IPL 2020: ಈ ವೇಗಿ ವಿರುದ್ಧ ಆಡದಿರುವ ಬಗ್ಗೆ ಖುಷಿ ವ್ಯಕ್ತಪಡಿಸಿದ ಸೆಹ್ವಾಗ್

ವಿರೇಂದ್ರ ಸೆಹ್ವಾಗ್ ಎಂದರೇನೆ ಥಟ್ಟನೆ ನೆನಪಾಗುವುದು ಸಿಡಿಲಬ್ಬರದ ಬ್ಯಾಟಿಂಗ್. ಬೌಲರುಗಳು ಯಾರೇ ಇರಲಿ, ವಿಕೆಟ್​ಗಳು ಎಷ್ಟೇ ಬಿದ್ದಿರಲಿ ವೀರು ಮಾತ್ರ ತಮ್ಮ ಬಿರುಸಿನ ಶೈಲಿಯಲ್ಲಿ ಬ್ಯಾಟ್ ಬೀಸುತ್ತಿದ್ದರು. ಟೆಸ್ಟ್ ಪಂದ್ಯವನ್ನು ಏಕದಿನ ಪಂದ್ಯದಂತೆ, ಏಕದಿನ ಪಂದ್ಯವನ್ನು ಟಿ20 ಅಂತೆ ಆಡುತ್ತಿದ್ದರು. ಇನ್ನು ಐಪಿಎಲ್​ನಲ್ಲೂ ಸೆಹ್ವಾಗ್ ಒಂದಷ್ಟು ಕಾಲ ಅಬ್ಬರಿಸಿದ್ದರು. ಹೀಗೆ ನಾನಾ ಬೌಲರುಗಳಿಗೆ ಸ್ಪೋಟಕ ಬ್ಯಾಟಿಂಗ್ ಮೂಲಕ ಬೆವರಿಳಿಸಿದ ವೀರು, ಜೋಫ್ರಾ ಆರ್ಚರ್​ನ್ನು ಎದುರಿಸಿರುವುದಕ್ಕೆ ಸಂತೋಷವಾಗುತ್ತಿದೆ ಎಂದಿದ್ದಾರೆ.

ಹೌದು, ಕರಾರುವಾಕ್ ದಾಳಿ ಮೂಲಕ ಐಪಿಎಲ್​ನಲ್ಲಿ ಸಂಚಲನ ಸೃಷ್ಟಿಸುತ್ತಿರುವ ರಾಜಸ್ಥಾನ್ ರಾಯಲ್ಸ್ ವೇಗಿ ಜೋಫ್ರಾ ಸನ್​ರೈಸರ್ಸ್​ ಹೈದರಾಬಾದ್ ವಿರುದ್ಧ ಕೂಡ ಭರ್ಜರಿ ಬೌಲಿಂಗ್ ಮಾಡಿದ್ದರು. ಅದರಲ್ಲೂ ಇಂಗ್ಲೆಂಡ್ ವೇಗಿಯ ನಿಖರ ದಾಳಿಗೆ ಆರಂಭಿಕರಾಗಿ ಕಣಕ್ಕಿಳಿದಿದ್ದ ಡೇವಿಡ್‌ ವಾರ್ನರ್‌ ಹಾಗೂ ಜಾನಿ ಬೈರ್‌ಸ್ಟೋವ್‌ ಬಂದ ವೇಗದಲ್ಲೇ ಪೆವಿಲಿಯನ್ ಕಡೆ ಮುಖ ಮಾಡಿದ್ದರು.

