IPL 2020, RR vs CSK: ಇಂದು ರಾಜಸ್ಥಾನಕ್ಕೆ ಚೆನ್ನೈ ಸವಾಲು; ತಂಡದಲ್ಲಿಲ್ಲ ಪ್ರಮುಖರು

ಮಾಜಿ ಚಾಂಪಿಯನ್ಸ್​ ರಾಜಸ್ಥಾನ ರಾಯಲ್ಸ್​ ಐಪಿಎಲ್​ನಲ್ಲಿ ಮೊದಲು ಗೆಲುವನ್ನು ದಾಖಲಿಸಿರುವ ಎಂಎಸ್​ ಧೋನಿ ನೇತೃತ್ವದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವನ್ನು ಎದುರಿಸಲಿದೆ. ಈಗಾಗಲೇ ಚೆನ್ನೈ ಮುಂಬೈ ವಿರುದ್ಧ ಮೊದಲು ಗೆಲುವು ಸಾಧಿಸಿದ್ದು, ಈಗ ರಾಜಸ್ಥಾನವನ್ನು ಸೋಲಿಸಿ ಎರಡನೇ ಗೆಲುವು ಸಾಧಿಸಿಕೊಳ್ಳುವ ತವಕದಲ್ಲಿದೆ. ಅತ್ತ ರಾಜಸ್ಥಾನ್​ ರಾಯಲ್ಸ್​ ಮೊದಲ ಪಂದ್ಯದಲ್ಲಿ ಶುಭಾರಂಭ ಮಾಡುವ ತವಕದಲ್ಲಿದೆ. ಪ್ರಮುಖ ಆಟಗಾರರ ಅನುಪಸ್ಥಿತಿಯಲ್ಲಿ ಆರ್​ಆರ್​ ಕಣಕ್ಕೆ ಇಳಿಯುತ್ತಿದೆ. ಜೋಸ್​ ಬಟ್ಲರ್ ಹಾಗೂ ಬೆನ್​ ಸ್ಟೋಕ್ಸ್​ ಇಂದಿನ ಪಂದ್ಯಕ್ಕೆ ಲಭ್ಯವಾಗುತ್ತಿಲ್ಲ. ಇದು ರಾಜಸ್ಥಾನ ರಾಯಲ್ಸ್​ ತಂಡದ ದೊಡ್ಡ ಮೈನಸ್ ಪಾಯಿಂಟ್​ ಆಗಲಿದೆ. ಬಟ್ಲರ್​ ಇಂಗ್ಲೆಂಡ್​ನಿಂದ ಯುಎಇಗೆ ಆಗಮಿಸಿದ್ದಾರೆ. ಅವರು 6 ದಿನ ಕ್ವಾರಂಟೈನ್​ನಲ್ಲಿರುವುದು ಕಡ್ಡಾಯವಾಗಿದೆ. ಆಲ್​ ರೌಂಡರ್​ ಬೆನ್​ ಸ್ಟೋಕ್ಸ್​ ಇನ್ನೂ ನ್ಯೂಜಿಲೆಂಡ್​ನಿಂದ ಆಗಮಿಸಿಲ್ಲ. ಕನ್ನಡಿಗ ರಾಬಿನ್ ಉತ್ತಪ್ಪ, ಶ್ರೇಯಸ್​ ಗೋಪಾಲ್​ ಹಾಗೂ ಅನಿರುದ್ಧ ಜೋಷಿ ತಂಡದ ಪ್ರಮುಖರು.

ಇನ್ನು, ಚೆನ್ನೈ ತಂಡಕ್ಕೆ ಎಂಎಸ್​ ಧೋನಿ ನೇತೃತ್ವ ಇದೆ.ಈ ತಂಡದಲ್ಲಿ ಅನುಭವಿ ಆಟಗಾರರ ಸಂಖ್ಯೆ ಹೆಚ್ಚಿದೆ. ಡೇನ್​ ಬ್ರಾವೋ ಗಾಯಗೊಂಡಿದ್ದು, ಈ ಪಂದ್ಯಕ್ಕೆ ಅವರು ಲಭ್ಯವಿಲ್ಲ. ಸುರೇಶ್​ ರೈನಾ ಭಾರತಕ್ಕೆ ವಾಪಾಸಾಗಿದ್ದಾರೆ. ಹೀಗಾಗಿ, ಚೆನ್ನೈಗೆ ಗೆಲುವು ಸುಲಭದ ತುತ್ತಲ್ಲ.

ಸಂಭಾವ್ಯ ತಂಡ:
ರಾಜಸ್ಥಾನ ರಾಯಲ್ಸ್​: ಜೈಸ್ವಾನ್​, ಸ್ಯಾಮನ್ಸ್​ (ವಿಕೀ), ಸ್ಟೀವನ್​ ಸ್ಮಿತ್​ (ನಾಯಕ), ಉತ್ತಪ್ಪ, ಮಿಲ್ಲರ್​, ಪರಾಗ್​, ಶ್ರೇಯಸ್​ ಗೋಪಾಲ್, ಟಾಮ್​ ಕರ್ರನ್​/ಆಂಡ್ರೋ ಟೈ,ಉನಾದ್ಕತ್, ಅಂಕಿತ್​ ರಜಪೂತ್​/ವರುಣ್​ ಆರನ್

ಚೆನ್ನೈ ಸೂಪರ್‌ ಕಿಂಗ್ಸ್: ಶೇನ್‌ ವ್ಯಾಟ್ಸನ್‌, ಮುರಳಿ ವಿಜಯ್‌, ಅಂಬಾಟಿ ರಾಯುಡು, ಕೇದಾರ್‌ ಜಾಧವ್‌, ಎಂಎಸ್‌ ಧೋನಿ (ನಾಯಕ, ವಿಕೆಟ್‌ ಕೀಪರ್‌) ಡ್ವೇನ್‌ ಬ್ರಾವೊ, ರವೀಂದ್ರ ಜಡೇಜಾ, ಮಿಚೆಲ್‌ ಸ್ಯಾಂಟ್ನರ್‌, ದೀಪಕ್‌ ಚಹರ್‌. ಶಾರ್ದೂಲ್ ಠಾಕೂರ್‌, ಇಮ್ರಾನ್‌ ತಾಹೀರ್‌.