Spatika Linga: ಹಿರೇಮಠಕ್ಕೆ ಬಂತು 1 ಕೋಟಿ ಮೌಲ್ಯದ ಹೊಸ ಸ್ಫಟಿಕ ಲಿಂಗ

ಹಾವೇರಿ: ರಂಭಾಪುರಿ ಪೀಠದ ಶಾಖಾ ಹಿರೇಮಠದ ಶ್ರೀ ರೇಣುಕಾಚಾರ್ಯರ ಮಠದಲ್ಲಿ ಕಳವಾಗಿದ್ದ ಸ್ಫಟಿಕ ಲಿಂಗಕ್ಕೆ ಪರ್ಯಾಯವಾಗಿ ಹೊಸ ಸ್ಫಟಿಕ ಲಿಂಗವನ್ನು (Spatika Linga) ತರಲಾಗಿದೆ. ಹಾವೇರಿ ಜಿಲ್ಲೆಯ (Haveri News)  ರಾಣೇಬೆನ್ನೂರು ತಾಲೂಕಿನ ಲಿಂಗದಹಳ್ಳಿ ಗ್ರಾಮದಲ್ಲಿರುವ ಹಿರೇಮಠಕ್ಕೆ (Hiremutt Spatika Linga) ಮಠಕ್ಕೆ ಸುಮಾರು 1 ಕೋಟಿ ರೂಪಾಯಿಗೂ ಹೆಚ್ಚು ಮೌಲ್ಯದ ಹೊಸ ಸ್ಫಟಿಕ ಲಿಂಗವನ್ನು ತಂದು ಪೂಜಿಸಲು ಸಿದ್ಧತೆ ನಡೆಸಲಾಗಿದೆ.

ಈ ಮುನ್ನ ಜೂನ್ 6ರಂದು ಮಠದಲ್ಲಿ ಪೂಜಿಸಲಾಗುತ್ತಿದ್ದ ಸ್ಫಟಿಕ ಲಿಂಗ ಕಳುವಾಗಿತ್ತು. ಹೀಗಾಗಿ ರಂಭಾಪುರಿ ಪೀಠದ ಶಾಖಾ ಹಿರೇಮಠದ ಶ್ರೀ ರೇಣುಕಾಚಾರ್ಯರ ಮಠದಲ್ಲಿ ಪೂಜಿಸಲು ಸ್ಫಟಿಕ ಲಿಂಗ ಇರಲಿಲ್ಲ. ಈವರೆಗೂ ಪೂಜೆಯ ಸ್ಫಟಿಕ ಲಿಂಗ ಪತ್ತೆಯಾಗದ ಹಿನ್ನೆಲೆಯಲ್ಲಿ ಮಾನಸ ಸರೋವರದಿಂದ ಹೊಸ ಸ್ಫಟಿಕ ಲಿಂಗವನ್ನು ತರಲಾಗಿದೆ.

ಇದನ್ನೂ ಓದಿ: Koragajja In Haveri: ಉತ್ತರ ಕರ್ನಾಟಕದಲ್ಲೂ ಕರಾವಳಿಯ ದೈವಾರಾಧನೆ ಶುರು!

ಸ್ಫಟಿಕ ಲಿಂಗ ಕಳ್ಳತನವಾಗಿದ್ದು ಭಕ್ತರಲ್ಲಿ ದಿಗ್ಭ್ರಮೆ ಮೂಡಿಸಿತ್ತು.  ಈ ಮಠದಲ್ಲಿ ಸ್ಫಟಿಕ ಲಿಂಗವನ್ನು ಪುರಾತನ ಕಾಲದಲ್ಲೇ ಸ್ಥಾಪಿಸಲಾಗಿತ್ತು.

ಹೇಗೆ ಖರೀದಿ ಮಾಡಲಾಯ್ತು?
ಭಕ್ತರು ನೀಡಿದ ಹಣದ ಜೊತೆಗೆ ಮಠದ ಪೀಠಾಧಿಪತಿ ಶ್ರೀ ವೀರಭದ್ರ ಶಿವಾಚಾರ್ಯ ಸ್ವಾಮೀಜಿ ತಮ್ಮ ಹೆಸರಿನಲ್ಲಿದ್ದ ಜೀವ ವಿಮೆ ಪಾಲಿಸಿ, ಬ್ಯಾಂಕ್ ಹಾಗೂ ಕೆಇಬಿ ಸೊಸೈಟಿಯಲ್ಲಿ ಸಾಲ ಪಡೆದು ಸ್ಫಟಿಕ ಲಿಂಗ ಖರೀದಿ ಮಾಡಿದ್ದಾರೆ.

ಇದನ್ನೂ ಓದಿ: Gayatri Temple Tadas: ದಕ್ಷಿಣ ಭಾರತದ ಏಕೈಕ ಗಾಯತ್ರಿ ದೇಗುಲ! ತಡಸದಲ್ಲಿದೆ ತಪೋಭೂಮಿ!

ಹೊಸ ಸ್ಫಟಿಕ ಲಿಂಗಕ್ಕೆ ಬಿಗಿ ಭದ್ರತೆ
2023 ಜನವರಿ 23ರಂದು ಹೊಸ ಸ್ಪಟಿಕಲಿಂಗ ಪ್ರತಿಷ್ಠಾಪನೆ, ಧರ್ಮಸಭೆ ಕಾರ್ಯಕ್ರಮಕ್ಕೆ ಸಿದ್ಧತೆ ನಡೆಸಲಾಗಿದೆ. ಈ ಹಿನ್ನೆಲೆಯಲ್ಲಿ ಮಠದ ಸುತ್ತಮುತ್ತ ಸಿಸಿಟಿವಿ ಅಳವಡಿಸಿ ಪೋಲಿಸ್ ಭದ್ರತೆ ಒದಗಿಸಲಾಗಿದೆ.