IPL

  • associate partner
HOME » NEWS » Ipl » IPL 2020 RR VS MI JOFRA ARCHER IMITATES MUMBAI INDIANS JASPRIT BUMRAHS BOWLING ACTION VIDEO GOES VIRAL VB

RR vs MI: ಪಂದ್ಯದ ಮಧ್ಯೆ ಥೇಟ್ ಬುಮ್ರಾ ರೀತಿ ಬೌಲಿಂಗ್ ಮಾಡಲು ಹೊರಟ ಆರ್ಚರ್: ನಂತರ ಆಗಿದ್ದೇನು ಗೊತ್ತಾ?

ಮುಂಬೈ ಬ್ಯಾಟಿಂಗ್ ನಡೆಸುತ್ತಿರುವಾಗ ಆರ್ಚರ್ ಅವರು ತಮ್ಮ ಓವರ್ ಮಧ್ಯೆ ಜಸ್​ಪ್ರೀತ್ ಬುಮ್ರಾ ಅವರ ರೀತಿಯಲ್ಲಿ ಬೌಲಿಂಗ್ ಮಾಡಲು ಹೊರಟರು. ಬಾಲ್ ಹಿಡಿದು ಥೇಟ್ ಬುಮ್ರಾ ರೀತಿ ಓಡಲು ಮುಂದಾದರು. ಆದರೆ...

news18-kannada
Updated:October 26, 2020, 4:40 PM IST
RR vs MI: ಪಂದ್ಯದ ಮಧ್ಯೆ ಥೇಟ್ ಬುಮ್ರಾ ರೀತಿ ಬೌಲಿಂಗ್ ಮಾಡಲು ಹೊರಟ ಆರ್ಚರ್: ನಂತರ ಆಗಿದ್ದೇನು ಗೊತ್ತಾ?
IPL 2020, RR vs MI
  • Share this:
ಅಬುಧಾಬಿಯಲ್ಲಿ ಭಾನುವಾರ ನಡೆದ ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡ 8 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತು. ಈವರೆಗೆ ಕಳಪೆ ಫಾರ್ಮ್​ನಿಂದ ಕಂಗೆಟ್ಟಿದ ಬೆನ್ ಸ್ಟೋಕ್ಸ್​ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ ತಂಡಕ್ಕೆ ಜಯ ತಂದುಕೊಟ್ಟು ಪ್ಲೇ ಆಫ್ ಆಸೆಯನ್ನು ಜೀವಂತವಾಗಿರಿಸಿದರು. ಸದ್ಯ ಆರ್​ಆರ್​ ತಂಡ 10 ಅಂಕದೊಂದಿಗೆ 6ನೇ ಸ್ಥಾನದಲ್ಲಿದೆ. ಜೊತೆಗೆ ಮುಂದಿನ ಎಲ್ಲ ಪಂದ್ಯಗಳನ್ನು ಗೆದ್ದರಷ್ಟೆ ಉಳಿಗಾಲ.

ಮುಂಬೈ ವಿರುದ್ಧದ ಪಂದ್ಯದಲ್ಲಿ ಟಾಸ್ ಸೋತ ರಾಜಸ್ಥಾನ್ ಮೊದಲು ಬೌಲಿಂಗ್ ಮಾಡಿತು. ಆದರೆ, ಬೌಲರ್​ಗಳು ನಿರೀಕ್ಷೆಗೆ ತಕ್ಕಂತೆ ಪ್ರದರ್ಶನ ನೀಡಲಿಲ್ಲ. ಆರ್​ಆರ್​ ಬೌಲರ್​ಗಳನ್ನು ಬೆಂಡೆತ್ತಿದ ಹಾರ್ದಿಕ್ ಪಾಂಡ್ಯ ಬೌಂಡರಿ- ಸಿಕ್ಸರ್​ಗಳ ಮಳೆ ಸುರಿಸಿ ಸ್ಫೋಟಕ ಅರ್ಧಶತಕ ಸಿಡಿಸಿ ತಂಡದ ಮೊತ್ತವನ್ನು 195ಕ್ಕೆ ತಂದಿಟ್ಟರು.

IPL 2020, RCB: ಸಿಎಸ್​ಕೆ ವಿರುದ್ಧದ ಸೋಲಿನ ಬೆನ್ನಲ್ಲೇ ಆರ್​ಸಿಬಿ ತಂಡಕ್ಕೆ ದೊಡ್ಡ ಆಘಾತ..!

ಮುಂಬೈ ಬ್ಯಾಟ್ಸ್​ಮನ್​ಗಳನ್ನ ಕಟ್ಟಿಹಾಕಲು ಆರ್​ಆರ್​ ಬೌಲರ್​ಗಳು ನಾನಾ ಪ್ರಯೋಗ ಮಾಡಿದರೂ ಫಲಿಸಲಿಲ್ಲ. ಅದರಲ್ಲೂ ವಿಶ್ವದ ಶ್ರೇಷ್ಠ ಬೌಲರ್ ಜೋಫ್ರಾ ಆರ್ಚರ್ ಕೂಡ ಈ ಪಂದ್ಯದಲ್ಲಿ ಕೊಂಚ ದುಬಾರಿಯಾದರು. 4 ಓವರ್​ಗೆ 31 ರನ್ ನೀಡಿ 2 ವಿಕೆಟ್ ಪಡೆದರು.

ಈ ನಡುವೆ ಮುಂಬೈ ಬ್ಯಾಟಿಂಗ್ ನಡೆಸುತ್ತಿರುವಾಗ ಆರ್ಚರ್ ಅವರು ತಮ್ಮ ಓವರ್ ಮಧ್ಯೆ ಜಸ್​ಪ್ರೀತ್ ಬುಮ್ರಾ ಅವರ ರೀತಿಯಲ್ಲಿ ಬೌಲಿಂಗ್ ಮಾಡಲು ಹೊರಟರು. ಬಾಲ್ ಹಿಡಿದು ಥೇಟ್ ಬುಮ್ರಾ ರೀತಿ ಓಡಲು ಮುಂದಾದರು. ಆದರೆ, ಅದು ಸಾಧ್ಯವಿಲ್ಲ ಎಂದು ತಿಳಿದು ಮತ್ತೆ ತಮ್ಮದೆ ಶೈಲಿಯನ್ನು ಮುಂದುವರೆಸಿದರು.

ಸದ್ಯ ಆರ್ಚರ್ ಅವರು ಬುಮ್ರಾ ಶೈಲಿಯಲ್ಲಿ ಬೌಲಿಂಗ್ ಮಾಡಲು ಹೊರಟ ವಿಡಿಯೋ ಸಾಮಾಜಿಕ ತಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.





ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಮುಂಬೈ ಇಂಡಿಯನ್ಸ್ 20 ಓವರ್​​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 195 ರನ್ ಬಾರಿಸಿತು. ಹಾರ್ದಿಕ್ ಪಾಂಡ್ಯ ಕೇವಲ 21 ಎಸೆತಗಳಲ್ಲಿ 2 ಬೌಂಡರಿ, 7 ಸಿಕ್ಸರ್ ಸಿಡಿಸಿ ಅಜೇಯ 60 ರನ್ ಚಚ್ಚಿದರು. ಸೂರ್ಯಕುಮಾರ್ ಯಾದವ್ 40 ರನ್ ಬಾರಿಸಿದರು.

Virat Kohli: CSK ವಿರುದ್ಧದ ಸೋಲಿಗೆ ಇದೇನೇ ಕಾರಣ, ಬೇರೇನೂ ಇಲ್ಲ..!

ಗೆಲ್ಲಲೇ ಬೇಕಾದ ಪಂದ್ಯದಲ್ಲಿ ಕಠಿಣ ಟಾರ್ಗೆಟ್ ಬೆನ್ನಟ್ಟಿದ ರಾಜಸ್ಥಾನ್ ಆರಂಭದಲ್ಲಿ ಎರಡು ವಿಕೆಟ್ ಕಳೆದುಕೊಂಡಿದ್ದು ಬಿಟ್ಟರೆ, ನಂತರ ಒಂದಾದ ಬೆನ್ ಸ್ಟೋಕ್ಸ್​ ಹಾಗೂ ಸಂಜು ಸ್ಯಾಮ್ಸನ್ ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿ ತಂಡಕ್ಕೆ ಜಯ ತಂದುಕೊಟ್ಟರು. ಅದರಲ್ಲೂ ಸ್ಟೋಕ್ಸ್​ ಶತಕ ಸಿಡಿಸಿ ಮಿಂಚಿದರು.

ಬೆನ್ ಸ್ಟೋಕ್ಸ್​ 60 ಎಸೆತಗಳಲ್ಲಿ 14 ಬೌಂಡರಿ, 3 ಸಿಕ್ಸರ್ ಬಾರಿಸಿ ಅಜೇಯ 107 ಹಾಗೂ ಸಂಜು ಸ್ಯಾಮ್ಸನ್ 31 ಎಸೆತಗಳಲ್ಲಿ 4 ಬೌಂಡರಿ, 3 ಸಿಕ್ಸರ್ ಸಿಡಿಸಿ ಅಜೇಯ 54 ರನ್ ಗಳಿಸಿದು. ಆರ್​ಆರ್ ತಂಡ 8 ವಿಕೆಟ್​ಗಳ ಗೆಲುವು ಸಾಧಿಸಿತು.
Published by: Vinay Bhat
First published: October 26, 2020, 4:40 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories