Virender Sehwag: ಅಯ್ಯೋ...CSK ಅಭಿಮಾನಿಗಳನ್ನು ನೆನಸಿಕೊಂಡ್ರೆ ಬೇಜಾರಾಗುತ್ತೆ..!

ಗೆಲುವು...ಸೋಲು...ಸೋಲು...ಸೋಲು...ಗೆಲುವು..ಸೋಲು...ಸೋಲು...ಇದು ಪ್ರಸ್ತುತ ಐಪಿಎಲ್​ನಲ್ಲಿ 3 ಬಾರಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಫಲಿತಾಂಶ. ಕಳೆದ 12 ಸೀಸನ್​ಗಳಲ್ಲೂ ಐಪಿಎಲ್​ನ ಬಲಿಷ್ಠ ತಂಡವೆಂದು ಗುರುತಿಸಿಕೊಂಡಿದ್ದ CSK ಲೆಕ್ಕಾಚಾರಗಳು ಈ ಬಾರಿ ತಲೆಕೆಳಗಾಗುತ್ತಿದೆ. ಅದರಲ್ಲೂ ನಾಯಕ ಧೋನಿ ಹೀನಾಯ ಪ್ರದರ್ಶನ ನೀಡುತ್ತಿದ್ದಾರೆ. ಹಾಗೆಯೇ ತಂಡದಲ್ಲಿರುವ ಕೆಲ ಆಟಗಾರರ ನಿರುತ್ಸಾಹ ಕೂಡ ಚರ್ಚೆಯಾಗುತ್ತಿದೆ. ಇದೇ ಕಾರಣದಿಂದ ಕೆಲ ದಿನಗಳ ಹಿಂದೆ ಟೀಮ್ ಇಂಡಿಯಾ ಮಾಜಿ ಆರಂಭಿಕ ಆಟಗಾರ ವೀರೇಂದ್ರ ಸೆಹ್ವಾಗ್ ಸಿಎಸ್​ಕೆ ತಂಡವನ್ನು ವ್ಯಂಗ್ಯವಾಡಿದ್ದರು. ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಸೆಹ್ವಾಗ್, ಸಿಎಸ್​ಕೆ ತಂಡದಲ್ಲಿರುವ ಕೆಲ ಆಟಗಾರರು ಸರ್ಕಾರಿ ನೌಕರಿ ಅಂದುಕೊಂಡಿದ್ದಾರೆ. ಆಡಿದರೂ, ಆಡದಿದ್ದರೂ ಸಂಬಳವಂತು ಸಿಗುತ್ತೆ ಎಂಬ ಮನಸ್ಥಿತಿಯಲ್ಲಿದ್ದಾರೆ ಎಂದಿದ್ದರು.

ಇದೀಗ ಮತ್ತೊಮ್ಮೆ ಚೆನ್ನೈ ಸೂಪರ್ ಕಿಂಗ್ಸ್ ಪ್ರದರ್ಶನ ಬಗ್ಗೆ ಸೆಹ್ವಾಗ್ ಮಾತನಾಡಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 37 ರನ್​ಗಳಿಂದ ಸೋತಿರುವ ಬಗ್ಗೆ ಮಾತನಾಡಿದ ವೀರು, ನನಗೆ ಸಿಎಸ್​ಕೆ ಅಭಿಮಾನಿಗಳನ್ನು ನೆನಸಿಕೊಂಡರೆ ಬೇಜಾರಾಗುತ್ತೆ. ಏಕೆಂದರೆ ಸತತ ಸೋಲು ಅಭಿಮಾನಿಗಳಿಗೆ ನಿರಾಸೆಯನ್ನುಂಟು ಮಾಡಿದೆ ಎಂದಿದ್ದಾರೆ.

ಈ ಹಿಂದೆ ಎಲ್ಲಾ ಸೀಸನ್‌ನಲ್ಲಿ ಸಿಎಸ್‌ಕೆ ತಂಡ ಎಂದರೆ ಎದುರಾಳಿಗಳಿಗೆ ಒಂದು ರೀತಿಯ ಭಯವಿತ್ತು. ಅಲ್ಲದೆ ಸಿಎಸ್​ಕೆ ವಿರುದ್ಧದ ಪಂದ್ಯಕ್ಕಾಗಿ ವಿಶೇಷ ಎಚ್ಚರವಹಿಸುತ್ತಿದ್ದವು. ಆದರೆ ಈ ವರ್ಷ ಅವರ ಬ್ಯಾಟಿಂಗ್ ಎಲ್ಲರನ್ನು ನಿರಾಸೆಗೊಳಿಸಿದೆ. ಇಂತಹ ಫಲಿತಾಂಶ ಚೆನ್ನೈ ಅಭಿಮಾನಿಗಳಿಗೆ ನಿಜಕ್ಕೂ ಬೇಸರ. ಏಕೆಂದರೆ ಹೋರಾಡಿದ ತಂಡವೊಂದು ಈ ರೀತಿಯಾಗಿ ನೆಲಕಚ್ಚಿರುವುದು ದುಃಖಕರ ಎಂದು ಸೆಹ್ವಾಗ್ ಹೇಳಿದ್ದಾರೆ.

ಸದ್ಯ ಸಿಎಸ್‌ಕೆ 7 ಪಂದ್ಯಗಳಲ್ಲಿ ಕೇವಲ ಎರಡರಲ್ಲಿ ಜಯಗಳಿಸಿ ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ. ಮಂಗಳವಾರ ಸನ್​ರೈಸರ್ಸ್ ಹೈದರಾಬಾದ್ ವಿರುದ್ದ ಚೆನ್ನೈ ಸೂಪರ್ ಕಿಂಗ್ಸ್ 8ನೇ ಪಂದ್ಯವಾಡಲಿದ್ದು, ಈ ಮೂಲಕ ಮತ್ತೆ ಗೆಲುವಿನ ಲಯಕ್ಕೆ ಮರಳಲಿದ್ದಾರಾ ಕಾದು ನೋಡಬೇಕಿದೆ.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL 2020: ಐಪಿಎಲ್​ನಲ್ಲಿ ದ್ರಾವಿಡ್ ಗರಡಿ ಹುಡುಗರ ಮಿಂಚಿಂಗ್..!