DC vs KKR: ಡೆಲ್ಲಿ ಕ್ಯಾಪಿಟಲ್ಸ್​ಗೆ ಸಾಧಾರಣ ಸವಾಲು ನೀಡಿದ ಕೆಕೆಆರ್​

ಬಳಿಕ ಬಂದ ಸುನೀಲ್ ನರೈನ್​ಗೂ ಪೆವೆಲಿಯನ್ ಹಾದಿ ತೋರಿಸುವಲ್ಲಿ ಲಲಿತ್ ಯಾದವ್ ಯಶಸ್ವಿಯಾದರು. ಇದರ ನಡುವೆ ಎಚ್ಚರಿಕೆ ಆಟದೊಂದಿಗೆ ಅರ್ಧಶತಕದತ್ತ ಧಾವಿಸಿದ್ದ ಶುಭ್​ಮನ್​ ಗಿಲ್ (43) ಅವೇಶ್ ಖಾನ್ ಎಸೆತದಲ್ಲಿ ಸ್ಟೀವ್ ಸ್ಮಿತ್​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು.

KKR

KKR

  • Share this:
    ಇಂಡಿಯನ್ ಪ್ರೀಮಿಯರ್ ಲೀಗ್​ನ 25ನೇ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಕೊಲ್ಕತ್ತಾ ನೈಟ್​ ರೈಡರ್ಸ್​ ತಂಡವು ಡೆಲ್ಲಿ ಕ್ಯಾಪಿಟಲ್ಸ್​ಗೆ 155 ರನ್​​ಗಳ ಸುಲಭ ಗುರಿ ನೀಡಿದೆ. ಇದಕ್ಕೂ ಮುನ್ನ ಟಾಸ್ ಗೆದ್ದ ಡೆಲ್ಲಿ ನಾಯಕ ರಿಷಭ್ ಪಂತ್ ಬೌಲಿಂಗ್ ಆಯ್ಕೆ ಮಾಡಿದರು. ನಾಯಕನ ನಿರ್ಧಾರವನ್ನು ಸಮರ್ಥಿಸುವಂತೆ ಬೌಲಿಂಗ್ ದಾಳಿ ನಡೆಸಿದ ಡೆಲ್ಲಿ ಬೌಲರುಗಳು ಆರಂಭದಿಂದಲೇ ಕೆಕೆಆರ್ ಬ್ಯಾಟ್ಸ್​ಮನ್​ಗಳ ಮೇಲೆ ಒತ್ತಡ ಹೇರುವಲ್ಲಿ ಯಶಸ್ವಿಯಾದರು.

    ಅದರಲ್ಲೂ ಪಂದ್ಯದ 4ನೇ ಓವರ್​ನಲ್ಲಿ ನಿತೀಶ್ ರಾಣಾ (15) ವಿಕೆಟ್ ಪಡೆಯುವ ಮೂಲಕ ಅಕ್ಷರ್ ಪಟೇಲ್ ಮೊದಲ ಯಶಸ್ಸು ತಂದುಕೊಟ್ಟರು. ಇದಾಗ್ಯೂ ಶುಭ್​ಮನ್ ಗಿಲ್ ಹಾಗೂ ರಾಹುಲ್ ತ್ರಿಪಾಠಿ ಎಚ್ಚರಿಕೆಯ ಆಟ ಪ್ರದರ್ಶಿಸಿದರು. ಈ ಹಂತದಲ್ಲಿ ದಾಳಿಗಿಳಿದ ಮಾರ್ಕಸ್ ಸ್ಟೋಯಿನಿಸ್ ರಾಹುಲ್ ತ್ರಿಪಾಠಿ (19) ವಿಕೆಟ್ ಪಡೆಯುವ ಮೂಲಕ 2ನೇ ಯಶಸ್ಸಿಗೆ ಕಾರಣರಾದರು. ಇದರ ಬೆನ್ನಲ್ಲೇ ಲಲಿತ್ ಯಾದವ್ ಎಸೆತದಲ್ಲಿ ಇಯಾನ್ ಮೋರ್ಗನ್ ಕ್ಯಾಚ್ ನೀಡಿ ಶೂನ್ಯದೊಂದಿಗೆ ಮರಳಿದರು.

    ಬಳಿಕ ಬಂದ ಸುನೀಲ್ ನರೈನ್​ಗೂ ಪೆವೆಲಿಯನ್ ಹಾದಿ ತೋರಿಸುವಲ್ಲಿ ಲಲಿತ್ ಯಾದವ್ ಯಶಸ್ವಿಯಾದರು. ಇದರ ನಡುವೆ ಎಚ್ಚರಿಕೆ ಆಟದೊಂದಿಗೆ ಅರ್ಧಶತಕದತ್ತ ಧಾವಿಸಿದ್ದ ಶುಭ್​ಮನ್​ ಗಿಲ್ (43) ಅವೇಶ್ ಖಾನ್ ಎಸೆತದಲ್ಲಿ ಸ್ಟೀವ್ ಸ್ಮಿತ್​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಅಲ್ಲಿಗೆ 82 ರನ್​ಗಳಿಗೆ ಕೆಕೆಆರ್ ತಂಡದ ಪ್ರಮುಖ ಐದು ವಿಕೆಟ್​ಗಳು ಪತನವಾದವು. ಈ ಹಂತದಲ್ಲಿ ಜೊತೆಗೂಡಿದ ಆಂಡ್ರೆ ರಸೆಲ್ ಹಾಗೂ ದಿನೇಶ್ ಕಾರ್ತಿಕ್ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದರು. ಅದರಂತೆ 16ನೇ ಓವರ್​ನಲ್ಲಿ ತಂಡದ ಮೊತ್ತ ನೂರರ ಗಡಿದಾಟಿತು.



    ಈ ವೇಳೆ ಮತ್ತೆ ಬೌಲಿಂಗ್​​ಗೆ ಇಳಿದ ಅಕ್ಷರ್ ಪಟೇಲ್ ದಿನೇಶ್ ಕಾರ್ತಿಕ್ (14)ರನ್ನು ಎಲ್​ಬಿಡ್ಲ್ಯೂ ಬಲೆಗೆ ಬೀಳಿಸಿದರು. ಇದಾಗ್ಯೂ ಪ್ಯಾಟ್ ಕಮಿನ್ಸ್​ ಜೊತೆಗೂಡಿ ಅಂತಿಮ ಓವರ್​ವರೆಗೆ ಬ್ಯಾಟ್​ ಬೀಸಿದ 27 ಎಸೆತಗಳಲ್ಲಿ 4 ಭರ್ಜರಿ ಸಿಕ್ಸರ್​ನೊಂದಿಗೆ 45 ರನ್ ಬಾರಿಸಿದರು. ಈ ಭರ್ಜರಿ ಇನಿಂಗ್ಸ್​ನ ನೆರವಿನಿಂದ ಕೊಲ್ಕತ್ತಾ ನೈಟ್ ರೈಡರ್ಸ್​ ನಿಗದಿತ 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 154 ರನ್​ ಪೇರಿಸಿತು.
    Published by:zahir
    First published: