Explainer: ಭಾರತೀಯ ಬಾಹ್ಯಾಕಾಶ ಸಂಘ ಎಂದರೇನು? ಬಾಹ್ಯಾಕಾಶ ಕ್ಷೇತ್ರಕ್ಕೆ ಇದು ಹೇಗೆ ಮಹತ್ವದ್ದಾಗಿದೆ?

ಮೊದಲನೆಯದು "ಖಾಸಗಿ ವಲಯಕ್ಕೆ ನಾವೀನ್ಯತೆಯ ಸ್ವಾತಂತ್ರ್ಯ", ಎರಡನೆಯದಾಗಿ, ಸರ್ಕಾರದ ಸಕ್ರಿಯವಾದ ಪಾತ್ರ, ಮೂರನೆಯದಾಗಿ, ಭವಿಷ್ಯಕ್ಕಾಗಿ ಯುವಕರನ್ನು ಸಿದ್ಧಪಡಿಸುವುದು. ಮತ್ತು ನಾಲ್ಕನೆಯದಾಗಿ, ಬಾಹ್ಯಾಕಾಶ ಕ್ಷೇತ್ರವನ್ನು ಸಾಮಾನ್ಯ ಮನುಷ್ಯನ ಪ್ರಗತಿಗೆ ಸಂಪನ್ಮೂಲವಾಗಿ ನೋಡುವುದು ಎಂದು ಮೋದಿ ಹೇಳಿದರು.

isro

isro

  • Share this:
    ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ), ಭಾರ್ತಿ ಏರ್‌ಟೆಲ್, ಒನ್‌ವೆಬ್, ಟಾಟಾ ಗ್ರೂಪ್‌ನ ನೆಲ್ಕೊ, L&T, MapMyIndia ಇತರೆ ಸೇರಿದಂತೆ ಭಾರತೀಯ ಬಾಹ್ಯಾಕಾಶ ಕ್ಷೇತ್ರದಲ್ಲಿ ವಿವಿಧ ಪಾಲುದಾರರನ್ನು ಪ್ರತಿನಿಧಿಸುವ ಇಂಡಸ್ಟ್ರಿ ಸ್ಪೇಸ್ ಅಸೋಸಿಯೇಶನ್ (ISPA) ಅನ್ನು ಔಪಚಾರಿಕವಾಗಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಸೋಮವಾರ ಉದ್ಘಾಟಿಸಿದರು. ಪ್ರಧಾನಿ ನರೇಂದ್ರ ಮೋದಿ ಅಕ್ಟೋಬರ್ 11ರಂದು ಭಾರತೀಯ ಬಾಹ್ಯಾಕಾಶ ಸಂಘವನ್ನು (Indian Space Association) ಪ್ರಾರಂಭಿಸಿದರು. ಇದು ಈಗ ಭಾರತದ ಬಾಹ್ಯಾಕಾಶ ಕ್ಷೇತ್ರದ ಅಭಿವೃದ್ಧಿಗೆ ಕೊಡುಗೆ ನೀಡುವ ಎಲ್ಲ ಉದ್ಯಮಿಗಳಿಗೆ ಹಾಗೂ ಸಂಸ್ಥೆಗಳಿಗೆ ರಕ್ಷಣಾತ್ಮಕ ಶಕ್ತಿ ಎನಿಸಿಕೊಳ್ಳುತ್ತದೆ. 

