IPL

  • associate partner

IPL 2020: ಚುಟುಕು ಕದನಕ್ಕೆ ತಂಡಗಳು ಸಜ್ಜು: ರೋಚಕ ಕಾದಾಟಕ್ಕೆ ಸಾಕ್ಷಿಯಾಗಲಿದೆ ಈ ಬಾರಿಯ IPL

ಈ ಬಾರಿ ಕಪ್ ನಮ್ದೆ ವಿಶ್ವಾಸದಲ್ಲಿರುವ ಕೊಹ್ಲಿ ಪಡೆ ಕೂಡ ಭರ್ಜರಿ ಸಿದ್ದತೆಯಲ್ಲಿದ್ದು, ಸೋಮವಾರ ಸನ್​ರೈಸರ್ಸ್ ಹೈದರಾಬಾದ್ ವಿರುದ್ದ ಮೊದಲ ಪಂದ್ಯವನ್ನಾಡಲಿದೆ. ಕಳೆದ 12 ಸೀಸನ್​ಗಳಿಂದ ಮರೀಚಿಕೆಯಾಗಿರುವ ಟ್ರೋಫಿ ಈ ಬಾರಿ ಆರ್​ಸಿಬಿ ಮುಡಿಗೇರಲಿದೆ ಎಂಬ ವಿಶ್ವಾಸದಲ್ಲಿ ಇತ್ತ ಅಭಿಮಾನಿಗಳು ಕೂಡ ಇದ್ದಾರೆ.

news18-kannada
Updated:September 19, 2020, 7:09 AM IST
IPL 2020: ಚುಟುಕು ಕದನಕ್ಕೆ ತಂಡಗಳು ಸಜ್ಜು: ರೋಚಕ ಕಾದಾಟಕ್ಕೆ ಸಾಕ್ಷಿಯಾಗಲಿದೆ ಈ ಬಾರಿಯ IPL
IPL 2020
  • Share this:
ವಿಶ್ವದ ಶ್ರೀಮಂತ ಕ್ರಿಕೆಟ್​ ಲೀಗ್ ಐಪಿಎಲ್​ನ 13ನೇ ಆವೃತ್ತಿಗೆ ಕ್ಷಣಗಣನೆ ಶುರುವಾಗಿದೆ. ಮಾರ್ಚ್​ನಲ್ಲಿ ನಡೆಯಬೇಕಿದ್ದ ಟೂರ್ನಿ ಈ ಬಾರಿ ಕೊರೋನಾ ಕಾರಣದಿಂದ ಯುಎಇನಲ್ಲಿ ಆಯೋಜಿಸಲಾಗುತ್ತಿದೆ. ಅಬುಧಾಬಿಯ ಶೇಖ್ ಝಾಯದ್ ಸ್ಟೇಡಿಯಂ ನಲ್ಲಿ ರಂಗೀನ್ ಕ್ರಿಕೆಟ್ ಟೂರ್ನಿಗೆ ಇಂದು  ಚಾಲನೆ ಸಿಗಲಿದ್ದು, 3 ನಗರಗಳಲ್ಲಿ  8 ತಂಡಗಳ ನಡುವೆ ಚುಟುಕು ಕದನ ಏರ್ಪಡಲಿದೆ.  ಪ್ರೇಕ್ಷಕರಿಲ್ಲದೆ ಇದೇ ಮೊದಲ ಬಾರಿ ಐಪಿಎಲ್ ನಡೆಯುತ್ತಿದ್ದು, ಕೊರೋನಾ ಕಾರಣದಿಂದ  ಉದ್ಘಾಟನಾ ಸಮಾರಂಭದಲ್ಲಿ ಈ ಬಾರಿ ರಂಗೀನ್​ ದುನಿಯಾದ ಸ್ಟಾರ್​ ನಟ-ನಟಿಯರು ಕೂಡ ಕಾಣಿಸಿಕೊಳ್ಳುವುದಿಲ್ಲ. 

ಮೊದಲ ಪಂದ್ಯದಲ್ಲಿ ಐಪಿಎಲ್​​ನ ಬಲಿಷ್ಠ ತಂಡಗಳೆಂದು ಬಿಂಬಿತವಾಗಿರುವ ಮುಂಬೈ ಇಂಡಿಯನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಮುಖಾಮುಖಿಯಾಗಲಿರುವುದು ವಿಶೇಷ.  ಮೊದಲ ಪಂದ್ಯದಲ್ಲಿ ಜಯಭೇರಿಯೊಂದಿಗೆ 13ನೇ ಆವೃತ್ತಿಯನ್ನು ಭರ್ಜರಿಯಾಗಿ ಪ್ರಾರಂಭಿಸಲು ಉಭಯ ತಂಡಗಳು ಸನ್ನದ್ಧವಾಗಿದೆ.

ಯುಎಇ ಪಿಚ್​ಗಳು ಸ್ಪಿನ್​ ಬೌಲರುಗಳಿಗೆ ಹೆಚ್ಚು ಸಹಕಾರಿ ಆಗಿರುವುದರಿಂದ ಇಂದಿನ ಪಂದ್ಯದಲ್ಲಿ ರೋಚಕ ಹೋರಾಟವನ್ನು ನಿರೀಕ್ಷಿಸಬಹುದು. ಮುಖ್ಯವಾಗಿ ಸಿಎಸ್​ಕೆ ತಂಡದಲ್ಲಿ ಇಮ್ರಾನ್ ತಾಹಿರ್, ಸ್ಯಾಂಟ್ನರ್, ಜಡೇಜಾರಂತಹ ಉತ್ತಮ ಸ್ಪಿನ್ ಬೌಲರುಗಳಿರುವುದು ಧೋನಿ ಪಡೆಯ ಆತ್ಮ ವಿಶ್ವಾಸವನ್ನು ಹೆಚ್ಚಿಸಿದೆ. ಇತ್ತ ಮುಂಬೈ ಇಂಡಿಯನ್ಸ್ ತಂಡದ ಬೌಲಿಂಗ್ ವಿಭಾಗವನ್ನು ವಿಶ್ವದ ನಂಬರ್ 1 ಏಕದಿನ ಬೌಲರ್ ಟ್ರೆಂಟ್ ಬೌಲ್ಟ್ ಹಾಗೂ ನಂಬರ್ 2 ವೇಗಿ ಜಸ್​ಪ್ರೀತ್ ಬುಮ್ರಾ ಮುನ್ನಡೆಸುತ್ತಿರುವುದು ಸಿಎಸ್​ಕೆ ತಂಡದ ಚಿಂತೆಗೆ ಕಾರಣ.

ನಾಲ್ಕು ಬಾರಿ ಐಪಿಎಲ್ ಕಿರೀಟ ಮುಡಿಗೇರಿಸಿರುವ ಮುಂಬೈ ಇಂಡಿಯನ್ಸ್ ತಂಡವನ್ನು ಯಾವತ್ತೂ ಹಗುರವಾಗಿ ಪರಿಗಣಿಸಲಾಗುವುದಿಲ್ಲ. ಈ ತಂಡದ ಪ್ರಮುಖ ಅಸ್ತ್ರವೆ ಓಪನಿಂಗ್ ಜೋಡಿ. ರೋಹಿತ್ ಶರ್ಮಾ ಹಾಗೂ ಕ್ವಿಂಟನ್ ಡಿ ಕಾಕ್ ಪ್ರತಿಬಾರಿ ಭರ್ಜರಿ ಆರಂಭ ಒದಗಿಸುತ್ತಾರೆ. ಇಬ್ಬರ ಅನುಭವ ಮುಂಬೈ ತಂಡದಲ್ಲಿ ಚೆನ್ನಾಗಿಯೆ ಕೆಲಸ ಮಾಡುತ್ತದೆ. ಮಧ್ಯಮ ಕ್ರಮಾಂಕದಲ್ಲಿ ಪೊಲಾರ್ಡ್, ಪಾಂಡ್ಯರಂತಹ ಅಪಾಯಕಾರಿ ಆಟಗಾರರ ದಂಡೆಯಿದೆ. ಇನ್ನು ಹೊಡಿಬಡಿ ದಾಂಡಿಗ ಕ್ರಿಸ್ ಲಿನ್ ಕೂಡ ಮುಂಬೈ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದು, ಮೊದಲ ಪಂದ್ಯದಲ್ಲಿ ಕಣಕ್ಕಿಳಿಯಲಿದ್ದಾರಾ ಕಾದು ನೋಡಬೇಕಿದೆ.

I ’ IPL 2020: CSK's Ruturaj Gaikwad remains Covid-19 positive, still in quarantine
CSK 2020


ಇತ್ತ ಸಿಎಸ್​ಕೆ ತಂಡಕ್ಕೆ ಸುರೇಶ್ ರೈನಾ ಅನುಪಸ್ಥಿತಿ ಎದ್ದು ಕಾಣುತ್ತಿದೆ. ಎಂಎಸ್ ಧೋನಿ ಒಂದು ಕಡೆಯಾದರೆ ಶೇನ್ ವಾಟ್ಸನ್, ಡುಪ್ಲೆಸಿಸ್​ ತಂಡದಲ್ಲಿರುವುದೇ ದೊಡ್ಡ ಬಲ. ಇನ್ನು ತಮ್ಮ ಆಲ್​ರೌಂಡರ್ ಪ್ರದರ್ಶನ ಮೂಲಕ ಪಂದ್ಯದ ಗತಿಯನ್ನೇ ಬದಲಿಸಬಲ್ಲ ಡ್ವೇನ್ ಬ್ರಾವ್ರೊ, ರವೀಂದ್ರ ಜಡೇಜಾ ಸಿಎಸ್​ಕೆ ತಂಡದ ವಿಭಿನ್ನ ಅಸ್ತ್ರ. ಹಾಗೆಯೇ ಸ್ಪಿನ್ ಜೋಡಿಯಾಗಿ ಇಮ್ರಾನ್ ತಾಹಿರ್, ಸ್ಯಾಂಟ್ನರ್ ಕೂಡ ಸೂಪರ್​ ಕಿಂಗ್ಸ್​ ತಂಡದಲ್ಲಿದ್ದಾರೆ. ಇವೆಲ್ಲಕ್ಕಿಂತ ಮುಖ್ಯವಾಗಿ ಮಹೇಂದ್ರ ಸಿಂಗ್ ಧೋನಿಯ ನಾಯಕತ್ವ ಚೆನ್ನೈಯನ್ನು ಮತ್ತೊಮ್ಮೆ ವಿಸಿಲ್ ಹೊಡೆಯುವಂತೆ ಮಾಡುವುದರಲ್ಲಿ ಅನುಮಾನವಿಲ್ಲ.

IPL 2020: Kolkata Knight Riders’ Chris Green banned from bowling for 3 months by Cricket Australia
ಕೊಲ್ಕತ್ತಾ ನೈಟ್ ರೈಡರ್ಸ್
ಕಳೆದ ಸೀಸನ್​ನಲ್ಲಿ ವಿಫಲತೆಯಿಂದ ನಲುಗಿದ್ದ ಕೊಲ್ಕತ್ತಾ ನೈಟ್​ರೈಡರ್ಸ್​ ತಂಡ ಈ ಬಾರಿ ತಮ್ಮ ಎಂದಿನ ಲಯಕ್ಕೆ ಮರಳುವ ವಿಶ್ವಾಸದಲ್ಲಿದೆ. ದಿನೇಶ್ ಕಾರ್ತಿಕ್ ಮುನ್ನಡೆಸಲಿರುವ ನೈಟ್​ರೈಡರ್ಸ್​ ತಂಡದ ಪ್ರಮುಖ ಪ್ಲೇಯರ್ ಆಗಿ ಇಯಾನ್ ಮೊರ್ಗನ್ ಮತ್ತು ಸುನೀಲ್ ನರೇನ್ ಮಿಂಚುವ ಭರವಸೆಯಲ್ಲಿದ್ದಾರೆ. ಯಾವುದೇ ಸಂದರ್ಭದಲ್ಲೂ ಸ್ಪೋಟಗೊಳ್ಳುವ ಆಟಗಾರನಾಗಿ ಆ್ಯಂಡ್ರೆ ರಸೆಲ್ ಕೂಡ ಕೊಲ್ಕತ್ತಾ ಪಡೆಯಲ್ಲಿರುವುದು ಪ್ಲಸ್ ಪಾಯಿಂಟ್.

ಸನ್​ರೈಸರ್ಸ್​ ಹೈದರಾಬಾದ್


11ನೇ ಸೀಸನ್​ನಲ್ಲಿ ರೋಚಕ ಹೋರಾಟದೊಂದಿಗೆ ಚುಟುಕು ಕ್ರಿಕೆಟ್​ನ ರಸದೌತಣ ಒದಗಿಸಿದ್ದ ಸನ್​ ರೈಸರ್ಸ್​ ಹೈದರಾಬಾದ್ ಈ ಬಾರಿ ಚಾಂಪಿಯನ್ ಪಟ್ಟದ ಮೇಲೆ ಕಣ್ಣಿಟ್ಟಿದೆ ಎಂದರೆ ತಪ್ಪಾಗಲಾರದು. ಕಳೆದ ಬಾರಿ ಪ್ಲೇ ಆಫ್ ಪ್ರವೇಶಿಸಿದ್ದ ಸನ್​ರೈಸರ್ಸ್​ ಈ ಬಾರಿ ಹೆಚ್ಚಿನ ಬದಲಾವಣೆ ಮಾಡಿಕೊಂಡಿಲ್ಲ. ತಂಡದಲ್ಲಿ ಅತ್ಯುತ್ತಮ ಫಾರ್ಮ್​ನಲ್ಲಿರುವ ಕೇನ್ ವಿಲಿಯಮ್ಸನ್, ಡೇವಿಡ್ ವಾರ್ನರ್​ರಂತಹ ಘಟಾನುಘಟಿಗಳಿದ್ದರೆ, ಮನೀಷ್ ಪಾಂಡೆ ಹಾಗೂ ಭರ್ಜರಿ ಫಾರ್ಮ್​ನಲ್ಲಿರುವ ಜಾನಿ ಬೈರ್​ಸ್ಟೋವ್ ತಂಡಕ್ಕೆ ಆಸರೆಯಾಗುವ ನಿರೀಕ್ಷೆಯಿದೆ. ಇನ್ನು ಬೌಲಿಂಗ್ ವಿಭಾಗದಲ್ಲಿ ರಶೀದ್ ಖಾನ್, ಭುವನೇಶ್ವರ್ ಕುಮಾರ್ ಇದ್ದು, ಮತ್ತೊಮ್ಮೆ ಮೋಡಿ ಮೂಲಕ ಪಂದ್ಯದ ಗತಿಯನ್ನೇ ಬದಲಿಸುವ ಹುಮ್ಮಸ್ಸಿನಲ್ಲಿದ್ದಾರೆ.

MI


ರೋಹಿತ್ ಶರ್ಮಾ ನೇತೃತ್ವದ ಮುಂಬೈ ಇಂಡಿಯನ್ಸ್ ಈ ಬಾರಿ ಪ್ರಶಸ್ತಿಯನ್ನು ಮುಡಿಗೇರಿಸಿ 5ನೇ ಬಾರಿ ಚಾಂಪಿಯನ್​ ಆಗುವ ತವಕದಲ್ಲಿದೆ. ಪಾಂಡ್ಯ ಸಹೋದರರು ಹಾಗೂ ಜಸ್ಪ್ರೀತ್ ಬುಮ್ರಾ ತಂಡ ಟ್ರಂಪ್​ ಕಾರ್ಡ್​ ಆಗಿದ್ದು, ಇವರೊಂದಿಗೆ ಎಡಗೈ ವೇಗಿ ಬೌಲ್ಟ್ ಸಹ ಮೋಡಿ ಮಾಡಲಿದ್ದಾರೆ. ಬ್ಯಾಟಿಂಗ್ ವಿಭಾಗದಲ್ಲಿ ಕಿರೋನ್ ಪೋಲಾರ್ಡ್​ಗೆ ಶಕ್ತಿ ತುಂಬಲು ಆಲ್​ರೌಂಡರ್ ಆಗಿ ಹಾರ್ದಿಕ್ ಪಾಂಡ್ಯ ಕೂಡ ಇರುವುದು ಮುಂಬೈ ಟೀಮ್​ನ ಆತ್ಮವಿಶ್ವಾಸ ಹೆಚ್ಚಿಸಿದೆ.

Delhi Cap
ಡೆಲ್ಲಿ  ಕ್ಯಾಪಿಟಲ್ಸ್


ಕಳೆದ ಬಾರಿ ಪ್ಲೇ ಆಫ್ ಎಂಟ್ರಿ ಕೊಟ್ಟಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ಈ ಬಾರಿ ಕೂಡ ಫೇವರೆಟ್ ತಂಡಗಳಲ್ಲಿ ಗುರುತಿಸಿಕೊಂಡಿದೆ. ತಂಡವನ್ನು ಶ್ರೇಯಸ್ ಅಯ್ಯರ್  ಮುನ್ನಡೆಸಲಿದ್ದು, ಭಾರತದ ಯುವ ಆಟಗಾರರೇ ತಂಡದ ಪ್ಲಸ್​ ಪಾಯಿಂಟ್ ಆಗಿದ್ದಾರೆ.  ರಿಷಭ್ ಪಂತ್ ಹಾಗೂ ಪೃಥ್ವಿ ಶಾ ಕ್ಯಾಪಿಟಲ್ಸ್​ನ ಆಧಾರ ಸ್ತಂಭಗಳಾಗಿದ್ದಾರೆ. ಇವರಿಗೆ ಸ್ಟೊಯಿನಿಸ್ ಹಾಗೂ ಹೆಟ್ಮೆಯರ್​ ಅವರ ನೆರವು ಸಿಕ್ಕರೆ ಡೆಲ್ಲಿ ಕ್ಯಾಪಿಟಲ್ಸ್ ಈ ಬಾರಿ ಹೊಸ ಪ್ರದರ್ಶನ ನೀಡುವುದರಲ್ಲಿ ಸಂಶಯವೇ ಇಲ್ಲ.

RR


ಪಿಂಕ್ ಸಿಟಿಯನ್ನು ಪ್ರತಿನಿಧಿಸಲಿರುವ ಪಿಂಕ್ ಜೆರ್ಸಿಯ ರಾಜಸ್ಥಾನ್ ರಾಯಲ್ಸ್​ ತಂಡವನ್ನು ಸ್ಟೀವ್ ಸ್ಮಿತ್ ಮುನ್ನಡೆಸಲಿದ್ದಾರೆ. ಸಂಜು ಸಾಮ್ಸನ್, ಜೋಸ್ ಬಟ್ಲರ್, ಜೋಫ್ರಾ ಆರ್ಷರ್​ರಂತಹ ಸ್ಟಾರ್​ ಆಟಗಾರರು ತಂಡದಲ್ಲಿರುವುದು ಪ್ಲಸ್​ ಪಾಯಿಂಟ್. ಇವರೊಂದಿಗೆ ಯುವ ಪಡೆಯನ್ನು ಕಣಕ್ಕಿಳಿಸಲಿರುವ ರಾಜಸ್ಥಾನ್ ತಂಡ ಎದುರಾಳಿಗಳಿಗೆ ಕಬ್ಬಿಣದ ಕಡಲೆಯಾಗಬಹುದು.

IPL 2020 Usain Bolt tests positive after his birthday Kings XI player Chris Gayle attended the party,
ಕಿಂಗ್ಸ್ ಇಲೆವೆನ್ ಪಂಜಾಬ್


ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಪವರ್ ಎಂದರೆ ಕ್ರಿಸ್ ಗೇಲ್. ಸ್ಪೋಟಕ ಆರಂಭವನ್ನು ಒದಗಿಸುವ ತಾಕತ್ತು ಹೊಂದಿರುವ ಕ್ರಿಸ್ ಗೇಲ್ ಮೇಲೆ ಪಂಜಾಬ್ ತಂಡ ಅಪಾರ ಭರವಸೆಯನ್ನಿಟ್ಟುಕೊಂಡಿದೆ. ಗೇಲ್​ಗೆ ಬೆಂಬಲವಾಗಿ ನಾಯಕ ಕೆ.ಎಲ್ ರಾಹುಲ್ ಕೂಡ ಆತ್ಮ ವಿಶ್ವಾಸದಲ್ಲಿದ್ದಾರೆ. ಇವರ ಜೊತೆ ಮಯಾಂಕ್ ಅರ್ಗವಾಲ್, ಸರ್ಫರಾಜ್ ಖಾನ್, ಕರುಣ್ ನಾಯರ್ ಅವರಂತಹ ಹೊಡಿಬಡಿ ದಾಂಡಿಗರು ಸಹ ತಂಡದಲ್ಲಿದ್ದಾರೆ. ಇನ್ನು ಸ್ಪಿನ್ ಮೋಡಿ ತೋರಿಸಲು ಅಫ್ಘಾನಿಸ್ತಾನದ ಯುವ ಸ್ಪಿನ್ನರ್ ಮುಜೀಬ್ ಉರ್ ರೆಹ್ಮಾನ್ ಕೂಡ ಇದ್ದಾರೆ. ಹಾಗೆಯೇ ವೇಗದ ಅಸ್ತ್ರವಾಗಿ ಮೊಹಮ್ಮದ್ ಶಮಿ ಸಹ ಕಿಂಗ್ಸ್ ಇಲೆವೆನ್ ತಂಡದಲ್ಲಿದ್ದಾರೆ. ಇವೆಲ್ಲಕ್ಕಿಂತ ಮುಖ್ಯವಾಗಿ ಕೋಚ್ ಆಗಿ ಅನಿಲ್ ಕುಂಬ್ಳೆ ಪಂಜಾಬ್ ತಂಡದಲ್ಲಿದ್ದಾರೆ. ಹೀಗಾಗಿ ಈ ಬಾರಿ ಕಿಂಗ್ಸ್​ ಇಲೆವೆನ್ ಪಂಜಾಬ್ ಟೀಮ್​ನಿಂದ ಉತ್ತಮ ಪ್ರದರ್ಶನ ಹೊರಬೀಳುವ ನಿರೀಕ್ಷೆಯಿದೆ.

IPL 2020: RCB bowler Zampa wants to master death bowling skill during 13th IPL
RCB


ಈ ಬಾರಿ ಕಪ್ ನಮ್ದೆ ವಿಶ್ವಾಸದಲ್ಲಿರುವ ಕೊಹ್ಲಿ ಪಡೆ ಕೂಡ ಭರ್ಜರಿ ಸಿದ್ದತೆಯಲ್ಲಿದ್ದು, ಸೋಮವಾರ ಸನ್​ರೈಸರ್ಸ್ ಹೈದರಾಬಾದ್ ವಿರುದ್ದ ಮೊದಲ ಪಂದ್ಯವನ್ನಾಡಲಿದೆ. ಕಳೆದ 12 ಸೀಸನ್​ಗಳಿಂದ ಮರೀಚಿಕೆಯಾಗಿರುವ ಟ್ರೋಫಿ ಈ ಬಾರಿ ಆರ್​ಸಿಬಿ ಮುಡಿಗೇರಲಿದೆ ಎಂಬ ವಿಶ್ವಾಸದಲ್ಲಿ ಇತ್ತ ಅಭಿಮಾನಿಗಳು ಕೂಡ ಇದ್ದಾರೆ. ಏಕೆಂದರೆ ತಂಡದ ಬೌಲಿಂಗ್ ವಿಭಾಗಕ್ಕೆ ಮಾರಕ ವೇಗಿ ಡೇಲ್ ಸ್ಟೈನ್ ಎಂಟ್ರಿ ಕೊಟ್ಟಿದ್ರೆ, ಆರಂಭಿಕ ವೈಫಲ್ಯವನ್ನು ಹೋಗಲಾಡಿಸಲು ಆರೋನ್ ಫಿಂಚ್ ಸಹ ತಂಡದಲ್ಲಿದ್ದಾರೆ. ಇನ್ನು ಆಲ್​ರೌಂಡರ್​ಗಳಾಗಿ ಮೊಯೀನ್ ಅಲಿ, ಕ್ರಿಸ್ ಮೊರಿಸ್, ವಾಷಿಂಗ್ಟನ್ ಸುಂದರ್ ಸಹ ಕೊಹ್ಲಿ ಪಡೆಯಲ್ಲಿದೆ. ಹಾಗೆಯೇ ಸ್ಪಿನ್ ಬೌಲರ್​ಗಳಾಗಿ ಯಜುವೇಂದ್ರ ಚಹಲ್ ಜೊತೆ ಈ ಬಾರಿ ಆಸ್ಟ್ರೇಲಿಯಾದ ಖ್ಯಾತ ಸ್ಪಿನ್ನರ್ ಆ್ಯಡಂ ಜಂಪಾ ಕೂಡ ಕಣಕ್ಕಿಳಿಯುವ ಸಾಧ್ಯತೆಯಿದೆ. ಇನ್ನು  ಕಳೆದ ಆರ್​ಸಿಬಿ ತಂಡದ ಆಧಾರ ಸ್ತಂಭಗಳಾದ  ನಾಯಕ ವಿರಾಟ್ ಕೊಹ್ಲಿ ಹಾಗೂ ಎಬಿ ಡಿವಿಲಿಯರ್ಸ್ ಈ ಬಾರಿ ಕಪ್ ಗೆಲ್ಲಲೇ ಬೇಕು ಎಂದು ಪಣತೊಟ್ಟಿದ್ದಾರೆ. ಒಟ್ಟಿನಲ್ಲಿ ಆರ್​ಸಿಬಿ ತಂಡ ಈ ಹಿಂದೆಗಿಂತಲೂ ಹೆಚ್ಚು ಸಮತೋಲನದಿಂದ ಕೂಡಿದ್ದು, ಪ್ರಶಸ್ತಿ ಜಯಿಸುವ ಟಾಪ್ ತಂಡಗಳ ಪಟ್ಟಿಯಲ್ಲಿ ಗುರುತಿಸಿಕೊಂಡಿದೆ.

ಇಲ್ಲಿಯವರೆಗೂ ಐಪಿಎಲ್​ನಲ್ಲಿ​ ಕಿರೀಟ ಮುಡಿಗೇರಿಸಿದ ತಂಡಗಳ ಪಟ್ಟಿ:

2008
ಚಾಂಪಿಯನ್ - ರಾಜಸ್ಥಾನ್ ರಾಯಲ್ಸ್
ರನ್ನರ್ ಅಪ್ - ಚೆನ್ನೈ ಸೂಪರ್ ಕಿಂಗ್ಸ್

2009
ಚಾಂಪಿಯನ್- ಡೆಕ್ಕನ್ ಚಾರ್ಜರ್ಸ್
ರನ್ನರ್ ಅಪ್- ರಾಯಲ್ ಚಾಲೆಂಜರ್ಸ್ ಬೆಂಗಳೂರು

2010
ಚಾಂಪಿಯನ್- ಚೆನ್ನೈ ಸೂಪರ್ ಕಿಂಗ್ಸ್
ರನ್ನರ್ ಅಪ್- ಮುಂಬೈ ಇಂಡಿಯನ್ಸ್

2011
ಚಾಂಪಿಯನ್- ಚೆನ್ನೈ ಸೂಪರ್ ಕಿಂಗ್ಸ್
ರನ್ನರ್ ಅಪ್- ರಾಯಲ್ ಚಾಲೆಂಜರ್ಸ್ ಬೆಂಗಳೂರು

2012
ಚಾಂಪಿಯನ್- ಕೋಲ್ಕತಾ ನೈಟ್ ರೈಡರ್ಸ್
ರನ್ನರ್ ಅಪ್- ಚೆನ್ನೈ ಸೂಪರ್ ಕಿಂಗ್ಸ್

2013
ಚಾಂಪಿಯನ್- ಮುಂಬಯಿ ಇಂಡಿಯನ್ಸ್
ರನ್ನರ್ ಅಪ್- ಚೆನ್ನೈ ಸೂಪರ್ ಕಿಂಗ್ಸ್

2014
ಚಾಂಪಿಯನ್- ಕೊಲ್ಕತ್ತಾ ನೈಟ್ ರೈಡರ್ಸ್
ರನ್ನರ್ ಅಪ್- ಕಿಂಗ್ಸ್ ಇಲೆವೆನ್ ಪಂಜಾಬ್

2015
ಚಾಂಪಿಯನ್- ಮುಂಬೈ ಇಂಡಿಯನ್ಸ್
ರನ್ನರ್ ಅಪ್- ಚೆನ್ನೈ ಸೂಪರ್ ಕಿಂಗ್ಸ್

2016
ಚಾಂಪಿಯನ್- ಸನ್​ರೈಸರ್ಸ್​ ಹೈದರಾಬಾದ್
ರನ್ನರ್ ಅಪ್- ರಾಯಲ್ ಚಾಲೆಂಜರ್ಸ್

2017
ಚಾಂಪಿಯನ್- ಮುಂಬಯಿ ಇಂಡಿಯನ್ಸ್
ರನ್ನರ್ ಅಪ್- ಪುಣೆ ಸೂಪರ್​ಜೈಂಟ್ಸ್

2018
ಚಾಂಪಿಯನ್- ಚೆನ್ನೈ ಸೂಪರ್ ಕಿಂಗ್ಸ್
ರನ್ನರ್ ಅಪ್- ಸನ್​ರೈಸರ್ಸ್ ಹೈದರಾಬಾದ್

2019
ಚಾಂಪಿಯನ್- ಮುಂಬೈ ಇಂಡಿಯನ್ಸ್
ರನ್ನರ್ ಅಪ್- ಚೆನ್ನೈ ಸೂಪರ್ ಕಿಂಗ್ಸ್​

ಐಪಿಎಲ್​ನ ಪ್ರಮುಖ ಪ್ರಶಸ್ತಿಗಳ ಪಟ್ಟಿ( ಕಳೆದ ಬಾರಿಯ ಅಂಕಿ ಅಂಶದಂತೆ)

ಚಾಂಪಿಯನ್ಸ್ : 15 ಕೋಟಿ ರೂ.
ರನ್ನರ್ ಅಪ್ : 10 ಕೋಟಿ ರೂ.
ಆರೆಂಜ್ ಕ್ಯಾಪ್ (ಅತಿ ಹೆಚ್ಚು ರನ್ )
ಪರ್ಪಲ್ ಕ್ಯಾಪ್ (ಅತಿ ಹೆಚ್ಚು ವಿಕೆಟ್)
ಎಫ್ ಬಿಬಿ ಸ್ಟೈಲಿಶ್ ಆಟಗಾರ
ಸ್ಟಾರ್ ಪ್ಲಸ್ ಪ್ರಶಸ್ತಿ
ಫ್ಲೇರ್ ಪ್ಲೇ ಪ್ರಶಸ್ತಿ
ಉದಯೋನ್ಮುಖ ಆಟಗಾರ
ಅತ್ಯುತ್ತಮ ಕ್ಯಾಚ್
ಅತ್ಯಂತ ಮೌಲ್ಯಯುತ ಆಟಗಾರ

ಬಹುತೇಕ ಪಂದ್ಯಗಳು ರಾತ್ರಿ 7.30 ಗಂಟೆಗೆ ಆರಂಭವಾಗಲಿದ್ದು, 2 ಪಂದ್ಯಗಳಿದ್ದ ದಿನ ಮೊದಲ ಪಂದ್ಯ ಸಂಜೆ 3.30 ಗಂಟೆಗೆ ಹಾಗೂ ಎರಡನೇ ಪಂದ್ಯ ರಾತ್ರಿ 7.30 ಕ್ಕೆ ನಡೆಯಲಿದೆ. ಈ ಪಂದ್ಯಗಳ ನೇರ ಪ್ರಸಾರ ಸ್ಟಾರ್ ಸ್ಪೋರ್ಟ್ಸ್ ಚಾನೆಲ್​ ಹಾಗೂ ಹಾಟ್​ಸ್ಟಾರ್​ನಲ್ಲಿ ಇರಲಿದೆ. ಇನ್ನು ರೋಚಕ ಹಣಾಹಣಿಯ ಸಂಪೂರ್ಣ ಮಾಹಿತಿ,  ಸ್ಕೋರ್ ಅಪ್​ಡೇಟ್​ಗಾಗಿ​ ನ್ಯೂಸ್ 18 ಕನ್ನಡ ವೀಕ್ಷಿಸಿಸಬಹುದು.
Published by: zahir
First published: September 19, 2020, 7:09 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading