IPL

  • associate partner
HOME » NEWS » Ipl » IPL 2020 ISHAN KISHAN LEADS MOST SIXES TALLY ZP

IPL 2020: ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಹೊಸ ದಾಖಲೆ ಬರೆದ ಪಾಕೆಟ್ ಡೈನಾಮೊ

ಈ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಮತ್ತೊರ್ವ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ಆಂಡ್ರೆ ರಸ್ಸೆಲ್ ಪಡೆದಿದ್ದು, 2019 ರಲ್ಲಿ ಕೆಕೆಆರ್ ಪರ ಸೀಸನ್​ವೊಂದರಲ್ಲಿ 52 ಸಿಕ್ಸರ್ ಸಿಡಿಸಿದ್ದರು.

news18-kannada
Updated:November 8, 2020, 8:55 PM IST
IPL 2020: ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಹೊಸ ದಾಖಲೆ ಬರೆದ ಪಾಕೆಟ್ ಡೈನಾಮೊ
Ishan Kishan
  • Share this:
IPLನಲ್ಲಿ ಸಿಕ್ಸರ್​ಗಳ ಸುರಿಮಳೆ ಎಂದರೆ ಥಟ್ಟನೆ ನೆನಪಿಗೆ ಬರುವ ಹೆಸರು ಕ್ರಿಸ್ ಗೇಲ್. ಆದರೆ ಈ ಬಾರಿ ಗೇಲ್​ ಆರ್ಭಟಕ್ಕಿಂತಲೂ ಚೋಟು ಬ್ಯಾಟ್ಸ್​ಮನ್ ಅಲಿಯಾಸ್ ಪಾಕೆಟ್ ಡೈನಾಮೊ ಇಶಾನ್ ಕಿಶನ್ ಅಬ್ಬರ ತುಸು ಜೋರಾಗಿದೆ. 13ನೇ ಆವೃತ್ತಿಯ ಲೀಗ್​ನಲ್ಲಿ ಸಿಕ್ಸರ್ ಸರದಾರರ ಪಟ್ಟಿಯಲ್ಲಿ 22 ವರ್ಷದ ಇಶಾನ್ ಕಿಶನ್ ಅಗ್ರಸ್ಥಾನಕ್ಕೇರಿದ್ದಾರೆ. ಅಲ್ಲದೆ ಮುಂಬೈ ಇಂಡಿಯನ್ಸ್ ಫೈನಲ್ ಪಂದ್ಯವನ್ನಾಡಲಿದ್ದು, ಹೀಗಾಗಿ ಈ ಪಂದ್ಯದಲ್ಲೂ ಕಿಶನ್ ಬ್ಯಾಟಿಂಗ್ ಕಾರುಬಾರು ನಿರೀಕ್ಷಿಸಬಹುದು.

ಪ್ರಸಕ್ತ ಐಪಿಎಲ್ ಸೀಸನ್​ನಲ್ಲಿ ಗರಿಷ್ಠ ಸಿಕ್ಸರ್‌ಗಳ ಸುರಿಮಳೆಯಲ್ಲಿ ಸಂಜು ಸ್ಯಾಮ್ಸನ್ ಮುಂಚೂಣಿಯಲ್ಲಿದ್ದರು. 14 ಇನ್ನಿಂಗ್ಸ್‌ಗಳಲ್ಲಿ 26 ಸಿಕ್ಸರ್‌ಗಳನ್ನು ಬಾರಿಸಿದ್ದರು. ಆದರೆ ಗುರುವಾರ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 3 ಭರ್ಜರಿ ಸಿಕ್ಸರ್ ಸಿಡಿಸುವ ಮೂಲಕ ಸ್ಯಾಮ್ಸನ್ ದಾಖಲೆಯನ್ನು ಮುರಿದು ಕಿಶನ್ ಮುನ್ನುಗ್ಗಿದ್ದಾರೆ. 29 ಸಿಕ್ಸರ್‌ಗಳನ್ನು ಸಿಡಿಸಿರುವ ಕಿಶನ್ ಹಿಂದೆಯೇ ಇಂಡಿಯನ್ಸ್‌ನ ಹಾರ್ದಿಕ್ ಪಾಂಡ್ಯ ಇದ್ದು, ಇದುವರೆಗೆ 25 ಸಿಕ್ಸರ್ ಬಾರಿಸಿದ್ದಾರೆ. ಇನ್ನು ಕೇವಲ 7 ಪಂದ್ಯವನ್ನಾಡಿದ ಗೇಲ್ ಈ ವರ್ಷ 23 ಸಿಕ್ಸರ್ ಬಾರಿಸಿರುವುದು ವಿಶೇಷ. ಸದ್ಯ 13 ಪಂದ್ಯಗಳಲ್ಲಿ 483 ರನ್ ಕಲೆಹಾಕಿರುವ ಕಿಶನ್ 500 ರನ್​ ಸೀಸನ್​ನ 500 ರನ್ ಸರದಾರರ ಪಟ್ಟಿಗೆ ಸೇರಲು ಕೇವಲ 17 ರನ್​ ಅಷ್ಟೇ ಬೇಕಿದೆ.

ಅಂದಹಾಗೆ, ಐಪಿಎಲ್ ಇತಿಹಾಸದಲ್ಲೇ ಸೀಸನ್​ವೊಂದರಲ್ಲಿ ಅತೀ ಹೆಚ್ಚು ಸಿಕ್ಸರ್ ಸಿಡಿಸಿದ ದಾಖಲೆ ಕ್ರಿಸ್ ಗೇಲ್ ಹೆಸರಿನಲ್ಲಿದೆ. 2012 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಬ್ಯಾಟ್ ಬೀಸಿದ ಗೇಲ್ 59 ಸಿಕ್ಸರ್ ಬಾರಿಸಿದ್ದರು. ಈ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಮತ್ತೊರ್ವ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ಆಂಡ್ರೆ ರಸ್ಸೆಲ್ ಪಡೆದಿದ್ದು, 2019 ರಲ್ಲಿ ಕೆಕೆಆರ್ ಪರ ಸೀಸನ್​ವೊಂದರಲ್ಲಿ 52 ಸಿಕ್ಸರ್ ಸಿಡಿಸಿದ್ದರು. ಇನ್ನು ಮೂರನೇ ಸ್ಥಾನದಲ್ಲಿ ಗೇಲ್ ಇದ್ದು, 2013 ರಲ್ಲಿ ಆರ್‌ಸಿಬಿ ಪರ 51 ಸಿಕ್ಸರ್ ಬಾರಿಸಿದ್ದರು. ಇನ್ನು ಸೀಸನ್​ವೊಂದರಲ್ಲಿ ಅತೀ ಹೆಚ್ಚು ಸಿಕ್ಸರ್ ಸಿಡಿಸಿ ಆಟಗಾರರ ಪಟ್ಟಿಯಲ್ಲಿ ಇಶಾನ್ ಕಿಶನ್ 5ನೇ ಸ್ಥಾನದಲ್ಲಿದ್ದಾರೆ.
POINTS TABLE:

SCHEDULE TIME TABLE:

ORANGE CAP:

PURPLE CAP: RESULT DATA:

MOST SIXES:

ಇದನ್ನೂ ಓದಿ: IPL 2020: ಇಲ್ಲಿವರೆಗೂ ಈತ ಹೇಳಿದ ಭವಿಷ್ಯ ನಿಜವಾಗಿದೆ: ಈ ಬಾರಿ ಕಪ್ ಗೆಲ್ಲುವ ತಂಡವನ್ನೂ ತಿಳಿಸಿದ್ದಾನೆ..!
Published by: zahir
First published: November 6, 2020, 5:20 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories