IPL

  • associate partner
HOME » NEWS » Ipl » IPL 2020 KKR VS MI LIVE CRICKET SCORE

KKR vs MI: ರೋಹಿತ್ ಭರ್ಜರಿ ಅರ್ಧಶತಕ: ಕೆಕೆಆರ್​ಗೆ ಬೃಹತ್ ಮೊತ್ತದ ಸವಾಲು

KKR vs MI: ಒಂದೆಡೆ ಸೂರ್ಯಕುಮಾರ್ ಅಬ್ಬರಿಸುತ್ತಿದ್ರೆ ಮತ್ತೊಂದೆಡೆ ರೋಹಿತ್ ಶರ್ಮಾ ಕೂಡ ಉತ್ತಮ ಸಾಥ್ ನೀಡಿದರು. 4 ಭರ್ಜರಿ ಸಿಕ್ಸರ್ ಸಿಡಿಸಿ ಕೆಕೆಆರ್ ಬೌಲರುಗಳ ಬೆಂಡೆತ್ತಿದರು.

news18-kannada
Updated:September 23, 2020, 9:38 PM IST
KKR vs MI: ರೋಹಿತ್ ಭರ್ಜರಿ ಅರ್ಧಶತಕ: ಕೆಕೆಆರ್​ಗೆ ಬೃಹತ್ ಮೊತ್ತದ ಸವಾಲು
ರೋಹಿತ್ ಶರ್ಮಾ
  • Share this:
ಅಬುಧಾಬಿಯ ಶೇಖ್ ಝಯಾದ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್​ನ 5ನೇ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಮುಂಬೈ ಇಂಡಿಯನ್ಸ್​ ಸನ್​ರೈಸರ್ ಹೈದರಾಬಾದ್​ಗೆ 196 ರನ್​ಗಳ ಟಾರ್ಗೆಟ್ ನೀಡಿದೆ. ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಅವಕಾಶ ಪಡೆದ ಮುಂಬೈ​ ಆರಂಭ ಉತ್ತಮವಾಗಿರಲಿಲ್ಲ. ಆರಂಭಿಕರಾಗಿ ಕಣಕ್ಕಿಳಿದ ಕ್ವಿಂಟನ್ ಡಿ ಕಾಕ್ (1) ಶಿವಂ ಮಾವಿ ಅವರ  2ನೇ ಓವರ್​ನಲ್ಲಿ ಕ್ಯಾಚ್ ನೀಡಿ ಹೊರ ನಡೆದರು.

ಇದರ ಬೆನ್ನಲ್ಲೇ ಕ್ರೀಸ್​ಗಿಳಿದ ಸೂರ್ಯಕುಮಾರ್ ಯಾದವ್ ಮೂರನೇ ಓವರ್​ನಲ್ಲಿ ಬ್ಯಾಕ್ ಟು ಬ್ಯಾಕ್ ಫೋರ್ ಬಾರಿಸುವ ಮೂಲಕ 16 ರನ್ ಕಲೆಹಾಕಿದರು. ಅಲ್ಲದೆ ನಾಯಕನ ಜೊತೆಗೂಡಿ 27 ಎಸೆತಗಳಲ್ಲಿ 50 ರನ್​​ಗಳ ಸ್ಪೋಟಕ ಜೊತೆಯಾಟವಾಡಿದರು. ಪರಿಣಾಮ ಪವರ್​ಪ್ಲೇ ನಲ್ಲಿ ಮುಂಬೈ ಇಂಡಿಯನ್ಸ್​ 59 ರನ್​ ಗಳಿಸುವಂತಾಯಿತು.

ಒಂದೆಡೆ ಸೂರ್ಯಕುಮಾರ್ ಅಬ್ಬರಿಸುತ್ತಿದ್ರೆ ಮತ್ತೊಂದೆಡೆ ರೋಹಿತ್ ಶರ್ಮಾ ಕೂಡ ಉತ್ತಮ ಸಾಥ್ ನೀಡಿದರು. 4 ಭರ್ಜರಿ ಸಿಕ್ಸರ್ ಸಿಡಿಸಿ ಕೆಕೆಆರ್ ಬೌಲರುಗಳ ಬೆಂಡೆತ್ತಿದರು. ಆದರೆ 28 ಎಸೆತಗಳಲ್ಲಿ 48 ರನ್​ಗಳಿಸಿದ ಸೂರ್ಯಕುಮಾರ್ ಯಾದವ್ ರನೌಟ್ ಆಗುವ ಮೂಲಕ ಅರ್ಧಶತಕ ತಪ್ಪಿಸಿಕೊಂಡರು. ಇನ್ನೊಂದೆಡೆ 39 ಎಸೆತಗಳಲ್ಲಿ ಎದುರಿಸಿ ಹಿಟ್​ಮ್ಯಾನ್ ತಮ್ಮ ಅರ್ಧಶತಕ ಪೂರೈಸಿದರು.

ಹಾಫ್ ಸೆಂಚುರಿ ಬೆನ್ನಲ್ಲೇ ಅಬ್ಬರಿಸಲಾರಂಭಿಸಿದ ರೋಹಿತ್ ಶರ್ಮಾ, ಕುಲ್ದೀಪ್ ಯಾದವ್ ಎಸೆದ 14ನೇ ಓವರ್​ನಲ್ಲಿ 2 ಭರ್ಜರಿ ಸಿಕ್ಸರ್ ಸಿಡಿಸಿ ತಂಡದ ಮೊತ್ತವನ್ನು ಮತ್ತಷ್ಟು ಹೆಚ್ಚಿಸಿದರು. ಮತ್ತೊಂದು ತುದಿಯಲ್ಲಿದ್ದ ಸೌರವ್ ತಿವಾರಿ 13 ಎಸೆತಗಳಲ್ಲಿ ಒಂದು ಭರ್ಜರಿ ಸಿಕ್ಸರ್​ ಹಾಗೂ ಬೌಂಡರಿಯೊಂದಿಗೆ 21 ರನ್​ಗಳಿಸಿ ಸುನೀಲ್ ನರೈನ್​ಗೆ ವಿಕೆಟ್ ಒಪ್ಪಿಸಿದರು. ಇದೇ ವೇಳೆ ತಂಡದ ಮೊತ್ತ  3 ವಿಕೆಟ್ ನಷ್ಟಕ್ಕೆ 16 ಓವರ್​ಗಳಲ್ಲಿ 148 ರನ್ ತಲುಪಿತ್ತು.

ಪ್ಯಾಟ್ ಕಮಿನ್ಸ್ ಅವರ 17ನೇ ಓವರ್​ನಲ್ಲಿ ಸಿಡಿದ ಹಾರ್ದಿಕ್ ಪಾಂಡ್ಯ ಒಂದು ಸಿಕ್ಸರ್ ಹಾಗೂ 2 ಬೌಂಡರಿ ಬಾರಿಸಿ 19 ರನ್ ಕಲೆಹಾಕಿದರು. ಆದರೆ 18ನೇ ಓವರ್​ನಲ್ಲಿ ಬಿಗ್ ಹಿಟ್​ಗೆ ಕೈ ಹಾಕಿದ ಹಿಟ್​​ಮ್ಯಾನ್ ಕ್ಯಾಚ್ ನೀಡಿ ಹೊರ ನಡೆದರು. ಈ ವೇಳೆಗೆ ರೋಹಿತ್ ಶರ್ಮಾ 54 ಎಸೆತಗಳಲ್ಲಿ 80 ರನ್ ಪೇರಿಸಿದ್ದರು. ಆದರೆ ನಾಯಕನ ಬೆನ್ನಲ್ಲೇ ಹಾರ್ದಿಕ್ ಪಾಂಡ್ಯ (18) ಹಿಟ್ ವಿಕೆಟ್ ಆಗುವ ಮೂಲಕ ಹೊರ ನಡೆದರು.

ಕೊನೆಯ ಮೂರು ಓವರ್​ಗಳಲ್ಲಿ ಮೇಲುಗೈ ಸಾಧಿಸಿದ ಕೆಕೆಆರ್ ಬೌಲರುಗಳು ರನ್​ಗತಿಯನ್ನು ನಿಯಂತ್ರಿಸಲು ಯಶಸ್ವಿಯಾದರು. ಪರಿಣಾಮ 200 ರನ್​ ದಾಟಬೇಕಿದ್ದ ಮುಂಬೈ ಇಂಡಿಯನ್ಸ್ ಸ್ಕೋರ್ 195 ಬಂದು ನಿಂತಿತು. ಕೆಕೆಆರ್ ಪರ ಶಿವಂ ಮಾವಿ 2 ವಿಕೆಟ್ ಪಡೆದರೆ, ನರೈನ್ ಹಾಗೂ ರಸೆಲ್ ತಲಾ ಒಂದು ವಿಕೆಟ್ ಉರುಳಿಸಿದರು.
Published by: zahir
First published: September 23, 2020, 9:37 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories