Stuart MacGill: ಆಸ್ಟ್ರೇಲಿಯಾ ಕ್ರಿಕೆಟಿಗನ ಅಪಹರಣ: ನಾಲ್ವರು ಅಂದರ್..!

1998 ರಿಂದ 2008 ರವರೆಗೆ ಆಸ್ಟ್ರೇಲಿಯಾ ತಂಡವನ್ನು ಪ್ರತಿನಿಧಿಸಿದ್ದ ಸ್ಟುವರ್ಟ್ ಮ್ಯಾಕ್​ಗಿಲ್ 44 ಟೆಸ್ಟ್​ ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 208 ವಿಕೆಟ್ ಕಬಳಿಸುವ ಸರ್ವಶ್ರೇಷ್ಠ ಪ್ರದರ್ಶನ ನೀಡಿದ್ದರು.

Stuart MacGill

Stuart MacGill

  • Share this:
    ಆಸ್ಟ್ರೇಲಿಯಾದ ಮಾಜಿ ಸ್ಪಿನ್ನರ್ ಸ್ಟುವರ್ಟ್ ಮೆಕ್‌ಗಿಲ್‌ ಅವರ ಅಪಹರಣ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಲ್ವರನ್ನು ಆಸ್ಟ್ರೇಲಿಯಾ ಪೊಲೀಸರು ಬುಧವಾರ ಬಂಧಿಸಿದ್ದಾರೆ. ಅಪಹರಣ ಘಟನೆಯು ಏಪ್ರಿಲ್ 14 ರಂದು ನಡೆದಿದ್ದು, ಆಸೀಸ್ ಮಾಜಿ ಕ್ರಿಕೆಟಿಗನ ಸಿಡ್ನಿಯಲ್ಲಿರುವ ಮನೆಯಿಂದ ಕಿಡ್ನ್ಯಾಪ್ ಮಾಡಲಾಗಿತ್ತು. ಮನೆಗೆ ಬಂದಿದ್ದ ಬಂದೂಕುಧಾರಿ ತಂಡವೊಂದು ಅಪಹರಿಸಿ ಒಂದು ಗಂಟೆಗಳ ಕಾಲ ಒತ್ತೆಯಾಳಾಗಿಸಿಕೊಂಡಿದ್ದರು. ಆ ಬಳಿಕ ಬಿಡುಗಡೆ ಮಾಡಿದ ಬೆನ್ನಲ್ಲೇ ಮೆಕ್‌ಗಿಲ್‌ ಪೊಲೀಸರಿಗೆ ದೂರು ನೀಡಿದ್ದರು.

    ಅಪಹರಣ ಮಾಡಿದ್ದ ಆರೋಪಿಗಳು ಮೆಕ್‌ಗಿಲ್‌ ಅವರನ್ನು ವಾಹನದಲ್ಲಿ ಕರೆದೊಯ್ದು, ಬ್ರಿಂಗಲ್ ಎಂಬ ಪ್ರದೇಶದಲ್ಲಿ ಒತ್ತೆಯಾಳಾಗಿಸಿಕೊಂಡಿದ್ದರು. ಈ ವೇಳೆ ಇಬ್ಬರು ಹಲ್ಲೆ ಕೂಡ ನಡೆಸಿದ್ದರು ಎಂದು ಮೆಕ್‌ಗಿಲ್‌ ತಮ್ಮ ದೂರಿನಲ್ಲಿ ತಿಳಿಸಿದ್ದರು. ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಸಿಡ್ನಿಯ ನ್ಯೂ ಸೌತ್ ವೇಲ್ಸ್​ ಪೊಲೀಸರು ಇದೀಗ ಕಿಡ್ಯಾಪ್ ಗ್ಯಾಂಗ್​ನ ನಾಲ್ವರನ್ನು ಬಂಧಿಸಿದ್ದಾರೆ.

    1998 ರಿಂದ 2008 ರವರೆಗೆ ಆಸ್ಟ್ರೇಲಿಯಾ ತಂಡವನ್ನು ಪ್ರತಿನಿಧಿಸಿದ್ದ ಸ್ಟುವರ್ಟ್ ಮೆಕ್‌ಗಿಲ್‌ 44 ಟೆಸ್ಟ್​ ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 208 ವಿಕೆಟ್ ಕಬಳಿಸುವ ಮೂಲಕ ಸರ್ವಶ್ರೇಷ್ಠ ಪ್ರದರ್ಶನ ನೀಡಿದ್ದರು. ಅಲ್ಲದೆ 3 ಏಕದಿನ ಪಂದ್ಯಗಳಿಂದ 6 ವಿಕೆಟ್ ಕಬಳಿಸಿದ್ದರು. ನಿವೃತ್ತಿ ಬಳಿಕ ಎಲ್ಲೂ ಅಷ್ಟೇನು ಸುದ್ದಿಯಾಗದಿದ್ದ ಮೆಕ್‌ಗಿಲ್‌, ಇದೀಗ ಅಪಹರಣ ಪ್ರಕರಣದೊಂದಿಗೆ ಮುನ್ನಲೆಗೆ ಬಂದಿದ್ದಾರೆ. ಸದ್ಯ ನ್ಯೂ ಸೌತ್ ವೇಲ್ಸ್ ಪೊಲೀಸರು ಅಪಹರಣಕ್ಕೆ ಕಾರಣವೇನು? ಮ್ಯಾಕ್​ಗಿಲ್ ಅವರಿಂದ ಕಿಡ್ನಾಪರ್ಸ್ ತಂಡಕ್ಕಿದ್ದ ಬೇಡಿಕೆಗಳೇನು ಎಂಬುದರ ಬಗ್ಗೆ ವಿಚಾರಣೆ ನಡೆಸುತ್ತಿದ್ದಾರೆ.
    Published by:zahir
    First published: