Virat Kohli: CSK ವಿರುದ್ಧದ ಸೋಲಿಗೆ ಇದೇನೇ ಕಾರಣ, ಬೇರೇನೂ ಇಲ್ಲ..!

ಸತತ ಗೆಲುವುಗಳಿಂದ ಬೀಗಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಚೆನ್ನೈ ಸೂಪರ್ ಕಿಂಗ್ಸ್​ ವಿರುದ್ಧ ಮುಗ್ಗರಿಸಿದೆ. ಟೂರ್ನಿಯ ಮೊದಲ ಪಂದ್ಯದಲ್ಲಿ ಸಿಎಸ್​ಕೆ ವಿರುದ್ದ ಅಬ್ಬರಿಸಿದ್ದ ಕೊಹ್ಲಿ ಪಡೆ 2ನೇ ಮ್ಯಾಚ್​ನಲ್ಲಿ ಕಳಪೆ ಪ್ರದರ್ಶನ ನೀಡಿತ್ತು. ಅದರಲ್ಲೂ ಅತಿರಥ ಮಹಾರಥ ದಾಂಡಿಗರಿದ್ದರೂ ತಂಡದ ಮೊತ್ತವನ್ನು 150 ದಾಟಿಸಲಾಗಿರಲಿಲ್ಲ. 146 ರನ್​ಗಳ ಸಾಧಾರಣ ಸವಾಲು ಪಡೆದ ಸಿಎಸ್​ಕೆ ಉತ್ತಮ ಬ್ಯಾಟಿಂಗ್​ ಮೂಲಕ 4ನೇ ಗೆಲುವು ದಾಖಲಿಸಿ ನಿಟ್ಟುಸಿರು ಬಿಟ್ಟಿತು.

ಚೆನ್ನೈ ಸೂಪರ್‌ ಕಿಂಗ್ಸ್‌ ಎದುರು 8 ವಿಕೆಟ್‌ಗಳ ಹೀನಾಯ ಸೋಲನುಭವಿಸಿದ ಬಳಿಕ ಮಾತನಾಡಿದ ವಿರಾಟ್ ಕೊಹ್ಲಿ, ತಂಡದ ಪ್ರದರ್ಶನದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು. ಅದರಲ್ಲೂ ಸೋಲಿಗೆ ಬೌಲರುಗಳ ಕೆಟ್ಟ ಪ್ರದರ್ಶನವೇ ಕಾರಣವಾಯ್ತು ಎಂದಿದ್ದಾರೆ. ಏಕೆಂದರೆ 2ನೇ ಇನಿಂಗ್ಸ್​ ವೇಳೆ ಪಿಚ್ ಬ್ಯಾಟಿಂಗ್​ಗೆ ಅನುಕೂಲಕರವಾಗಿರಲಿಲ್ಲ. ಆದರೆ ನಮ್ಮ ಬೌಲರ್‌ಗಳು ನೇರ ಮತ್ತು ನಿಖರತೆಯೊಂದಿಗೆ ಬೌಲಿಂಗ್‌ ಮಾಡಲಿಲ್ಲ ಎಂದು ಆರ್​ಸಿಬಿ ನಾಯಕ ಹೇಳಿದರು.

ಅಷ್ಟೇ ಅಲ್ಲದೆ ಎದುರಾಳಿ ಬ್ಯಾಟ್ಸ್​ಮನ್​ಗಳು ಬೌಂಡರಿ ಬಾರಿಸುವಂತಹ ಸುಲಭ ಎಸೆತಗಳನ್ನು ಬೌಲರುಗಳ ಹೆಚ್ಚಾಗಿ ಹಾಕಿದ್ದರು. ಆದರೆ ಸಿಎಸ್​ಕೆ ಬೌಲಿಂಗ್ ವೇಳೆ ಸ್ಟಂಪ್ಸ್‌ಗಳ ಮೇಲೆ ಗುರಿಯಿಟ್ಟಿತ್ತು. ಇದರಿಂದ ಹೆಚ್ಚಿನ ರನ್ ಪೇರಿಸಲಾಗಿರಲಿಲ್ಲ. ಆದರೆ ನಮ್ಮ ಬೌಲರುಗಳು ಕರಾರುವಾಕ್ ದಾಳಿ ನಡೆಸದಿರುವುದೇ ಸೋಲಿಗೆ ಕಾರಣವಾಯ್ತು ಎಂದು ಕೊಹ್ಲಿ ತಿಳಿಸಿದ್ದಾರೆ.

KKR ವಿರುದ್ಧ ಭರ್ಜರಿ ಪ್ರದರ್ಶನ ನೀಡಿದ್ದ ಆರ್​ಸಿಬಿ ಬೌಲರುಗಳು ಸಿಎಸ್​ಕೆ ವಿರುದ್ಧದ ಪಂದ್ಯದಲ್ಲಿ ಲಯ ತಪ್ಪಿದ್ದರು. ಅದಲ್ಲೂ ಸಿರಾಜ್ ಹಾಗೂ ಮೋರಿಸ್ ದುಬಾರಿ ಎನಿಸಿಕೊಂಡರು. ಹಾಗೆಯೇ ಚಹಲ್, ಸೈನಿ, ಸುಂದರ್ ಉತ್ತಮವಾಗಿ ಬೌಲಿಂಗ್ ಮಾಡಿದರೂ ವಿಕೆಟ್ ಕಬಳಿಸಿ ಬ್ಯಾಟ್ಸ್​ಮನ್​ಗಳ ಮೇಲೆ ಒತ್ತಡ ಹೇರುವಲ್ಲಿ ವಿಫಲರಾದರು.

ಟೂರ್ನಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ 4ನೇ ಸೋಲಾಗಿದ್ದು, ಇದಾಗ್ಯೂ ಅಂಕಪಟ್ಟಿಯಲ್ಲಿ 14 ಪಾಯಿಂಟ್ಸ್​ಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಆರ್​ಸಿಬಿಗೆ ಇನ್ನೂ 3 ಪಂದ್ಯಗಳು ಬಾಕಿಯಿದ್ದು, ಇದರಲ್ಲಿ ಒಂದು ಗೆದ್ದರೆ ಪ್ಲೇ ಆಫ್ ಆಡುವುದನ್ನು ಖಚಿತಪಡಿಸಿಕೊಳ್ಳಬಹುದು.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL 2020: 3ನೇ ವರ್ಷಕ್ಕೆ CSK ಸುಸ್ತು: ಡ್ಯಾಡಿಸ್ ಆರ್ಮಿ ವಿರುದ್ಧ ಕಿಡಿಕಾರಿದ ಕೋಚ್​