Reels Competition: ರೀಲ್ಸ್ ಮಾಡಿ, ಭರ್ಜರಿ ಬಹುಮಾನ ಗೆಲ್ಲಿ! ವಿದ್ಯಾರ್ಥಿಗಳಿಗೆ ಸುವರ್ಣಾವಕಾಶ

ಧಾರವಾಡ: ಮತದಾನ ಜಾಗೃತಿಗಾಗಿ ಜಿಲ್ಲಾ ಸ್ವೀಪ್‌ (SWEEP Committee) ಸಮಿತಿ ಹಲವು ವಿಶಿಷ್ಟ ಕಾರ್ಯಕ್ರಮಗಳನ್ನು ಆಯೋಜಿಸಿವೆ. ಯುವ ಮತದಾರರನ್ನು ಸೆಳೆಯುವುದಕ್ಕಾಗಿ ವೀಡಿಯೋ ರೀಲ್ಸ್‌ ಸ್ಪರ್ಧೆಯನ್ನು (Video Reels Compilation)  ಆಯೋಜಿಸಿದೆ. ಈ ಮೂಲಕ ಸಾರ್ವಜನಿಕರಿಗೆ ಅರ್ಧ ನಿಮಿಷದಲ್ಲಿ ಪರಿಣಾಮಕಾರಿಯಾಗಿ ಸಂದೇಶ ತಲುಪಿಸುವ ಜವಾಬ್ದಾರಿಯನ್ನು ನೀಡಲಾಗಿದೆ. ವಿಶೇಷವಾಗಿ ಇದನ್ನು ಪದವಿಪೂರ್ವ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರ ಅಧೀನದಲ್ಲಿ ಬರುವ ಕಾಲೇಜುಗಳಲ್ಲಿ ಸ್ಥಾಪಿಸಲಾಗಿರುವ ಇ.ಎಲ್.ಸಿ ಕ್ಯಾಂಪಸ್ ಅಂಬಾಸಿಡರ್​ಗಳನ್ನು ಬಳಸಿಕೊಂಡು ಅಪ್ಲೋಡ್‌ (Video Upload) ಮಾಡುವ ಮೂಲಕ ಜಾಗೃತಿ ಮೂಡಿಸುವ ಪ್ರಯತ್ನವನ್ನು ಸ್ವೀಪ್‌ ಸಮಿತಿ ನಡೆಸಿದೆ.

ಏನಿರಬೇಕು ವೀಡಿಯೋದಲ್ಲಿ?
ವಿಡಿಯೋ ತುಣುಕು 30 ರಿಂದ 40 ಸೆಕೆಂಡ್​ಗಳಷ್ಟೇ ಹೊಂದಿರಬೇಕು. ವಿಶೇಷವಾಗಿ ಯುವ ಮತದಾರರು, 80 ವರ್ಷ ಮೇಲ್ಪಟ್ಟವರು ಹಾಗೂ ಅಂಗವಿಕಲರು ಮತ್ತು ಸಾರ್ವಜನಿಕರೆಲ್ಲರೂ ಮತದಾನದಲ್ಲಿ ಪಾಲ್ಗೊಳ್ಳುವಂತಹ ವಿಷಯವನ್ನು ಹೊಂದಿರಬೇಕು.

ಯಾರಿಗೆ ಕಳುಹಿಸಬೇಕು?
ಸ್ಪರ್ಧಿಗಳು ತಾವು ತಯಾರಿಸಿದ ರೀಲ್ಸ್‌ಗಳನ್ನು 9986929286 ಮೊಬೈಲ್ ಸಂಖ್ಯೆಗೆ ಕಳುಹಿಸಬೇಕು. ಈ ರೀಲ್ಸ್​ಗಳನ್ನು ಧಾರವಾಡ ಜಿಲ್ಲಾ ಪಂಚಾಯತ YouTube Chanel ದಲ್ಲಿ ಅಪ್ಲೋಡ್ ಮಾಡಿಸಿ ಲಿಂಕ್‌ಗಳನ್ನು ಸಂಬಂಧಿಸಿದ ಕ್ಯಾಂಪಸ್ ಅಂಬಾಸಿಡರ್ ಮೂಲಕ ವಿದ್ಯಾರ್ಥಿ ಮತದಾರರು ಹಾಗೂ ಸಾರ್ವಜನಿಕರಿಗೆ ವ್ಯಾಟ್ಸ್ಆಪ್ ಮೂಲಕ ಪ್ರಚಾರ ಮಾಡಲು ಸೂಚನೆ ನೀಡಲಾಗಿದೆ. 

ಇದನ್ನೂ ಓದಿ: Dharwad News: ಗಂಡ ಮೃತಪಟ್ಟು ಒಂದೇ ದಿನಕ್ಕೆ ಮತದಾನ ಮಾಡಿದ 80ರ ಅಜ್ಜಿ!

ಯಾವಾಗ ಕೊನೆ ದಿನ?
ಮೇ 10 ರಂದು ವಿಧಾನಸಭೆ ಚುನಾವಣೆ ನಡೆಯಲಿದ್ದು, ಮೇ 5 ರಂದು ರೀಲ್ಸ್‌ ವೀಡಿಯೋಗಳನ್ನು ಕಳುಹಿಸಲು ಕೊನೆಯ ದಿನವಾಗಿರುತ್ತದೆ. ಉತ್ತಮ ವೀಡಿಯೋಗಳಿಗೆ ಜಿಲ್ಲಾ ಸ್ವೀಪ್‌ ಸಮಿತಿಯಿಂದ ಬಹುಮಾನ ವಿತರಿಸಲಾಗುತ್ತದೆ.

ಇದನ್ನೂ ಓದಿ: Dharwad: ಧಾರವಾಡ ಪೇಡೆಯ ಟೇಸ್ಟ್‌ ಹಿಂದಿರೋದು ಈ ಎಮ್ಮೆ ಕಣ್ರೀ!

ಯಾರೆಲ್ಲ ಭಾಗವಹಿಸಬಹುದು?
ವಿಡಿಯೋ ರೀಲ್ಸ್​ಗಳನ್ನ ಮಾಡುವ ಆಸಕ್ತರು ಕಡ್ಡಾಯವಾಗಿ ಧಾರವಾಡ ಜಿಲ್ಲೆಯ ಯಾವುದಾದರೂ ವಿಧಾನಸಭಾ ಕ್ಷೇತ್ರವನ್ನ ಪ್ರತಿನಿಧಿಸಬೇಕು. ಅದರ ಹೊರತು ಇತರರಿಗೆ ಅವಕಾಶವಿರುವುದಿಲ್ಲ.