• Home
  • »
  • News
  • »
  • explained
  • »
  • Explained: ಹಿಂದೂ ಪದದ ಅರ್ಥವೇನು? ಹಿಂದೂಗಳು ಅನುಸರಿಸುವ ಧಾರ್ಮಿಕ ಆಚರಣೆಗಳೇನು?

Explained: ಹಿಂದೂ ಪದದ ಅರ್ಥವೇನು? ಹಿಂದೂಗಳು ಅನುಸರಿಸುವ ಧಾರ್ಮಿಕ ಆಚರಣೆಗಳೇನು?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Hindu Word Controversy: ಹಿಂದೂ ಸಂಪ್ರದಾಯ ಹಾಗೂ ಪದ್ಧತಿ ಎನ್ನುವುದು ನಂಬಿಕೆಗಳ ಸಮೂಹ ಎನ್ನುವುದಕ್ಕಿಂತ ಸಂಸ್ಕೃತಿಯ ಮೂಲಾಧಾರವಾಗಿದೆ.  ಹಿಂದೂ ಎಂಬುದು ಬಹು ಸಾಮಾಜಿಕ ವ್ಯವಸ್ಥೆಯ ಪ್ರತಿರೂಪವಾಗಿದ್ದು ವಿಸ್ತಾರವಾಗಿ ವ್ಯಕ್ತಪಡಿಸಿದ ಧಾರ್ಮಿಕ ಸಂವೇದನೆಯಾಗಿದೆ.

  • Share this:

    ಹಿಂದೂ (Hindu) ಎಂಬುದು ಮೂಲತಃ ಭಾರತೀಯ ಪದವಲ್ಲ. ಇದು ಸಿಂಧೂ ನದಿಯ  (Sindhu River) ಆಚೆಗಿನ ಭೂಮಿ ಹಾಗೂ ಜನರನ್ನು ಉಲ್ಲೇಖಿಸಲು ಗ್ರೀಕರು (Greeks), ತದನಂತರ ಪರ್ಷಿಯನ್ನರು ನೀಡಿದ ಪದವಾಗಿದೆ. ಹಿಂದೂ ಧರ್ಮ ಎಂಬ ಪದವು 19 ನೇ ಶತಮಾನದಲ್ಲಿ ಪ್ರವರ್ಧಮಾನಕ್ಕೆ ಬಂದಿತು. ಪುನಃ ಈ ಪದವನ್ನು ಹಿಂದೂ ಧರ್ಮದಲ್ಲಿನ ಇಸಂ ಅನ್ನು ವಿವರಿಸಲು ಮತ್ತು ಮುಸ್ಲಿಮರು ಹಾಗೂ ಇತರರಿಂದ ತಮ್ಮನ್ನು ಪ್ರತ್ಯೇಕಿಸಲು ಹಿಂದೂಗಳು ಈ ಪದವನ್ನು ಬಳಸಿದರು. ಇದು ಜೀವನ ಹಾಗೂ ಪದ್ಧತಿಯ ಕ್ಲಿಷ್ಟಕರ ಮತ್ತು ಕ್ರಿಯಾತ್ಮಕ ಮಾದರಿಯನ್ನು ವಿವರಿಸುತ್ತದೆ. ಹಿಂದೂ ಸಂಪ್ರದಾಯ ಹಾಗೂ ಪದ್ಧತಿ ಎನ್ನುವುದು ನಂಬಿಕೆಗಳ ಸಮೂಹ ಎನ್ನುವುದಕ್ಕಿಂತ ಸಂಸ್ಕೃತಿಯ ಮೂಲಾಧಾರವಾಗಿದೆ.  ಹಿಂದೂ ಎಂಬುದು ಬಹು ಸಾಮಾಜಿಕ ವ್ಯವಸ್ಥೆಯ ಪ್ರತಿರೂಪವಾಗಿದ್ದು ವಿಸ್ತಾರವಾಗಿ ವ್ಯಕ್ತಪಡಿಸಿದ ಧಾರ್ಮಿಕ ಸಂವೇದನೆಯಾಗಿದೆ.


    ಹಿಂದೂಗಳು ಅನುಸರಿಸುವ ಧಾರ್ಮಿಕ ಅನುಸರಣೆಗಳು


    ಹಿಂದೂಗಳು ಎಂದು ಕರೆಯಿಸಿಕೊಳ್ಳುವ ಜನರು ಭಾರತ ಹಾಗೂ ಪ್ರಪಂಚದಾದ್ಯಂತ ಅನೇಕ ರೀತಿಯ ನೀತಿ ಹಾಗೂ ಅಭ್ಯಾಸಗಳನ್ನು ಹೊಂದಿದ್ದಾರೆ. ಬನಾರಸ್‌ನ ಬ್ರಾಹ್ಮಣರಾಗಿರಬಹುದು, ಬೋಸ್ಟನ್‌ನ ಉದ್ಯಮಿಗಳಾಗಿರಬಹುದು, ಹಿಮಾಲಯದ ತಪಸ್ವಿಗಳು ಅಂತೆಯೇ ಯೋಗಿಗಳು ಜೊತೆಗೆ ಪೆನ್ಸಿಲ್ವೇನಿಯಾದ ಸ್ವಾಮಿಗಳು, ಮಧ್ಯ ಭಾರತದ ಹಳ್ಳಿಗರು ಮತ್ತು ಉಪನಗರ ಚಿಕಾಗೋದ ನಿವಾಸಿಗಳು ಹೀಗೆ ಪಟ್ಟಿಮಾಡುತ್ತಾ ಹೋದರೆ ಪ್ರತಿಯೊಬ್ಬರೂ ತಮ್ಮದೇ ಆದ ಧಾರ್ಮಿಕ ವಿಧಾನಗಳನ್ನು ಅನುಸರಣೆಗಳನ್ನು ಹೊಂದಿದ್ದಾರೆ. ವಿಷ್ಣು ಅಥವಾ ಕೃಷ್ಣನನ್ನು ಗೌರವಿಸುವ ವೈಷ್ಣವರು, ಶಿವನನ್ನು ಗೌರವಿಸುವ ಶೈವರು, ದೇವಿಯನ್ನು ಗೌರವಿಸುವ ಶಾಕ್ತರು ಹಿಂದೂ ಧರ್ಮದಲ್ಲಿದ್ದಾರೆ. ಒಟ್ಟಾರೆಯಾಗಿ, ಯಾರೂ ಇನ್ನೊಬ್ಬರನ್ನು ಧರ್ಮದ್ರೋಹಿ ಎಂದು ಪರಿಗಣಿಸುವುದಿಲ್ಲ. ವಿವಿಧ ಧಾರ್ಮಿಕ ವಿಧಾನಗಳ ನಡುವೆ ಘರ್ಷಣೆಗಳು ನಡೆದಿದ್ದರೂ ಬಹುಪಾಲು ಭಾಗವಾಗಿ, ಎಲ್ಲರೂ ಪರಸ್ಪರರ ದೇವಾಲಯಗಳಲ್ಲಿ ಪೂಜೆ ಮಾಡುತ್ತಾರೆ. ವಾಸ್ತವವಾಗಿ, ಇಂದಿನ ಕೆಲವು ಹೊಸ ದೇವಾಲಯಗಳು, ನವದೆಹಲಿ ಅಥವಾ ನ್ಯಾಶ್‌ವಿಲ್ಲೆಯಲ್ಲಿದ್ದರೂ, ಹಿಂದೂ ದೇವತೆಗಳ ಸಂಪೂರ್ಣ ಫೋಟೋವನ್ನು ಜೊತೆಯಾಗಿ ಹೊಂದಿದೆ.


    ಇದನ್ನೂ ಓದಿ: Explained: ಇರಾನ್‌ನ ಪ್ರಬಲ ಸಫಾವಿದ್ ರಾಜವಂಶದ ಸ್ಥಾಪಕ ಶಾ ಇಸ್ಮಾಯಿಲ್ಗೂ ಬಾಬರ್‌ಗೂ ಸಂಬಂಧವಿದೆ, ಈ ಸಬಂಧಕ್ಕೆ ಕಾರಣ ಇಲ್ಲಿದೆ


    ಬ್ರಹ್ಮನ್ ತತ್ವ


    ಪಂಥೀಯ ವೈವಿಧ್ಯತೆಯ ಹೊರತಾಗಿಯೂ, ಜೀವನದ ಬಗ್ಗೆ ಹಿಂದೂ ಊಹೆಗಳು ಸಾಮಾನ್ಯ, ಸಾರ್ವತ್ರಿಕವಲ್ಲದಿದ್ದರೂ, ಬ್ರಹ್ಮಾಂಡವು ದೈವಿಕತೆಯಿಂದ ವ್ಯಾಪಿಸಿದೆ, ಇದನ್ನು ಸಾಮಾನ್ಯವಾಗಿ ಬ್ರಹ್ಮನ್ ಎಂದು ವಿವರಿಸಲಾಗುತ್ತದೆ. ದೈವಿಕವನ್ನು ಅನೇಕ ಹೆಸರುಗಳು ಮತ್ತು ರೂಪಗಳಲ್ಲಿ ತಿಳಿಯಬಹುದಾಗಿದೆ; ಈ ಅಂಶವು ಆಳವಾಗಿ ಮತ್ತು ಸಂಪೂರ್ಣವಾಗಿ ಮಾನವ ಆತ್ಮದ ಒಳಗೆ ಇರುತ್ತದೆ. ಪೂರ್ಣ ಸ್ವಯಂ-ಸಾಕ್ಷಾತ್ಕಾರಕ್ಕೆ ಆತ್ಮದ ಪ್ರಯಾಣವು ಒಂದೇ ಜೀವಿತಾವಧಿಯಲ್ಲಿ ಸಾಧಿಸಲಾಗುವುದಿಲ್ಲ, ಇದು ಅನೇಕ ಜೀವಿತಾವಧಿಗಳನ್ನು ತೆಗೆದುಕೊಳ್ಳುತ್ತದೆ. ಹಿಂದೂಗಳ ಪ್ರಕಾರ ಬ್ರಹ್ಮನು ನಿರಾಕಾರ ಅಂತಿಮ ವಾಸ್ತವ ಅಥವಾ ವಿಶ್ವ ಆತ್ಮ. ಎಲ್ಲಾ ಜೀವಿಗಳು ಬ್ರಹ್ಮದ ಭಾಗವಾಗಿದೆ ಮತ್ತು ಬ್ರಹ್ಮವು ಎಲ್ಲಾ ವಸ್ತುಗಳ ಭಾಗವಾಗಿದೆ. ಮನುಷ್ಯರು ಬ್ರಹ್ಮವನ್ನು ವರ್ಣಿಸಲು ಅಥವಾ ಗ್ರಹಿಸಲು ಸಾಧ್ಯವಿಲ್ಲ.


    ಬ್ರಹ್ಮಾಂಡ ಮತ್ತು ಜೀವನದ ಮೂಲಗಳು


    ಹಿಂದೂಗಳು ಜೀವನದ ಮೂಲ ಮತ್ತು ಬ್ರಹ್ಮಾಂಡದ ಬಗ್ಗೆ ವೈವಿಧ್ಯಮಯ ನಂಬಿಕೆಗಳನ್ನು ಹೊಂದಿದ್ದಾರೆ. ಬ್ರಹ್ಮಾಂಡವು ಕರ್ಮ ಚಕ್ರಗಳಲ್ಲಿ ಮರುಸೃಷ್ಟಿಸಲ್ಪಟ್ಟಿದೆ ಎಂದು ಹಲವರು ನಂಬುತ್ತಾರೆ. ಅನೇಕರು ಬ್ರಹ್ಮನನ್ನು ಸೃಷ್ಟಿಕರ್ತ ದೇವರು ಎಂದು ನಂಬುತ್ತಾರೆ.


    ಇದನ್ನೂ ಓದಿ: Solar Eclipse 2022: ಗ್ರಹಣ ಕಾಲದಲ್ಲಿ ದೇಗುಲಗಳು ಬಂದ್ ಆಗುವುದು ಏಕೆ? ಧಾರ್ಮಿಕ ಆಚರಣೆ ಹಿಂದಿದೆಯಾ ವೈಜ್ಞಾನಿಕ ಕಾರಣ?


    ಸಾವಿನ ನಂತರದ ವಿವರಣೆ


    ಹಿಂದೂ ಧರ್ಮದಲ್ಲಿ ಆತ್ಮದ ಪುನರ್ಜನ್ಮವನ್ನು ಕರ್ಮದ ನಿಯಮಗಳು ನಿಯಂತ್ರಿಸುತ್ತವೆ. ಅಂತಿಮವಾಗಿ, ಮನುಷ್ಯನ ಆತ್ಮವು ಪ್ರಬುದ್ಧವಾಗುತ್ತದೆ. ಮರಣ ಮತ್ತು ಪುನರ್ಜನ್ಮದ ಚಕ್ರದಿಂದ ವಿಮೋಚನೆಗೊಳ್ಳುತ್ತದೆ, ಅಂತಿಮ ಆನಂದವನ್ನು ಪ್ರವೇಶಿಸುತ್ತದೆ ಮತ್ತು ಬ್ರಹ್ಮನೊಂದಿಗೆ ಒಂದಾಗುತ್ತದೆ. ಮರಣ ಮತ್ತು ಪುನರ್ಜನ್ಮದ ಚಕ್ರದಲ್ಲಿ, ಮನುಷ್ಯನ ಕರ್ಮವು ಸ್ವರ್ಗ, ನರಕದ ಜೀವನವನ್ನು ನಿರ್ದೇಶಿಸುತ್ತದೆ.


    ಹಿಂದೂ ಧಾರ್ಮಿಕ ಆಚರಣೆಗಳು ಸರಿಯಾದ ರೀತಿಯಲ್ಲಿ ಬದುಕುವುದನ್ನು ಒಳಗೊಂಡಿರುತ್ತವೆ,.ಇದನ್ನು "ಧರ್ಮ" ಎಂದು ಕರೆಯಲಾಗುತ್ತದೆ. ಸಾಮಾನ್ಯವಾಗಿ, ಸರಿಯಾದ ಜೀವನವು ದೇವರು ಅಥವಾ ದೇವರುಗಳನ್ನು ಪೂಜಿಸುವುದು, ಒಳ್ಳೆಯ ಕಾರ್ಯಗಳನ್ನು ಮಾಡುವುದು, ಪವಿತ್ರ ಸ್ಥಳಗಳಿಗೆ ತೀರ್ಥಯಾತ್ರೆಗೆ ಹೋಗುವುದು , ಧ್ಯಾನ, ಯೋಗ ಮತ್ತು ಗುರುಗಳ ಸಹಾಯದಿಂದ ಜೀವನದ ಅಂಶಗಳನ್ನು ಅರಿತುಕೊಳ್ಳುವುದನ್ನು ಒಳಗೊಂಡಿರುತ್ತದೆ.

    Published by:Kavya V
    First published: