IPL 2021: ಐಪಿಎಲ್ ನಡೆಯದಿದ್ರೆ ಬಿಸಿಸಿಐಗೆ ಆಗುವ ನಷ್ಟ ಎಷ್ಟು ಗೊತ್ತಾ..?

ಅಲ್ಲದೆ ಅತ್ತ ಫ್ರಾಂಚೈಸಿಗಳು ಕೂಡ ನಷ್ಟ ಅನುಭವಿಸಲಿದೆ. ಬಿಸಿಸಿಐ ತನ್ನ ಗಳಿಕೆಯ ಒಂದು ಭಾಗವನ್ನು ಫ್ರ್ಯಾಂಚೈಸಿಗಳಿಗೆ ನೀಡುತ್ತದೆ. ಟೂರ್ನಿಯು ಮುಂದೂಡಲ್ಪಟ್ಟಿರುವುದರಿಂದ ಫ್ರ್ಯಾಂಚೈಸೀ ಸಹ ಕಡಿಮೆ ಪಾಲನ್ನು ಪಡೆಯಲಿದೆ.

IPL 2021

IPL 2021

  • Share this:
    ಈ ವರ್ಷದ ಇಂಡಿಯನ್ ಪ್ರೀಮಿಯರ್ ಲೀಗ್‌ ಕೊರೋನಾ ಕಾರಣದಿಂದ ಅನಿರ್ದಿಷ್ಟಾವಧಿಗೆ ಮುಂದೂಡಲ್ಪಟ್ಟಿದೆ. ಈ ಹಿನ್ನೆಲೆಯಲ್ಲಿಪ್ರಸಾರ ಮತ್ತು ಪ್ರಾಯೋಜಕತ್ವದಲ್ಲಿ ನಿಗದಿಪಡಿಸಲಾಗಿದ್ದ ಆದಾಯವನ್ನು ಬಿಸಿಸಿಐ ಕಳೆದುಕೊಂಡಿದೆ. ಈ ಸೀಸನ್​ ಐಪಿಎಲ್​ನ ಸರಾಸರಿ ಆದಾಯ 4 ಸಾವಿರ ಕೋಟಿ ರೂ. ಆದರೆ ಪ್ರಸಕ್ತ ಸೀಸನ್​ನಲ್ಲಿ, 60 ಪಂದ್ಯಗಳಲ್ಲಿ 29 ಪಂದ್ಯಗಳನ್ನು ಮಾತ್ರ ಆಡಲಾಗಿದೆ. ಈ ಕಾರಣದಿಂದ ಬಿಸಿಸಿಐಗೆ 2500 ಕೋಟಿ ರೂ.ವರೆಗೆ ನಷ್ಟವಾಗಬಹುದು ಎಂದು ಅಂದಾಜಿಸಲಾಗಿದೆ.

    ಬಿಸಿಸಿಐ ಮೂಲಗಳ ಪ್ರಕಾರ, ಐಪಿಎಲ್ ರದ್ದತಿಯಿಂದ ಉಂಟಾಗಲಿರುವ ನಷ್ಟ ಸುಮಾರು 2 ಸಾವಿರ ಕೋಟಿಯಿಂದ 2500 ಕೋಟಿ ಎಂದು ಅಂದಾಜಿಸಲಾಗಿದೆ. ಇಲ್ಲಿ ಮುಖ್ಯವಾಗಿ ಪ್ರಸಾರ ಆದಾಯದಲ್ಲಿ ಅತಿದೊಡ್ಡ ನಷ್ಟವಾಗಲಿದೆ. ಕಳೆದ ಸೀಸನ್​ನಿಂದ ಖಾಲಿ ಸ್ಟೇಡಿಯಂಗಳಲ್ಲಿ ಪಂದ್ಯಗಳನ್ನು ಆಯೋಜಿಸಲಾಗುತ್ತಿದೆ. ಬೋರ್ಡ್ ಮತ್ತು ಫ್ರಾಂಚೈಸಿಗಳಿಗೆ ಟಿಕೆಟ್ ಆದಾಯವೂ ನಷ್ಟವಾಗುತ್ತಿದೆ.

    ಸ್ಟಾರ್ ನೆಟ್​ವರ್ಕ್ ಐದು ವರ್ಷಗಳವರೆಗೆ​ ಐಪಿಎಲ್​ ಪ್ರಸಾರಕ್ಕಾಗಿ 16,347 ಕೋಟಿ ರೂ.ಗೆ ಒಪ್ಪಂದ ಮಾಡಿಕೊಂಡಿದ್ದರು. ಅಂದರೆ, ಪಂದ್ಯವೊಂದಕ್ಕೆ ಸುಮಾರು 54.5 ಕೋಟಿ ರೂಪಾಯಿಗಳಿಗೆ ಬರುತ್ತದೆ. ಇದೀಗ 29 ಪಂದ್ಯಗಳಿಂದ 1580 ಕೋಟಿ ರೂಪಾಯಿಗಳನ್ನು ಮಾತ್ರ ಸ್ಟಾರ್‌ ನೆಟ್​ವರ್ಕ್​ನಿಂದ ಪಡೆಯಲಿದೆ. ಉಳಿದ 31 ಪಂದ್ಯಗಳ ನಡೆಯದಿದ್ದರೆ ಸುಮಾರು 1690 ಕೋಟಿ ನಷ್ಟವಾಗಲಿದೆ. ಅದೇ ರೀತಿ ಶೀರ್ಷಿಕೆ ಪ್ರಾಯೋಜಕರಿಂದ 440 ಕೋಟಿ ರೂಪಾಯಿಗಳನ್ನು ಪಡೆಯಬೇಕಿತ್ತು. ಇದೀಗ ಅರ್ಧದಲ್ಲೇ ಟೂರ್ನಿ ಮೊಟಕುಗೊಂಡಿರುವುದರಿಂದ ಅರ್ಧ ಮೊತ್ತ ಮಾತ್ರ ಸಿಗಲಿದೆ.

    ಇವೆಲ್ಲವನ್ನೂ ಲೆಕ್ಕಹಾಕಿದರೂ ಕನಿಷ್ಠ 2 ಸಾವಿರದಿಂದ 2200 ಕೋಟಿ ನಷ್ಟವಾಗಲಿದೆ ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಅಷ್ಟೇ ಅಲ್ಲದೆ ಅತ್ತ ಫ್ರಾಂಚೈಸಿಗಳು ಕೂಡ ನಷ್ಟ ಅನುಭವಿಸಲಿದೆ. ಬಿಸಿಸಿಐ ತನ್ನ ಗಳಿಕೆಯ ಒಂದು ಭಾಗವನ್ನು ಫ್ರ್ಯಾಂಚೈಸಿಗಳಿಗೆ ನೀಡುತ್ತದೆ. ಟೂರ್ನಿಯು ಮುಂದೂಡಲ್ಪಟ್ಟಿರುವುದರಿಂದ ಫ್ರ್ಯಾಂಚೈಸೀ ಸಹ ಕಡಿಮೆ ಪಾಲನ್ನು ಪಡೆಯಲಿದೆ. ಒಟ್ಟಿನಲ್ಲಿ ಐಪಿಎಲ್ ಸೀಸನ್ 14 ನಡೆಯದಿದ್ದರೆ ಬಿಸಿಸಿಐ ಸುಮಾರು 2 ಸಾವಿರಕ್ಕಿಂತ ಅಧಿಕ ಮೊತ್ತ ಕಳೆದುಕೊಳ್ಳುವುದು ಖಚಿತ. ಹೀಗಾಗಿ ಉಳಿದ ಪಂದ್ಯಗಳನ್ನು ಆಯೋಜಿಸಲು ಹೊಸ ಮಾರ್ಗಗಳ ಹುಡುಕಾಟದಲ್ಲಿದೆ ಬಿಸಿಸಿಐ.
    Published by:zahir
    First published: