂಡಗಳಿಗೂ ಇದೇ ಅನ್ವಯ ಆಗುತ್ತದೆ. ಆದರೆ, ಎರಡೂ ಗುಂಪು ಸೇರಿ ಅಂಕಪಟ್ಟಿ ಸಿದ್ಧವಾಗುತ್ತದೆ. ಮಾಮೂಲಿಯ ರೀತಿಯಲ್ಲಿ ಪ್ಲೇ ಆಫ್ ನಿರ್ಧಾರ ಮಾಡಬಹುದು. ಮೊದಲೆರಡು ಸ್ಥಾನ ಪಡೆದ ತಂಡಗಳು ಕ್ವಾಲಿಫಯರ್​ಗೆ ಆಯ್ಕೆ ಆಗುತ್ತವೆ. ಮೂರು ಮತ್ತು ನಾಲ್ಕನೇ ಸ್ಥಾನ ಪಡೆದ ತಂಡಗಳು ಎಲಿಮಿನೇಟರ್ ಆಡುತ್ತವೆ.
    Published by:Vijayasarthy SN
    First published: