IPL2021: ಇಂದು ಚೆನ್ನೈ ಸೂಪರ್​ ಕಿಂಗ್ಸ್​ vs ಡೆಲ್ಲಿ ಕ್ಯಾಪಿಟಲ್ಸ್​​ ಕದನ; ಯಾರ ಪಾಲಿಗೆ ಒಲಿಯಲಿದೆ ಜಯ?

2021ರ ಐಪಿಎಲ್​ ಸಡಗರ ಪ್ರಾರಂಭವಾಗಿದೆ. ನಿನ್ನೆ ಮುಂಬೈ ಇಂಡಿಯನ್ಸ್​ ಮತ್ತು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ನಡುವಿನ ಮೊದಲ ರೋಚಕ ಹಣಾಹಣಿ ನಡೆದಿದ್ದು, ಅದರಲ್ಲಿ ಆರ್​ಸಿಬಿ ಗೆದ್ದು ಬೀಗಿದೆ. ಇಂದು ಚೆನ್ನೈ ಸೂಪರ್​ ಕಿಂಗ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ನಡುವಿನ ಪಂದ್ಯಾಟ ನಡೆಯಲಿದೆ. 7;30ಕ್ಕೆ ಪಂದ್ಯ ಪ್ರಾರಂಭವಾಗಲಿದ್ದು, ವಾಂಖೆಡೆ ಸ್ಟೇಡಿಯಂನಲ್ಲಿ 2 ತಂಡಗಳು ಪ್ರದರ್ಶನ ತೋರಿಸಲಿದೆ.

ಧೋನಿ ನಾಯಕತ್ವದ ಚೆನ್ನೈ ತಂಡ ಒಂದೆಡೆಯಾದರೆ ಇತ್ತ ​ ಡೆಲ್ಲಿ ಕ್ಯಾಪಿಟಲ್ಸ್​ ತಂಡವನ್ನು ರಿಷಭ್​ ಪಂತ್​ ಮುನ್ನಡೆಸುತ್ತಿದ್ದಾರೆ. ಕೊರೋನಾ ನಡುವೆಯೂ ಭಾರಿ ನೀರೀಕ್ಷೆ ಮೂಡಿಸಿರುವ ಪಂದ್ಯ ಇದಾಗಿಲಿದೆ ಎಂದು ಅಭಿಮಾನಿಗಳು ಅಂದುಕೊಳ್ಳುತ್ತಿದ್ದಾರೆ.

ಪಂದ್ಯ ಪ್ರಾರಂಭದ ಸಮಯ: 7:30 ಸಂಜೆ

ಮೈದಾನ: ಮುಂಬೈನ ವಾಂಖೆಡೆ ಸ್ಟೇಡಿಯಂ

ಅಂಪೈರ್​: ವೀರೇಂದ್ರ ಶರ್ಮಾ, ಅನಿಲ್ ಕುಮಾರ್ ಚೌಧರಿ

ಥರ್ಡ್​ ಅಂಪೈರ್​: ಸುಂದರಾಮ್​ ರವಿ

ಚೆನ್ನೈ ತಂಡದಲ್ಲಿ ಆಡಲಿರುವ ಸಂಭಾವ್ಯ ಆಟಗಾರರು;

ರುತುರಾಜ್ ಗಾಯಕವಾಡ್, ರಾಬಿನ್ ಉತ್ತಪ್ಪ / ಅಂಬಾಟಿ ರಾಯುಡು, ಫಫ್ ಡು ಪ್ಲೆಸಿಸ್, ಸುರೇಶ್ ರೈನಾ, ಎಂ.ಎಸ್.ಧೋನಿ, ಮೊಯೀನ್ ಅಲಿ, ಸ್ಯಾಮ್ ಕುರ್ರನ್, ರವೀಂದ್ರ ಜಡೇಜಾ, ಶಾರ್ದುಲ್ ಠಾಕೂರ್, ದೀಪಕ್ ಚಹರ್, ಇಮ್ರಾನ್ ತಾಹಿರ್

ಡೆಲ್ಲಿ ಕ್ಯಾಪಿಟಲ್ಸ್​ ತಂಡದಲ್ಲಿ ಆಡಲಿರುವ ಸಂಭಾವ್ಯ ಆಟಗಾರರು;

ಪೃಥ್ವಿ ಶಾ, ಶಿಖರ್ ಧವನ್, ಅಜಿಂಕ್ಯ ರಹಾನೆ, ರಿಷಭ್ ಪಂತ್, ಮಾರ್ಕಸ್ ಸ್ಟೋನಿಸ್, ಶಿಮ್ರಾನ್ ಹೆಟ್ಮಿಯರ್ / ಸ್ಯಾಮ್ ಬಿಲ್ಲಿಂಗ್ಸ್, ಕ್ರಿಸ್ ವೋಕ್ಸ್ / ಟಾಮ್ ಕುರ್ರನ್, ರವಿಚಂದ್ರನ್ ಅಶ್ವಿನ್, ಪ್ರವೀಣ್ ದುಬೆ / ಅಮಿತ್ ಮಿಶ್ರಾ, ಇಶಾಂತ್ ಶರ್ಮಾ, ಉಮೇಶ್ ಯಾದವ್

ಪಿಚ್​ ಹೇಗಿದೆ?

