DC vs SRH: ಡೆಲ್ಲಿ ಅಬ್ಬರಕ್ಕೆ ಪತರುಗುಟ್ಟಿದ ಹೈದರಾಬಾದ್! ಕೇನ್​ ವಿಲಿಯಮ್ಸನ್​​ಗೆ ಶಾಕ್​ ಕೊಟ್ಟ ಪಂತ್ ಪಡೆ​

ಡೇವಿಡ್ ವಾರ್ನರ್ (David Warner) ಹಾಗೂ ರೋವ್ ಮನ್ ಪಾವೆಲ್ ಅವರ ಸ್ಪೋಟಕ ಬ್ಯಾಟಿಂಗ್ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ, ಸನ್ ರೈಸರ್ಸ್ ಹೈದರಾಬಾದ್ ತಂಡದ ಗೆಲುವಿಗೆ ದೊಡ್ಡ ಮೊತ್ತದ ಗುರಿ ನೀಡಿದೆ. 208ರನ್​ಗಳ ಗುರಿ ಬೆನ್ನತ್ತಿದ್ದ ಸನ್​ರೈಸರ್ಸ್​ ಹೈದರಾಬಾದ್​ ವಿಫಲವಾಗಿದೆ.

ರಿಷಭ್​ ಪಂತ್​, ಕೇನ್​ ವಿಲಿಯಮ್ಸನ್​

ರಿಷಭ್​ ಪಂತ್​, ಕೇನ್​ ವಿಲಿಯಮ್ಸನ್​

  • Share this:
ಐಪಿಎಲ್‌ (IPL) ನಲ್ಲಿ ಇಂದು 50ನೇ ಪಂದ್ಯ ನಡೆದಿದೆ, ಈ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ (Sunrisers Hyderbad) ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ (Delhi Capitals) ತಂಡಗಳು ಮುಖಾಮುಖಿಯಾತ್ತು. ಈ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡ ಟಾಸ್ (Toss) ಗೆದ್ದು ಮೊದಲಿಗೆ ಬೌಲಿಂಗ್ (Bowling) ಆಯ್ಕೆ ಮಾಡಿಕೊಂಡಿತ್ತು. ಹೀಗಾಗಿ ರಿಷಭ್ ಪಂತ್ (Rishabh Pant) ಬಳಗ ಮೊದಲಿಗೆ ಬ್ಯಾಟಿಂಗ್ ನಡೆಸಿ ಎದುರಾಳಿ ತಂಡಕ್ಕೆ ಗುರಿ ನಿಗದಿಪಡಿಸಲು ಆಹ್ವಾನ ನೀಡಿತ್ತು. 

ಅನುಭವಿ ಬ್ಯಾಟ್ಸ್ ಮನ್ ಡೇವಿಡ್ ವಾರ್ನರ್ (David Warner) ಹಾಗೂ ರೋವ್ ಮನ್ ಪಾವೆಲ್ ಅವರ ಸ್ಪೋಟಕ ಬ್ಯಾಟಿಂಗ್ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ, ಸನ್ ರೈಸರ್ಸ್ ಹೈದರಾಬಾದ್ ತಂಡದ ಗೆಲುವಿಗೆ ದೊಡ್ಡ ಮೊತ್ತದ ಗುರಿ ನೀಡಿತ್ತು.208ರನ್​ಗಳ ಗುರಿ ಬೆನ್ನತ್ತಿದ್ದ ಸನ್​ರೈಸರ್ಸ್​ ಹೈದರಾಬಾದ್​ ವಿಫಲವಾಗಿದೆ. 20 ಓವರ್​ಗಳಿಗೆ 8 ವಿಕೆಟ್​ ಕಳೆದುಕೊಂಡು ಸನ್​ರೈಸರ್ಸ್ ಹೈದರಾಬಾದ್  186ರನ್​ಗಳಿಸಿತು

208ರನ್​ ಬೆನ್ನತ್ತಿದ್ದ ಎಸ್​ಆರ್​ಎಚ್​ಗೆ ಸೋಲು!

