IPL 2021: ಐಪಿಎಲ್ ಮರು ಆಯೋಜನೆ ಎಲ್ಲಿ, ಯಾವಾಗ? ಸ್ಪಷ್ಟನೆ ನೀಡಿದ ಬಿಸಿಸಿಐ ಅಧ್ಯಕ್ಷ ಗಂಗೂಲಿ

ಈ ಬಾರಿ ಐಪಿಎಲ್​ನ 60 ಪಂದ್ಯಗಳಲ್ಲಿ 29 ಮ್ಯಾಚ್​ಗಳು ನಡೆದಿವೆ. ಇನ್ನು 31 ಪಂದ್ಯಗಳು ನಡೆಯಬೇಕಿದೆ. ಈ ಪಂದ್ಯಗಳನ್ನು ಮುಗಿಸದಿದ್ದರೆ ಬಿಸಿಸಿಐಗೆ 2500 ಕೋಟಿ ನಷ್ಟವಾಗಲಿದೆ.

IPL 2021

IPL 2021

  • Share this:
    ಇಂಡಿಯನ್ ಪ್ರೀಮಿಯರ್ ಲೀಗ್ ಮರು ಆಯೋಜನೆ ಯಾವಾಗ, ಎಲ್ಲಿ ನಡೆಯಲಿದೆ ಉಳಿದ ಪಂದ್ಯಗಳು..? ಇತ್ಯಾದಿ ಪ್ರಶ್ನೆಗಳಿಗೆ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ವಿರಾಮ ಹಾಕಲು ಮುಂದಾಗಿದ್ದಾರೆ. ಹೌದು, ಐಪಿಎಲ್ 2021ರ ಮರು ಆಯೋಜನೆ ಬಗ್ಗೆ ಮಾತನಾಡಿರುವ ಗಂಗೂಲಿ, ಉಳಿದ ಪಂದ್ಯಗಳನ್ನು ಭಾರತದಲ್ಲಿ ಆಯೋಜಿಸಲಾಗುವುದಿಲ್ಲ ಎಂದು ತಿಳಿಸಿದ್ದಾರೆ.

    ಈ ಬಾರಿ ಐಪಿಎಲ್​ನ 60 ಪಂದ್ಯಗಳಲ್ಲಿ 29 ಮ್ಯಾಚ್​ಗಳು ನಡೆದಿವೆ. ಇನ್ನು 31 ಪಂದ್ಯಗಳು ನಡೆಯಬೇಕಿದೆ. ಈ ಪಂದ್ಯಗಳನ್ನು ಮುಗಿಸದಿದ್ದರೆ ಬಿಸಿಸಿಐಗೆ 2500 ಕೋಟಿ ನಷ್ಟವಾಗಲಿದೆ. ಹೀಗಾಗಿ ಐಪಿಎಲ್​ ಅನ್ನು ಮರು ಆಯೋಜಿಸುವುದು ಅನಿವಾರ್ಯ ಎಂದಿದ್ದಾರೆ ಗಂಗೂಲಿ. ಅದಾಗ್ಯೂ ಯಾವಾಗ ಟೂರ್ನಿಯನ್ನು ಆಯೋಜಿಸಲಿದ್ದೇವೆ ಎಂಬುದರ ಬಗ್ಗೆ ದಾದಾ ಸ್ಪಷ್ಟ ಉತ್ತರ ನೀಡಲಿಲ್ಲ.

    ಎಲ್ಲೆಡೆಯು 14 ದಿನಗಳ ಕ್ವಾರಂಟೈನ್​ ಇದೆ. ಇದು ಟೂರ್ನಿ ಆಯೋಜಿಸಲು ತೊಡಕಾಗಲಿದೆ. ಆಟಗಾರರನ್ನು ಬಯೋಬಬಲ್​ನಲ್ಲಿ ಇರಿಸುವುದು ಸಹ ಒಳ್ಳೆಯದಲ್ಲ. ಆದರೆ ಪ್ರಸ್ತುತ ಸನ್ನಿವೇಶದಲ್ಲಿ ಬಯೋಬಬಲ್​ನಲ್ಲಿ ಕ್ರಿಕೆಟ್ ಆಡಬೇಕಿದೆ. ಪ್ರಸ್ತುತ ಸನ್ನಿವೇಶದಲ್ಲಿ ಟೂರ್ನಿಯನ್ನು ಯಾವಾಗ ನಡೆಸಲಿದ್ದೇವೆ ಎಂಬುದನ್ನು ಈಗಲೇ ಹೇಳಲಾಗುವುದಿಲ್ಲ ಎಂದು ಗಂಗೂಲಿ ತಿಳಿಸಿದ್ದಾರೆ.

    ಇದಾಗ್ಯೂ ಇಂಗ್ಲೆಂಡ್, ಶ್ರೀಲಂಕಾ, ಆಸ್ಟ್ರೇಲಿಯಾ ಮತ್ತು ಯುಎಇ ಟಿ 20 ಲೀಗ್‌ಗೆ ಆತಿಥ್ಯ ವಹಿಸುವ ಸ್ಪರ್ಧೆಯಲ್ಲಿದೆ. ಹೀಗಾಗಿ ಈ ದೇಶಗಳಲ್ಲಿ ಒಂದನ್ನು ಆಯ್ಕೆ ಮಾಡಿ ಬಿಸಿಸಿಐ ಐಪಿಎಲ್​ನ ಉಳಿದ ಪಂದ್ಯಗಳನ್ನು ಆಯೋಜಿಸಲಿದೆ. ಆದರೆ ಅದು ಯಾವಾಗ ಎಂಬುದನ್ನು ಬಿಸಿಸಿಐ ಸಭೆ ಸೇರಿದ ಬಳಿಕವಷ್ಟೇ ನಿರ್ಧರಿಸಲಿದೆ.
    Published by:zahir
    First published: