RCB vs DC: ಆರ್​ಸಿಬಿ ತಂಡದಲ್ಲಿ ಮಹತ್ವದ ಬದಲಾವಣೆ ಸಾಧ್ಯತೆ: ಸಂಭಾವ್ಯ ಪ್ಲೇಯಿಂಗ್ ಇಲೆವೆನ್ ಇಲ್ಲಿದೆ

ಅಹಮದಾಬಾದ್​ನಲ್ಲಿ ನಡೆಯಲಿರುವ ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ದದ ಪಂದ್ಯಕ್ಕಾಗಿ ಆರ್​ಸಿಬಿ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಪ್ರಮುಖ ಬದಲಾವಣೆ ಮಾಡಿಕೊಳ್ಳಲಿದೆ. ಈ ಮೈದಾನವು ಬ್ಯಾಟಿಂಗ್​ಗೆ ಸಹಕಾರಿಯಾಗಿದ್ದರೂ, ಟಾಸ್ ಗೆಲ್ಲುವ ತಂಡಕ್ಕೆ ಹೆಚ್ಚು ಅನುಕೂಲಕರ. ಏಕೆಂದರೆ ಮುಂಬೈ ಪಿಚ್​ನಂತೆ ಇಲ್ಲೂ ಕೂಡ ಬೃಹತ್ ಮೊತ್ತವನ್ನು ಸುಲಭವಾಗಿ ಬೆನ್ನತ್ತಬಹುದು. ಇದಾಗ್ಯೂ ಅತ್ಯುತ್ತಮ ಸ್ಪಿನ್ನರ್​ಗಳಿದ್ದರೆ ಎದುರಾಳಿ ತಂಡವನ್ನು ಕಟ್ಟಿಹಾಕಬಹುದು.

ಹೀಗಾಗಿ ಇಂದಿನ ಪಂದ್ಯವು ಟಾಸ್ ಮೇಲೆ ನಿರ್ಧಾರವಾಗಲಿದೆ. ಇದಾಗ್ಯೂ ಒಂದು ವೇಳೆ ಆರ್​ಸಿಬಿ ಟಾಸ್ ಸೋತರೆ ಬೃಹತ್ ಮೊತ್ತ ಪೇರಿಸಲೇಬೇಕು. ಅಲ್ಲದೆ ಎದುರಾಳಿ ತಂಡವನ್ನು ಕಟ್ಟಿಹಾಕಲು ಸ್ಪಿನ್ನರ್​ಗಳನ್ನು ಆಡಿಸಬೇಕಾಗುತ್ತದೆ. ಅಂದರೆ ಇಲ್ಲಿ ಬ್ಯಾಟ್ಸ್​ಮನ್​ಗಳೂ ಬೇಕು ಹಾಗೆಯೇ ಅತ್ಯುತ್ತಮ ಬೌಲರುಗಳನ್ನು ಕಣಕ್ಕಿಳಿಸಬೇಕಾಗುತ್ತದೆ. ಹೀಗಾಗಿ ಆರ್​ಸಿಬಿ ತಂಡ 5+3+3 ರಣತಂತ್ರದಲ್ಲಿ ಕಣಕ್ಕಿಳಿಯಲಿದೆ. ಅಂದರೆ ಐವರು ಬ್ಯಾಟ್ಸ್​ಮನ್​ಗಳು, ಮೂವರು ಆಲ್​ರೌಂಡರ್​ಗಳು ಹಾಗೂ 3 ಮೂವರು ಬೌಲರುಗಳನ್ನು ಆರ್​ಸಿಬಿ ಕಣಕ್ಕಿಳಿಸಲಿದೆ.

ಅದರಂತೆ ಡೆಲ್ಲಿ ವಿರುದ್ದದ ಪಂದ್ಯದಲ್ಲಿ ಆಲ್​ರೌಂಡರ್ ಶಹಬಾಜ್ ಅಹ್ಮದ್ ತಂಡದಲ್ಲಿ ಸ್ಥಾನ ಪಡೆಯುವುದು ಬಹುತೇಕ ಖಚಿತ. ಹಾಗೆಯೇ ಡೇನಿಯಲ್ ಕ್ರಿಶ್ಚಿಯನ್ ಸ್ಥಾನದಲ್ಲಿ ಫಿನ್ ಅಲೆನ್​ಗೆ ಚಾನ್ಸ್​ ಸಿಗುವ ಸಾಧ್ಯತೆ ಹೆಚ್ಚಿದೆ. ಹಾಗೆಯೇ ಕೈಲ್ ಜೇಮಿಸನ್ ಬದಲು ಡೇನಿಯಲ್ ಸ್ಯಾಮ್ಸ್​ನ್ನು ಕಣಕ್ಕಿಳಿಸಲಿದೆ. ಹೀಗೆ ಮಾಡುವುದರಿಂದ ಆರ್​ಸಿಬಿ 8 ಬ್ಯಾಟ್ಸ್​ಮನ್​ಗಳು ಇರಲಿದ್ದಾರೆ. ಇದರಿಂದ ಬ್ಯಾಟಿಂಗ್ ಲೈನಪ್ ಮತ್ತಷ್ಟು ಬಲಿಷ್ಠವಾಗಲಿದೆ. ಹಾಗೆಯೇ ವಾಷಿಂಗ್ಟನ್ ಸುಂದರ್, ಶಹಬಾಜ್ ಅಹ್ಮದ್ ಹಾಗೂ ಸ್ಯಾಮ್ಸ್​ ಅವರನ್ನು ಆಲ್​ರೌಂಡರ್​ಗಳಾಗಿ ಸಂಪೂರ್ಣವಾಗಿ ಬಳಸಬಹುದು. ಇನ್ನು ಮೂವರು ಬೌಲರುಗಳಾಗಿ ಚಹಲ್, ಸಿರಾಜ್ ಹಾಗೂ ಹರ್ಷಲ್ ಪಟೇಲ್ ಸ್ಥಾನ ಪಡೆಯಲಿದ್ದಾರೆ.

📹 | We just need 51 seconds of your time to get you pumped up for #DCvRCB 🔥#YehHaiNayiDilli #IPL2021 #CapitalsUnplugged @OctaFX pic.twitter.com/wtqgmc8QNg

— Delhi Capitals (Stay Home. Wear Double Masks😷) (@DelhiCapitals) April 27, 2021

ಈ ಹಿಂದೆ  ಇಂಗ್ಲೆಂಡ್ ವಿರುದ್ದ ವಿರಾಟ್ ಕೊಹ್ಲಿ ಇದೇ ಮೈದಾನದಲ್ಲಿ 5+3+3 ತಂತ್ರದೊಂದಿಗೆ ಕಣಕ್ಕಿಳಿದಿದ್ದು, ಅದರಂತೆ ಯಶಸ್ಸು ಕೂಡ ಸಾಧಿಸಿದ್ದರು. ಹಾಗಾಗಿ ಇದೇ ಮಾದರಿಯಲ್ಲೇ ಇಂದಿನ ಪಂದ್ಯದಲ್ಲಿ ಆರ್​ಸಿಬಿ ಆಟಗಾರರನ್ನು ಕಣಕ್ಕಿಳಿಸಲಿದೆ. ಅದರಂತೆ ಆರ್​ಸಿಬಿ ಸಂಭಾವ್ಯ ಪ್ಲೇಯಿಂಗ್ ಇಲೆವೆನ್ ಹೀಗಿರಲಿದೆ.

Game Day: DC v RCB Preview

We’ve arrived in Ahmedabad and take on the Delhi Capitals with an opportunity to go to the top of the table. Here’s what our coaches had to say before the big game. #PlayBold #WeAreChallengers #IPL2021 #DCvRCB pic.twitter.com/3piifWT6A2

— Royal Challengers Bangalore (@RCBTweets) April 27, 2021

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಸಂಭಾವ್ಯ  ತಂಡ: ವಿರಾಟ್ ಕೊಹ್ಲಿ, ದೇವದತ್ ಪಡಿಕ್ಕಲ್, ಫಿನ್ ಅಲೆನ್, ಗ್ಲೆನ್ ಮ್ಯಾಕ್ಸ್​ವೆಲ್, ಎಬಿ ಡಿವಿಲಿಯರ್ಸ್, ವಾಷಿಂಗ್ಟನ್ ಸುಂದರ್, ಶಹಬಾಜ್ ಅಹ್ಮದ್, ಡೇನಿಯಲ್ ಸ್ಯಾಮ್ಸ್​, ಹರ್ಷಲ್ ಪಟೇಲ್, ಯುಜುವೇಂದ್ರ ಚಹಲ್, ಮೊಹಮ್ಮದ್ ಸಿರಾಜ್.

ಡೆಲ್ಲಿ ಕ್ಯಾಪಿಟಲ್ಸ್ ಸಂಭಾವ್ಯ  ತಂಡ​: ಪೃಥ್ವಿ ಶಾ, ಶಿಖರ್ ಧವನ್, ಸ್ಟೀವ್ ಸ್ಮಿತ್, ರಿಷಭ್ ಪಂತ್ (ನಾಯಕ/ ವಿಕೆಟ್ ಕೀಪರ್), ಮಾರ್ಕಸ್ ಸ್ಟೋಯಿನಿಸ್, ಶಿಮ್ರಾನ್ ಹೆಟ್ಮಿಯರ್, ಆಕ್ಸಾರ್ ಪಟೇಲ್, ಇಶಾಂತ್ ಶರ್ಮಾ, ಅಮಿತ್ ಮಿಶ್ರಾ, ಕಗಿಸೊ ರಬಾಡ ಮತ್ತು ಅವೇಶ್ ಖಾನ್.