• Home
  • »
  • News
  • »
  • hassan
  • »
  • Hassan: ಕುಡುಕರಿಗೆ ಇನ್ಶೂರೆನ್ಸ್, ಬಾರ್​ನಲ್ಲೇ ಬೆಡ್! ಮದ್ಯಪ್ರಿಯರ ಹೋರಾಟ ಸಂಘದಿಂದ ಹತ್ತಾರು ಬೇಡಿಕೆ

Hassan: ಕುಡುಕರಿಗೆ ಇನ್ಶೂರೆನ್ಸ್, ಬಾರ್​ನಲ್ಲೇ ಬೆಡ್! ಮದ್ಯಪ್ರಿಯರ ಹೋರಾಟ ಸಂಘದಿಂದ ಹತ್ತಾರು ಬೇಡಿಕೆ

X
ಇಲ್ಲಿ ವಿಡಿಯೋ ನೋಡಿ

"ಇಲ್ಲಿ ವಿಡಿಯೋ ನೋಡಿ"

ಮದ್ಯಪಾನ ಮಾಡಿದವರಿಗೆ ಲಿವರ್, ಮತ್ತಿತರ ಆಪರೇಷನ್​ಗೆ ನಾಲ್ಕರಿಂದ ಐದು ಲಕ್ಷ ಖರ್ಚಾಗುತ್ತೆ. ಈ ಹಣವನ್ನ ಸಂಪೂರ್ಣವಾಗಿ ಸರ್ಕಾರವೇ ಭರಿಸಬೇಕು ಎಂದು ಮದ್ಯಪ್ರಿಯರ ಹೋರಾಟ ಸಂಘ ಆಗ್ರಹಿಸಿದೆ. 

  • News18 Kannada
  • Last Updated :
  • Hassan, India
  • Share this:

    ಹಾಸನ: ಮದ್ಯಪ್ರಿಯರಿಗೂ ಒಂದು ಸಂಘಟನೆ ಸ್ಥಾಪನೆಯಾಗಿದೆ. ಹೌದು, ಇದು ಅಚ್ಚರಿ ಅನಿಸಿದರೂ ಸತ್ಯ ಕಣ್ರೀ! ಮದ್ಯಪ್ರಿಯರ ಹೋರಾಟ ಸಂಘ (Liquor Lovers Association) ಎಂಬ ಹೆಸರಿನ ಸಂಘವೊಂದು ಹಾಸನದಲ್ಲಿ ಮುನ್ನೆಲೆಗೆ ಬಂದಿದೆ.  ಸದ್ಯ ಈ ಮದ್ಯಪಾನ ಪ್ರಿಯರ ಸಂಘ ಹಾಸನದಲ್ಲಿ (Hassan Liquor lovers Association Press Meet)  ಪತ್ರಿಕಾಗೋಷ್ಠಿ ನಡೆಸಿ ವಿವಿಧ ಬೇಡಿಕೆಗಳನ್ನು ಮುಂದಿಟ್ಟಿದೆ.


    ಹೀಗಿವೆ ನೋಡಿ ಮದ್ಯಪಾನ ಪ್ರಿಯರ ಬೇಡಿಕೆಗಳು
    ಮದ್ಯಪಾನ ಪ್ರಿಯರಿಗೆ ಇಲ್ಲಿಯವರೆಗೆ ಸರ್ಕಾರ ಸರಿಯಾದ ಸೌಲಭ್ಯ ನೀಡಿಲ್ಲ. ನಾವು ನೀಡುವ 30 ಶೇಕಡಾ ಆದಾಯದಲ್ಲಿ ಸರ್ಕಾರ ನಡೆಯುತ್ತಿದೆ. ಪ್ರತಿ ಕುಡುಕರಿಗೂ ಒಂದು ಲಕ್ಷದ ಇನ್ಶೂರೆನ್ಸ್ ಮಾಡಿ ಪ್ರತಿ ಬಾಟಲಿ ಮೇಲೆ ನಮೂದಿಸಬೇಕು. ನಾವು ಸಾವನ್ನಪ್ಪಿದ್ದರೆ ಆ ಒಂದು ಲಕ್ಷ ನಮ್ಮ ಕುಟುಂಬಕ್ಕೆ ಸೇರಬೇಕು ಎಂದು ಮದ್ಯಪ್ರಿಯರ ಹೋರಾಟ ಸಂಘ ಆಗ್ರಹಿಸಿದೆ. 


    ಇಲ್ಲಿದೆ ನೋಡಿ ಮದ್ಯಪಾನ ಪ್ರಿಯರ ಸಂಘದ ಬೇಡಿಕೆಗಳು


    ಸರ್ಕಾರಿ ಹಾಸ್ಟೆಲ್​ಗಳಲ್ಲಿ ಶೇಕಡಾ 10 ರಷ್ಟು ಸೀಟ್ ಮೀಸಲಿಡಿ
    ಮದ್ಯಪಾನಿಗಳು ಕುಡಿದು ಮನೆಯಲ್ಲಿ ಗಲಾಟೆ ಮಾಡುವ ಸಂದರ್ಭಗಳೂ ಇರುತ್ತೆ. ಈ ಜಗಳದಿಂದ ಮಕ್ಕಳ ವಿದ್ಯಾಭ್ಯಾಕ್ಕೆ ತೊಂದರೆ ಆಗುತ್ತೆ. ಹೀಗಾಗಿ ಸರ್ಕಾರಿ ಹಾಸ್ಟೆಲ್​ಗಳಲ್ಲಿ ಶೇಕಡಾ 10 ರಷ್ಟು ಸೀಟ್ ಮೀಸಲಿಡಬೇಕು. ಮದ್ಯಪಾನ ಪ್ರಿಯರಿಗೆ ಒಂದು ನಿಗಮ ಮಾಡಬೇಕು ಎಂದು ಹಾಸನದಲ್ಲಿ ಮದ್ಯಪ್ರಿಯರ ಹೋರಾಟ ಸಂಘ ಒತ್ತಾಯ ಮಾಡಿದೆ.




    ಸರ್ಕಾರವೇ ಆಪರೇಷನ್ ಹಣ ಭರಿಸಬೇಕು!
    ಮದ್ಯಪಾನ ಮಾಡಿದವರಿಗೆ ಲಿವರ್, ಮತ್ತಿತರ ಆಪರೇಷನ್​ ಮಾಡಬೇಕಾದ ಅವಶ್ಯಕತೆ ಇರುತ್ತೆ. ಈ ಆಪರೇಷನ್​ಗೆ ನಾಲ್ಕರಿಂದ ಐದು ಲಕ್ಷ ಹಣ ಖರ್ಚಾಗುತ್ತೆ. ಈ ಹಣವನ್ನ ಸಂಪೂರ್ಣವಾಗಿ ಸರ್ಕಾರವೇ ಭರಿಸಬೇಕು ಎಂದು ಮದ್ಯಪ್ರಿಯರ ಹೋರಾಟ ಸಂಘ ಆಗ್ರಹಿಸಿದೆ. 


    ಇದನ್ನೂ ಓದಿ: Jodukare Kambala: ರಣ ರೋಚಕ ಜೋಡುಕರೆ ಕಂಬಳ, ಕುದುರೆಗಳೂ ನಾಚುವಂತೆ ಓಡಿದ ಕೋಣಗಳು!


    ಕುಡಿದು ಟೈಟ್ ಆದಾಗ ಬಾರ್​ನಿಂದ ಆಚೆ ಹಾಕ್ಬಾರ್ದು!
    ಮೂರು ತಿಂಗಳಿಗೊಮ್ಮೆ ಹೋಬಳಿ, ತಾಲ್ಲೂಕು, ಜಿಲ್ಲಾ ಮಟ್ಟದಲ್ಲಿ ಕುಡುಕರಿಗೆ ಆರೋಗ್ಯ ತಪಾಸಣೆ ಮಾಡಬೇಕು. ಬಾರ್​ಗಳಲ್ಲಿ ಸ್ವಚ್ಚವಾದ ಫಿಲ್ಟರ್ ನೀರನ್ನ ನೀಡಬೇಕು. ಮದ್ಯದಂಗಡಿಗಳಲ್ಲಿ ಶೌಚಾಲಯ ಶುಚಿಯಾಗಿ ಇಟ್ಟಿರಬೇಕು. ಕುಡಿದು ಟೈಟ್ ಆದ ಸಂದರ್ಭಗಳಲ್ಲಿ ಬಾರ್​ನಿಂದ ಆಚೆ ತಳ್ಳಬಾರದು ಎಂದೂ ಸಹ ಮದ್ಯ ಪ್ರಿಯರ ಹೋರಾಟ ಸಂಘ ಒತ್ತಾಯ ಮಾಡಿದೆ.


    ಇದನ್ನೂ ಓದಿ: PVC Pipe Gun: ಮಂಗನನ್ನು ಓಡಿಸೋಕೆ ಪೈಪ್ ಗನ್! ಕೃಷಿಕರೇ, ವಿಡಿಯೋ ನೋಡಿ


    ಬಾರ್​ಗಳಲ್ಲೇ ಬೆಡ್ ಹಾಕ್ಬೇಕಂತೆ
    ಅಷ್ಟೇ ಅಲ್ಲ ಕಣ್ರೀ, ಪ್ರತೀ ಬಾರ್​ನಲ್ಲೂ 4ರಿಂದ 5 ಬೆಡ್ ಹಾಕಿ ಮದ್ಯಪಾನಿಗಳು ಸುಧಾರಿಸಿಕೊಳ್ಳಲು ಅವಕಾಶ ನೀಡಬೇಕು ಎಂದು ವಿಚಿತ್ರ ಒತ್ತಾಯವನ್ನೂ ಈ ಸಂಘ ಮಾಡಿದೆ.


    ವಿಶೇಷ ಸೂಚನೆ: ಮದ್ಯಪಾನ ಆರೋಗ್ಯಕ್ಕೆ ಹಾನಿಕರ


    ಮಾಹಿತಿ, ವಿಡಿಯೋ: ಕೃಷ್ಣ, ಹಾಸನ

    Published by:ಗುರುಗಣೇಶ ಡಬ್ಗುಳಿ
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು