• Home
  • »
  • News
  • »
  • ipl
  • »
  • IPL 2021: ಐಪಿಎಲ್ ತಂಡದ ನಾಯಕನಾದ ಐದನೇ ಕನ್ನಡಿಗ ಮಯಾಂಕ್..!

IPL 2021: ಐಪಿಎಲ್ ತಂಡದ ನಾಯಕನಾದ ಐದನೇ ಕನ್ನಡಿಗ ಮಯಾಂಕ್..!

mayank agarwal

mayank agarwal

ಮಯಾಂಕ್ ಅಗರ್ವಾಲ್ ಕೂಡ ನಾಯಕನ ಪಟ್ಟ ಅಲಂಕರಿಸುವ ಮೂಲಕ ಐಪಿಎಲ್​ ತಂಡವನ್ನು ಮುನ್ನಡೆಸಿದ 5ನೇ ಕನ್ನಡಿಗ ಎನಿಸಿಕೊಂಡಿದ್ದಾರೆ.

  • Share this:

    ಐಪಿಎಲ್ ಸೀಸನ್​ 14 ಮಧ್ಯೆದಲ್ಲಿ ಪಂಜಾಬ್ ಕಿಂಗ್ಸ್​ ನಾಯಕನ ಬದಲಾವಣೆಯಾಗಿತ್ತು. ತಂಡದ ನಾಯಕನಾಗಿದ್ದ ಕೆಎಲ್ ರಾಹುಲ್ ಅಪೆಂಡಿಕ್ಸ್ ಸಮಸ್ಯೆಯಿಂದ ಬಳಲುತ್ತಿದ್ದು, ಹೀಗಾಗಿ ಅವರು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಉಳಿದ ಪಂದ್ಯಗಳಿಗೆ ರಾಹುಲ್ ಅಲಭ್ಯರಾಗಿದ್ದರು. ಇದೇ ಕಾರಣದಿಂದ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ದದ ಪಂದ್ಯದ ವೇಳೆ ಹಂಗಾಮಿ ನಾಯಕನಾಗಿ ಮಯಾಂಕ್ ಅಗರ್ವಾಲ್ ಅವರನ್ನು ನೇಮಿಸಲಾಗಿತ್ತು. ಇದರೊಂದಿಗೆ ಐಪಿಎಲ್​ನಲ್ಲಿ ಮತ್ತೋರ್ವ ಕನ್ನಡಿಗನಿಗೆ ನಾಯಕನ ಪಟ್ಟ ಒಲಿದಂತಾಗಿದೆ.


    ಇದುವರೆಗೆ ಇಂಡಿಯನ್​ ಪ್ರೀಮಿಯರ್ ಲೀಗ್​ನಲ್ಲಿ ನಾಲ್ವರು ಕನ್ನಡಿಗರು ವಿವಿಧ ತಂಡಗಳನ್ನು ಮುನ್ನಡೆಸಿದ್ದರು. ಅದರಲ್ಲೂ ಆರ್​ಸಿಬಿ ತಂಡಕ್ಕೆ ಈ ಹಿಂದೆ ಇಬ್ಬರು ಕನ್ನಡಿಗರು ಸಾರಥ್ಯವಹಿಸಿದ್ದರು. ರಾಹುಲ್ ದ್ರಾವಿಡ್ ಆರ್​ಸಿಬಿ ತಂಡವನ್ನು ಚೊಚ್ಚಲ ಬಾರಿ ಮುನ್ನಡೆಸಿದರೆ, ಆ ಬಳಿಕ ಅನಿಲ್ ಕುಂಬ್ಳೆ ಸಾರಥಿಯಾಗಿದ್ದರು. ಇದಾದ ಬಳಿಕ ದ್ರಾವಿಡ್ ರಾಜಸ್ಥಾನ್ ರಾಯಲ್ಸ್​ ತಂಡಕ್ಕೆ ಕ್ಯಾಪ್ಟನ್ ಆಗಿದ್ದರು. ಅಷ್ಟೇ ಅಲ್ಲದೆ 2017 ರಲ್ಲಿ ಕರುಣ್ ನಾಯರ್ ಡೆಲ್ಲಿ ಡೇರ್ ಡೇವಿಲ್ಸ್​ ತಂಡವನ್ನು ಮುನ್ನಡೆಸಿದ್ದರು. ಇದಾದ ಬಳಿಕ ಕೆಎಲ್ ರಾಹುಲ್ ಪಂಜಾಬ್ ತಂಡದ ನಾಯಕರಾಗಿ ಆಯ್ಕೆಯಾಗಿದ್ದರು.



    ಇದೀಗ ಮಯಾಂಕ್ ಅಗರ್ವಾಲ್ ಕೂಡ ನಾಯಕನ ಪಟ್ಟ ಅಲಂಕರಿಸುವ ಮೂಲಕ ಐಪಿಎಲ್​ ತಂಡವನ್ನು ಮುನ್ನಡೆಸಿದ 5ನೇ ಕನ್ನಡಿಗ ಎನಿಸಿಕೊಂಡಿದ್ದಾರೆ. ಇನ್ನು ಪಂಜಾಬ್ ಕಿಂಗ್ಸ್ ತಂಡದ ನಾಯಕನಾಗಿ ಪಾದಾರ್ಪಣೆ ಮಾಡಿದ ಪಂದ್ಯದಲ್ಲೇ ಮಯಾಂಕ್ ಅಗರ್ವಾಲ್ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ದ ಭಾನುವಾರ ನಡೆದ ಪಂದ್ಯದಲ್ಲಿ ಮಯಾಂಕ್ ಕೇವಲ 58 ಎಸೆತಗಳಲ್ಲಿ ಅಜೇಯ 99 ರನ್​ ಬಾರಿಸಿದ್ದರು.

    ಇದಾಗ್ಯೂ ಈ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ಸೋಲನುಭವಿಸಿತು. ಆದರೆ ಅತ್ತ ನಾಯಕನಾಗಿ ಪಾದಾರ್ಪಣೆ ಮಾಡಿದ ಪಂದ್ಯದಲ್ಲೇ ಪ್ಲೇಯರ್ ಆಫ್ ದಿ ಮ್ಯಾಚ್ ಪಡೆದು ಮಯಾಂಕ್ ಅಗರ್ವಾಲ್ ಮಿಂಚಿದ್ದರು.

    Published by:zahir
    First published: