IPL

  • associate partner
HOME » NEWS » Ipl » IPL 2020 CSK VS RCB CAPTAIN VIRAT KOHLI MANUFACTURES AB DE VILLIERS SHOT VIDEO GOES VIRAL WATCH VB

Virat Kohli: ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಎಬಿಡಿಯಾಗಿ ಬದಲಾದ ಕೊಹ್ಲಿ; ಇಲ್ಲಿದೆ ರೋಚಕ ವಿಡಿಯೋ

20ನೇ ಓವರ್​ನ ಡ್ವೇನ್ ಬ್ರಾವೋ ಅವರ ಮೊದಲ ಎಸೆತದಲ್ಲಿ ಕೊಹ್ಲಿ ಈ ಅದ್ಭುತ ಶಾಟ್ ಹೊಡೆದರು. ಕ್ರೀಸ್ ಬಿಟ್ಟು ಬಂದ ಕೊಹ್ಲಿ ವೈಡ್ ಹೋಗುತ್ತಿದ್ದ ಬಾಲ್ ಅನ್ನು ಎಬಿಡಿ ಅವರ ರೀತಿ ಲೆಗ್ ಎರಿಯಾ ಕಡೆ ಅಟ್ಟಿದರು. ಜೊತೆಗೆ 4 ರನ್ ತಂದುಕೊಟ್ಟರು.

news18-kannada
Updated:October 11, 2020, 12:17 PM IST
Virat Kohli: ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಎಬಿಡಿಯಾಗಿ ಬದಲಾದ ಕೊಹ್ಲಿ; ಇಲ್ಲಿದೆ ರೋಚಕ ವಿಡಿಯೋ
ವಿರಾಟ್ ಕೊಹ್ಲಿ - ಎಬಿ ಡಿವಿಲಿಯರ್ಸ್.
  • Share this:
ನಿನ್ನೆ ಶನಿವಾರ ದುಬೈ ಅಂತರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಚೆನ್ನೈ ಸೂಪರ್ ಕಿಂಗ್ಸ್​ ವಿರುದ್ಧದ ಐಪಿಎಲ್​ನ 25ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ 37 ರನ್​ಗಳ ಭರ್ಜರಿ ಜಯ ಸಾಧಿಸಿತು. ಧೋನಿ ಪಡೆಯ ವಿರುದ್ಧ ಬ್ಯಾಟಿಂಗ್​ನಲ್ಲಿ ಕೊಹ್ಲಿ ವಿರಾಟ ಪ್ರದರ್ಶನ ತೋರಿದರೆ, ಬೌಲರ್​ಗಳ ಸಂಘಟಿತ ಹೋರಾಟದ ನೆರವಿನಿಂದ ಆರ್​ಸಿಬಿ ನಾಲ್ಕನೇ ಗೆಲುವು ದಾಖಲಿಸಿತು. ಒಟ್ಟು 8 ಅಂಕದೊಂದಿಗೆ ಬೆಂಗಳೂರು ತಂಡ ಪಾಯಿಂಟ್ ಪಟ್ಟಿಯಲ್ಲಿ 4ನೇ ಸ್ಥಾನ ಅಲಂಕರಿಸಿದೆ.

ಚೆನ್ನೈ ವಿರುದ್ಧ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆರ್​ಸಿಬಿ ಆರಂಭದಲ್ಲೇ ಪ್ರಮುಖ ವಿಕೆಟ್ ಕಳೆದುಕೊಂಡಿತಾದರೂ ಬಳಿಕ ನಡೆದಿದ್ದು ವಿರಾಟ್ ಕೊಹ್ಲಿಯ ಒನ್ ಮ್ಯಾನ್ ಶೋ. ಧೋನಿ ಹುಡುಗರ ಬೆವರಿಳಿಸಿದ ಕಿಂಗ್ ಕೊಹ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಚೆಂಡನ್ನು ಬೌಂಡರಿ- ಸಿಕ್ಸರ್​​ಗೆ ಅಟ್ಟಿದರು.

IPL 2020, CSK vs RCB: ಚೊಚ್ಚಲ ಪಂದ್ಯದಲ್ಲಿ ಮೊರೀಸ್ ಮಿಂಚು: ಧೋನಿ ಎದುರು ಗೆದ್ದು ಬೀಗಿದ ಕೊಹ್ಲಿ

ಕೇವಲ 52 ಎಸೆತಗಳಲ್ಲಿ 4 ಬೌಂಡರಿ, 4 ಸಿಕ್ಸರ್ ಸಿಡಿಸಿದ ಕೊಹ್ಲಿ ಅಜೇಯ 90 ರನ್ ಚಚ್ಚಿದರು. ಇವರ ಆಟ ಕಂಡು ಪತ್ನಿ ಅನುಷ್ಕಾ ಶರ್ಮಾ ಪೆವಿಲಿಯನ್​ನಿಂದ ಫ್ಲೈಯಿಂಗ್ ಕಿಸ್ ಕೂಡ ಕೊಟ್ಟರು. ಪರಿಣಾಮ ಆರ್​ಸಿಬಿ 20 ಓವರ್​ನಲ್ಲಿ 169 ರನ್ ಬಾರಿಸಿತು.

ಅಂತಿಮ ಹಂತದಲ್ಲಿ ಕೊಹ್ಲಿ ಆರ್ಭಟಿಸಿದ ಪರಿಣಾಮ ಕೊನೆಯ 5 ಓವರ್​ಗಳಲ್ಲಿ ಬರೋಬ್ಬರಿ 74 ರನ್​ಗಳು ಹರಿದುಬಂದವು. ಅದರಲ್ಲೂ ಎಬಿ ಡಿವಿಲಿಯರ್ಸ್​ ಅವರ ರೀತಿ ಕೊಹ್ಲಿ ಚೆಂಡನ್ನು ಬೌಂಡರಿಗೆ ಅಟ್ಟಿದ್ದು ನೋಡಲು ಮನಮೋಹಕವಾಗಿತ್ತು. ಸದ್ಯ ಈ ವಿಡಿಯೋ ಭರ್ಜರಿ ವೈರಲ್ ಆಗುತ್ತಿದೆ.



20ನೇ ಓವರ್​ನ ಡ್ವೇನ್ ಬ್ರಾವೋ ಅವರ ಮೊದಲ ಎಸೆತದಲ್ಲಿ ಕೊಹ್ಲಿ ಈ ಅದ್ಭುತ ಶಾಟ್ ಹೊಡೆದರು. ಕ್ರೀಸ್ ಬಿಟ್ಟು ಬಂದ ಕೊಹ್ಲಿ ವೈಡ್ ಹೋಗುತ್ತಿದ್ದ ಬಾಲ್ ಅನ್ನು ಎಬಿಡಿ ಅವರ ರೀತಿ ಲೆಗ್ ಎರಿಯಾ ಕಡೆ ಅಟ್ಟಿದರು. ಜೊತೆಗೆ 4 ರನ್ ತಂದುಕೊಟ್ಟರು.ನಿನ್ನೆಯ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆರ್​ಸಿಬಿ ವಿರಾಟ್ ಕೊಹ್ಲಿ ಅವರ ಅಜೇಯ 90, ದೇವದತ್ ಪಡಿಕ್ಕಲ್ ಅವರ 33 ಹಾಗೂ ಶಿವಂ ದುಬೆ ಅವರ ಅಜೇಯ 22 ರನ್​ಗಳ ನೆರವಿನಿಂದ 20 ಓವರ್​ನಲ್ಲಿ 4 ವಿಕೆಟ್ ನಷ್ಟಕ್ಕೆ 169 ರನ್ ಕಲೆಹಾಕಿತು.

Anushka Sharma: ಕೊಹ್ಲಿ-ಅನುಷ್ಕಾ ಮಾಡಿದ ಈ ಸಹಾಯವನ್ನು ಎಂದಿಗೂ ಮರೆಯಲ್ಲ; ಭಾವುಕರಾದ ಕೆಎಲ್ ರಾಹುಲ್

ಟಾರ್ಗೆಟ್ ಬೆನ್ನಟ್ಟಿದ ಸಿಎಸ್​ಕೆ ಆರ್​ಸಿಬಿ ಬೌಲರ್​ಗಳ ಮಾರಕ ದಾಳಿಗೆ ತತ್ತರಿಸಿ 20 ಓವರ್​ನಲ್ಲಿ 8 ವಿಕೆಟ್ ನಷ್ಟಕ್ಕೆ 132 ರನ್ ಗಳಿಸಲಷ್ಟೇ ಶಕ್ತವಾಗಿ ಸೋಲು ಅನುಭವಿಸಿತು. ಸಿಎಸ್​ಕೆ ಪರ ಅಂಬಟಿ ರಾಯುಡು 42 ರನ್ ಬಾರಿಸಿದರು. ಆರ್​ಸಿಬಿ ಪರ ಚೊಚ್ಚಲ ಪಂದ್ಯವನ್ನಾಡಿದ ಕ್ರಿಸ್ ಮೊರೀಸ್ 4 ಓವರ್​ನಲ್ಲಿ ಕೇವಲ 19 ರನ್ ನೀಡಿ 3 ವಿಕೆಟ್ ಕಿತ್ತರು. ವಾಷಿಂಗ್ಟನ್ ಸುಂದರ್ 2 ವಿಕೆಟ್ ಪಡೆದರು.
Published by: Vinay Bhat
First published: October 11, 2020, 12:17 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories