Chamundi Express: ಚಾಮುಂಡಿ ವೈಭವ ಅಂತ್ಯ; ಯಾವ ಸ್ಟಾರ್​ಗೂ ಕಡಿಮೆಯಿಲ್ಲ ಎಂದು ಕಣ್ಣೀರಿನ ಮಳೆಗರೆದ ಫ್ಯಾನ್ಸ್

ಹಾವೇರಿ: ಅಖಾಡಕ್ಕೆ ಕಾಲಿಟ್ರೆ ಎದುರು ನಿಂತವ್ರಿಗೆ ಎದೆಯಲ್ಲಿ ಢವಢವ! ತಣ್ಣನೆ ನಡುಕ ನಡುಕ! ಆದರೆ ಇಡೀ ರಾಜ್ಯದಲ್ಲೇ ಹೆಸರು ಮಾಡಿದ್ದ ಹೋರಿ ಚಾಮುಂಡಿ ಎಕ್ಸ್​ಪ್ರೆಸ್ ಇನ್ಮೇಲೆ ಅಭಿಮಾನಿಗಳಿಗೆ ನೆನಪು ಮಾತ್ರ. ದನ ಬೆದರಿಸುವ ಸ್ಪರ್ಧೆಯಲ್ಲಿ ಹೆಸರುವಾಸಿಯಾಗಿದ್ದ ಹೋರಿ ಚಾಮುಂಡಿ ಎಕ್ಸ್​ಪ್ರೆಸ್ 313 ನಿಧನಕ್ಕೆ ಇಡೀ ಹಾವೇರಿಯೇ ಬೇಸರದ ಮಡುವಲ್ಲಿ ಮುಳುಗಿದೆ. ಚಾಮುಂಡಿ ಎಕ್ಸ್​ಪ್ರೆಸ್ 313 (Chamundi Express) ಮೃತಪಟ್ಟು 9ನೇ ದಿನದ ನಿಮಿತ್ತ ಹಾವೇರಿ ಸಮೀಪದ (Haveri News) ಚಿಕ್ಕಲಿಂಗದಳ್ಳಿ ಗ್ರಾಮದಲ್ಲಿ ಶನಿವಾರ ಚಾಮುಂಡಿ ಎಕ್ಸ್​ಪ್ರೆಸ್ ಹೋರಿಗೆ ಭಾವಪೂರ್ಣ ಶ್ರದ್ಧಾಂಜಲಿ ಅರ್ಪಿಸಲಾಯ್ತು.

ಮೆಹಬೂಬಸಾಬ್ ದೇವಗಿರಿ ಎಂಬುವವರ ಮನೆಯಲ್ಲಿ ಜನಿಸಿದ್ದ ಚಾಮುಂಡಿ ಎಕ್ಸ್​ಪ್ರೆಸ್ ಹಾವೇರಿ, ದಾವಣಗೆರೆ, ಶಿವಮೊಗ್ಗ, ಧಾರವಾಡ ಸೇರಿದಂತೆ ವಿವಿಧ ಜಿಲ್ಲೆಗಳ ದನ ಬೆದರಿಸುವ ಸ್ಪರ್ಧೆಯಲ್ಲಿ ಹೆಸರು ಮಾಡಿತ್ತು.

ಚಾಮುಂಡಿ ಎಕ್ಸಪ್ರೆಸ್ ಹೋರಿಯ ತಿಥಿ ಆಚರಿಸಿದ ಗ್ರಾಮಸ್ಥರು
ಇದೇ ಡಿಸೆಂಬರ್ 2 ರಂದು ಅನಾರೋಗ್ಯದಿಂದ ಅಸುನೀಗಿದ್ದ ಚಾಮುಂಡಿ ಎಕ್ಸ್​ಪ್ರೆಸ್ ಹೋರಿಯನ್ನು ಡಿಸೆಂಬರ್ 3 ರಂದು ಮಾಸೂರಿನ ಹೊರವಲಯದಲ್ಲಿ ಅಂತ್ಯಕ್ರಿಯೆ ಮಾಡಲಾಗಿತ್ತು. ಹೋರಿ ಅಸುನೀಗಿ 9 ದಿನಗಳಾದ ಹಿನ್ನೆಲೆಯಲ್ಲಿ ಹಾವೇರಿ ಸಮೀಪದ ಚಿಕ್ಕಲಿಂಗದಹಳ್ಳಿಯ ಗ್ರಾಮಸ್ಥರು ಚಾಮುಂಡಿ ಎಕ್ಸಪ್ರೆಸ್ ಹೋರಿಯ ತಿಥಿ ಆಚರಿಸಿದರು.

ಇದನ್ನೂ ಓದಿ: Peacock Park: 139 ಎಕರೆಯಲ್ಲಿ ಕರ್ನಾಟಕದ ಮೊದಲ ನವಿಲುಧಾಮ! ಆಹಾ, ಇದೇ ನಂದಗೋಕುಲ!

ಭಾವಚಿತ್ರ ಇಟ್ಟು ಪುಷ್ಪಮಾಲೆ ಹಾಕಿ ಪೂಜೆ
ಹೋರಿಯ ಭಾವಚಿತ್ರ ಮತ್ತು ಕಲಾವಿದ ಚಿತ್ರಿಸಿದ ಭಾವಚಿತ್ರ ಇಟ್ಟು ಪುಷ್ಪಮಾಲೆ ಹಾಕಿ ಪೂಜಿಸಿದ್ರು. ಚಾಮುಂಡಿ ಎಕ್ಸ್​ಪ್ರೆಸ್ ಹೋರಿಗೆ ಇಷ್ಟವಾದ ಮೊಟ್ಟೆ, ರಾಗಿ, ಹತ್ತಿಕಾಳು, ಗೋವಿನ ಜೋಳದ ತೆನೆಗಳನ್ನ ಇಡಲಾಗಿತ್ತು. ದೂರದ ಊರಿಂದ ಆಗಮಿಸಿದ ಚಾಮುಂಡಿಯ ಅಭಿಮಾನಿಗಳು ತಿಥಿ ಕಾರ್ಯದಲ್ಲಿ ಭಾಗಿಯಾದ್ರು.

ಇದನ್ನೂ ಓದಿ: Spatika Linga: ಹಿರೇಮಠಕ್ಕೆ ಬಂತು 1 ಕೋಟಿ ಮೌಲ್ಯದ ಹೊಸ ಸ್ಫಟಿಕ ಲಿಂಗ

ಒಟ್ಟಾರೆ ಯಾವ ಸ್ಟಾರ್​ಗೂ ಕಡಿಮೆ ಇಲ್ಲದಂತೆ ಸಾವಿರಾರು ಅಭಿಮಾನಿಗಳನ್ನ ಸಂಪಾದಿಸಿದ್ದ ಚಾಮುಂಡಿ ಎಕ್ಸ್​ಪ್ರೆಸ್ 313 ಹೋರಿ ನೆನಪಲ್ಲಿ ಹಾವೇರಿಯ ಜನತೆ ಮಿಂದು ಮುಳುಗಿತು.

ಮಾಹಿತಿ: ರಮೇಶ್ ಬಿ.ಎಚ್, ನ್ಯೂಸ್ 18 ಕನ್ನಡ ಹಾವೇರಿ