ಮುಂಬೈನ ವಾಂಖೆಡೆ ಮೈದಾನವು ಬ್ಯಾಟಿಂಗ್​ ಮಾಡಲು ಯೋಗ್ಯವಾಗಿದ್ದರು, 200ಕ್ಕಿಂತ ಹೆಚ್ಚಿನ ರನ್​ ನಿರೀಕ್ಷಿಸುವು ಕಷ್ಟಕರ. ಮತ್ತೊಂದೆಡೆ ಸ್ಟಿನ್​ ಬೌಲಿಂಗ್​ ಮಾಡಲು ಅಷ್ಟೇನು ಯೋಗ್ಯವಾಗಿಲ್ಲ. 30 ಡಿಗ್ರಿ ಸೆಲ್ಸಿಯಸ್​ ತಾಪಮಾನದಲ್ಲಿ ಆಟಗಾರರ ಪರಿಸ್ಥಿತಿ ಗೊತ್ತಾಗಲಿದೆ.

ಆದರೆ ಚೆನ್ನೈ ತಂಡದ ಬ್ಯಾಟ್ಸ್​ಮನ್​ ಫಾಫ್​ ಡು ಪ್ಲೆಸಿಸ್​ ಮೇಲೆ ಭಾರಿ ನಿರೀಕ್ಷೆ ಕಾಣುತ್ತಿದೆ. ಅತ್ತ ಡೆಲ್ಲಿ ತಂಡದಲ್ಲಿ ಬೌಲರ್​ ಅಶ್ವಿನ್​ ಮೇಲೂ ನಿರೀಕ್ಷೆಯಿದೆ. ಇಂದಿನ ವಾಂಖೆಡೆ ಮೈದಾನದ ಪಿಚ್​ ಸ್ಟೀನ್ ಮಾಡಲು ಯೋಗ್ಯವಾಗಿಲ್ಲವಾಗಿದ್ದರು. ಅವರ ಅನುಭವದಿಂದ ತಂಡದ ದಿಕ್ಕನ್ನು ಬದಲಾಯಿಸುವ ಸಾಮರ್ಥ್ಯ ಅವರಲ್ಲಿದೆ.

ಇತ್ತಂಡಗಳ ಮುಖಾಮುಖಿಯಲ್ಲಿ ಯಾವ ತಂಡ ಎಷ್ಟು ಬಾರಿ ಜಯ ಗಳಿಸಿದೆ?

ಚೆನ್ನೈ ಸೂಪರ್​ ಕಿಂಗ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ 23 ಪಂದ್ಯಗಳನ್ನು ಎದುರಿಸಿದೆ. ಅದರಲ್ಲಿ 15 ಬಾರಿ ಸಿಎಸ್​ಕೆ ಜಯ ಸಾಧಿಸಿದರೆ. ಡೆಲ್ಲಿ ಕ್ಯಾಪಿಟಲ್ಸ್​ 8 ಬಾರಿ ಜಯ ಸಾಧಿಸಿದೆ.

ಇಂದಿನ ಜಯ ಯಾರ ಪಾಲಿಗೆ?

ಎರಡು ತಂಡಗಳು ಬಲಿಷ್ಠ ಆಟಗಾರರನ್ನು ಹೊಂದಿದ್ದಾರೆ. ಚೆನ್ನೈ ಸೂಪರ್​​ ಕಿಂಗ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಬ್ರಾಂಡ್​ ವ್ಯಾಲ್ಯೂ ಗಮನಿಸಿದಾಗ ಸಿಎಸ್​ಕೆ ತಂಡ ಶೇ 59.8ರಷ್ಟನ್ನು ಹೊಂದಿದೆ. ಅಂತೆಯೇ ರಿಷಭ್​ ಪಂತ್ ತಂಡ ಶೇ.52.2 ರಷ್ಟನ್ನು ಹೊಂದಿದೆ.

2009ರಿಂದ 2020ರವರೆಗೆ ಈ ಎರಡು ತಂಡಗಳ ಬೆಳವಣೆಗೆಯನ್ನು ಗಮನಿಸುದಾದರೆ ಚೆನ್ನೈ ತಂಡ ಶೇ. 53 ರಷ್ಟು ಬೆಳವಣಿಗೆ ಕಂಡು ಮುನ್ನುಗ್ಗುತ್ತಿದೆ. ಡೆಲ್ಲಿ ತಂಡ ಶೇ.33 ರಷ್ಟಿದ್ದು ಸಾಗುತ್ತಿದೆ.

ಚೆನ್ನೈ ತಂಡ ಅಸಖ್ಯಾಂತ ಅಭಿಮಾನಿಒ ಬಳಗವನ್ನು ಹೊಂದಿದೆ. ಅತ್ತ ಡೆಲ್ಲಿ ತಂಡದಲ್ಲಿರುವ ಅಶ್ವಿನ್​ ಮೂಲತಃ ಚೆನ್ನೈನವರಾಗಿದ್ದು ಅವರಿಗೂ ಅಷ್ಟೇ ಅಭಿಮಾನಿಗಳಿದ್ದಾರೆ. ಹಾಗಾಗಿ ಯಾವ ತಂಡ ಜಯ ಸಾಧಿಸಲಿದ್ದಾರೆ ಎಂಬುದು ಪಂದ್ಯದ ಕೊನೆಯಲ್ಲಿ ಗೊತ್ತಾಗಲಿದೆ.