Explained: ದೊಡ್ಡ ನಗರಗಳನ್ನು ಬಿಟ್ಟು ಸಣ್ಣ ಪಟ್ಟಣಗಳತ್ತ ಜನರು ಹೋಗುತ್ತಿರುವುದೇಕೆ..? ಇಲ್ಲಿದೆ ಡೀಟೇಲ್ಸ್‌..

People migrating from big cities to small cities and villages: ಹಲವರು ದೊಡ್ಡ ನಗರಗಳನ್ನು ಬಿಟ್ಟು ತಮ್ಮ ಹಳ್ಳಿ, ಸಣ್ಣ ಪಟ್ಟಣಗಳಿಗೆ ಹೋಗುತ್ತಿದ್ದಾರೆ. ವಲಸಿಗರು, ಸಾಮಾನ್ಯ ಜನರು ಮಾತ್ರವಲ್ಲ, ಸೆಲೆಬ್ರಿಟಿಗಳೂ ವಲಸೆ ಹೋಗಿದ್ದಾರೆ. ಇದಕ್ಕೆ ಕಾರಣ, ಪರಿಣಾಮಗಳ ವರದಿಯ ಬಗ್ಗೆ ಈ ಲೇಖನ ಬೆಳಕು ಚೆಲ್ಲುತ್ತದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಕೊರೊನಾ (Coronavirus) - ಈ ಹೆಸರು ಸುಮಾರು ಎರಡು ವರ್ಷಗಳಿಂದ ಪ್ರತಿಯೊಬ್ಬರ ಬಾಯಿಯಲ್ಲೂ ಹೆಚ್ಚು ಬಳಸುವ ಶಬ್ದವಾಗಿದೆ. ಈ ವೈರಾಣುವಿಗೆ ಲಕ್ಷಾಂತರ ಜನರು ಬಲಿಯಾಗಿದ್ದರೆ, ಹಲವರ ಜೀವನವೇ ಬುಡಮೇಲಾಗಿದೆ. ಕಚೇರಿಗೆ ಹೋಗುವುದನ್ನೇ ಮರೆತಿರುವ ಹಲವರು ಮನೆಯಲ್ಲೇ ಕೆಲಸ ಮಾಡುವಂತಾಗಿದೆ. ಇದರಿಂದ ಹಲವರು ದೊಡ್ಡ ನಗರಗಳನ್ನು ಬಿಟ್ಟು ತಮ್ಮ ಹಳ್ಳಿ, ಸಣ್ಣ ಪಟ್ಟಣಗಳಿಗೆ ಹೋಗುತ್ತಿದ್ದಾರೆ. ವಲಸಿಗರು, ಸಾಮಾನ್ಯ ಜನರು ಮಾತ್ರವಲ್ಲ, ಸೆಲೆಬ್ರಿಟಿಗಳೂ ವಲಸೆ ಹೋಗಿದ್ದಾರೆ. ಇದಕ್ಕೆ ಕಾರಣ, ಪರಿಣಾಮಗಳ ವರದಿಯ ಬಗ್ಗೆ ಈ ಲೇಖನ ಬೆಳಕು ಚೆಲ್ಲುತ್ತದೆ.

    ಟ್ರಾವೆಲ್‌ ಬರಹಗಾರರಾದ ದಾರಾ ತನ್ನ ಕೆಲಸದ ಜೀವನದ ಬಹುಭಾಗವನ್ನು ಹಿಮಾಲಯದಲ್ಲಿ ಟ್ರೆಕ್ಕಿಂಗ್ ಮತ್ತು ಸಣ್ಣ ಪಟ್ಟಣಗಳಲ್ಲಿ ಸ್ಥಳೀಯ ಮಾರುಕಟ್ಟೆಗಳಲ್ಲೇ ಅನ್ವೇಷಿಸುತ್ತಾರೆ. ಅದೊಂದು ದಿನ ಅವರು ಉದ್ಯಾನದಲ್ಲಿದ್ದಾಗ "ಅಮ್ಮ, ಛೀ, ಛೀ" ಎಂದು ಅವರ ಮಗ ಎರಡು ವರ್ಷದ ರುದ್ರ ಕಿರುಚಿದ. ಆತನೊಂದಿಗೆ ತಾಯಿ ನೇಹಾ ದಾರಾ ಸಹ ಅಲ್ಲೇ ಇದ್ದರು. ರುದ್ರನ ಆ ಪ್ರತಿಕ್ರಿಯೆ ಕಾರಣ ಮಳೆಗಾಲದಲ್ಲಿ ಆಗಿದ್ದ ಕೊಚ್ಚೆಗುಂಡಿ. ಈ ಪ್ರತಿಕ್ರಿಯೆ ನೋಡಿ ಬರಹಗಾರರಾದ ದಾರಾ ಗಾಬರಿಗೊಂಡರು. ಈ ಹಿನ್ನೆಲೆ ನೈಸರ್ಗಿಕ ಜಗತ್ತಿಗೆ ಸಂಪರ್ಕ ಹೊಂದಲು ಉತ್ತಮ ಮಾರ್ಗವಿರಬೇಕು ಎಂದು ದಾರಾ ಅಂದುಕೊಂಡರು.

