IPL 2020: ಬಲಿಷ್ಠ ಮುಂಬೈ ಇಂಡಿಯನ್ಸ್​​ನ್ನು ಅತೀ ಹೆಚ್ಚು ಬಾರಿ ಸೋಲಿಸಿದ ತಂಡ ಯಾವುದು ಗೊತ್ತೇ?

IPL ಹಾಲಿ ಚಾಂಪಿಯನ್, 4 ಬಾರಿ ಟ್ರೋಫಿ ವಿಜೇತ ತಂಡ, ಇಂಡಿಯನ್ ಪ್ರೀಮಿಯರ್ ಲೀಗ್​ನ ಬಲಿಷ್ಠ ತಂಡ, ಅನುಭವಿ ಆಟಗಾರರ ಪಡೆ...ಹೀಗಂದರೆ ಥಟ್ಟನೆ ನೀಲಿ ಜೆರ್ಸಿ ಹಾಕಿರುವ ರೋಹಿತ್ ಶರ್ಮಾ ನೇತೃತ್ವದ ಮುಂಬೈ ಇಂಡಿಯನ್ಸ್ ಕಣ್ಮುಂದೆ ಬರುವುದರಲ್ಲಿ ಸಂದೇಹವೇ ಇಲ್ಲ. ಅಂತಹದೊಂದು ಖದರ್​ನ್ನು ಮುಂಬೈ ಇಂಡಿಯನ್ಸ್ ಐಪಿಎಲ್​ನಲ್ಲಿ ಸೃಷ್ಟಿಸಿದೆ. ಬ್ಯಾಟಿಂಗ್ ಇರಲಿ ಅಥವಾ ಬೌಲಿಂಗ್ ಆಗಿರಲಿ ಮುಂಬೈ ಸರಿಸಮಾನವಾಗಿರುವ ಮತ್ತೊಂದು ತಂಡವಿಲ್ಲ ಎನ್ನಬಹುದು.

ಇದೇ ಕಾರಣದಿಂದಲೇ 2013, 2015, 2017 ಮತ್ತು 2019ರಲ್ಲಿ ಐಪಿಎಲ್ ಚಾಂಪಿಯನ್ಸ್ ಪಟ್ಟವನ್ನು ಮುಂಬೈ ಇಂಡಿಯನ್ಸ್ ಅಲಂಕರಿಸಿದೆ. ಈ ಬಾರಿ ಕೂಡ ಭರ್ಜರಿ ಪ್ರದರ್ಶನದೊಂದಿಗೆ ಪ್ಲೇ ಆಫ್​ಗೇರುವ ಸೂಚನೆಯಂತು ನೀಡಿದೆ. ಸದ್ಯ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿರುವ ಮುಂಬೈ ಕಳೆದ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ ಸೂಪರ್ ಸೋಲು ಅನುಭವಿಸಿದೆ. ಇದರೊಂದಿಗೆ ಐಪಿಎಲ್​ನಲ್ಲಿ ಮುಂಬೈ ವಿರುದ್ಧ ಪಾರುಪತ್ಯ ಸ್ಥಾಪಿಸಿದ ತಂಡಗಳಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಅಗ್ರಸ್ಥಾನಕ್ಕೇರಿದೆ.

ಹೌದು, ಬಲಿಷ್ಠ ಮುಂಬೈ ತಂಡವನ್ನು ಐಪಿಎಲ್​ನಲ್ಲಿ 12 ಬಾರಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಸೋಲಿಸಿದೆ. ಈ ಹಿಂದೆ ಡೆಲ್ಲಿ ಕ್ಯಾಪಿಟಲ್ಸ್ ಕೂಡ ರೋಹಿತ್ ಪಡೆ ವಿರುದ್ಧ 12 ಬಾರಿ ಗೆಲುವು ದಾಖಲಿಸಿತ್ತು. ಭಾನುವಾರ ಸೂಪರ್ ಓವರ್​ನಲ್ಲಿ ಸೂಪರ್ ಗೆಲುವು ದಾಖಲಿಸುವ ಮೂಲಕ ರಾಹುಲ್ ಪಡೆ ಮುಂಬೈ ವಿರುದ್ಧದ ಗೆಲುವಿನ ವಿಚಾರದಲ್ಲಿ ಡೆಲ್ಲಿ ಹಾಗೂ ಸಿಎಸ್​ಕೆ ಜತೆ ಸಮಬಲ ಸಾಧಿಸಿದೆ.

ಅದರಲ್ಲೂ ಮುಂಬೈ ಇಂಡಿಯನ್ಸ್ ತಂಡವನ್ನು ಅತೀ ಹೆಚ್ಚು ಬಾರಿ ಮಟ್ಟ ಹಾಕಿದ ತಂಡಗಳಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್, ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಅಗ್ರ ಮೂರು ಸ್ಥಾನದಲ್ಲಿದೆ. ಸಿಎಸ್​ಕೆ ವಿರುದ್ದ ಮುಂಬೈ 12 ಬಾರಿ ಸೋಲನುಭವಿಸಿದೆ. ಇದರ ಹೊರತಾಗಿ ಮುಂಬೈ ತಂಡವನ್ನು ಹೆಚ್ಚು ಬಾರಿ ಸೋಲಿಸಿದ್ದು ರಾಜಸ್ಥಾನ್ ರಾಯಲ್ಸ್ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು. ಆರ್​ಸಿಬಿ ಹಾಗೂ ಆರ್​ಆರ್ ವಿರುದ್ಧ ಮುಂಬೈ ಇಂಡಿಯನ್ಸ್ ತಲಾ 10 ಪಂದ್ಯಗಳಲ್ಲಿ ಸೋತಿದೆ.
POINTS TABLE:

SCHEDULE TIME TABLE:

ORANGE CAP: PURPLE CAP:

RESULT DATA:

MOST SIXES:



ಇದನ್ನೂ ಓದಿ:   IPL 2020: ರಾಹುಲ್ ಸಲಹೆಗೆ ಕೊಹ್ಲಿಯ ಕೌಂಟರ್..!