ಈ ಬಗ್ಗೆ ಮಾತನಾಡಿದ ವಿರೇಂದ್ರ ಸೆಹ್ವಾಗ್, ಡೇವಿಡ್ ವಾರ್ನರ್ ಅವರು ಜೋಫ್ರಾ ಚೆಂಡನ್ನು ಎದುರಿಸಿರುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ವಾರ್ನರ್ ಇನ್ನೂ ಸ್ವಲ್ಪ ಸಂವೇದನಾಶೀಲರಾಗಿ ಆಡಬೇಕಿತ್ತು. ಜೋಫ್ರಾ ಎಸೆತಗಳನ್ನು ಎದುರಿಸಬೇಕಾದರೆ ಹೆಚ್ಚು ಜಾಗೃತೆ ವಹಿಸಬೇಕಿತ್ತು ಎಂದಿದ್ದಾರೆ. ಅದೇನೆ ಇರಲಿ ಜೋಫ್ರಾ ಆರ್ಚರ್​ ಅಂತು ಕ್ಲಾಸ್ ಬೌಲರ್ ಎಂದು ಸೆಹ್ವಾಗ್ ಶ್ಲಾಘಿಸಿದ್ದಾರೆ.

ಜೋಫ್ರಾ ವಾರ್ನರ್​ನ್ನು ಔಟ್ ಮಾಡಲೆಂದೇ ದೇಹಕ್ಕೆ ನೇರವಾಗಿ ಚೆಂಡು ಎಸೆದಿದ್ದರು. ವಿಶ್ವದ ಯಾವುದೇ ಬ್ಯಾಟ್ಸ್​ಮನ್ ಅಂತಹ ಎಸೆತಗಳನ್ನು ಆಡದೆ ಬಿಡುವುದಿಲ್ಲ. ಆದರೆ ಮೊದಲೇ ಪ್ಲ್ಯಾನ್ ಮಾಡಿಕೊಂಡಿದ್ದ ಆರ್ಚರ್, 2 ಸ್ಲಿಪ್ ಫೀಲ್ಡರ್​ಗಳನ್ನು ಇರಿಸಿದ್ದರು. ಅದರಂತೆ ವಾರ್ನರ್ ಬೆನ್​ ಸ್ಟೋಕ್ಸ್​ಗೆ ಕ್ಯಾಚ್ ನೀಡಿದರು. ಹೀಗೆ ವಾರ್ನರ್​ನ್ನು ಔಟ್ ಮಾಡಿದ ಎಸೆತವಂತು ಸುಂದರವಾಗಿತ್ತು ಎಂದು ಸೆಹ್ವಾಗ್ ಗುಣಗಾನ ಮಾಡಿದರು.

ಜೋಫ್ರಾ ಆರ್ಚರ್ ತುಂಬಾ ವಿಕೆಟ್​ಗಳನ್ನು ಪಡೆದುಕೊಂಡಿದ್ದಾರೆ. ಇದು ಈಗ ದೊಡ್ಡ ವಿಷಯವಲ್ಲ. ಆದರೆ ಲೈನ್ ಅ್ಯಂಡ್ ಲೆಂಗ್ತ್ ಹಾಕುವ ಮೂಲಕ ಬ್ಯಾಟ್ಸ್​ಮನ್​ಗಳನ್ನು ತಪ್ಪು ಹೊಡೆತಗಳಿಗೆ ಪ್ರೇರೇಪಿಸುವುದು ಇದೆಯಲ್ಲ ಅದುವೇ ಮುಖ್ಯ ಸಂಗತಿ. ಈ ವಿಷಯದಲ್ಲಿ ಆರ್ಚರ್ ತುಂಬಾ ಯಶಸ್ವಿ ಬೌಲರ್. ಈಗ ನಾನು ನಿವೃತ್ತರಾಗಿರುವುದರಿಂದ ಅವರನ್ನು ಎದುರಿಸಬೇಕಾಗಿಲ್ಲ ಎಂದು ನಾನು ಸಂತೋಷಪಡುತ್ತಿರುವೆ  ಸೆಹ್ವಾಗ್ ಹೇಳಿದರು.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL 2020: 3ನೇ ವರ್ಷಕ್ಕೆ CSK ಸುಸ್ತು: ಡ್ಯಾಡಿಸ್ ಆರ್ಮಿ ವಿರುದ್ಧ ಕಿಡಿಕಾರಿದ ಕೋಚ್​