Ramadan Foods: ರಂಜಾನ್​ಗೆ ಮೊಹಬ್ಬತ್ ಶರಬತ್‌, ಈ ಮಾರ್ಕೆಟ್​ ಹೆಸ್ರು ಕೇಳಿದ್ರೆ ಬಾಯಲ್ಲಿ ನೀರೂರುತ್ತೆ!

ಹುಬ್ಬಳ್ಳಿ: ಪಕೋಡಾ, ಸಮೋಸಾ, ಚಿಕನ್ ಮಂಚೂರಿ, ಡ್ರೈ ಚಿಕನ್, ಮಟನ್ ಕೈಮಾ, ಸಾಬುದಾನಿ ವಡಾ, ಉದ್ದಿನ ವಡಾ, ಲಸ್ಸಿ, ಶರಬತ್ ಹೀಗೆ ಮಾರ್ಕೆಟ್ ತುಂಬಾ ಜ್ಯೂಸ್ , ತಿಂಡಿಗಳದ್ದೇ (Mohabbat Sharbat)  ಹವಾ! ಕಡಿಮೆ ರೇಟು, ಸಖತ್ ಟೇಸ್ಟಿಯಾಗಿರೋ ಈ ತಿಂಡಿಗಳಿಗೆ ಈ ಸೀಸನ್​ನಲ್ಲಂತೂ ಸಖತ್ ಡಿಮ್ಯಾಂಡ್. ಹೌದು, ರಂಜಾನ್ ತಿಂಗಳಿಗಾಗಿ  (Ramadan 2023) ತೆರೆದ ಸ್ಪೆಷಲ್ ಸ್ಟಾಲ್​ಗಳ ಸ್ಪೆಷಲ್ ತಿನಿಸುಗಳಿವು.

ಯೆಸ್, ಸದ್ಯ ರಂಜಾನ್ ಉಪವಾಸ ಕೊನೆ ವಾರದಲ್ಲಿದೆ. ಒಂದು ತಿಂಗಳ ಕಾಲ ಪ್ರತಿದಿನ ಸರಿ ಸುಮಾರು 13 ರಿಂದ 14 ಗಂಟೆ ಕಾಲ ಉಪವಾಸವಿರುವವರಿಗೆ ಇಂತಹ ತಿಂಡಿ, ಜ್ಯೂಸ್​ಗಳು ಹೆಚ್ಚು ಎನರ್ಜಿ ನೀಡಬಲ್ಲದು. ಜೊತೆಗೆ ಲಘು‌ ಉಪಹಾರಗಳೇ ಹೆಚ್ಚಾಗಿ ನೆಚ್ಚಿಕೊಳ್ಳುವುದರಿಂದ ಈ ತಿನಿಸು, ಜ್ಯೂಸ್​ಗಳು ಹೆಚ್ಚು ಹೆಚ್ಚಾಗಿ ಮಾರಾಟವಾಗುತ್ತೆ.

ಇದನ್ನೂ ಓದಿ: Viral Photo: ಈ ಅಭ್ಯರ್ಥಿ ನಿಮಗೆ ಮುಖ ತೋರಿಸದೇ ಪ್ರಚಾರ ಮಾಡ್ತಾರೆ!

ಹಾಗಾಗಿಯೇ ಹುಬ್ಬಳ್ಳಿಯ ವಿಕಾಸ ನಗರದ ಮಾರ್ಕೆಟ್​ನಲ್ಲಿ ಈ ವಿಶೇಷ ರಂಜಾನ್ ಸ್ಪೆಷಲ್ ಸ್ಟಾಲ್​ಗಳು ಕಂಡು ಬರುತ್ತವೆ. ಮುಂಜಾನೆ 5 ರಿಂದ ಸಾಯಂಕಾಲ ಆರೂವರೆ ಗಂಟೆ ದಾಟುವ ತನಕವೂ ಉಪವಾಸವಿರುವವರಿಗೆ ಈ ತಿಂಡಿ, ತಿನಿಸುಗಳೆಲ್ಲವೂ ಉಲ್ಲಾಸ ನೀಡುತ್ತೆ.

ಮೊಹಬ್ಬತ್ ಶರಬತ್‌
ಇನ್ನು ಮೊಹಬ್ಬತ್ ಶರಬತ್ ಈ ಬಾರಿ ಮಾರ್ಕೆಟ್​ನ ಕೇಂದ್ರಬಿಂದು ಆಗಿದೆ. ಜೊತೆಗೆ ಮ್ಯಾಂಗೋ ಶರಬತ್, ಅನಾನಸ್ ಶರಬತ್​ಗಳು ಇಲ್ಲಿವೆ. ಗುಲಾಬಿ ಬಣ್ಣದ ಮೊಹಬತ್ ಶರಬತ್ ಅಂತೂ ದಿಲ್ಲಿಯ ಗಲ್ಲಿ, ಆಗ್ರಾದ ಪೇಟೆಗಳನ್ನ ನೆನಪಿಸುತ್ತೆ.

ಇದನ್ನೂ ಓದಿ: Budget Record: ಸಾವಿರ ಕೋಟಿಯನ್ನು ಮೀರಿದ ಕರ್ನಾಟಕದ ಈ ನಗರದ ಬಜೆಟ್

ಚೂರು ಸ್ಟ್ರಾಬೆರಿ, ಜಾಸ್ತಿ ಕಲ್ಲಂಗಡಿ ಹಾಗೂ ಹಾಲು, ಸಕ್ಕರೆ ಜೊತೆ ಈ ಮೊಹಬತ್ ಶರಬತ್ ರೆಡಿ ಆಗ್ತವೆ. ಒಟ್ಟಿನಲ್ಲಿ ಉಪವಾಸದ ಸಮಯದಲ್ಲಿ ಮುಸ್ಲಿಮರು ಹೆಚ್ಚಿರುವ ಮಾರ್ಕೆಟ್​ಗಳಲ್ಲಿ ಇಂತಹ ತಿಂಡಿ, ತಿನಿಸು, ಜ್ಯೂಸ್​ಗಳು ಕಂಡುಬರುವುದು ಕಾಮನ್. ಮುಸ್ಲಿಮರ ಜೊತೆಗೆ ಇತರೆ ಧರ್ಮದವರೂ ಈ ಫುಡ್ ಟೇಸ್ಟ್ ಮಾಡೋದು ವಿಶೇಷವೇ ಸರಿ.

ವರದಿ: ಎ.ಬಿ.ನಿಖಿಲ್, ನ್ಯೂಸ್ 18 ಕನ್ನಡ ಡಿಜಿಟಲ್, ಉತ್ತರ ಕನ್ನಡ