Virat Kohli: RCB ತಂಡದಲ್ಲಿ ನಾಯಕನ ಸ್ಥಾನಕ್ಕೆ ಪೈಪೋಟಿ: ವಿರಾಟ್ ಕೊಹ್ಲಿ ಪಟ್ಟಕ್ಕೆ ಇವರಲ್ಲಿ ಯಾರು ಸೂಕ್ತ?

ಇಂಡಿಯನ್ ಪ್ರೀಮಿಯರ್ ಲೀಗ್​ ಇತಿಹಾಸದಲ್ಲಿ ನತದೃಷ್ಟ ತಂಡವೆಂದೇ ಬಿಂಬಿತವಾಗಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಟೀಂನಲ್ಲಿ ನಾಯಕ್ವದ ಬದಲಾವಣೆ ಮಾತುಗಳು ಮತ್ತೆ ಕೇಳಿ ಬರುತ್ತಿವೆ. ಭಾರತ ತಂಡದ ಮಾಜಿ ಆಟಗಾರ ಗೌತಮ್ ಗಂಭೀರ್, ಆರ್​ಸಿಬಿ ನಾಯಕತ್ವದಿಂದ ವಿರಾಟ್ ಕೊಹ್ಲಿಯನ್ನು ಕಿತ್ತುಹಾಕಿ ಎಂದು ಗುಡುಗಿದ್ದಾರೆ. ಕೊಹ್ಲಿ ಆರ್​ಸಿಬಿ ನಾಯಕತ್ವ ವಹಿಸಿಕೊಂಡ 8 ವರ್ಷಗಳಲ್ಲಿ ಒಂದುಬಾರಿಯೂ ಪ್ರಶಸ್ತಿ ಗೆದ್ದಿಲ್ಲ. ಐಪಿಎಲ್‌ ಟ್ರೋಫಿ ಗೆಲ್ಲದ ಒಬ್ಬ ನಾಯಕ ಎಂಟು ವರ್ಷಗಳ ಕಾಲ ಒಂದೇ ಫ್ರಾಂಚೈಸಿಯಲ್ಲಿ ಮುಂದುವರಿಯಬಹುದೇ? ಎಂದು ಗಂಭೀರ್‌ ಪ್ರಶ್ನೆ ಮಾಡಿದ್ದಾರೆ.

ಈ ವಿಚಾರ ದೊಡ್ಡ ಮಟ್ಟದಲ್ಲಿ ಸುದ್ದು ಮಾಡುತ್ತಿರುವಾಗಲೇ ಕೊಹ್ಲಿ ಬದಲು ಆರ್​ಸಿಬಿ ತಂಡದಲ್ಲಿ ನಾಯಕನ ಸ್ಥಾನ ಅಲಂಕರಿಸುವ ಆಟಗಾರ ಯಾರಿದ್ದಾರೆ? ಎಂಬ ಚರ್ಚೆ ಶುರುವಾಗಿದೆ. ಇದಕ್ಕೆ ಉತ್ತರ ಇಲ್ಲಿದೆ.

IPL 2020 Qualifier 2 DC vs SRH: 2ನೇ ಕ್ವಾಲಿಫೈಯರ್​ನಲ್ಲಿ ಡೆಲ್ಲಿ-ಹೈದರಾಬಾದ್ ಕಾದಾಟ: ಗೆದ್ದ ತಂಡ ಫೈನಲ್​ಗೆ

2008ರಿಂದ ಆರ್​ಸಿಬಿ ತಂಡವನ್ನು ಪ್ರತಿನಿಧಿಸುತ್ತಾ ಬಂದಿರುವ ವಿರಾಟ್ ಕೊಹ್ಲಿ 2013ರಿಂದ ನಾಯಕನಾಗಿ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಕೊಹ್ಲಿ ನೇತೃತ್ವದಲ್ಲಿ ಇದುವರೆಗೆ ಬೆಂಗಳೂರು ತಂಡ ಒಂದು ಬಾರಿಯು ಪ್ರಶಸ್ತಿ ಮುಡಿಗೇರಿಸಿಕೊಂಡಿಲ್ಲ. ಅದರಲ್ಲು ಕಳೆದ ಎರಡು ಸೀಸನ್​ನಲ್ಲಿ ಆರ್​ಸಿಬಿ ತಂಡದ ಪ್ರದರ್ಶನ ಕಳಪೆ ಮಟ್ಟದ್ದಾಗಿತ್ತು.

ಈ ಬಾರಿ ಟೂರ್ನಿಯ ಆರಂಭದಲ್ಲಿ ಆರ್​ಸಿಬಿ ಉತ್ತಮ ಪ್ರದರ್ಶನ ನೀಡಿತ್ತಾದರೂ ಬಳಿಕ ಅಂತಿಮ ಹಂತದಲ್ಲಿ ಸಾಲು ಸಾಲು ಸೋಲುಕಂಡಿತು. ಹೀಗಾಗಿ ಅವರ ಬದಲಿಗೆ ಮತ್ತೊಬ್ಬ ಸೂಕ್ತ ಆಟಗಾರನಿಗೆ ನಾಯಕನ ಪಟ್ಟ ನೀಡಬೇಕೆಂಬ ಮಾತು ಕೇಳಿ ಬರುತ್ತದೆ.

ಪಾರ್ಥಿವ್ ಪಟೇಲ್: ಈ ಬಾರಿಯ ಐಪಿಎಲ್​ನಲ್ಲಿ ಪಾರ್ಥಿವ್ ಒಂದೇ ಒಂದು ಪಂದ್ಯವನ್ನು ಆಡಿಲ್ಲ. ಆದರೆ, ಕೊಹ್ಲಿಯನ್ನು ನಾಯಕ ಸ್ಥಾನದಿಂದ ಕೆಳಗಿಳಿಸಿದರೆ ಆ ಜಾಗವನ್ನು ಪಾರ್ಥಿವ್ ಪಟೇಲ್ ತುಂಬಬಹುದು. ಪಟೇಲ್ ಉತ್ತಮ ಓಪನರ್ ಮಾತ್ರವಲ್ಲದೆ ಅತ್ಯುತ್ತಮ ನಾಯಕ ಕೂಡ ಹೌದು. ಕಳೆದ ಕೆಲವು ವರ್ಷಗಳಿಂದ ಗುಜರಾತ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಅಲ್ಲದೆ ವಿಕೆಟ್ ಕೀಪರ್ ಒಬ್ಬ ನಾಯಕನಾದರೆ ತಂಡಕ್ಕೆ ಹೆಚ್ಚು ಉಪಯೋಗ. ಐಪಿಎಲ್​ನಲ್ಲಿ ಆಡಿದ ಅನುಭವ ಕೂಡ ಪಾರ್ಥಿವ್​ಗಿದೆ.

ಎಬಿ ಡಿವಿಲಿಯರ್ಸ್: ಅಂತರಾಷ್ಟ್ರೀಯ ಕ್ರಿಕೆಟ್​ನಿಂದ ನಿವೃತ್ತಿ ಪಡೆದ ಬಳಿಕ ದೇಶೀಯ ಟಿ-20 ಕ್ರಿಕೆಟ್​ನಲ್ಲೇ ಬ್ಯುಸಿಯಾಗಿರುವ ಎಬಿಡಿ ಆರ್​ಸಿಬಿ ತಂಡದ ದೊಡ್ಡ ಆಸ್ತಿ. ಆಫ್ರಿಕಾ ತಂಡವನ್ನು ನಾಯಕನಾಗಿ ಮುನ್ನಡೆಸಿದ ಇವರಿಗೆ ಆರ್​ಸಿಬಿಯ ಕ್ಯಾಪ್ಟನ್ ಪಟ್ಟ ಕೊಟ್ಟರೆ ಬದಲಾವಣೆಯ ಗಾಳಿ ಬೀಸುವುದು ಖಚಿತ.

SRH vs RCB: ಇವತ್ತು ಇವನ ಆಟ ನಡೆಯಲ್ಲ: ಕಿರಿಕ್ ಮಾತಾಡಿದ ಕೊಹ್ಲಿಗೆ ಪಾಂಡೆ ಕೊಟ್ಟ ರಿಪ್ಲೈ ನೀವೇ ನೋಡಿ!

ಆ್ಯರೋನ್ ಫಿಂಚ್: ಪಾತಾಳಕ್ಕೆ ಕುಸಿದಿದ್ದ ಆಸ್ಟ್ರೇಲಿಯಾ ತಂಡವನ್ನು ನಾಯಕನ ಸ್ಥಾನದಲ್ಲಿ ನಿಂತು ಮೇಲೆತ್ತುವ ಪ್ರಯುತ್ನ ನಡೆಸಿದ್ದು ಆ್ಯರೋನ್ ಫಿಂಚ್. ಕ್ಯಾಪ್ಟನ್ ಆಗಿ ಅನೇಕ ಪಂದ್ಯಗಳನ್ನು ಆಡಿದ ಅನುಭವವಿರುವ ಇವರಿಗೆ ಆರ್​ಸಿಬಿ ತಂಡವನ್ನು ಮುನ್ನಡೆಸುವ ಜಾವಾಬ್ದಾರಿ ನೀಡಿದರೆ ಒಳ್ಳೆಯದು. ಅಲ್ಲದೆ ನಾಯಕನ ಸ್ಥಾನದಲ್ಲಿ ನಿಂತು ಬ್ಯಾಟ್ ಬೀಸಿದಾಗ ಫಿಂಚ್ ಸರಾಸರಿ ಕೂಡ ಉತ್ತಮವಾಗಿದೆ.

ಐಪಿಎಲ್​​ನ ಒಟ್ಟು 13 ಸೀಸನ್​​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 7 ಬಾರಿ ಲೀಗ್ ಹಂತದಲ್ಲೇ ಮುಗ್ಗರಿಸಿದೆ. ಒಟ್ಟು 3 ಬಾರಿ ರನ್ನರ್ ಅಪ್ ಹಾಗೂ 3 ಬಾರಿ ಪ್ಲೇ ಆಫ್​ಗೆ ಲಗ್ಗೆ ಇಟ್ಟಿದೆ.