    "ನಾವು ಮೊದಲಿಗೆ 2017ರಲ್ಲಿ ದೆಹಲಿಯಿಂದ ಚಂಡೀಗಢಕ್ಕೆ ಸ್ಥಳಾಂತರಗೊಂಡೆವು. ಆದರೆ ಸಾಂಕ್ರಾಮಿಕ ರೋಗದಿಂದಾಗಿ, ನಗರದ ಉದ್ಯಾನವನಗಳು ಮತ್ತು ಕಾಡುಗಳಲ್ಲಿ ಸಹ, ಜನರು ಅಂತರ ಕಾಯ್ದುಕೊಳ್ಳದಿದ್ದರೆ ಅಥವಾ ಮಾಸ್ಕ್‌ ಧರಿಸದಿದ್ದಲ್ಲಿ ಎಂಬ ಆಲೋಚನೆ ನಮಗೆ ನಿರಾಸೆಯಾಯಿತು. ಆಗ ನಾವು ಬೆಟ್ಟಗಳಿಗೆ ಹೋಗಲು ನಿರ್ಧರಿಸಿದೆವು. ಕಳೆದ ಅಕ್ಟೋಬರ್‌ನಲ್ಲಿ ಹಿಮಾಚಲ ಪ್ರದೇಶದ ಸಿರ್ಮೌರ್ ಜಿಲ್ಲೆಯ ರಾಜಗಢ ಪಟ್ಟಣದ ಹೊರಗೆ ನಾವು ಒಂದು ಕುಟೀರವನ್ನು ಬಾಡಿಗೆಗೆ ಪಡೆದಿದ್ದೇವೆ ಎಂದು ವನ್ಯಜೀವಿ ಸಂರಕ್ಷಣೆ ಮತ್ತು ಜೀವವೈವಿಧ್ಯದ ವೆಬ್‌ಸೈಟ್‌ನ ರೌಂಡ್‌ಗ್ಲಾಸ್ ಸಸ್ಟೈನ್‌ ವ್ಯಾಪಾರ ಮುಖ್ಯಸ್ಥ ದಾರಾ ಹೇಳುತ್ತಾರೆ.

    ಸಾಂಕ್ರಾಮಿಕ ರೋಗಕ್ಕೆ ನಗರಗಳನ್ನು ಸ್ಥಳಾಂತರಿಸುವುದು ಹೊಸದೇನೂ ಅಲ್ಲ. 16ನೇ ಶತಮಾನದ ಆರಂಭದಲ್ಲೂ ಪ್ಲೇಗ್‌ಗೆ ಚಲನಶೀಲತೆಯು ಉತ್ತರವಾಗಿತ್ತು. ಯುವ ಟ್ಯೂಡರ್ ಕಿಂಗ್ ಹೆನ್ರಿ VIII ಸಾಮಾನ್ಯವಾಗಿ ನೆರೆಹೊರೆಯವರನ್ನು ತೊರೆಯುತ್ತಿದ್ದರು. ಹಾಗೂ ಕೆಲವು ಮೈಲುಗಳಷ್ಟು ದೂರ ಪ್ರಯಾಣಿಸುತ್ತಿದ್ದರು. "ಮೂಲಭೂತವಾಗಿ ಸೋಂಕಿನ ಹರಡುವಿಕೆಯನ್ನು ಮೀರಿಸಲು ಪ್ರಯತ್ನಿಸುತ್ತಿದ್ದರು" ಎಂದು ಯುಎನ್‌ ನ್ಯಾಷನಲ್ ಆರ್ಕೈವ್ಸ್‌ನ ಯುಕೆಯ ಮಧ್ಯಕಾಲೀನ ದಾಖಲೆಗಳ ತಜ್ಞ ಯುವಾನ್‌ ರೋಜರ್‌ ಆನ್‌ಲೈನ್ ಉಪನ್ಯಾಸದಲ್ಲಿ ಹೇಳುತ್ತಾರೆ. "ಇದು ಶ್ರೀಮಂತರಿಗೆ ತುಂಬಾ ಉಪಯುಕ್ತವಾಗಿತ್ತು. ಗ್ರಾಮಾಂತರದಲ್ಲಿ ಉಳಿಯಲು ನೀವು ಎರಡನೇ ಮನೆ ಅಥವಾ ಸ್ಥಳವನ್ನು ಹೊಂದಿರಬೇಕು” ಎಂದೂ ರೋಜರ್ ಹೇಳುತ್ತಾರೆ.

    2020ರ ಆರಂಭದಲ್ಲಿ, ಕೊರೊನಾ ಸಾಂಕ್ರಾಮಿಕ ಹಲವರ ಆರೋಗ್ಯ, ಉದ್ಯೋಗ, ಜೀವನ ಮತ್ತು ಜೀವನೋಪಾಯವನ್ನು ನಾಶಗೊಳಿಸಿತು. 2020ರ ತ್ರೈಮಾಸಿಕದಲ್ಲಿ ಸೇವಾ ವಲಯದಲ್ಲಿ, ಉದ್ಯೋಗಗಳು 128 ಮಿಲಿಯನ್‌ಗೆ ಕುಸಿಯಿತು ಎಂದು ಈ ವರ್ಷ ಜನವರಿಯಲ್ಲಿ, ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ ವರದಿ ಮಾಡಿದೆ. ಅಲ್ಲದೆ, ಮೆಟ್ರೋ ನಗರಗಳಲ್ಲಿ ವಾಸಿಸುವ ಹೆಚ್ಚಿನ ಬಾಡಿಗೆ ಮತ್ತು ಪಂಜರಗಳಿಂದ ಅನೇಕರು ಸಣ್ಣ ಪಟ್ಟಣಗಳಿಗೆ ಹೋಗಲು ಆಯ್ಕೆ ಮಾಡಿದರು, ಮತ್ತು ತಮ್ಮ ಊರು, ಮನೆಗೆ ವಲಸೆ ಹೋಗುತ್ತಿರುವ ಕಾರ್ಮಿಕರನ್ನು ನೋಡಿದರೆ ಸಾಂಕ್ರಾಮಿಕ ರೋಗದ ಕಠಿಣ ಆರ್ಥಿಕ ಪಾಠಗಳನ್ನು ತಿಳಿಯಬಹುದು.

    ಅನೇಕ ಸವಲತ್ತುಗಳುಳ್ಳವರಿಗೆ ಹೆಚ್ಚು ಚಿಂತನಾಶೀಲ ಜೀವನವನ್ನು ಅಳವಡಿಸಿಕೊಳ್ಳುವ ಸಂಕೇತವಾಗಿದೆ. ಬ್ಲೂಮ್‌ಬರ್ಗ್ ನ್ಯೂಸ್ ತನ್ನ ಏಪ್ರಿಲ್‌ನ ವರದಿಯಲ್ಲಿ ಈ ಜಾಗತಿಕ ವಿದ್ಯಮಾನವನ್ನು “urban shuffle” ಎಂದು ಕರೆದಿದೆ. ಈ ವರ್ಗಾವಣೆಗಳಲ್ಲಿ ಹೆಚ್ಚಿನವು ದೊಡ್ಡ ನಗರದಿಂದ 300 ಕಿಮೀ ನೊಳಗಿನ ವ್ಯಾಪ್ತಿಯಲ್ಲಿವೆ.

    ಎರಡು ವರ್ಷದ ಕಂದ ರುದ್ರನತ್ತ ಮತ್ತೆ ಬರುವುದಾದರೆ, ರುದ್ರನಿಗೆ ಈ ವಲಸೆ ಈಗ ಪರ್ವತದ ಹಾದಿಗಳನ್ನು ಹುಡುಕುವುದು, ಇಳಿಜಾರುಗಳನ್ನು ಹತ್ತುವಲ್ಲಿ ವಿಶ್ವಾಸ ಪಡೆಯುವುದು ಮತ್ತು ಅವನ ಚಪ್ಪಲಿಗಳ ಮೇಲೆ ಮಣ್ಣು ಮೆತ್ತಿಕೊಂಡರೂ ಸರಿಯಾಗಿ ನಡೆಯುವುದನ್ನು ಕಲಿಯುವುದಾಗಿದೆ. "ತನ್ನ ಸುತ್ತಲಿನ ಪ್ರಪಂಚದಲ್ಲಿ ಇತರರು ಇದ್ದಾರೆ ಮತ್ತು ಅವರ ಅಗತ್ಯಗಳನ್ನು ಪೂರೈಸುವುದು ಮುಖ್ಯ ಎಂಬುದನ್ನು ಅವನು ಕಲಿಯುತ್ತಿದ್ದಾನೆ. ಉದಾಹರಣೆಗೆ, ಚಳಿಗಾಲದಲ್ಲಿ, ನಾವು ಸಂಜೆ 5 ಗಂಟೆಗೆ ಮನೆಗೆ ಮರಳಬೇಕು ಎಂದು ಅವನಿಗೆ ತಿಳಿದಿದೆ. ಏಕೆಂದರೆ ಅದರ ನಂತರ ಚಿರತೆಗಳು ಹೊರಬರುತ್ತವೆ. ಇನ್ನು ಕೆಲವು ತಿಂಗಳುಗಳಲ್ಲಿ ಅವನಿಗೆ 3 ವರ್ಷ ತುಂಬುತ್ತದೆ. ಮತ್ತು ನಾವು ನಗರದಲ್ಲಿದ್ದರೆ, ಅವನು ಎಬಿಸಿ ಕಲಿಯಲು ಪ್ಲೇಹೋಂ ಅಥವಾ ಸ್ಕೂಲ್‌ನಲ್ಲಿರಬೇಕಿತ್ತು. ಆದರೆ ಇಲ್ಲಿ, ಅವನು ಹೆಚ್ಚು ಕಲಿಯುತ್ತಿದ್ದಾನೆ, ಮತ್ತು ಅದು ನಮಗೆ ಅಮೂಲ್ಯವಾದುದು'' ಎಂದು 38 ವರ್ಷದ ದಾರಾ ಹೇಳುತ್ತಾರೆ.

    ಅಂತಹ ಬದಲಾವಣೆಯು ಸವಲತ್ತುಗಳ ಕ್ರಿಯೆಯಂತೆ ತೋರುತ್ತದೆಯಾದರೂ, ಕುಟುಂಬ ರಚನೆಗಳಲ್ಲಿಯೂ ಈ ಸ್ಥಳಾಂತರ ಪರಿಣಾಮ ಮಾಡಬಹುದು. ಕಳೆದ ವರ್ಷ, ರಾಷ್ಟ್ರ ರಾಜಧಾನಿ ಅಂದರೆ ಹೊಸದಿಲ್ಲಿ ತೊರೆದು, ನಂತರ, ಹಾಸ್ಯನಟ-ನಿರೂಪಕ-ಬರಹಗಾರ ಕಬೀರ್ ಸಿಂಗ್ ಭಂಡಾರಿ ತನ್ನ ತವರೂರಾದ ಕೋಲ್ಕತ್ತಾಗೆ ವಲಸೆ ಹೋದರು. ''ನನಗೆ ಯಾವುದೇ ಪೂರ್ಣಾವಧಿ ಕೆಲಸಗಳಿರಲಿಲ್ಲ. ಮತ್ತು ಲಜಪತ್ ನಗರದಲ್ಲಿ ನನ್ನ 1BHKಗೆ ಬಾಡಿಗೆ ಪಡೆಯಲು ಸಾಧ್ಯವಾಗಲಿಲ್ಲ. ನನ್ನ ಹೆತ್ತವರೊಂದಿಗೆ ಹೋಗುವುದು ಅತ್ಯುತ್ತಮ ಆಯ್ಕೆಯಂತೆ ಕಾಣುತ್ತಿತ್ತು. ಮನೆಯಲ್ಲಿ ಬಾಲ್ಕನಿ ಇತ್ತು, ಹವಾನಿಯಂತ್ರಣ ಕೆಲಸ ಮಾಡಿತು, ನನ್ನ ತಾಯಿ ಪ್ರತಿದಿನ ನನಗೆ ಊಟಕ್ಕೆ ಏನು ಬೇಕು ಎಂದು ವಿಚಾರಿಸುತ್ತಿದ್ದರು. ನಂತರ, ನಿಧಾನವಾಗಿ ಘರ್ಷಣೆಗಳು ಪ್ರಾರಂಭವಾದವು. ಮೊದಲಿಗೆ, ಸ್ವಿಚ್ ಆಫ್ ಮಾಡದ ಲೈಟ್‌ ಅಥವಾ ಚಾಲನೆಯಲ್ಲಿದ್ದ ಫ್ಯಾನ್‌ ವಿಚಾರವಾಗಿ ಕಿತ್ತಾಟ ಪ್ರಾರಂಭವಾಯಿತು'' ಎಂದು ಹೇಳುತ್ತಾರೆ. ನಂತರ ನಾನು ನಿಮ್ಮನ್ನು ತುಂಬಾ ಪ್ರೀತಿಸುತ್ತೇನೆ. ಅಂತಹ ಸಮಸ್ಯೆಗಳ ಬಗ್ಗೆ ಗಲಾಟೆ ಬೇಡವೆಂದು ಹೇಳಿದೆ'' ಎಂದು 34 ವರ್ಷದ ಅವರು ಹೇಳುತ್ತಾರೆ.

    "ಖಂಡಿತವಾಗಿಯೂ, ದೆಹಲಿ ಮತ್ತು ಮುಂಬೈನಲ್ಲಿ ನಾನು ನನ್ನ ಗರ್ಲ್‌ ಫ್ರೆಂಡ್‌ ಅನ್ನು ಮನೆಗೆ ಕರೆತರಬಹುದಾಗಿತ್ತು, ಇಲ್ಲಿ ನನಗೆ ಸಾಧ್ಯವಿಲ್ಲ, ಆದರೆ ಆಗ ನಾನು ಈಗಾಗಲೇ ಬ್ರೇಕಪ್‌ ಮಾಡಿಕೊಂಡಿದ್ದೇನೆ. ಮತ್ತು ನನ್ನ ಎಕ್ಸ್‌ಗಳಿಗೆ ಎಲ್ಲರಿಗೂ ಈಗಾಗಲೇ ಮದುವೆಯಾದಂತೆ ತೋರುತ್ತದೆ. ಆದರೆ, ಕೋಲ್ಕತ್ತಾ ಇನ್ನೂ ದೇಶದಲ್ಲಿ ಅತ್ಯುತ್ತಮ ಕಾಠಿ ರೋಲ್‌ಗಳನ್ನು ಹೊಂದಿದೆ. ಆದರೆ, ದಿನದ ಅಂತ್ಯದ ವೇಳೆಗೆ, ನಾನು ನನ್ನ ಹೆತ್ತವರೊಂದಿಗೆ ಸಮಯ ಕಳೆಯುತ್ತೇನೆ ಮತ್ತು ಅವರ ಜೀವನದಲ್ಲಿ ನಾನು ಮರೆತಿರುವ ಅನೇಕ ವಿಷಯಗಳಿವೆ ಎಂದು ನನಗೆ ಅರಿವಾಯಿತು" ಎಂದು ಭಂಡಾರಿ ಹೇಳುತ್ತಾರೆ.

    ಖ್ಯಾತ ಸಿತಾರ್ ವಾದಕ ಉಸ್ತಾದ್ ವಿಲಾಯತ್ ಖಾನ್ ಅವರ ಮೊಮ್ಮಗ ಸಂಗೀತ ಸಂಯೋಜಕ ಆಜಾನ್ ಖಾನ್, ಕಳೆದ ವರ್ಷದ ಕೊನೆಯಲ್ಲಿ ತಮ್ಮ ಕೆಲಸದ ಅನಿಶ್ಚಿತತೆಯಿಂದ ಗೋವಾಕ್ಕೆ ಹೋಗಬೇಕಾಗಿ ಬಂತು. "ಆಡ್ ಬರ್ಡ್ ಥಿಯೇಟರ್ ಮತ್ತು ಫೌಂಡೇಶನ್ನ ಪ್ರಾಜೆಕ್ಟ್‌ಗಳನ್ನು ದೆಹಲಿಯಲ್ಲಿ ತಡೆಹಿಡಿದಾಗ, ನನ್ನನ್ನು ತಡೆಹಿಡಿಯಲು ಏನೂ ಇಲ್ಲ ಎಂದು ನನಗೆ ತಿಳಿದಿತ್ತು. ನಾನು ಸಾಕಷ್ಟು ಏಕಾಂತದವನಾಗಿದ್ದೇನೆ ಮತ್ತು ನಗರವು ಎಂದಿಗೂ ಮೋಡಿ ಮಾಡಲಿಲ್ಲ. ಆದರೆ, ನನ್ನ ಬಿಲ್‌ಗಳನ್ನು ಪಾವತಿಸಲು ನಾನು ಕೆಲಸ ಹುಡುಕಬೇಕಾಯಿತು. ಅದೃಷ್ಟವಶಾತ್, ನಾನು ಕೆಲವು ಆನ್‌ಲೈನ್ ಬೋಧನಾ ಕಾರ್ಯಗಳನ್ನು ಕಂಡುಕೊಂಡೆ. ಇಲ್ಲಿ ಸಂಭಾಷಣೆಗಳು ವಿಭಿನ್ನವಾಗಿವೆ ಎಂದು ನಾನು ಅರಿತುಕೊಂಡೆ. ನಗರಗಳಲ್ಲಿ, ಜನರು ತಾವು ಮಾಡುವ ಹಣ ಅಥವಾ ಅವರು ಚಲಾಯಿಸುವ ಕಾರುಗಳ ಬಗ್ಗೆ ಮಾತನಾಡುವುದನ್ನು ನಿಲ್ಲಿಸಲು ಸಾಧ್ಯವಿಲ್ಲ. ಸಾಂಕ್ರಾಮಿಕ ರೋಗದ ಭಯವು ಅಂತರ್ಗತವಾಗಿರುತ್ತದೆ. ಗೋವಾದಲ್ಲಿ, ಜನರು ತಮ್ಮ ಜೀವನ ಮುಂದುವರಿಸುತ್ತಾರೆ ಮತ್ತು COVID-19 ಅಥವಾ ಲಸಿಕೆಗಳು ಎಂದಿಗೂ ಚರ್ಚೆಗೆ ಬರುವುದಿಲ್ಲ. ನನ್ನ ಇತ್ತೀಚಿನ ಆಲ್ಬಂ ಹೆಚ್ಚು ಸಾವಯವ, ಬುಡಕಟ್ಟು ಶಬ್ದಗಳನ್ನು ಹೊಂದಿದೆ ಎಂದು ನನಗೆ ಹೇಳಲಾಗಿದೆ. ನನ್ನ ಹಾಡುಗಳನ್ನು ಬರೆಯಲು ನಾನು ಹೆಚ್ಚು ಸಮಯ ತೆಗೆದುಕೊಳ್ಳುತ್ತೇನೆ'' ಎಂದೂ ಅವರು ಹೇಳುತ್ತಾರೆ.

    ಅವರು ತಮ್ಮ ತಂದೆ, ಸಿತಾರ್ ವಾದಕ ಉಸ್ತಾದ್ ಶುಜಾತ್ ಖಾನ್ ಮತ್ತು ತಾಯಿ ಪರ್ವೀನ್‌ರನ್ನೂ ಕೆಲ ತಿಂಗಳ ಹಿಂದೆ ದೆಹಲಿ ಬಿಡುವಂತೆ ಮನವೊಲಿಸಿದ್ದಾರೆ. "ನನ್ನ ಹೆತ್ತವರು ಈಗ ಕಾಡುಗಳಲ್ಲಿ ದೀರ್ಘ ನಡಿಗೆ, ನೆರೆಹೊರೆಯ ಸಮಾರಂಭಗಳಿಗೆ ಹಾಜರಾಗುವುದು ಮತ್ತು ಅವರ ಶ್ವಾಸಕೋಶವನ್ನು ತಾಜಾ ಗಾಳಿಯಿಂದ ತುಂಬಿಸುವುದನ್ನು ಮಾಡುತ್ತಿದ್ದಾರೆ'' ಎಂದು 32 ವರ್ಷದ ಆಜಾನ್ ಖಾನ್ ಹೇಳುತ್ತಾರೆ.

    ಗೋವಾವನ್ನು ಪಿಟ್ ಸ್ಟಾಪ್ ಆಗಿ ಆಯ್ಕೆ ಮಾಡುವ ಅನೇಕರಿಗೆ ಸಮುದಾಯದ ಪ್ರಜ್ಞೆ ಮತ್ತು ಸೃಜನಶೀಲ ಪರಿಸರ ವ್ಯವಸ್ಥೆಯು ಒಂದು ಆಯಸ್ಕಾಂತದಂತೆ ತೋರುತ್ತದೆ. ದೆಹಲಿ ಮೂಲದ 64 ವರ್ಷದ ವಾಸ್ತುಶಿಲ್ಪಿ ವೀರೇಂದ್ರ ವಾಕ್ಲೂ ಮಾರ್ಚ್ 2020ರಲ್ಲಿ ಲಾಕ್‌ಡೌನ್‌ನೊಂದಿಗೆ, ವಿನ್ಯಾಸ ಯೋಜನೆಗಳು ಕಡಿಮೆಯಾಗುತ್ತಿದ್ದಂತೆ ಹೊರಾಂಗಣದೊಂದಿಗೆ ಸಂಪರ್ಕ ಸಾಧಿಸುವ ಅಗತ್ಯ ಹೆಚ್ಚಾಯಿತು. ಅವರು ತಮ್ಮ ಅನುಭವ ಹೇಳಿರುವುದು ಹೀಗೆ, ''ನಗರಕ್ಕೆ ಶಾಶ್ವತ ವಿದಾಯ ಹೇಳಲು ಇದು ತುಂಬಾ ಮುಂಚೆಯೇ. ಆದರೂ, ಜನರು ಅರ್ಥಪೂರ್ಣವಾರಲುಗಿ ಸಣ್ಣ ಸಮುದಾಯಗಳನ್ನು ಹುಡುಕುವ ಅವಶ್ಯಕತೆಯಿದೆ. ನಾನು ಜೀವನದ ಬಗ್ಗೆ ಒಂದು ನಿಷ್ಕಪಟತೆಯನ್ನು ಹೊಂದಿದ್ದೇನೆ, ಮತ್ತು ಗೋವಾದಲ್ಲಿ, ಪ್ರಕೃತಿಯ ಔದಾರ್ಯದಲ್ಲಿ ಅದ್ಭುತವನ್ನು ಅನುಭವಿಸುವ ಅಗತ್ಯ ಕಂಡುಕೊಳ್ಳುತ್ತೇನೆ. ನಾನು ಮನೆ ತೆಗೆದುಕೊಂಡಿರುವ ದಕ್ಷಿಣ ಗೋವಾದ ಬೆನೌಲಿಮ್‌ನಲ್ಲಿ ಜನರು ಅದ್ಭುತವಾದ ಕೆಲಸಗಳನ್ನು ಮಾಡುತ್ತಿದ್ದಾರೆ. ತಮ್ಮ ಸ್ವಂತ ಆಹಾರ ಬೆಳೆಯುತ್ತಿದ್ದಾರೆ, ತಮ್ಮ ಕೈಗಳಿಂದ ವಸ್ತುಗಳನ್ನು ತಯಾರಿಸುತ್ತಾರೆ, ಸಮಗ್ರ ಜೀವನ ಸಾಧ್ಯತೆಯಿದೆ ಎಂದು ತೋರುತ್ತದೆ. ಆದರೆ, ನಗರದಲ್ಲಿ ನಿಮಗಿದು ಅಗತ್ಯವಿಲ್ಲ ಎಂದು ನೀವು ಭಾವಿಸುತ್ತೀರಿ'' ಎಂದು ವಕ್ಲೂ ಹೇಳುತ್ತಾರೆ.

    ಮತ್ತೊಂದೆಡೆ, ಅನೇಕ ಜನರು ಗೋವಾ ಆಯ್ಕೆ ಮಾಡಿಕೊಂಡ ಕಾರಣ ಅಲ್ಲಿನ ರಿಯಲ್‌ ಎಸ್ಟೇಟ್‌ ಬೆಲೆಗಳು ಗಗನಕ್ಕೇರಿವೆ. ಕಳೆದ ವರ್ಷ ಅಹಮದಾಬಾದ್‌ನಿಂದ ಉತ್ತರ ಗೋವಾದ ಸಿಯೋಲಿಮ್‌ಗೆ ತಮ್ಮ ಪತ್ನಿ ಶ್ರೇಯಾ ಅವರೊಂದಿಗೆ ಅಭಿಮನ್ಯು ಶರ್ಮಾ ತೆರಳಿದಾಗ ಅವರಿಗೆ ಈ ಬಗ್ಗೆ ಅರಿವಾಯಿತು. ''ಪ್ರಾಪರ್ಟಿ ಬೆಲೆಗಳು ಗಗನಕ್ಕೇರಿವೆ ಮತ್ತು ಬಾಡಿಗೆ ಹೆಚ್ಚಾಗಿದೆ. ಪ್ರಸ್ತುತ, ಸಿಯೋಲಿಮ್‌ನಲ್ಲಿ, 1,200-1,400 ಚದರ ಅಡಿ ಎರಡು ಮಲಗುವ ಕೋಣೆಗೆ, ನೀವು ಸುಮಾರು 40,000 ರೂ. ಪಾವತಿಸುತ್ತೀರಿ, ಆದರೆ ನೀವು ಮೊಯಿರಾಕ್ಕೆ ಹೋದರೆ, ನೀವು ಅದನ್ನು 25,000-30,000 ರೂ. ಗೆ ಪಡೆಯಬಹುದು. ನಾನು ಗುರ್ಗಾಂವ್‌ನಲ್ಲಿ ವಾಸವಾಗಿದ್ದಾಗ, ನಾನು ಒಂದು ದೊಡ್ಡ ಮನೆಗೆ ಅದೇ ಬಾಡಿಗೆ ಪಾವತಿಸುತ್ತಿದ್ದೆ. ಇನ್ನು, ಗೋವಾದಲ್ಲಿ, ನಾನು ಚಿಕ್ಕ ಕಾರನ್ನು ಓಡಿಸಲು ಅಥವಾ ಅಗ್ಗದ ಫೋನ್ ಹೊಂದಲು ಯಾವುದೇ ಬೇಜಾರಾಗುವುದಿಲ್ಲ. ಆದರೆ ನಾನು ರಾತ್ರಿಯಲ್ಲಿ ಚೆನ್ನಾಗಿ ಮಲಗಿದಾಗ, ನನ್ನ ಕಿಟಕಿಯ ಹೊರಗೆ ಬಿದಿರು ಮರಗಳನ್ನು ನೋಡಿದಾಗ ಅಥವಾ ಕಡಲತೀರದಲ್ಲಿ ನಡೆಯುವಾಗ ಹಣ ಖರ್ಚು ಮಾಡಿದರೂ ಫಲ ನೀಡುತ್ತದೆ'' ಎಂದು 34 ವರ್ಷದ ಶರ್ಮಾ ಹೇಳಿದ್ದಾರೆ.

    ಉದಯೋನ್ಮುಖ ಉದ್ಯಮಗಳ ಮುಖ್ಯಸ್ಥರಾಗಿ ಸ್ಟಾರ್ಟ್ ಅಪ್‌ಗಾಗಿ ಕೆಲಸ ಮಾಡುವ ಶರ್ಮಾ, ತನ್ನ ಕೆಲಸದ ನಿಯಮಗಳ ವಿಚಾರದಲ್ಲಿ ಈಗ ಹೊಂದಾಣಿಕೆ ಮಾಡಿಕೊಳ್ಳಲ್ಲವಂತೆ. ಅವರು ಗೋವಾದಲ್ಲೇ ಇರಲು ಆಯ್ಕೆ ಮಾಡಿಕೊಂಡರು ಮತ್ತು ವಾರಾಂತ್ಯದಲ್ಲಿ ತನ್ನ ಫೋನ್ ಅನ್ನು ಸೈಲೆಂಟಾಗಿ ಇರಿಸುತ್ತಾರೆ. "ಮೊದಲು, ನೀವು ನಿಮಗೆ ಉತ್ತಮ ಕೆಲಸ ನೀಡಿದ ನಗರಕ್ಕೆ ತೆರಳಿದ್ದೀರಿ. ಪೂರ್ವ ಕೋವಿಡ್ ಹೆಚ್ಚು ಭೌತಿಕವಾದದ್ದು ಎಂದು ನನಗೆ ಅನಿಸುತ್ತದೆ, ನೀವು ಎಷ್ಟು ಹಣ ಸಂಪಾದಿಸಿದ್ದೀರಿ ಎಂಬುದು ಮುಖ್ಯ ಎಂದು ಅದು ಹೇಳುತ್ತದೆ. ನಂತರ, ನಮ್ಮ ಪ್ರೀತಿಪಾತ್ರರು, ಅದರಲ್ಲೂ ನಮಗಿಂತ ಚಿಕ್ಕವರು ಸಾವಿಗೀಡಾಗುವುದನ್ನು ನೋಡುವಾಗ ಜೀವನ ಮೊದಲು ಎಂಬುವುದು ನಮಗೆ ತಿಳಿದಿತ್ತು. ನಾನು ಈಗ ಸ್ಪಷ್ಟವಾಗಿದ್ದು, ನನ್ನ ವೃತ್ತಿಜೀವನಕ್ಕಿಂತ ನನ್ನ ಜೀವನವನ್ನು ಮುಂದಿಡಲು ನಾನು ಬಯಸುತ್ತೇನೆ'' ಎಂದು ಶರ್ಮಾ ಹೇಳುತ್ತಾರೆ.

    ಹೀಗೆ, ಸ್ಥಳಾಂತರದಲ್ಲಿ ಜನರು ಅದ್ಭುತವನ್ನು ಹಾಗೂ ಸಮಯ ನಿಧಾನವಾಗಿ ಓಡುತ್ತಿರುವುದನ್ನು ಕಂಡುಕೊಂಡಿದ್ದಾರೆ. ಹೀಗೆ, 56 ವರ್ಷದ ವಸುಧಾ ಸೋಂಧಿ, ಮತ್ತು 58 ವರ್ಷದ ಸಂಜಯ್ ಸೋಂಧಿಗೆ ಸಾಂಕ್ರಾಮಿಕ ರೋಗ ಹೊಸ ಆರಂಭವನ್ನು ನೀಡಿತು. ಈ ದಂಪತಿ 2018 ರಲ್ಲಿ ಉತ್ತರಾಖಂಡದಲ್ಲಿ ಮನೆ ಕಟ್ಟಿದ್ದರು. ಆದರೆ, ಕೆಲಸದಲ್ಲಿ ಬ್ಯುಸಿಯಾಗಿ ದೆಹಲಿಯಲ್ಲೇ ಇರುವಂತಾಯಿತು. ರಾಷ್ಟ್ರೀಯ ಪ್ರವಾಸೋದ್ಯಮ ಮಂಡಳಿಗಳು ಮತ್ತು ಅಂತರಾಷ್ಟ್ರೀಯ ಹೋಟೆಲ್‌ಗಳು ಮತ್ತು ಸ್ಥಳಗಳಿಗೆ ಹೊರಗುತ್ತಿಗೆ ಮಾರಾಟ ಮತ್ತು ಮಾರ್ಕೆಟಿಂಗ್ ನಿರ್ವಹಿಸುವುದು ಅವರ ಪ್ರಮುಖ ವ್ಯವಹಾರವಾಗಿದೆ. ಆದರೆ, ಕಳೆದ ವರ್ಷ ಕೋವಿಡ್‌ ಪ್ರಕರಣಗಳ ಏರಿಕೆಯಿಂದ ಅಂತಾರಾಷ್ಟ್ರೀಯ ವ್ಯಾಪಾರವು ತೀವ್ರ ಸ್ಥಗಿತಗೊಂಡಿತ್ತು. ಅವರು ಮುಕ್ತೇಶ್ವರದಿಂದ ಕೇವಲ 10 ಕಿಮೀ ದೂರದಲ್ಲಿರುವ ಪರ್ವದಾದಲ್ಲಿರುವ ತಮ್ಮ ಸ್ಥಳಕ್ಕೆ ತೆರಳಲು ಆಯ್ಕೆ ಮಾಡಿದರು.

    ಯಾವಾಗಲೂ ವ್ಯವಸಾಯ ಮಾಡಲು ಬಯಸುತ್ತಿದ್ದ ಸಂಜಯ್, ತಮ್ಮ ಮೂರು ಎಕರೆ ತೋಟದಲ್ಲಿ ಸೇಬು, ಏಪ್ರಿಕಾಟ್, ಪ್ಲಮ್, ಪೀಚ್, ರೋಡೋಡೆಂಡ್ರಾನ್ ಮತ್ತು ಪಿಯರ್ ಮರಗಳನ್ನು ಬೆಳೆಸಿದರು. ಈ ಮಧ್ಯೆ, ವಸುಧಾ ಸ್ಥಳೀಯ ಸಿಬ್ಬಂದಿಗೆ ತರಬೇತಿ ನೀಡುವಲ್ಲಿ ಮತ್ತು ಹೋಮ್‌ಸ್ಟೇ ಒದಗಿಸಿದ್ದು, ಅದನ್ನು ಅವರು Parvada Bungalows@VS Fruitree Estate ಎಂದು ಕರೆದಿದ್ದಾರೆ.

    ಇದನ್ನೂ ಓದಿ: Types of Cryptocurrencies: ಪ್ರತಿಯೊಬ್ಬರೂ ತಿಳಿದಿರಲೇಬೇಕಾದ ಟಾಪ್ 10 ಕ್ರಿಪ್ಟೊಕರೆನ್ಸಿಗಳು

    "ಹೋಂಸ್ಟೇ ನಮಗೆ ಗ್ರಾಮ ಮತ್ತು ಅಲ್ಲಿನ ಜನರನ್ನು ಚೆನ್ನಾಗಿ ತಿಳಿದುಕೊಳ್ಳುವ ಅವಕಾಶ ನೀಡಿದೆ. ಈಗ ನಮ್ಮೊಂದಿಗೆ ಕೆಲಸ ಮಾಡುವ ಹಳ್ಳಿಯ ಹುಡುಗರಿದ್ದಾರೆ ಮತ್ತು ಕೆಲವರು ಪ್ರವಾಸಿಗರಿಗಾಗಿ ತಮ್ಮ ಸ್ವಂತ ಮನೆಗಳಲ್ಲಿ ಕೊಠಡಿಗಳನ್ನು ಸ್ಥಾಪಿಸಲು ಬಯಸುತ್ತಾರೆ. ನಾವು ಅದನ್ನು ಮಾಡಲು ಅವರಿಗೆ ಸಹಾಯ ಮಾಡಿದ್ದೇವೆ ಮತ್ತು ಶೀಘ್ರದಲ್ಲೇ ನಾವು ಪ್ರವಾಸೋದ್ಯಮ ಅಧಿಕಾರಿಗಳನ್ನು ಭೇಟಿ ಮಾಡಿ ಪರ್ವಾಡವನ್ನು ಪ್ರವಾಸೋದ್ಯಮ ಗ್ರಾಮವೆಂದು ಗುರುತಿಸುತ್ತೇವೆ ಎಂದು ವಸುಧಾ ಹೇಳುತ್ತಾರೆ.

    ಆದರೆ ಬೆಟ್ಟಗಳಲ್ಲೇ ಉಳಿಯುವುದು ಸವಾಲಿನ ಕೆಲಸವೇ ಸರಿ. "ನೀವು ಚಿಕ್ಕವರಿದ್ದಾಗ, ಎಲ್ಲವೂ ಸರಿಯಾಗಿರುತ್ತದೆ. ಆದರೆ, ವಯಸ್ಸಾದವರಿಗೆ, ವಿಶೇಷವಾಗಿ ನನ್ನ ಅತ್ತೆಗೆ, ಒಳ್ಳೆಯ ಆಸ್ಪತ್ರೆ ಹುಡುಕುವುದು ಎಂದರೆ ಸುಮಾರು 60 ಕಿಮೀ ಪ್ರಯಾಣಿಸಬೇಕು. ಮೆಡಿಕಲ್‌ ಶಾಪ್‌ ಸಹ 6 ಕಿ.ಮೀ ದೂರದಲ್ಲಿದೆ'' ಎಂದು ವಸುಧಾ ಹೇಳುತ್ತಾರೆ.

    ಇದನ್ನೂ ಓದಿ: Explainer: ಕೊರೋನಾ ಲಸಿಕೆಯ ಪರಿಣಾಮಕಾರಿತ್ವ ಕಡಿಮೆಯಾಗುತ್ತಿರುವುದೇಕೆ..? ಮೂರನೇ ಡೋಸ್‌ನ ಪರಿಣಾಮಗಳೇನು..?

    ದಾರಾ ಸಹ "ಪರ್ವತಗಳಲ್ಲಿ ವಾಸಿಸುವ ಅನಾನುಕೂಲ ಎಂದರೆ ಕೆಲವೊಮ್ಮೆ ಬಿರುಗಾಳಿ ಬಂದಾಗ, ನಮಗೆ ರಾತ್ರಿಯಿಡೀ ವಿದ್ಯುತ್ ಇರುವುದಿಲ್ಲ. ಇದರರ್ಥ, ನಮಗೆ ನೀರು ಪೂರೈಕೆಯಾಗುವುದಿಲ್ಲ, ಮತ್ತು ಟ್ಯಾಂಕ್ ಖಾಲಿಯಾಗುತ್ತದೆ. ಅನಾರೋಗ್ಯವಾದ ಮಗುವಿನೊಂದಿಗೆ ಇದು ಸುಲಭವಾದ ಸಮಯವಲ್ಲ.'' ಎಂದು ಹೇಳುತ್ತಾರೆ.

    ನಗರದ ಬಗ್ಗೆ ಜನರು ಏನನ್ನು ವಿರೋಧಿಸುತ್ತಾರೆ ಎನ್ನುವುದನ್ನು ನೋಡುವುದಾದರೆ, ''ಸಾರ್ವಜನಿಕ ಸ್ಥಳಗಳು ಮತ್ತು ಸಾರ್ವಜನಿಕ ಸಂಸ್ಥೆಗಳ ದುರ್ಗಮತೆಗೆ ಸಂಬಂಧಿಸಿದೆ'' ಎಂದು ಚೆನ್ನೈನ ಸವಿತಾ ಆರ್ಕಿಟೆಕ್ಚರ್ ಕಾಲೇಜಿನ 55 ವರ್ಷದ ಡೀನ್ ವಾಸ್ತುಶಿಲ್ಪಿ-ಅಕಾಡೆಮಿಕ್ ದುರ್ಗಾನಂದ್ ಬಾಲ್ಸಾವರ್ ಹೇಳುತ್ತಾರೆ. "ಕಳೆದ ವರ್ಷ ಲಾಕ್‌ಡೌನ್‌ನೊಂದಿಗೆ, ನಗರದ ತೆರೆದ ಸ್ಥಳಗಳು, ಉದ್ಯಾನವನ, ಬೀಚ್ ಅಥವಾ ವಿಶ್ವವಿದ್ಯಾಲಯ ಇರಲಿಲ್ಲ. ಸಾಂಕ್ರಾಮಿಕ ರೋಗಕ್ಕೆ ಮುಂಚೆಯೇ ನಮ್ಮ ನಗರಗಳು ಬದಲಾವಣೆಯಾಗಲು ಬಹಳ ತಡವಾಗಿತ್ತು'' ಎಂದೂ ಅವರು ಹೇಳಿದ್ದಾರೆ.

    ಇದನ್ನೂ ಓದಿ: Explained: ಜಾಗತಿಕ ಹೆಮ್ಮಾರಿಯಾದ Dengue..! ರೋಗದ ಬಗ್ಗೆ ಎಲ್ಲಾ ವಿವರ ಇಲ್ಲಿದೆ ನೋಡಿ..

    ನಗರ ಪ್ರದೇಶದಲ್ಲಿ ನಾವು ನಮ್ಮ ಸಂಭಾಷಣೆಗಳನ್ನು ತೆರೆದಿಡಬೇಕು, ಮತ್ತು ಪ್ರತಿ ನಗರ ಹಾಗೂ ನೆರೆಹೊರೆಯವರು ನಗರ ಪ್ರದೇಶದಲ್ಲಿ ಹೇಗೆ ವಾಸಿಸಲು ಬಯಸುತ್ತಾರೆ ಎಂಬುದನ್ನು ತಿಳಿಯಲು ಉಪಕ್ರಮ ತೆಗೆದುಕೊಳ್ಳಬೇಕು. ಆದರೀಗ, ಒಂದು ಹಂತವು ಹೊರಹೊಮ್ಮುತ್ತಿದ್ದು, ಅಲ್ಲಿ ನಾಗರಿಕ ಸಮಾಜವು ತನ್ನ ಎಲ್ಲ ವೈವಿಧ್ಯತೆಯೊಂದಿಗೆ, ಬದಲಾವಣೆಯ ಸ್ವಭಾವವನ್ನು ಪುನರ್ವಿಮರ್ಶಿಸುತ್ತಿದೆ. ಇದನ್ನು ನಗರ ಯೋಜನಾ ಪ್ರಾಧಿಕಾರಗಳು ಪೂರಕಗೊಳಿಸಬೇಕಾಗಿದ್ದು, ವಿಶ್ವವಿದ್ಯಾನಿಲಯಗಳಲ್ಲಿ ಹೆಚ್ಚು ಪ್ರಬಲವಾದ ಸಾಂಸ್ಥಿಕ ಪರಿಶೋಧನೆಗಳನ್ನು ಮಾಡಬೇಕಾಗಿದೆ "ಎಂದು ದುರ್ಗಾನಂದ್ ಬಾಲ್ಸಾವರ್ ಹೇಳುತ್ತಾರೆ.
    Published by:Sharath Sharma Kalagaru
    First published: