IPL 2020: CSK ಆಟಗಾರರು ಸರ್ಕಾರಿ ಕೆಲಸ ಅಂದುಕೊಂಡಿದ್ದಾರೆ: ಸೆಹ್ವಾಗ್ ವ್ಯಂಗ್ಯ

ಇಂಡಿಯನ್ ಪ್ರೀಮಿಯರ್ ಲೀಗ್​ನ ಬಲಿಷ್ಠ ತಂಡಗಳಲ್ಲಿ ಒಂದು ಎಂದು ಗುರುತಿಸಿಕೊಂಡಿರುವ ಚೆನ್ನೈ ಸೂಪರ್ ಕಿಂಗ್ಸ್ ಪ್ರದರ್ಶನ ಈ ಬಾರಿ ಹೇಳಿಕೊಳ್ಳುವಂತಿಲ್ಲ. ಇದೇ ಕಾರಣದಿಂದ ಆಡಿರುವ 6 ಪಂದ್ಯಗಳಲ್ಲಿ ಕೇವಲ 2 ರಲ್ಲಿ ಮಾತ್ರ ಜಯಗಳಿಸಿದೆ. ಅದರಲ್ಲೂ KKR ಗೆಲ್ಲಬಹುದಾಗಿದ್ದ ಪಂದ್ಯವನ್ನು ಸಿಎಸ್​ಕೆ ಕೈಚೆಲ್ಲಿಕೊಂಡಿತ್ತು. ತಂಡದ ಈ ಪ್ರದರ್ಶನದ ಬಗ್ಗೆ ಅನೇಕ ಮಾಜಿ ಆಟಗಾರರು ತಮ್ಮ ಅಭಿಪ್ರಾಯವನ್ನು ಹೊರಹಾಕಿದ್ದಾರೆ. ಆದರೆ ಟೀಮ್ ಇಂಡಿಯಾ ಮಾಜಿ ಆರಂಭಿಕ ವೀರೇಂದ್ರ ಸೆಹ್ವಾಗ್ ಅವರ ಸಿಎಸ್​ಕೆ ಸೋಲಿನ ವಿಶ್ಲೇಷಣೆ ಎಲ್ಲರ ಗಮನ ಸೆಳೆಯುತ್ತಿದೆ.

ಕೊಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ 10 ರನ್​ಗಳ ಸೋಲಿನ ಬಗ್ಗೆ ಮಾತನಾಡಿರುವ ಸೆಹ್ವಾಗ್, ಸಿಎಸ್​ಕೆ ತಂಡದ ಕೆಲ ಆಟಗಾರರು ತಾವು ಸರ್ಕಾರಿ ನೌಕರರು ಎಂದು ಭಾವಿಸಿದ್ದಾರೆ. ಇದೇ ಚೆನ್ನೈ ತಂಡಕ್ಕೆ ಮುಳುವಾಗುತ್ತಿದೆ ಎಂದು ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಕೆಕೆಆರ್ ನೀಡಿದ 168 ರನ್​ಗಳ ಟಾರ್ಗೆಟ್​ನ್ನು ಓಪನರ್ ಶೇನ್ ವಾಟ್ಸನ್ ಉತ್ತಮವಾಗಿ ಬೆನ್ನಟ್ಟಿದ್ದರು. ಆದರೆ ಇನ್ನೊಂದು ತುದಿಯಲ್ಲಿ ಬ್ಯಾಟ್ ಮಾಡಲು ಬಂದಿದ್ದ ಆಟಗಾರರ ನಿರುತ್ಸಾಹವೇ ಸೋಲಿಗೆ ಕಾರಣವಾಯಿತು ಎಂದಿದ್ದಾರೆ.

ಕೊನೆಯ ಹಂತದಲ್ಲಿ ರವೀಂದ್ರ ಜಡೇಜಾ ಹಾಗೂ ಕೇದರ್ ಜಾಧವ್ ಅವರು ಆಡಿದ ಡಾಟ್​ ಬಾಲ್​ಗಳು ತಂಡ ಫಲಿತಾಂಶದ ಮೇಲೆ ಪರಿಣಾಮ ಬೀರಿತು ಎಂದಿರುವ ಸೆಹ್ವಾಗ್, ತಂಡದಲ್ಲಿರುವ ಕೆಲವರು ಸಿಎಸ್​ಕೆ ಅನ್ನು ಸರ್ಕಾರಿ ನೌಕರಿ ಎಂದು ಭಾವಿಸಿದ್ದಾರೆ. ಪ್ರದರ್ಶನ ನೀಡಿದರೂ, ಇಲ್ಲದಿದ್ದರೂ ಸಂಬಳವಂತು ಬರುತ್ತದೆ ಎಂಬುದು ಅವರಿಗೆ ತಿಳಿದಿದೆ. ಇದುವೇ ಸಿಎಸ್​ಕೆ ಪರಿಸ್ಥಿತಿ ಎಂದು ಸೆಹ್ವಾಗ್ ವ್ಯಂಗ್ಯವಾಡಿದ್ದಾರೆ.

ಇನ್ನು ಗೆಲ್ಲಬಹುದಾಗಿದ್ದ ಪಂದ್ಯವನ್ನು ಸಿಎಸ್​ಕೆ ಸೋಲುತ್ತಿರುವುದು ಇದು ಎರಡನೇ ಬಾರಿ. ಸನ್​ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲೂ ಕೂಡ ಸಿಎಸ್​ಕೆ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ಗಳು ವಿಫಲರಾಗಿದ್ದರು. ಇದರಿಂದ ಧೋನಿ ಪಡೆ 7 ರನ್​ಗಳಿಂದ ಸೋತಿತ್ತು. ಇದೀಗ ಕೆಕೆಆರ್ ವಿರುದ್ಧ ಕೂಡ 10 ರನ್​ಗಳ ಸೋಲನುಭವಿಸುವ ಮೂಲಕ ಅಂಕಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿದೆ.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL Records: ಇವರೇ ಚೊಚ್ಚಲ ಐಪಿಎಲ್​ನ ಹೀರೋಗಳು..!