IPL 2021 CSK vs Dc: ಡೆಲ್ಲಿ ಕ್ಯಾಪಿಟಲ್​ಗೆ 188 ರನ್ಸ್ ಟಾರ್ಗೆಟ್ ನೀಡಿದ ಮಾಹಿ ಪಡೆ!

2021ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಪ್ರಾರಂಭವಾಗಿದ್ದು, ಇಂದು ಮುಂಬೈನ ವಾಂಖೆಡೆ ಮೈದಾನದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್​ ನಡುವೆ  ಪಂದ್ಯ ನಡೆಯುತ್ತಿದೆ. ಮೊದಲು ಟಾಸ್​ ಗೆದ್ದ ಕ್ಯಾಪಿಟಲ್​​ ತಂಡ ಬೌಲಿಂಗ್​ ಆಯ್ಕೆ ಮಾಡಿದೆ. 

ಇತ್ತ ಸಿಎಸ್​ಕೆ ತಂಡ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದ ಫಾಫ್​ ಡು ಪ್ಲೇಸಿಸ್​ ಮತ್ತು ರುತುರಾಜ್ ಗಾಯಕವಾಡ್ ಮೇಲೆ ಭಾರೀ ನಿರೀಕ್ಷೆ ಇತ್ತಾದರು. ಕ್ರಿಸ್​ ಮೋಕ್ಸ್​ ಎಸೆದ ಮೊದಲ ಓವರ್​ನಲ್ಲೇ ಸೊನ್ನೆ ಮೊತ್ತಕ್ಕೆ ಡು ಪ್ಲೇಸಿಸ್​ ವಿಕೆಟ್​ ಒಪ್ಪಿಸಿದರು. ನಂತರ ಅವೇಶ್​ ಖಾನ್​ ಎಸೆದ  3ನೇ ಎಸೆತಕ್ಕೆ ರುತುರಾಜ್ ಗಾಯಕವಾಡ್ (5) ಅವರು ಶಿಖರ್​ ಧವನ್​ಗೆ ಕ್ಯಾಚ್​ ನೀಡಿ ಪೆವಿಲಿಯನತ್ತ ನಡೆದರು.

ನಂತರ ಇವರಿಬ್ಬರ ಜಾಗ ತುಂಬಲು ಮೊಯಿನ್​ ಆಲಿ ಮತ್ತು ಸುರೇಶ್​ ರೈನಾ ಕ್ರೀಸ್​ಗೆ ಬಂದರು.  ತಂಡಕ್ಕೆ ರನ್​ಗಳ ಮೊತ್ತ ಏರಿಸುವಲ್ಲಿ ಇಬ್ಬರು ಮುಂದಾದರು. ಅಶ್ವಿನ್​ ಸ್ವಿನ್​ ಮೋಡಿಯ ಮೂಲಕ ವಿಕೆಟ್​ ಕಬಳಿಸುವ ತಂತ್ರ ನಡೆಸಿದರಾದರೆ ಮೊಯಿನ್​ ಆಲಿ ಅವರ ಎಸೆತವನ್ನು ಗಮನಿಸಿ ಎರಡು ಸಿಕ್ಸ್​ ಬಾರಿಸಿದರು. ಆದರೆ ಮೂರನೇ ಸಿಕ್ಸ್​ ಬಾರಿಸುವ ಸಮಯಕ್ಕೆ ಶಿಖರ್​ಗೆ ಕ್ಯಾಚ್​ ನೀಡಿ ಮೊಯಿನ್​ (36) ಔಟ್​ ಆದರು.

ಮೊಯಿನ್​ ಆಲಿ ನಂತರ ಅಂಬಟಿ ರಾಯುಡು ಕಣಕ್ಕಿಳಿದರು. ಆದರೆ ಒಂದೆಡೆ ತಂಡಕ್ಕೆ ಆರಂಭಿಕ ಆಘಾತ ಮತ್ತೊಂದೆಡೆ ತಂಡಕ್ಕೆ ಹೆಚ್ಚಿನ ರನ್​ಗಳ ಅವಶ್ಯಕತೆ ಇದ್ದ ಕಾರಣ ಸುರೇಶ್​ ರೈನಾ ಅವರು ತಂಡದ ಮೊತ್ತವನ್ನು ಸೇರಿಸಲು ಮುಂದಾದರು. ಅವರಿಗೆ ಸರಿಯಾಗಿ ರಾಯುಡು ಸಾಥ್​ ನೀಡಿದರು. ಕ್ರೀಸ್​ನಲ್ಲಿ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಕಾರಣ ಟಾಮ್ ಕುರ್ರನ್ ಎಸೆದ ಎಸೆತಕ್ಕೆ ಶಿಖರ್​ಗೆ ಕ್ಯಾಚ್​ ನೀಡುವ ಮೂಲಕ ರಾಯುಡು (23) ಔಟ್​ ಆದರು. ಇದರ ಮಧ್ಯದಲ್ಲಿ. ರೈನಾ 3 ಬೌಂಡರಿ, 4 ಸಿಕ್ಸ್​ ಬಾರಿಸುವ ಮೂಲಕ ಅರ್ಧ ಶತಕ ಪೂರೈಸಿದರು. ಆ ಬಳಿಕ ರೈನಾ (54) ರನ್​ ಔಟ್​ ಆಗುವ ಮೂಲಕ ಕ್ರಿಸ್​ವೋಕ್ಸ್​ಗೆ ವಿಕೆಟ್​ ಒಪ್ಪಿಸಿದರು.

ರೈನಾ ಬಳಿಕ ಬಂದ ನಾಯಕ ಧೋನಿ ಮೇಲೆ ಭಾರಿ ನೀರಿಕ್ಷೆಯಿತ್ತಾದರು. ಅವೇಶ್​ ಖಾನ್​ರ ಅವೇಶಭರಿತ​ ಎಸೆತಕ್ಕೆ ಮಾಹಿ ಸೊನ್ನೆಗೆ  ಔಟ್​ ಆದರು. ನಂತರ ಜಡೇಜಾಗೆ ಜೊತೆಯಾಗಿ ನಿಲ್ಲಲು ಸ್ಯಾಮ್​ ಕುರ್ರಾನ್​ ಕ್ರೀಸ್​ಗೆ ಬಂದರು. ಅತ್ತ ಸಹೋದರ ಟಾಮ್​ ಕುರ್ರಾನ್​ ಎಸೆದ ಎಸೆತವನ್ನು ಒಂದೊಂದರಂತೆ ಪೆವಿಲಿಯನತ್ತ ಅಟ್ಟಿದರು. ಹೀಗೆ 4 ಬೌಂಡರಿ, 2 ಸಿಕ್ಸ್​ ಬಾರಿಸುವ ಮೂಲಕ ಸ್ಯಾಮ್​ (34) ಔಟ್​ ಆದರೆ. ಜಡೇಜಾ(26) ಮೂರು ಬೌಂಡರಿ ಬಾರಿಸುವ ಮೂಲಕ ಡೆಲ್ಲಿ ತಂಡಕ್ಕೆ 188 ರನ್​ಗಳ  ಟಾರ್ಗೆಟ್ ನೀಡಿದರು......(ಮುಂದುವರಿಯುತ್ತದೆ)

CSK Run: 188/7

ಚೆನ್ನೈ ತಂಡದಲ್ಲಿ ಆಡಲಿರುವ ಸಂಭಾವ್ಯ ಆಟಗಾರರು;

ರುತುರಾಜ್ ಗಾಯಕವಾಡ್, ಅಂಬಾಟಿ ರಾಯುಡು, ಫಾಫ್ ಡು ಪ್ಲೆಸಿಸ್, ಸುರೇಶ್ ರೈನಾ, ಎಂ.ಎಸ್.ಧೋನಿ (ನಾಯಕ), ಮೊಯೀನ್ ಅಲಿ, ರವೀಂದ್ರ ಜಡೇಜಾ, ಸ್ಯಾಮ್ ಕುರ್ರನ್, ಡ್ವೇನ್ ಬ್ರಾವೋ, ಶಾರ್ದುಲ್ ಠಾಕೂರ್, ದೀಪಕ್ ಚಹರ್

ಡೆಲ್ಲಿ ಕ್ಯಾಪಿಟಲ್ಸ್​ ತಂಡದಲ್ಲಿ ಆಡಲಿರುವ ಸಂಭಾವ್ಯ ಆಟಗಾರರು;

ಶಿಖರ್ ಧವನ್, ಪೃಥ್ವಿ ಶಾ, ಅಜಿಂಕ್ಯ ರಹಾನೆ, ರಿಷಭ್ ಪಂತ್ (ನಾಯಕ), ಮಾರ್ಕಸ್ ಸ್ಟೋಯಿನಿಸ್, ಶಿಮ್ರಾನ್ ಹೆಟ್ಮಿಯರ್, ಕ್ರಿಸ್ ವೋಕ್ಸ್, ರವಿಚಂದ್ರನ್ ಅಶ್ವಿನ್, ಟಾಮ್ ಕುರ್ರನ್, ಅಮಿತ್ ಮಿಶ್ರಾ, ಅವೇಶ್ ಖಾನ್

ಪಿಚ್​ ಹೇಗಿದೆ?

ಮುಂಬೈನ ವಾಂಖೆಡೆ ಮೈದಾನವು ಬ್ಯಾಟಿಂಗ್​ ಮಾಡಲು ಯೋಗ್ಯವಾಗಿದ್ದರು, 200ಕ್ಕಿಂತ ಹೆಚ್ಚಿನ ರನ್​ ನಿರೀಕ್ಷಿಸುವು ಕಷ್ಟಕರ. ಮತ್ತೊಂದೆಡೆ ಸ್ಪಿನ್​ ಬೌಲಿಂಗ್​ ಮಾಡಲು ಅಷ್ಟೇನು ಯೋಗ್ಯವಾಗಿಲ್ಲ. 30 ಡಿಗ್ರಿ ಸೆಲ್ಸಿಯಸ್​ ತಾಪಮಾನದಲ್ಲಿ ಆಟಗಾರರ ಪರಿಸ್ಥಿತಿ ಹೇಗೆಂದು ಪಂದ್ಯದ ವೇಳೆ ಗೊತ್ತಾಗಲಿದೆ.

ಎರಡು ತಂಡಗಳು ಬಲಿಷ್ಠ ಆಟಗಾರರನ್ನು ಹೊಂದಿದ್ದಾರೆ. ಚೆನ್ನೈ ಸೂಪರ್​​ ಕಿಂಗ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಬ್ರಾಂಡ್​ ವ್ಯಾಲ್ಯೂ ಗಮನಿಸಿದಾಗ ಸಿಎಸ್​ಕೆ ತಂಡ ಶೇ 59.8ರಷ್ಟನ್ನು ಹೊಂದಿದೆ. ಅಂತೆಯೇ ರಿಷಭ್​ ಪಂತ್ ತಂಡ ಶೇ.52.2 ರಷ್ಟನ್ನು ಹೊಂದಿದೆ.

2009ರಿಂದ 2020ರವರೆಗೆ ಈ ಎರಡು ತಂಡಗಳ ಬೆಳವಣೆಗೆಯನ್ನು ಗಮನಿಸುದಾದರೆ ಚೆನ್ನೈ ತಂಡ ಶೇ 53 ರಷ್ಟು ಬೆಳವಣಿಗೆ ಕಂಡು ಮುನ್ನುಗ್ಗುತ್ತಿದೆ. ಡೆಲ್ಲಿ ತಂಡ ಶೇ 33 ರಷ್ಟಿದ್ದು ಸಾಗುತ್ತಿದೆ.