Kappatagudda: ಕಪ್ಪತಗುಡ್ಡ ಇದ್ರೆ ಯಾವ ದವಾಖಾನೆನೂ ಬೇಡ!

ಗದಗ: ಇದು ಕಪ್ಪತ್ತಗುಡ್ಡ! ಆ ದೇವರೇ ರುಜು ಮಾಡಿದ ಪ್ರಕೃತಿಯ ಸೊಬಗು. ಹಚ್ಚಹಸಿರ ಸೆಳೆತದ ನಡುವೆ ಇನ್ನೇನು ಆಗಸಕ್ಕೆ ತಾಗಿಬಿಡುತ್ತೆ ಅಂತಿದೆ ಭೂಲೋಕದ ವೈಯ್ಯಾರ. ದೂರದಲ್ಲಿ ಪವನಶಕ್ತಿಗೆ ಬೀಸೋ ಫ್ಯಾನಿನ ರೆಕ್ಕೆಗಳು! ಕಣ್ಣಿಗೆ ನೋಡೋಕೇ ಸೋಜಿಗ. ಬಯಲು ಸೀಮೆಯ ಸಹ್ಯಾದ್ರಿ ಗದಗ ಜಿಲ್ಲೆಯ (Gadaga) ಈ ಕಪ್ಪತಗುಡ್ಡ!ಕಪ್ಪತ್ತಗುಡ್ಡ (Kappatagudda) ಸದಾ ಸುದ್ದಿಯಲ್ಲಿರೋ ಪರ್ವತ ಸಾಲು. ಆದ್ರೆ ಅದರಾಚೆಗೆ ಕಪ್ಪತ್ತಗುಡ್ಡ (Kappatagudda Trecking) ಸೂಜಿಗಲ್ಲಿನಂತಹ ಸೆಳೆತ ಹೊಂದಿದೆ. ಬೀಸುವ ತಂಗಾಳಿ ಚದುರುತ್ತಿರುವ ಮೋಡಗಳನ್ನ ಇನ್ನೇನು ಓಡಿಸಿಕೊಂಡು ಹೋಗುವಂತಿದೆ. ಶ್ವೇತಮೋಡಗಳ ನಡುವೆ ಹಚ್ಚಹಸಿರ ಪರ್ವತ ಕಣ್ಮನ ಸೆಳೆಯದೇ ಇರಲ್ಲ. ಗದಗ ಜಿಲ್ಲೆಯ ಈ ಕಪ್ಪತ್ತಗುಡ್ಡ ಏಷ್ಯಾದಲ್ಲಿಯೇ ಶುದ್ಧಗಾಳಿಗೆ (Pure Air In Asia) ಹೆಸರುವಾಸಿ. ಹೀಗಾಗಿಯೇ ನೋಡಿ ವಾಯು ವಿಹಾರಕ್ಕೂ ಈ ಸ್ಪಾಟ್ ಪ್ರವಾಸಿಗರಿಗೆ ಹೇಳಿಟ್ಟಂತಿದೆ.

ಕಪ್ಪತ್ತಗುಡ್ಡ ಇಂದಿಗೂ ತನ್ನ ಮಣ್ಣು, ಗಿಡ, ಮರಗಳೆಲ್ಲದರಲ್ಲೂ ಔಷಧೀಯ ಗುಣ ಹೊಂದಿದೆ. ಅತೀ ಹೆಚ್ಚು ಆಯುರ್ವೇದಿಕ್ ಗಿಡಗಳನ್ನ ಹೊಂದಿರೋ ಕಾರಣಕ್ಕಾಗಿ ಇಲ್ಲಿಗೆ ಬಂದ್ ಹೋದ್ರೆ ಸಾಕು ಯಾವ ದವಾಖಾನೆನೂ ಬೇಡ.

ಇದನ್ನೂ ಓದಿ: Udupi Special: ಹಬ್ಬದ ಸ್ಪೆಷಲ್! 100 ಕಲಾವಿದರಿಂದ ಒಂದೇ ಸಲ ವೀಣಾ ವಾದನ ಕೇಳಿ

ಪುರಾಣದಲ್ಲೂ ಸಸ್ಯಗಿರಿ ಈ ಕಪ್ಪತ್ತಗುಡ್ಡವನ್ನ ಸಾಧು ಸಂತರು ತಮ್ಮ ತಪೋಭೂಮಿಯನ್ನಾಗಿಸಿಕೊಂಡಿದ್ದರು ಎಂಬ ಉಲ್ಲೇಖವಿದೆ. ಇಂದಿಗೂ ಅದೇ ಕಳೆಯನ್ನ ಉಳಿಸಿಕೊಂಡಿರೋ ಇದನ್ನ ಉತ್ತರ ಕರ್ನಾಟಕದ ಸಹ್ಯಾದ್ರಿ ಸಾಲು ಅಂತಲೇ ಕರೆಯಲಾಗುತ್ತದೆ.

ಇದನ್ನೂ ಓದಿ: ಕನ್ನಡ ತಾಯಿಗೆ ಕೈಮುಗಿಯಲು ಇಲ್ಲಿ ಬನ್ನಿ! ಏಕೈಕ ಕನ್ನಡಮ್ಮನ ದೇಗುಲ ಇದು

ಕಪ್ಪತಗುಡ್ಡಕ್ಕೆ ಹೀಗೆ ಬನ್ನಿ (ಚಿತ್ರಕೃಪೆ: ಗೂಗಲ್ ಮ್ಯಾಪ್ಸ್)

ಈಗಂತೂ ಕಪ್ಪತ್ತಗುಡ್ಡ ಹಚ್ಚಹಸಿರಿನಿಂದ ಕಂಗೊಳಿಸ್ತಿದೆ. ಪ್ರವಾಸಿಗರಿಗಂತೂ ಭೂಲೋಕದ ಸ್ವರ್ಗವನ್ನೇ ಕಣ್ತುಂಬಿಕೊಂಡಷ್ಟು ಸಂಭ್ರಮ. ಸಾಲು ಸಾಲಾಗಿ ಬಂದು ಕಪ್ಪತ್ತಗುಡ್ಡದ ಮುಂದೆ ನಿಂತು ಮನಸೋ ಇಚ್ಛೆ ಫೋಟೋ ತೆಗೆದು, ಕಪ್ಪತ್ತಗಿರಿಗೆ ಸಲಾಂ ಎಂದು ಮರಳಿ ಸಾಗುವರು.