    ಉದ್ಘಾಟನಾ ಕಾರ್ಯಕ್ರಮದ ವೇಳೆ ರಾಷ್ಟ್ರವನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ಈ ಕ್ರಮದಿಂದಾಗಿ ಭಾರತೀಯ ಬಾಹ್ಯಾಕಾಶ ಕ್ಷೇತ್ರಕ್ಕೆ ನಾಲ್ಕು ಸ್ತಂಭಗಳನ್ನು ಒದಗಿಸುತ್ತದೆ ಮತ್ತು ಖಾಸಗಿ ಸಂಸ್ಥೆಗಳ ಹೆಚ್ಚಿನ ಭಾಗವಹಿಸುವಿಕೆಯನ್ನು ಉತ್ತೇಜಿಸುತ್ತದೆ ಎಂದು ಹೇಳಿದರು. ಇದಲ್ಲದೇ, ಬಾಹ್ಯಾಕಾಶ ಚಟುವಟಿಕೆಗಳನ್ನು ಅನುಮತಿಸಲು ಮತ್ತು DOS- ಮಾಲೀಕತ್ವದ ಸೌಲಭ್ಯಗಳನ್ನು ಬಳಸಲು ಬಾಹ್ಯಾಕಾಶ ಇಲಾಖೆ (DOS) ಅಡಿಯಲ್ಲಿ ಸ್ವತಂತ್ರವಾದ ನೋಡಲ್ ಏಜೆನ್ಸಿಯನ್ನು ಪ್ರಾರಂಭಿಸಲಾಯಿತು. ಇದನ್ನು IN-SPACe ಅಥವಾ ಭಾರತೀಯ ರಾಷ್ಟ್ರೀಯ ಬಾಹ್ಯಾಕಾಶ ಪ್ರಚಾರ ಎಂದು ಕರೆಯಲಾಗುತ್ತದೆ ಎಂದು ಪ್ರಧಾನಿ ಮೋದಿ ಹೇಳಿದರು.

    ಇದು ಏಕೆ ಮಹತ್ವದ್ದಾಗಿದೆ..?

    ಹಲವು ವರ್ಷಗಳಿಂದ ಭಾರತವು ಬಾಹ್ಯಾಕಾಶ ಕ್ಷೇತ್ರದಲ್ಲಿ ಪ್ರಗತಿ ಸಾಧಿಸುತ್ತಿದ್ದರೆ, ಇಸ್ರೋ ಪ್ರಾಥಮಿಕವಾಗಿ ಈ ಪ್ರಗತಿಯ ಕೇಂದ್ರವಾಗಿದೆ. ಯುಎಸ್‌ನಂತೆ, ಈಗ ಜಾಗತಿಕ ಮತ್ತು ದೇಶೀಯ ಹಲವಾರು ಖಾಸಗಿ ವಲಯದ ಕಂಪನಿಗಳು ಭಾರತದ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಆಸಕ್ತಿ ವಹಿಸಿದ್ದು, ಬಾಹ್ಯಾಕಾಶ ಆಧಾರಿತ ಸಂವಹನ ಜಾಲಗಳು ಮುಂಚೂಣಿಗೆ ಬಂದಿವೆ.

    ಬಾಹ್ಯಾಕಾಶ ಆಧಾರಿತ ಸಂವಹನ ಜಾಲವು ಹೇಗೆ ಬೆಳೆಯುತ್ತಿದೆ..?

    ರೀಟೇಲ್‌ ಮಟ್ಟದಲ್ಲಿ ಇಂಟರ್ನೆಟ್ ಸಂಪರ್ಕ ಒದಗಿಸುವ ಮುಂದಿನ ಗಡಿಯಾಗಿ ಹಲವಾರು ಭಾರತೀಯ ಮತ್ತು ಅಂತಾರಾಷ್ಟ್ರೀಯ ಕಂಪನಿಗಳು ಉಪಗ್ರಹ ಸಂವಹನಗಳ ಮೇಲೆ ಪಣತೊಟ್ಟಿವೆ. ಇದು ಸ್ಪೇಸ್‌ಎಕ್ಸ್‌ನ ಸ್ಟಾರ್‌ಲಿಂಕ್, ಸುನೀಲ್ ಭಾರತಿ ಮಿತ್ತಲ್‌ನ ಒನ್‌ವೆಬ್, ಅಮೆಜಾನ್‌ನ ಪ್ರಾಜೆಕ್ಟ್ ಕೈಪರ್, ಯುಎಸ್ ಉಪಗ್ರಹ ತಯಾರಕ ಹ್ಯೂಸ್ ಕಮ್ಯುನಿಕೇಷನ್ಸ್, ಇತ್ಯಾದಿಗಳನ್ನು ಒಳಗೊಂಡಿದೆ. ಉದಾಹರಣೆಗೆ, ಒನ್‌ವೆಬ್, 648 ಕಡಿಮೆ-ಭೂಮಿಯ ಕಕ್ಷೆಯ ಉಪಗ್ರಹಗಳ ಆರಂಭಿಕ ನಕ್ಷತ್ರಪುಂಜವನ್ನು ನಿರ್ಮಿಸುವುದು ಅದರ ಉದ್ದೇಶವಾಗಿದ್ದು ಮತ್ತು ಈಗಾಗಲೇ 322 ಉಪಗ್ರಹಗಳನ್ನು ಕಕ್ಷೆಗೆ ಸೇರಿಸಿದೆ. ಇದರ ಸೇವೆಗಳು ಈ ವರ್ಷ ಅಲಾಸ್ಕಾ, ಕೆನಡಾ ಮತ್ತು ಯುಕೆ ಸೇರಿದಂತೆ ಆರ್ಕ್ಟಿಕ್ ಪ್ರದೇಶದಲ್ಲಿ ಆರಂಭವಾಗುವ ನಿರೀಕ್ಷೆಯಿದೆ.

    2022ರ ಅಂತ್ಯದ ವೇಳೆಗೆ, OneWeb ತನ್ನ ಹೆಚ್ಚಿನ ವೇಗದ, ಕಡಿಮೆ ಲೇಟೆನ್ಸಿ ಕನೆಕ್ಟಿವಿಟಿ ಸೇವೆಗಳನ್ನು ಭಾರತ ಮತ್ತು ಪ್ರಪಂಚದಾದ್ಯಂತ ನೀಡುವ ಗುರಿ ಹೊಂದಿದೆ. ಇದರ ಜೊತೆಯಲ್ಲಿ, ಸ್ಟಾರ್‌ಲಿಂಕ್ ಮತ್ತು ಅಮೆಜಾನ್ ಸಹ ಉಪಗ್ರಹ ಆಧಾರಿತ ಇಂಟರ್ನೆಟ್ ಸೇವೆಗಳನ್ನು ನೀಡಲು ಪರವಾನಗಿಗಾಗಿ ಭಾರತ ಸರ್ಕಾರದೊಂದಿಗೆ ಚರ್ಚಿಸುತ್ತಿವೆ. ಇದರ ಜತೆಗೆ ಸ್ಪೇಸ್‌ಎಕ್ಸ್ 12,000 ಉಪಗ್ರಹಗಳ ಜಾಲ ರಚಿಸುವ ಯೋಜನೆಯನ್ನು ಹೊಂದಿದ್ದು, ಈ ಪೈಕಿ 1,300ಕ್ಕೂ ಹೆಚ್ಚು ಉಪಗ್ರಹಗಳು ಈಗಾಗಲೇ ಆಕಾಶದಿಂದ ಹೊರಹೊಮ್ಮಿದೆ.

    ಉಪಗ್ರಹ ಇಂಟರ್ನೆಟ್ ಏಕೆ ಮುಖ್ಯ..?

    ದೂರಸ್ಥ ಪ್ರದೇಶಗಳಲ್ಲಿ ಬ್ರಾಡ್‌ಬ್ಯಾಂಡ್ ಸೇರಿಸಲು ಮತ್ತು ಭೂಮಿಯ ನೆಟ್‌ವರ್ಕ್‌ಗಳು ತಲುಪದ ಜನನಿಬಿಡ ಸ್ಥಳಗಳಲ್ಲಿ ಉಪಗ್ರಹ ಅಂತರ್ಜಾಲವು ಅತ್ಯಗತ್ಯ ಎಂದು ಕೈಗಾರಿಕಾ ತಜ್ಞರು ಸೂಚಿಸುತ್ತಾರೆ. ಆದರೂ, ಇಲ್ಲಿಯವರೆಗೆ, ಉಪಗ್ರಹ ಸಂವಹನಗಳನ್ನು ಕಾರ್ಪೊರೇಟ್‌ಗಳು ಮತ್ತು ತುರ್ತುಸ್ಥಿತಿ ಬಳಕೆಗೆ ಬಳಸುವ ಸಂಸ್ಥೆಗಳು, ನಿರ್ಣಾಯಕ ಟ್ರಾನ್ಸ್-ಕಾಂಟಿನೆಂಟಲ್ ಸಂವಹನಗಳಿಗೆ ಮತ್ತು ಸಂಪರ್ಕವಿಲ್ಲದ ದೂರದ ಪ್ರದೇಶಗಳಿಗೆ ಸಂಪರ್ಕಿಸಲು ಬಳಸುವ ಸಂಸ್ಥೆಗಳ ಬಳಕೆಗೆ ಸೀಮಿತವಾಗಿದೆ. ಈ ವರ್ಷದ ಆಗಸ್ಟ್ ವೇಳೆಗೆ, ಭಾರತದಲ್ಲಿ ಕೇವಲ 3 ಲಕ್ಷ ಉಪಗ್ರಹ ಸಂವಹನ ಗ್ರಾಹಕರನ್ನು ಹೊಂದಿದ್ದರೆ, USನಲ್ಲಿ 45 ಲಕ್ಷ ಮತ್ತು ಯುರೋಪಿಯನ್ ಒಕ್ಕೂಟದಲ್ಲಿ 21 ಲಕ್ಷ ಗ್ರಾಹಕರನ್ನು ಹೊಂದಿದೆ. ಆದರೆ ಈ ಬಹು ಉಡಾವಣೆಗಳಿಂದ ಕಕ್ಷೀಯ ಜಾಗದ ಜನದಟ್ಟಣೆಯ ಬಗ್ಗೆಯೂ ಹಲವು ಆತಂಕಗಳಿವೆ.

    ISpA ಯಾವ ಉದ್ದೇಶವನ್ನು ಪೂರೈಸುತ್ತದೆ..?

    ಹೊಸದಾಗಿ ಆರಂಭಿಸಿದ ಸಂಸ್ಥೆಯು ಈಗ ರಕ್ಷಣಾ ಸಂಸ್ಥೆಯಾಗಿ ಕಾರ್ಯನಿರ್ವಹಿಸಲಿದ್ದು, ಇದು ಭಾರತದ ಎಲ್ಲಾ ಬಾಹ್ಯಾಕಾಶ ಆಧಾರಿತ ಸಂಸ್ಥೆಗಳ ಅಡಿಯಲ್ಲಿ ಬರುತ್ತದೆ. ಪ್ರಧಾನಿ ಮೋದಿ ಹೇಳಿದಂತೆ, ಸಂಘವು ಬಾಹ್ಯಾಕಾಶ ಮತ್ತು ಉಪಗ್ರಹ ಕಂಪನಿಗಳನ್ನು ಒಟ್ಟುಗೂಡಿಸುವ ಮೂಲಕ ಭಾರತೀಯ ಬಾಹ್ಯಾಕಾಶ ಉದ್ಯಮದ ಸಾಮೂಹಿಕ ಧ್ವನಿಯಾಗಿ ಕಾರ್ಯನಿರ್ವಹಿಸುತ್ತದೆ.

    ಈ ಸಂಸ್ಥೆಯು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ), ಮ್ಯಾಪ್‌ಮಿಂಡಿಯಾ, ವಾಲ್‌ಚಂದನಗರ್ ಇಂಡಸ್ಟ್ರೀಸ್, ಅನಂತ್ ಟೆಕ್ನಾಲಜಿ ಲಿಮಿಟೆಡ್, ಭಾರ್ತಿ ಏರ್‌ಟೆಲ್ ಮತ್ತು ಲಾರ್ಸನ್ ಮತ್ತು ಟೂಬ್ರೊಗಳಂತಹ ಪ್ರಮುಖ ಪಾಲುದಾರರನ್ನು ಒಳಗೊಂಡಿದೆ. ಇದಲ್ಲದೆ, ಟಾಟಾದ ನೆಲ್ಕೊ ಜೊತೆಗೆ ಅಜಿಸ್ಟಾ-ಬಿಎಸ್‌ಟಿ ಏರೋಸ್ಪೇಸ್ ಪ್ರೈವೇಟ್ ಲಿಮಿಟೆಡ್, ಬಿಇಎಲ್, ಸೆಂಟಮ್ ಎಲೆಕ್ಟ್ರಾನಿಕ್ಸ್, ಗೋದ್ರೆಜ್, ಮ್ಯಾಕ್ಸರ್ ಇಂಡಿಯಾ ಮತ್ತು ಹ್ಯೂಸ್ ಇಂಡಿಯಾ ಸೇರಿ ಕೆಲವು ಪ್ರಮುಖ ಸದಸ್ಯರಾಗಿದ್ದಾರೆ.



    ಕೇಂದ್ರ ಸಚಿವ ಪಿಯೂಷ್ ಗೋಯಲ್ ಸಾಮಾಜಿಕ ಜಾಲತಾಣ ಕೂ ದಲ್ಲಿ ಬಾಹ್ಯಾಕಾಶ ಸಂಶೋಧನಾ ಕಾರ್ಯಗಳ ಕ್ಷೇತ್ರದಲ್ಲಿ ಭಾರತವನ್ನು ಜಾಗತಿಕ 'ಸೂಪರ್ ಪವರ್' ಆಗಿಸುವಲ್ಲಿ ಭಾರತೀಯ ಬಾಹ್ಯಾಕಾಶ ಸಂಘವು ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ, ಕೇಂದ್ರದ ಮಾಜಿ ಸಚಿವ ಕರ್ನಲ್ ರಾಜ್ಯವರ್ಧನ್ ರಾಥೋಡ್ ಭಾರತೀಯ ಬಾಹ್ಯಾಕಾಶ ಕ್ಷೇತ್ರವು ಐಎಸ್‌ಪಿಎಯಿಂದ ಹೇಗೆ ಪ್ರಯೋಜನ ಪಡೆಯುತ್ತಾರೆ ಎಂಬುದನ್ನು ಒತ್ತಿ ಹೇಳಿದರು. ಈ ಉಪಕ್ರಮವು ಉದ್ದಿಮೆದಾರರಿಗೆ ತಮ್ಮ ಸಾಗಾಟದ ತೊಂದರೆಯಿಲ್ಲದ ತ್ವರಿತ ವಿತರಣೆಗೆ ಸಹಾಯ ಮಾಡುತ್ತದೆ ಮತ್ತು ಸಂಪರ್ಕ, ಮ್ಯಾಪಿಂಗ್ ಮತ್ತು ಇಮೇಜಿಂಗ್ ಅನ್ನು ಸುಧಾರಿಸುತ್ತದೆ ಎಂದೂ ಹೇಳಿದರು.

    ISpAಯ ನಾಲ್ಕು ಸ್ತಂಭಗಳು

    ಇನ್ನು, ಆನ್‌ಲೈನ್‌ ಭಾಷಣದಲ್ಲಿ, ISpA ಬಗ್ಗೆ ಮಾತನಾಡಿದ ಪ್ರಧಾನಿ ಮೋದಿ ಸರ್ಕಾರದ ವಿಧಾನವು ಆಧಾರವಾಗಿರುವ ನಾಲ್ಕು ಸ್ತಂಭಗಳ ಬಗ್ಗೆ ಹೇಳಿದರು. ಅದರಲ್ಲಿ ಮೊದಲನೆಯದು "ಖಾಸಗಿ ವಲಯಕ್ಕೆ ನಾವೀನ್ಯತೆಯ ಸ್ವಾತಂತ್ರ್ಯ", ಎರಡನೆಯದಾಗಿ, ಸರ್ಕಾರದ ಸಕ್ರಿಯವಾದ ಪಾತ್ರ, ಮೂರನೆಯದಾಗಿ, ಭವಿಷ್ಯಕ್ಕಾಗಿ ಯುವಕರನ್ನು ಸಿದ್ಧಪಡಿಸುವುದು. ಮತ್ತು ನಾಲ್ಕನೆಯದಾಗಿ, ಬಾಹ್ಯಾಕಾಶ ಕ್ಷೇತ್ರವನ್ನು ಸಾಮಾನ್ಯ ಮನುಷ್ಯನ ಪ್ರಗತಿಗೆ ಸಂಪನ್ಮೂಲವಾಗಿ ನೋಡುವುದು ಎಂದು ಮೋದಿ ಹೇಳಿದರು.

    ಅಲ್ಲದೆ, ಖಾಸಗಿ ಬಾಹ್ಯಾಕಾಶ ಕಂಪನಿಗಳ ಹೆಚ್ಚಿನ ಪಾಲ್ಗೊಳ್ಳುವಿಕೆಯನ್ನು ಒತ್ತಿ ಹೇಳಿದ ಪ್ರಧಾನಿ, ಇಲ್ಲಿ ಸರ್ಕಾರದ ಪಾತ್ರವು ಸರ್ಕಾರ ಮತ್ತು ಸ್ಟಾರ್ಟ್ಅಪ್‌ಗಳ ನಡುವಿನ ಸಹಕಾರವನ್ನು ಖಚಿತಪಡಿಸುತ್ತದೆ ಮತ್ತು ರೇಖೀಯ ಹಾಗೂ ಘಾತೀಯ ಆವಿಷ್ಕಾರಕ್ಕೆ ಕಾರಣವಾಗುತ್ತದೆ. ಅಂದರೆ, ಇಲ್ಲಿ ಸರ್ಕಾರದ ಪಾತ್ರ ಕೇವಲ ಸಕ್ರಿಯಗೊಳಿಸುವಿಕೆ ಮತ್ತು ನಿರ್ವಹಿಸುವುದಲ್ಲ ಎಂದು ಮೋದಿ ಹೇಳಿದರು.

    ಇದನ್ನು ಓದಿ: Explained: ಕೊರತೆ ಮೂಲಕ ಚರ್ಚೆಯಲ್ಲಿರುವ ಕಲ್ಲಿದ್ದಲು ಎಂದರೇನು? ಅಭಾವ ಸೃಷ್ಟಿಯಾಗಲು ಕಾರಣವೇನು?

    ಬಾಹ್ಯಾಕಾಶ ಕ್ಷೇತ್ರವು ಇಡೀ ಜನಸಂಖ್ಯೆಗೆ ಒಂದು ದೊಡ್ಡ ಪ್ರಗತಿಯ ಮಾಧ್ಯಮವೆಂದು ಸಾಬೀತುಪಡಿಸಬಹುದು ಎಂದು ಪ್ರಧಾನಿ ಮೋದಿ ಹೇಳಿದ್ದು, ಜತೆಗೆ 'ಆತ್ಮನಿರ್ಭರ ಭಾರತ್' ಅಥವಾ ಸ್ವಾವಲಂಬಿ ಭಾರತದ ಪರಿಕಲ್ಪನೆಯನ್ನು ಈ ವೇಳೆ ಚರ್ಚಿಸಲಾಯಿತು. ಇನ್ನು, ಭಾರತಕ್ಕೆ, ಬಾಹ್ಯಾಕಾಶ ಕ್ಷೇತ್ರ ಎಂದರೆ ಉತ್ತಮ ಮ್ಯಾಪಿಂಗ್, ಇಮೇಜಿಂಗ್ ಮತ್ತು ಸಂಪರ್ಕ ಸೌಲಭ್ಯಗಳು ಹಾಗೂ ಉದ್ಯಮಿಗಳಿಗೆ ವೇಗವಾಗಿ ಸಾಗಣೆ ಮತ್ತು ವಿತರಣೆ ಎಂದೂ ISpA ಉದ್ಘಾಟನಾ ಭಾಷಣದ ವೇಳೆ ಪ್ರಧಾನಿ ಮೋದಿ ಹೇಳಿದರು.
    Published by:HR Ramesh
    First published: