IPL

  • associate partner
HOME » NEWS » Ipl » IPL 2020 SRH VS RCB VIRAT KOHLI SLEDGES MANISH PANDEY ON THE FIELD SRH BATSMAN GIVES IT BACK IN STYLE WATCH VIDEO VB

SRH vs RCB: ಇವತ್ತು ಇವನ ಆಟ ನಡೆಯಲ್ಲ: ಕಿರಿಕ್ ಮಾತಾಡಿದ ಕೊಹ್ಲಿಗೆ ಪಾಂಡೆ ಕೊಟ್ಟ ರಿಪ್ಲೈ ನೀವೇ ನೋಡಿ!

Manish Pandey: ಮೂರನೇ ಓವರ್​ನ ಮೊಹಮ್ಮದ್ ಸಿರಾಜ್ ಬೌಲಿಂಗ್​ನ ಎರಡನೇ ಎಸೆತದಲ್ಲಿ ಮನೀಶ್ ಪಾಂಡೆಗೆ ರನ್ ಕಲೆಹಾಕಲು ಸಾಧ್ಯವಾಗಲಿಲ್ಲ. ಈ ವೇಳೆ ಕೊಹ್ಲಿ...

Vinay Bhat | news18-kannada
Updated:November 7, 2020, 4:46 PM IST
SRH vs RCB: ಇವತ್ತು ಇವನ ಆಟ ನಡೆಯಲ್ಲ: ಕಿರಿಕ್ ಮಾತಾಡಿದ ಕೊಹ್ಲಿಗೆ ಪಾಂಡೆ ಕೊಟ್ಟ ರಿಪ್ಲೈ ನೀವೇ ನೋಡಿ!
ವಿರಾಟ್ ಕೊಹ್ಲಿ - ಮನೀಶ್ ಪಾಂಡೆ.
  • Share this:
ಶುಕ್ರವಾರ ಅಬುಧಾಬಿಯಲ್ಲಿ ನಡೆದ ಐಪಿಎಲ್ 2020ರ ಎಲಿಮಿನೇಟರ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ವಿರುದ್ಧ ಸನ್​ರೈಸರ್ಸ್​ ಹೈದರಾಬಾದ್ ತಂಡ 6 ವಿಕೆಟ್​ಗಳ ರೋಚಕ ಜಯ ಸಾಧಿಸಿತು. ಮತ್ತೆ ಕಳಪೆ ಪ್ರದರ್ಶನ ತೋರಿದ ಆರ್​ಸಿಬಿ ಈ ಬಾರಿಯೂ ಕಪ್ ಗೆಲ್ಲಲಾಗದೆ ಟೂರ್ನಿಯಿಂದ ಹೊರಬಿದ್ದಿತು. ಲೋ ಸ್ಕೋರ್ ಗೇಮ್​ನಲ್ಲಿ ಕೊನೆಯ ಓವರ್ ವರೆಗೂ ನಡೆದ ಪಂದ್ಯ ಸಾಕಷ್ಟು ರೋಚಕತೆಯಿಂದ ಕೂಡಿತ್ತು.

ಆರ್​ಸಿಬಿ ನೀಡಿದ್ದ 132 ರನ್​ಗಳ ಸುಲಭ ಟಾರ್ಗೆಟ್ ಬೆನ್ನಟ್ಟಿದ ಹೈದರಾಬಾದ್ ಆರಂಭದಲ್ಲಿ ರನ್ ಕಲೆಹಾಕಲು ಪರದಾಡಿತು. ಜೊತೆಗೆ ಶ್ರೀವತ್ಸ್ ಗೋಸ್ವಾಮಿ ಹಾಗೂ ನಾಯಕ ಡೇವಿಡ್ ವಾರ್ನರ್ ವಿಕೆಟ್ ಬೇಗನೆ ಕಳೆದುಕೊಂಡಿತು. ಹೀಗಾಗಿ ಎಚ್ಚರಿಯಿಂದ ಬ್ಯಾಟ್ ಬೀಸಲು ಹೊರಟ ಎಸ್​ಆರ್​ಹೆಚ್ ಬ್ಯಾಟ್ಸ್​ಮನ್​ಗಳು ನಿಧಾನಗತಿಯಲ್ಲಿ ರನ್ ಕಲೆಹಾಕುತ್ತಿದ್ದರು.

IPL 2020, RCB: ಕಣ್ಣಲ್ಲಿ ನೀರು ತರಿಸುತ್ತೆ ಆರ್​ಸಿಬಿ ಹಂಚಿಕೊಂಡ ಈ ಕೊನೆಯ ವಿಡಿಯೋ..!

ಈ ಸಂದರ್ಭ ಮನೀಶ್ ಪಾಂಡೆ ಅವರಿಗೆ ಸ್ಲೆಡ್ಜ್ ಮಾಡಲು ಹೋದ ಆರ್​ಸಿಬಿ ನಾಯಕ ವಿರಾಟ್ ಕೊಹ್ಲಿ ತಾವೇ ಕೈಸುಟ್ಟುಕೊಂಡರು. ಮೂರನೇ ಓವರ್​ನ ಮೊಹಮ್ಮದ್ ಸಿರಾಜ್ ಬೌಲಿಂಗ್​ನ ಎರಡನೇ ಎಸೆತದಲ್ಲಿ ಮನೀಶ್ ಪಾಂಡೆಗೆ ರನ್ ಕಲೆಹಾಕಲು ಸಾಧ್ಯವಾಗಲಿಲ್ಲ. ಈ ವೇಳೆ ಕೊಹ್ಲಿ 'ಇವತ್ತು ಇವನ ಆಟ ನಡೆಯಲ್ಲ', ಇವನ ಬ್ಯಾಟ್​ನಿಂದ ಯಾವುದೆ ಶಾಟ್ ಬರಲ್ಲ ಎಂದು ಸ್ಲೆಡ್ಜ್ ಮಾಡಿದರು.

ಆದರೆ, ಇದಕ್ಕೆ ಸರಿಯಾಗಿ ತಿರುಗೇಟು ನೀಡಿದ ಪಾಂಡೆ, ನಾಲ್ಕನೇ ಎಸೆತದಲ್ಲಿ ಚೆಂಡನ್ನು ಸಿಕ್ಸರ್​ಗೆ ಅಟ್ಟಿ ಕೊಹ್ಲಿ ಬಾಯಿಮುಚ್ಚಿಸಿದರು. ಸದ್ಯ ಈ ವಿಡಿಯೋ ತುಣುಕು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗುತ್ತಿದೆ.





ಶುಕ್ರವಾರ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್​ಗೆ ಇಳಿದ ಆರ್​ಸಿಬಿ ಆರಂಭದಲ್ಲೇ ಪ್ರಮುಖ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಮಧ್ಯಮ ಕ್ರಮಾಂಕದಲ್ಲಿ ಎಬಿ ಡಿವಿಲಿಯರ್ಸ್(56) ಹಾಗೂ ಆ್ಯರೋನ್ ಫಿಂಚ್(32) ರನ್ ಗಳಿಸಿದ್ದು ಬಿಟ್ಟರೆ ಮತ್ಯಾವ ಬ್ಯಾಟ್ಸ್​ಮನ್​ಗಳು ಮಿಂಚಲಿಲ್ಲ. ಪರಿಣಾಮ ಆರ್​ಸಿಬಿ 20 ಓವರ್​ಗೆ 131 ರನ್ ಗಳಿಸಿತಷ್ಟೆ.

IPL 2020, RCB: ಎಲಿಮಿನೇಟರ್​ನಲ್ಲಿ ಸೋತ ಆರ್​ಸಿಬಿಗೆ ಸಿಕ್ಕಿದ್ದು ಒಟ್ಟು ಎಷ್ಟು ಹಣ ಗೊತ್ತೇ?: ಇಲ್ಲಿದೆ ಮಾಹಿತಿ

ಸುಲಭ ಟಾರ್ಗೆಟ್ ಬೆನ್ನಟ್ಟಿದ ಎಸ್​ಆರ್​​ಹೆಚ್ ಕೂಡ ಆರಂಭದಲ್ಲಿ ಮುಗ್ಗರಿಸಿತಾದರೂ ನಂತರದಲ್ಲಿ ಕ್ರೀಸ್ ಕಚ್ಚಿ ಆಡಿದ ಕೇನ್ ವಿಲಿಯಮ್ಸನ್ ಭರ್ಜರಿ ಅರ್ಧಶತಕ ಸಿಡಿಸಿ ಜೇಸನ್ ಹೋಲ್ಡರ್ ಜೊತೆಗೂಡಿ ತಂಡಕ್ಕೆ ಗೆಲುವು ತಂದುಕೊಡುವಲ್ಲಿ ಯಶಸ್ವಿಯಾದರು. ಈ ಮೂಲಕ ಹೈದರಾಬಾದ್ 6 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತು.
Published by: Vinay Bhat
First published: November 7, 2020, 4:42 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories