ಚೀನೀ ಆ್ಯಪ್​ಗಳನ್ನ ತೆಗೆದುಹಾಕಬೇಕಾ? ಈ ಪುಟ್ಟ ಸಮೀಕ್ಷೆಯಲ್ಲಿ ಪಾಲ್ಗೊಳ್ಳಿ

ಚೀನಾ ದೇಶ ಭಾರತದ ಗಡಿಭಾಗದಲ್ಲಿ ಹಲವು ವರ್ಷಗಳಿಂದಲೂ ತಂಟೆ ಮಾಡುತ್ತಲೇ ಬಂದಿರುವುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಭಾರತದ ಭಾಗವನ್ನು ಅತಿಕ್ರಮಿಸಿಕೊಳ್ಳಲು ಸದಾ ಮುಂದಾಗುತ್ತಲೇ ಇದೆ. ಕೆಲ ದಿನಗಳ ಹಿಂದೆ ಲಡಾಖ್​ಗಾಲ್ವನ್ ಕಣಿವೆಯಲ್ಲಿ ಚೀನಾದ ಅತಿಕ್ರಮಣಕ್ಕೆ ಪ್ರತಿರೋಧ ಒಡ್ಡಿದ ಹಿನ್ನೆಲೆಯಲ್ಲಿ 20 ಭಾರತೀಯ ಸೈನಕರನ್ನೂ ಬಲಿ ತೆಗೆದುಕೊಂಡಿತ್ತು. ಆ ಘಟನೆಯ ನಂತರ ದೇಶದಲ್ಲಿ ಚೀನೀ ವಿರೋಧಿ ಅಭಿಪ್ರಾಯ ಹೆಚ್ಚಾಗುತ್ತಿದೆ.

ಭಾರತದಲ್ಲಿ ಚೀನಾದ ವಸ್ತುಗಳನ್ನ ನಿಷೇಧಿಸಬೇಕು; ಭಾರತೀಯರು ಚೀನಾದ ಆ್ಯಪ್​ಗಳನ್ನ ಅನ್​ಇನ್​ಸ್ಟಾಲ್ ಮಾಡಬೇಕು ಇತ್ಯಾದಿ ಕೂಗುಗಳು ದೊಡ್ಡಮಟ್ಟದಲ್ಲಿ ಕೇಳುತ್ತಿವೆ. ಭಾರತದ ಸ್ಮಾರ್ಟ್​ಫೋನ್ ಮಾರುಕಟ್ಟೆಯಲ್ಲಿ ಮುಕ್ಕಾಲು ಭಾಗವನ್ನ ಚೀನೀ ಕಂಪನಿಗಳೇ ಆಕ್ರಮಿಸಿಕೊಂಡಿವೆ. ಹೆಲೋ, ಶೇರ್ ಇಟ್, ಟಿಕ್ ಟಾಕ್​ನಂಥ ಚೀನೀ ಆ್ಯಪ್​ಗಳು ಭಾರತೀಯರ ನಿತ್ಯಬಳಕೆಯ ಭಾಗಗಳಾಗಿವೆ. ಆದರೆ, ದೇಶದ ವಿಚಾರಕ್ಕೆ ಬಂದರೆ ಇವುಗಳನ್ನೆಲ್ಲಾ ತ್ಯಜಿಸುವುದು ದೊಡ್ಡ ವಿಚಾರವನ್ನ ಎಂಬ ಅಭಿಪ್ರಾಯಗಳಿವೆ. ಬಹಳಷ್ಟು ಮಂದಿ ಚೀನೀ ಆ್ಯಪ್​ಗಳನ್ನ ತಮ್ಮ ಸೆಟ್​ಗಳಲ್ಲಿ ಅನ್ ಇನ್​ಸ್ಟಾಲ್ ಕೂಡ ಮಾಡಿದ್ದಾರೆ.

ಚೀನೀ ಆ್ಯಪ್​ಗಳನ್ನ ತೆಗೆದುಹಾಕುವ ವಿಚಾರದಲ್ಲಿ ನಿಮ್ಮ ಅನಿಸಿಕೆ ಏನು? ಈ ಕೆಳಗಿರುವ ಪುಟ್ಟ ಸಮೀಕ್ಷೆಯಲ್ಲಿ ಪಾಲ್ಗೊಂಡು ನಿಮ್ಮ ಅಭಿಪ್ರಾಯಗಳನ್ನ ದಾಖಲಿಸಿ.