IPL 2020: ನನ್ನಂತೆಯೇ ಬ್ಯಾಟ್ ಬೀಸಿದ್ದೀರಿ: ಕನ್ನಡಿಗನ ಬ್ಯಾಟಿಂಗ್​ಗೆ ಸೆಹ್ವಾಗ್ ಫಿದಾ

ಸ್ಪೋಟಕ ಆಟಕ್ಕೆ ಮತ್ತೊಂದು ಹೆಸರು ವಿರೇಂದ್ರ ಸೆಹ್ವಾಗ್. ವೀರು ಕ್ರೀಸ್​ನಲ್ಲಿದ್ದರೆ ಸಾಕು ಸಿಕ್ಸ್​ - ಫೋರ್​ಗಳು ಅನಾಯಾಸವಾಗಿ ಮೂಡಿ ಬರುತ್ತಿರುತ್ತಿದ್ದವು. ನಿವೃತ್ತಿಯೊಂದಿಗೆ ನಜಾಫ್​ಘಢದ ನವಾಬನ ಆಟ ಮರೆಯಿತು. ಆದರೆ ಆತ ತನ್ನಂತೆಯೇ ಬ್ಯಾಟ್ ಬೀಸಿದ್ದಾನೆ ಎಂದು ಸೆಹ್ವಾಗ್, ಸನ್​ರೈಸರ್ಸ್​ ಹೈದರಾಬಾದ್ ಬ್ಯಾಟ್ಸ್​ಮನ್​ನ್ನು ಹಾಡಿ ಹೊಗಳಿದ್ದಾರೆ. ಹೀಗೆ ಕ್ರಿಕೆಟ್ ಅಂಗಳದ ಮಾಜಿ ಸಿಡಿಲಮರಿಯಿಂದ ಹೊಗಳಿಸಿಕೊಂಡಿದ್ದು ಮತ್ಯಾರೂ ಅಲ್ಲ ಕನ್ನಡಿಗ ಮನೀಶ್ ಪಾಂಡೆ ಎಂಬುದು ವಿಶೇಷ.

ಹೌದು, ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಮನೀಶ್ ಪಾಂಡೆ ಅಬ್ಬರಿಸಿದ್ದರು. 47 ಎಸೆತಗಳಲ್ಲಿ 8 ಸಿಕ್ಸರ್ ಹಾಗೂ 4 ಬೌಂಡರಿಗಳೊಂದಿಗೆ 83 ರನ್ ಸಿಡಿಸಿದ್ದರು. ಈ ಭರ್ಜರಿ ಆಟದ ಮೂಲಕ ಸನ್​ರೈಸರ್ಸ್​ ಹೈದರಾಬಾದ್​ಗೆ ಜಯ ತಂದುಕೊಟ್ಟರು. ಈ ಆಟವನ್ನು ವಿಶ್ಲೇಷಿಸಿರುವ ವೀರು, ಮನೀಶ್ ಪಾಂಡೆ ಬ್ಯಾಟಿಂಗ್ ಅನ್ನು ತನ್ನ ಬ್ಯಾಟಿಂಗ್​ಗೆ ಹೋಲಿಸಿಕೊಂಡಿದ್ದಾರೆ.

ಯುಟ್ಯೂಬ್​ನಲ್ಲಿ ಮಾತನಾಡಿದ ಸೆಹ್ವಾಗ್, ನನ್ನಂತೆಯೇ ಆಡಿದ್ದೀರಿ ಪಾಂಡೇಜಿ. ರಾಜಸ್ಥಾನ್ ತಂಡವನ್ನು ಹೈದರಬಾದ್​ ತನ್ನ ತಾಳಕ್ಕೆ ತಕ್ಕಂತೆ ಕುಣಿಸಿತ್ತು. ರಾಜಸ್ಥಾನ್ ತಂಡವು ಹೈದರಾಬಾದ್​ನ ಕೈಗೊಂಬೆಯಂತಾಗಿತ್ತು. ಮನೀಶ್ ಪಾಂಡೆಯವರು ನನ್ನಂತೆಯೇ ಆಡಿ ರಾಜಸ್ಥಾನ್ ರಾಯಲ್ಸ್​ ತಂಡವನ್ನು ಧ್ವಂಸ ಮಾಡಿಬಿಟ್ಟರು ಎಂದು ಸೆಹ್ವಾಗ್ ವಿವರಿಸಿದ್ದಾರೆ.

ಸೆಹ್ವಾಗ್ ಮನೀಶ್ ಪಾಂಡೆ ಅವರ ಈ ಇನಿಂಗ್ಸ್​ನ್ನು ಹಾಡಿ ಹೊಗಳಲು ಮತ್ತೊಂದು ಕಾರಣವಿದೆ. ಏಕೆಂದರೆ ಪಾಂಡೆ ಕ್ರೀಸ್​ಗಿಳಿದಾಗ 4 ರನ್‌ಗೆ ಮೊದಲ ವಿಕೆಟ್ ಕಳೆದು ಕೊಂಡಿತ್ತು. ಇದರ ಬೆನ್ನಲ್ಲೇ ಮತ್ತೋರ್ವ ಆರಂಭಿಕ ಆಟಗಾರ ಬೈರ್‌ಸ್ಟೋವ್ ಕೂಡ ನಿರ್ಗಮಿಸಿದರು. ಈ ಹಂತದಲ್ಲಿ ಎದೆಗುಂದದೆ ಮನೀಶ್ ಪಾಂಡೆ ಸ್ಪೋಟಕ ಬ್ಯಾಟಿಂಗ್ ಮೂಲಕ ರಾಜಸ್ಥಾನ್ ಬೌಲರುಗಳು ವಿರುದ್ಧ ತಿರುಗಿ ಬಿದ್ದಿದ್ದರು. ಅದರಂತೆ 8 ಸಿಕ್ಸರ್​ನೊಂದಿಗೆ 83 ಸಿಡಿಸಿ ಅಜೇಯರಾಗಿ ಉಳಿದರು. ಈ ಮೂಲಕ ಸನ್​ರೈಸರ್ಸ್ ಹೈದರಾಬಾದ್​ಗೆ 8 ವಿಕೆಟ್​ಗಳ ಭರ್ಜರಿ ಜಯ ತಂದುಕೊಟ್ಟಿದ್ದರು.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL 2020: 3ನೇ ವರ್ಷಕ್ಕೆ CSK ಸುಸ್ತು: ಡ್ಯಾಡಿಸ್ ಆರ್ಮಿ ವಿರುದ್ಧ ಕಿಡಿಕಾರಿದ ಕೋಚ್​