IPL

  • associate partner
HOME » NEWS » Ipl » COULD TRENT BOULT INJURY HURT HIS IPL 2020 FINAL CHANCES ZP

IPL 2020: ಫೈನಲ್​ಗೇರಿದ ಬೆನ್ನಲ್ಲೇ ಮುಂಬೈ ಪಾಳಯಕ್ಕೆ ಆಘಾತ: ತಂಡದಿಂದ ಪ್ರಮುಖ ಆಟಗಾರ ಔಟ್?

ಮುಂಬೈ ಇಂಡಿಯನ್ಸ್ ಬೌಲಿಂಗ್ ಅಸ್ತ್ರಗಳಾಗಿ ಜಸ್​ಪ್ರೀತ್ ಬುಮ್ರಾ ಹಾಗೂ ಟ್ರೆಂಟ್ ಬೌಲ್ಟ್ ಅದ್ಭುತ ಫಾರ್ಮ್​ನಲ್ಲಿದ್ದಾರೆ. ಇಬ್ಬರು ಬೇರೆ ದೇಶಗಳಿಗೆ ಆಡುವುದರಿಂದ ವಿಭಿನ್ನ ಪ್ಲ್ಯಾನ್​ಗಳಿರುತ್ತದೆ. ಹಾಗೆಯೇ ನಮ್ಮದೇ ಒಂದು ವಿಭಿನ್ನ ಯೋಜನೆ ರೂಪಿಸಿರುತ್ತೇವೆ.

news18-kannada
Updated:November 6, 2020, 4:44 PM IST
IPL 2020: ಫೈನಲ್​ಗೇರಿದ ಬೆನ್ನಲ್ಲೇ ಮುಂಬೈ ಪಾಳಯಕ್ಕೆ ಆಘಾತ: ತಂಡದಿಂದ ಪ್ರಮುಖ ಆಟಗಾರ ಔಟ್?
mumbai indians
  • Share this:
ಇಂಡಿಯನ್ ಪ್ರೀಮಿಯರ್ ಲೀಗ್​ 13ನೇ ಆವೃತ್ತಿಯ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಲಟ್ಸ್​ ತಂಡಕ್ಕೆ ಮುಂಬೈ ಇಂಡಿಯನ್ಸ್ 201 ರನ್​ಗಳ ಟಾರ್ಗೆಟ್ ನೀಡಿತ್ತು. ಈ ಬೃಹತ್ ಮೊತ್ತ ಬೆನ್ನಟ್ಟಲು ಕ್ರೀಸ್​ಗಿಳಿದ ಡೆಲ್ಲಿ ಪಡೆಗೆ ಮೊದಲ ಓವರ್​ನಲ್ಲಿ ಆಘಾತ. ಮೊದಲ ಓವರ್​ನ 2ನೇ ಎಸೆತದಲ್ಲಿ ಪೃಥ್ವಿ ಶಾ ಔಟ್. 5ನೇ ಎಸೆತದಲ್ಲಿ ಅಜಿಂಕ್ಯ ರಹಾನೆ ಔಟ್. ಮೇಡಿನ್ ಓವರ್ ಶೂನ್ಯಕ್ಕೆ 2 ವಿಕೆಟ್. ಅಲ್ಲಿಗೆ ಮುಂಬೈ ಇಂಡಿಯನ್ಸ್ ಅರ್ಧ ಪಂದ್ಯವನ್ನು ಮೊದಲ ಓವರ್​ನಲ್ಲೇ ಗೆದ್ದಾಗಿತ್ತು. ಇಂತಹದೊಂದು ಮುಂಬೈ ಪಾಲಿಗೆ ಇಂತಹದೊಂದು ಅದ್ಭುತ ಆರಂಭ ನೀಡಿದ್ದು ಎಡಗೈ ವೇಗಿ ಟ್ರೆಂಟ್ ಬೌಲ್ಟ್.

ಆದರೆ 2 ಓವರ್ ಮಾಡಿದ್ದ ಬೌಲ್ಟ್ ಮತ್ತೆ ಮೈದಾನದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಅಷ್ಟೇ ಅಲ್ಲದೆ ಉಳಿದ 2 ಓವರ್​ಗಳನ್ನು ಎಸೆದಿರಲಿಲ್ಲ. ಇದಕ್ಕೆ ಕಾರಣ ಈಗ ಬಹಿರಂಗವಾಗಿದೆ. ಎರಡು ಓವರ್ ಮಾಡಿದ್ದ ಬೌಲ್ಟ್​ ಗಾಯಕ್ಕೀಡಾಗಿದ್ದಾರೆ. ಇದೇ ಕಾರಣದಿಂದ ಮತ್ತೆ ಮೈದಾನಕ್ಕೆ ಇಳಿಯಲಿಲ್ಲ. ಸೊಂಟದ ನೋವಿಗೆ ತುತ್ತಾಗಿರುವ ಬೌಲ್ಟ್ ಫೈನಲ್​ಗೂ ಮುನ್ನ ಚೇತರಿಸಿಕೊಳ್ಳಲಿದ್ದಾರಾ ಎಂಬ ಪ್ರಶ್ನೆಯೊಂದು ಹುಟ್ಟಿಕೊಂಡಿದೆ.

ಏಕೆಂದರೆ ಜಸ್​ಪ್ರೀತ್ ಬುಮ್ರಾ ಜೊತೆ ತಂಡದ ಪ್ರಮುಖ ವೇಗಿಯಾಗಿ ಬೌಲಿಂಗ್ ವಿಭಾಗವನ್ನು ಮುನ್ನಡೆಸುತ್ತಿರುವ ಬೌಲ್ಟ್ ಗಾಯಗೊಂಡಿರುವುದು ಮುಂಬೈ ಪಾಲಿಗೆ ಹಿನ್ನಡೆಯಾಗಿದೆ. ಇನ್ನು ನವೆಂಬರ್ 9 ರೊಳಗೆ ಚೇತರಿಕೆ ಕಾಣದಿದ್ರೆ 10 ರಂದು ನಡೆಯುವ ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ವೇಗಿ ಕಣಕ್ಕಿಳಿಯುವುದು ಅನುಮಾನ.

ಈ ಬಗ್ಗೆ ಮಾತನಾಡಿರುವ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ, ಟ್ರೆಂಟ್ ಬೌಲ್ಟ್ ಗಾಯಗೊಂಡಿರುವುದು ನಿಜ. ಆದರೆ ಅವರ ಗಾಯದ ಸ್ಥಿತಿ ಗಂಭೀರವಾಗಿಲ್ಲ. ಇನ್ನು ಮೂರು ದಿನಗಳ ಕಾಲವಕಾಶವಿದೆ. ಫೈನಲ್​ಗೂ ಮುನ್ನ ಚೇತರಿಸಿಕೊಳ್ಳಲಿದ್ದಾರೆ ಎಂಬ ವಿಶ್ವಾಸವಿದೆ ಎಂದಿದ್ದಾರೆ. ಒಂದು ವೇಳೆ ಬೌಲ್ಟ್​ ಫಿಟ್​ನೆಸ್ ಸಾಧಿಸದಿದ್ದರೆ ಅವರ ಸ್ಥಾನದಲ್ಲಿ ಜೇಮ್ಸ್ ಪ್ಯಾಟಿನ್ಸನ್ ಕಣಕ್ಕಿಳಿಯಲಿದ್ದಾರೆ.

ಇನ್ನು ಮುಂಬೈ ಇಂಡಿಯನ್ಸ್ ಬೌಲಿಂಗ್ ಅಸ್ತ್ರಗಳಾಗಿ ಜಸ್​ಪ್ರೀತ್ ಬುಮ್ರಾ ಹಾಗೂ ಟ್ರೆಂಟ್ ಬೌಲ್ಟ್ ಅದ್ಭುತ ಫಾರ್ಮ್​ನಲ್ಲಿದ್ದಾರೆ. ಇಬ್ಬರು ಬೇರೆ ದೇಶಗಳಿಗೆ ಆಡುವುದರಿಂದ ವಿಭಿನ್ನ ಪ್ಲ್ಯಾನ್​ಗಳಿರುತ್ತದೆ. ಹಾಗೆಯೇ ನಮ್ಮದೇ ಒಂದು ವಿಭಿನ್ನ ಯೋಜನೆ ರೂಪಿಸಿರುತ್ತೇವೆ. ಇದೆಲ್ಲವನ್ನೂ ಕಾರ್ಯರೂಪಕ್ಕೆ ತರುವುದನ್ನು ನೋಡುವುದೇ ಖುಷಿ ಎಂದಿದ್ದಾರೆ ರೋಹಿತ್ ಶರ್ಮಾ.

ಈ ಬಾರಿಯ ಟೂರ್ನಿಯಲ್ಲಿ ಮುಂಬೈ ಪರ 14 ಪಂದ್ಯಗಳಲ್ಲಿ ಕಣಕ್ಕಿಳಿದಿರುವ ಟ್ರೆಂಟ್ ಬೌಲ್ಟ್ ಅದ್ಭುತವಾಗಿ ಬೌಲಿಂಗ್ ಮಾಡುತ್ತಿದ್ದು, 22 ವಿಕೆಟ್ ಉರುಳಿಸುವ ಮೂಲಕ 6ನೇ ಬಾರಿ ಮುಂಬೈ ಇಂಡಿಯನ್ಸ್ ಫೈನಲ್​ಗೇರಲು ತಮ್ಮದೇಯಾದ ಕೊಡುಗೆ ನೀಡಿದ್ದಾರೆ. ಹೀಗಾಗಿ ಅಂತಿಮ ಪಂದ್ಯದಲ್ಲೂ ಎಡಗೈ ವೇಗಿಯನ್ನು ಕಣಕ್ಕಿಳಿಸಲು ರೋಹಿತ್ ಶರ್ಮಾ ಬಯಸಿದ್ದು, ನವೆಂಬರ್ 9 ರೊಳಗೆ ಚೇತರಿಸಿಕೊಳ್ಳಲಿದಿದ್ರೆ ತಂಡದಿಂದ ಔಟ್ ಆಗಲಿದ್ದಾರೆ.
POINTS TABLE: SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL 2020: ಇಲ್ಲಿವರೆಗೂ ಈತ ಹೇಳಿದ ಭವಿಷ್ಯ ನಿಜವಾಗಿದೆ: ಈ ಬಾರಿ ಕಪ್ ಗೆಲ್ಲುವ ತಂಡವನ್ನೂ ತಿಳಿಸಿದ್ದಾನೆ..!
Published by: zahir
First published: November 6, 2020, 4:44 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories