Virat Kohli: ಟ್ವಿಟ್ಟರ್​ನಲ್ಲಿ ಹೊಸ ದಾಖಲೆ ಬರೆದ ಚೆನ್ನೈ ಸೂಪರ್​ ಕಿಂಗ್ಸ್​- ವಿರಾಟ್ ಕೊಹ್ಲಿ!

ಈ ಬಾರಿಯ ಐಪಿಎಲ್​ ಪೂರ್ಣಗೊಂಡಿದೆ. ಐಪಿಎಲ್​ ಫಿನಾಲೆ ಮುಗಿದು ವಾರ ಕಳೆದರೂ ಆ ಬಗೆಗಿನ ಚರ್ಚೆ ಮಾತ್ರ ಇನ್ನೂ ನಿಂತಿಲ್ಲ. ಟ್ವಿಟ್ಟರ್​, ಫೇಸ್​ಬುಕ್​ ಸೇರಿದಂತೆ ಅನೇಕ ಕಡೆಗಳಲ್ಲಿ ಈ ಬಗ್ಗೆ ಚರ್ಚೆ ನಡೆದೇ ಇದೆ. ಐಪಿಎಲ್​ ಪೂರ್ಣಗೊಂಡ ಒಂದು ವಾರದ ನಂತರದಲ್ಲಿ ಟ್ವಿಟ್ಟರ್​ ಮಾಹಿತಿಯೊಂದನ್ನು ಬಿಡುಗಡೆ ಮಾಡಿದೆ. ಈ ಮಾಹಿತಿಯಲ್ಲಿ ಚೆನ್ನೈ ಹಾಗೂ ವಿರಾಟ್​ ಕೊಹ್ಲಿ ಹೊಸ ದಾಖಲೆ ಬರೆದಿದ್ದಾರೆ! ಹಾಗಾದ್ರೆ ಆ ದಾಖಲೆಗಳೇನು ಎನ್ನುವ ಬಗ್ಗೆ ಇಲ್ಲಿದೆ ಮಾಹಿತಿ.

ಚೆನ್ನೈ ಸೂಪರ್​ ಕಿಂಗ್ಸ್​ ಈ ಬಾರಿ ಪ್ಲೇಆಫ್​ಗೆ ಪ್ರವೇಶಿಸಿರಲಿಲ್ಲ. ಆದಾಗ್ಯೂ ಈ ಬಾರಿ ಟ್ವಿಟ್ಟರ್​ನಲ್ಲಿ ಅತಿ ಹೆಚ್ಚು ಖ್ಯಾತಿ ಹೊಂದಿದ ತಂಡಗಳ ಪೈಕಿ ಚೆನ್ನೈ ಮೊದಲ ಸ್ಥಾನದಲ್ಲಿದೆ. ಎರಡನೇ ಸ್ಥಾನದಲ್ಲಿ ಆರ್​ಸಿಬಿ ಹಾಗೂ ಮೂರನೇ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್​ ಇದೆ. ಇದೇ ಮೊದಲ ಬಾರಿಗೆ ಫೈನಲ್​ಗೆ ಏರಿದ್ದರೂ ಡೆಲ್ಲಿ ಕೊನೆಯ ಸ್ಥಾನದಲ್ಲಿದೆ.

ಇನ್ನು ಅತಿ ಹೆಚ್ಚು ಖ್ಯಾತಿ ಹೊಂದಿದ ಆಟಗಾರರ ಪೈಕಿ ಆರ್​ಸಿಬಿ ನಾಯಕ ವಿರಾಟ್​ ಕೊಹ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ವಿರಾಟ್​ ಕೊಹ್ಲಿ ಕುರಿತು ಈ ಬಾರಿ ಅತಿ ಹೆಚ್ಚು ಟ್ವೀಟ್​ಗಳು ಆಗಿವೆಯಂತೆ.

This is the best save I have seen in my life. Simply incredible!! 👍#IPL2020 #RRvKXIP pic.twitter.com/2r7cNZmUaw

— Sachin Tendulkar (@sachin_rt) September 27, 2020

#IPL2020, #Whistlepodu, #CSK ಈ ಮೂರು ಈ ಬಾರಿ ಟ್ವಿಟ್ಟರ್​ನಲ್ಲಿ ಅತಿ ಹೆಚ್ಚು ಟ್ವೀಟ್​ ಮಾಡಲ್ಪಟ್ಟ ಹ್ಯಾಶ್​ಟ್ಯಾಗ್​ಗಳಾಗಿವೆ. ನಿಕೋಲಸ್​ ಪೂರನ್​ ಬಗ್ಗೆ ಸಚಿನ್​ ತೆಂಡೂಲ್ಕರ್​ ಮಾಡಿದ ಟ್ವೀಟ್​ ಗೋಲ್ಡನ್​ ಟ್ವೀಟ್​ ಎಂದು ಕರೆಸಿಕೊಂಡಿದೆ.