ಬ್ರಬೋರ್ನ್ ಸ್ಟೇಡಿಯಂನಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಅಬ್ಬರದ ಆಟವಾಡುವ ಮೂಲಕ ಗಮನಸೆಳೆಯಿತು. ಡೇವಿಡ್ ವಾರ್ನರ್ (92*ರನ್, 58ಎಸೆತ, 12 ಬೌಂಡರಿ, 3 ಸಿಕ್ಸರ್) ಹಾಗೂ ರೋವ್ ಮನ್ ಪಾವೆಲ್ (67*ರನ್, 35 ಎಸೆತ, 3 ಬೌಂಡರಿ, 6 ಸಿಕ್ಸರ್) ಅವರ ಸಿಡಿಲಬ್ಬರದ ಅರ್ಧಶತಕಗಳ ನೆರವಿನಿಂದ 3 ವಿಕೆಟ್ ಗೆ 207 ರನ್ ಬಾರಿಸಿದೆ. ಈ ರನ್​ ಪೇರಿಸುವಲ್ಲಿ ಸನ್​ರಸೈರ್ಸ್ ಸೋತಿದೆ. ಬೌಲಿಂಗ್​ನಲ್ಲೂ ಹಿಡಿತ ಸಾಧಿಸಿಕೊಂಡು ಬಂದ ಡೆಲ್ಲಿ ಕ್ಯಾಪಿಟಲ್ಸ್ ಗೆದ್ದು ಬೀಗಿದೆ.

ಬೌಲಿಂಗ್​ನಲ್ಲೂ ಮಿಂಚಿದ ಡೆಲ್ಲಿ ಕ್ಯಾಪಿಟಲ್ಸ್​​!

ಬ್ಯಾಟಿಂಗ್​ನಲ್ಲಿ ಅಬ್ಬರಿಸಿದ್ದ ಡೆಲ್ಲಿ ಕ್ಯಾಪಿಟಲ್ಸ್​, ಬೌಲಿಂಗ್​ನಲ್ಲೂ ಮೊದಲಿನಿಂದಲೂ ಹಿಡಿತ ಸಾಧಿಸಿಕೊಂಡು ಬಂದಿತ್ತು.. ಸನ್​ರೈಸರ್ಸ್ ತಂಡ 8 ರನ್​​ಗಳಿಸಿದ್ದಾಗ ಅಭಿಷೇಕ್​ ಶರ್ಮಾ ಔಟ್ ಆದರು. ಇನ್ನೂ 24ರನ್​ ಆಗುವಷ್ಟರಲ್ಲೇ ಹೈದರಾಬಾದ್​ ಸನ್​ರೈಸರ್ಸ್ ತಂಡ ನಾಯಕ ಕೇನ್​ ವಿಲಿಯಮ್ಸನ್ ಕೂಡ ಪಂತ್​ಗೆ ಕ್ಯಾಚ್​ ನೀಡಿ ಪೆವಿಲಿಯನ್​ ಸೇರಿಕೊಂಡರು. ಇವರ ಹಿಂದೆಯೆ ರಾಹುಲ್ ಟ್ರಿಪಾಠಿ ಕೂಡ ಔಟ್​ ಆದರು. ಇದಾದ ಬಳಿಕ ಸ್ಕ್ರೀಜ್​ಗೆ ಇಳಿದಿದ್ದ ಪೂರನ್​ ಹಾಗೂ ಮಾಕ್ರಮ್​ ಕೆಲ ಕಾಲ ಡೆಲ್ಲಿ ಬೌಲರ್​ಗಳಿಗೆ ಕಾಟ ಕೊಟ್ರು. ನಿಕೋಲಸ್ ಪೂರನ್  34 ಬಾಲ್​ಗಳಲ್ಲಿ 64ರನ್​ಗಳಿಸಿ ಔಟಾದರು.ಕ

ಇದನ್ನೂ ಓದಿ: ಲೈವ್​ ಮ್ಯಾಚ್​ನಲ್ಲೇ ಮಂಡಿಯೂರಿ ಪ್ರಪೋಸ್​ ಮಾಡಿದ RCB ಗರ್ಲ್​! ಹುಡುಗನ ರಿಯಾಕ್ಷನ್​ ಹೀಗಿತ್ತು

ಹೇಗಿದೆ ಪಾಯಿಂಟ್ಸ್​ ಟೇಬಲ್!

ಗುಜರಾತ್ ಟೈಟಾನ್ಸ್ 10 ಪಂದ್ಯಗಳಲ್ಲಿ 8 ಗೆಲುವು ದಾಖಲಿಸಿ ಮೊದಲ ಸ್ಥಾನ ಅಲಂಕರಿಸಿದೆ. ಗುಜರಾತ್ 16 ಅಂಕ ಸಂಪಾದಿಸಿ ಪ್ಲೇ ಆಫ್ ಸ್ಥಾನ ಖಚಿತಪಡಿಸಿಕೊಂಡಿದೆ. ಲಖನೌ ಸೂಪರ್ ಜೈಂಟ್ಸ್ 10ರಲ್ಲಿ 7 ಪಂದ್ಯಗಳನ್ನು ಗೆದ್ದು 2ನೇ ಸ್ಥಾನದಲಲ್ಲಿದೆ. ಒಟ್ಟು 14 ಅಂಕ ಗಳಿಸಿಕೊಂಡಿದೆ. ಇನ್ನು ರಾಜಸ್ಥಾನ ರಾಯಲ್ಸ್ 10 ಪಂದ್ಯಗಳಲ್ಲಿ 6 ಗೆಲುವು ಕಂಡಿದೆ. ಈ ಮೂಲಕ 3ನೇ ಸ್ಥಾನದಲ್ಲಿದೆ. ಕಳೆದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಗೆುಲುವು ಕಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 4ನೇ ಸ್ಥಾನಕ್ಕೆ ಲಗ್ಗೆ ಇಟ್ಟಿದೆ. ಇನ್ನು ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಗೆಲ್ಲುವ ಮೂಲಕ ಡೆಲ್ಲಿ  ಕ್ಯಾಪಿಟಲ್ಸ್​​ 5ನೇ ಸ್ಥಾನಕ್ಕೇರಿದೆ.

ಇದನ್ನೂ ಓದಿ: ವಾರ್ನರ್​ ವಂಡರ್​ಫುಲ್, ಪಾವೆಲ್​ ಪವರ್​ಫುಲ್​! ಡೆಲ್ಲಿ ಅಬ್ಬರಕ್ಕೆ ಮಂಕಾದ ಹೈದರಾಬಾದ್


ಇನ್ನೂ  11ರಲ್ಲಿ 5ಗೆಲುವು ದಾಖಲಿಸಿ 6ನೇ ಸ್ಥಾನದಲ್ಲಿ ಪಂಜಾಬ್​ ತಂಡ ಇದೆ. ಪಂಜಾಬ್ ಕಿಂಗ್ಸ್ 10 ಪಂದ್ಯಗಳಲ್ಲಿ 5 ಗೆಲುವು ದಾಖಲಿಸಿ  7ನೇ ಸ್ಥಾನದಲ್ಲಿದೆ. ಡೆಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ 10ರಲ್ಲಿ 4 ಗೆಲುವು ದಾಖಲಿಸಿ 8ನೇ ಸ್ಛಾನದಲ್ಲಿದೆ. ಇನ್ನು ಚೆನ್ನೈ ಸೂಪರ್ ಕಿಂಗ್ಸ್ 10ರಲ್ಲಿ 3 ಪಂದ್ಯದಲ್ಲಿ ಗೆಲುವು ದಾಖಲಿಸಿ 9ನೇ ಸ್ಥಾನದಲ್ಲಿದೆ. ಮುಂಬೈ ಇಂಡಿಯನ್ಸ್ 9 ಪಂದ್ಯದಲ್ಲಿ ಕೇವಲ 1 ಗೆಲುವು ದಾಖಲಿಸಿ 10ನೇ ಸ್ಥಾನದಲ್ಲಿದೆ.

Published by:Vasudeva M
First published: