• Home
  • »
  • News
  • »
  • explained
  • »
  • Explainer: ಡ್ರೈ ಶ್ಯಾಂಪೂಗಳನ್ನು ಬಳಸೋ ಮುನ್ನ ಅವುಗಳಿಂದ ಎದುರಾಗೋ ಅಪಾಯದ ಬಗ್ಗೆಯೂ ಮಾಹಿತಿ ಇರಲಿ!

Explainer: ಡ್ರೈ ಶ್ಯಾಂಪೂಗಳನ್ನು ಬಳಸೋ ಮುನ್ನ ಅವುಗಳಿಂದ ಎದುರಾಗೋ ಅಪಾಯದ ಬಗ್ಗೆಯೂ ಮಾಹಿತಿ ಇರಲಿ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಉತ್ಪನ್ನಗಳನ್ನು ಹಿಂಪಡೆಯುವುದರ ಕುರಿತು ಕಂಪನಿಯು ಕಾರಣವನ್ನು ಬಹಿರಂಗಪಡಿಸಿದ್ದು ಅದಕ್ಕೆ ಕಾರಣ ಉತ್ಪನ್ನಗಳಲ್ಲಿ ಹೆಚ್ಚು ಪ್ರಮಾಣದಲ್ಲಿದ್ದ ಬೆಂಜೀನ್ ಮಟ್ಟವಾಗಿದೆ. ಈ ಉತ್ಪನ್ನಗಳಲ್ಲಿ ಕಂಡುಬರುವ ಬೆಂಜೀನ್ ಮಟ್ಟವನ್ನು ಕಂಪನಿಯು ಬಹಿರಂಗಪಡಿಸಲಿಲ್ಲ, ಅದಾಗ್ಯೂ ಹೆಚ್ಚು ಮುತುವರ್ಜಿಯಿಂದ ಉತ್ಪನ್ನಗಳನ್ನು ಮಾರುಕಟ್ಟೆಯಿಂದ ಹಿಂಪಡೆಯುವುದಾಗಿ ತಿಳಿಸಿದೆ.

ಮುಂದೆ ಓದಿ ...
  • Trending Desk
  • Last Updated :
  • New Delhi, India
  • Share this:

    ಯುನಿಲಿವರ್ Plc ಯಿಂದ ಅಕ್ಟೋಬರ್ 2021 ರ ಮೊದಲು ಉತ್ಪಾದಿಸಲಾದ ಡ್ರೈ ಶ್ಯಾಂಪೂಗಳನ್ನು (Dry Shampoo) ಗ್ರಾಹಕರ ಮಟ್ಟದಲ್ಲಿ ಹಿಂಪಡೆಯಲಾಯಿತು. ಡ್ರೈ ಶಾಂಪೂ ಏರೋಸಾಲ್ ಉತ್ಪನ್ನಗಳು ಡವ್, ನೆಕ್ಸ್‌ಸಸ್, ಸುವೇವ್, ಟಿಜಿಐ (ರಾಕಾಹೋಲಿಕ್ ಮತ್ತು ಬೆಡ್ ಹೆಡ್) ಮತ್ತು ಟ್ರೆಸೆಮ್ಮೆಯನ್ನು ಮಾರುಕಟ್ಟೆಯಿಂದ (Market) ಹಿಂಪಡೆದುಕೊಳ್ಳಲಾಯಿತು. ಉತ್ಪನ್ನಗಳನ್ನು ಹಿಂಪಡೆಯುವುದರ ಕುರಿತು ಕಂಪನಿಯು ಕಾರಣವನ್ನು ಬಹಿರಂಗಪಡಿಸಿದ್ದು ಅದಕ್ಕೆ ಕಾರಣ ಉತ್ಪನ್ನಗಳಲ್ಲಿ ಹೆಚ್ಚು ಪ್ರಮಾಣದಲ್ಲಿದ್ದ ಬೆಂಜೀನ್ ಮಟ್ಟವಾಗಿದೆ. ಈ ಉತ್ಪನ್ನಗಳಲ್ಲಿ ಕಂಡುಬರುವ ಬೆಂಜೀನ್ ಮಟ್ಟವನ್ನು ಕಂಪನಿಯು ಬಹಿರಂಗಪಡಿಸಲಿಲ್ಲ, ಅದಾಗ್ಯೂ ಹೆಚ್ಚು ಮುತುವರ್ಜಿಯಿಂದ ಉತ್ಪನ್ನಗಳನ್ನು ಮಾರುಕಟ್ಟೆಯಿಂದ ಹಿಂಪಡೆಯುವುದಾಗಿ ತಿಳಿಸಿದೆ.


    ಡ್ರೈ ಶ್ಯಾಂಪೂ ಎಂದರೇನು?


    ಡ್ರೈ ಶ್ಯಾಂಪೂ ಎನ್ನುವುದು ಪೌಡರ್ ಅಥವಾ ಸ್ಪ್ರೇ ರೂಪದ ಉತ್ಪನ್ನವಾಗಿದ್ದು ಕೂದಲನ್ನು ಒದ್ದೆಮಾಡದೆಯೇ ಸ್ವಚ್ಛಮಾಡಲು ಬಳಸಲಾಗುತ್ತದೆ. ಕ್ಲೀವ್ಲ್ಯಾಂಡ್ ಕ್ಲಿನಿಕ್ ಪ್ರಕಾರ, ಉತ್ಪನ್ನದಲ್ಲಿರುವ ಆಲ್ಕೋಹಾಲ್ ಅಥವಾ ಪಿಷ್ಟ ಆಧಾರಿತ ಸ್ಪ್ರೇಗಳು ಕೂದಲಿನಿಂದ ಗ್ರೀಸ್ ಮತ್ತು ಎಣ್ಣೆಯನ್ನು ತೆಗೆದುಹಾಕುತ್ತದೆ ಮತ್ತು ಕೂದಲಿಗೆ ದಟ್ಟತೆಯನ್ನು ಕೊಡುತ್ತದೆ. ಕೆಲವು ಡ್ರೈ ಶಾಂಪೂಗಳು ಏರೋಸಾಲ್ ಸ್ಪ್ರೇ ಹೊಂದಿದ್ದರೆ ಕೆಲವು ಕೂದಲು ಬಣ್ಣಕ್ಕೆ ಸರಿಹೊಂದುವಂತೆ ಟಿಂಟೆಡ್ ಪೌಡರ್ ಅನ್ನು ಹೊಂದಿರುತ್ತವೆ.


    ಡ್ರೈ ಶ್ಯಾಂಪೂ, ನೆತ್ತಿಯ ಕೊಳಕು, ಎಣ್ಣೆ ಮತ್ತು ಜಿಡ್ಡನ್ನು ತೊಳೆಯದೆಯೇ ಹೀರಿಕೊಳ್ಳುವ ಉತ್ಪನ್ನವಾಗಿದೆ. ವರ್ಕ್ ಔಟ್ ಮಾಡಿದ ನಂತರ ತಮ್ಮ ಕೂದಲನ್ನು ಫ್ರೆಶ್ ಮಾಡಲು ಡ್ರೈ ಶ್ಯಾಂಪೂವನ್ನು ಬಳಸುತ್ತಾರೆ, ಈ ಶ್ಯಾಂಪೂವನ್ನು ನೇರವಾಗಿ ಕೂದಲಿಗೆ ಹಚ್ಚಿಕೊಳ್ಳಬಹುದು.


    ಇದನ್ನೂ ಓದಿ: ರುಚಿಗೆ ಮಾತ್ರವಲ್ಲ, ಚರ್ಮದ ಆರೋಗ್ಯ ಮತ್ತು ತೂಕ ನಿಯಂತ್ರಣಕ್ಕೂ ಬೇಕು ಬಟಾಣಿ ಕಾಳು


    ಕೂದಲಿನ ವಿನ್ಯಾಸವನ್ನು ಅವಲಂಬಿಸಿ, ಡ್ರೈ ಶಾಂಪೂ ಕೂದಲನ್ನು ಕಡಿಮೆ ಎಣ್ಣೆಯುಕ್ತವಾಗಿ ಕಾಣುವಂತೆ ಮಾಡುತ್ತದೆ. ಆದರೆ ಈ ಉತ್ಪನ್ನದಲ್ಲಿರುವ ಶ್ಯಾಂಪೂ ಎಂಬ ಪದದಿಂದ ಇದು ಇತರ ಸಾಮಾನ್ಯ ಶ್ಯಾಂಪೂಗಳಂತೆ ಎಂದು ಅಂದುಕೊಳ್ಳಬೇಡಿ. ಅದಾಗ್ಯೂ ಡ್ರೈ ಶ್ಯಾಂಪೂ ನಿಮ್ಮ ಕೂದಲನ್ನು ಸ್ವಚ್ಛಗೊಳಿಸಲು ಉದ್ದೇಶಿಸಿಲ್ಲ ಎಂಬುದನ್ನು ಮರೆಯದಿರಿ.


    ಡ್ರೈ ಶಾಂಪೂ ಹೇಗೆ ಕೆಲಸ ಮಾಡುತ್ತದೆ?


    ವಾಣಿಜ್ಯ ಡ್ರೈ ಶ್ಯಾಂಪೂಗಳು ಸಾಮಾನ್ಯವಾಗಿ ಸ್ಪ್ರೇ ಬಾಟಲಿಯಲ್ಲಿ ಬರುತ್ತವೆ. ಅವುಗಳನ್ನು ಆಲ್ಕೋಹಾಲ್ ಅಥವಾ ಪಿಷ್ಟದ ಆಧಾರದ ಮೇಲೆ ತಯಾರಿಸಲಾಗುತ್ತದೆ. ಕೂದಲಿಗೆ ಉತ್ಪನ್ನವನ್ನು ಸಿಂಪಡಿಸಿದಾಗ, ಆಲ್ಕೋಹಾಲ್ ಅಥವಾ ಪಿಷ್ಟವು ಎಣ್ಣೆ ಮತ್ತು ಗ್ರೀಸ್ ಅನ್ನು ಹೀರಿಕೊಳ್ಳುತ್ತದೆ, ಇದು ಸ್ವಚ್ಛವಾಗಿ ಕಾಣುವಂತೆ ಮಾಡುತ್ತದೆ.


    ಅನೇಕ ಶ್ಯಾಂಪೂಗಳು ನಿಮ್ಮ ಕೂದಲನ್ನು ತೇವಗೊಳಿಸಲು ಸಹಾಯ ಮಾಡುತ್ತದೆ. ಒಣ ಶ್ಯಾಂಪೂವನ್ನು ಮಾತ್ರ ಬಳಸಿದರೆ, ಅದು ವಾಸ್ತವವಾಗಿ ಕೂದಲಿನ ಎಳೆಗಳನ್ನು ಒಣಗಿಸಬಹುದು ಹಾಗಾಗಿ ಅವು ಒಡೆಯುವ ಸಾಧ್ಯತೆ ಹೆಚ್ಚು.


    ಇದನ್ನೂ ಓದಿ: ದೀಪಾವಳಿ ನಂತರ ಕೊಲೆಸ್ಟ್ರಾಲ್ ಹೆಚ್ಚಾಗುವ ಅಪಾಯ ತಡೆಯಲು ಹೀಗೆ ಮಾಡಿ


    ಡ್ರೈ ಶ್ಯಾಂಪೂವಿನ ಆರೋಗ್ಯದ ಅಪಾಯ


    ಆರೋಗ್ಯ ಅಪಾಯವನ್ನು ಉಲ್ಲೇಖಿಸಿರುವ ಯೂನಿಲಿವರ್, ಬೆಂಜೀನ್ ರಾಸಾಯನಿಕವನ್ನು ಮಾನವ ಕ್ಯಾನ್ಸರ್ ಎಂದು ವರ್ಗೀಕರಿಸಲಾಗಿದ್ದು, ಇದರ ಬಳಕೆಯು ತ್ವಚೆಯ ಮೇಲೆ ನೇರವಾಗಿ ಪರಿಣಾಮವನ್ನು ಬೀರಬಹುದು ಎಂದು ಹೇಳಿದೆ. ಲ್ಯುಕೇಮಿಯಾ ಮತ್ತು ಮೂಳೆ ಮಜ್ಜೆಯ ರಕ್ತದ ಕ್ಯಾನ್ಸರ್ ಮತ್ತು ಜೀವಕ್ಕೆ ಅಪಾಯಕಾರಿಯಾದ ರಕ್ತದ ಅಸ್ವಸ್ಥತೆಗಳು ಸೇರಿದಂತೆ ಕ್ಯಾನ್ಸರ್‌ಗಳಿಗೆ ಕಾರಣವಾಗಬಹುದು ಎಂದು ತಿಳಿಸಿದೆ.


    ಮಾರುಕಟ್ಟೆಯಿಂದ ಮರಳಿ ಪಡೆದುಕೊಂಡಿರುವ ಉತ್ಪನ್ನಗಳಲ್ಲಿರುವ ಬೆಂಜೀನ್‌ನ ಪ್ರಭಾವಕ್ಕೆ ಒಳಗಾಗುವುದು ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮವನ್ನು ಉಂಟುಮಾಡದೇ ಇದ್ದರೂ ಬೆಂಜೀನ್‌ಗೆ ಒಡ್ಡಿಕೊಳ್ಳುವುದು ಲ್ಯುಕೇಮಿಯಾ ಹಾಗೂ ಇತರ ರಕ್ತ ಕ್ಯಾನ್ಸರ್‌ಗೆ ಕಾರಣವಾಗಬಹುದು ಎಂದು ಸಂಸ್ಥೆ ತಿಳಿಸಿದೆ.


    ಪ್ರತೀ ಕೆಲವು ದಿನಗಳಿಗೊಮ್ಮೆ ಡ್ರೈ ಶ್ಯಾಂಪೂವನ್ನು ಬಳಸಬಾರದು


    ಕ್ಲೀವ್ಲ್ಯಾಂಡ್ ಕ್ಲಿನಿಕ್ ತಿಳಿಸಿರುವಂತೆ ಪ್ರತೀ ದಿನವೂ ಡ್ರೈ ಶ್ಯಾಂಪೂವನ್ನು ಬಳಸಬಾರದು ಎಂದು ತಿಳಿಸಿದೆ. ಡ್ರೈ ಶ್ಯಾಂಪೂವಿನ ಅತಿಯಾದ ಬಳಕೆಯು ನೆತ್ತಿಗೆ ಕಿರಿಕಿರಿಯನ್ನುಂಟು ಮಾಡಬಹುದು ಹಾಗೂ ನೆತ್ತಿಯ ಕೂದಲಿಗೆ ಹಾನಿಯನ್ನುಂಟು ಮಾಡಬಹುದು ಹಾಗೂ ಕೂದಲಿನ ಬೆಳವಣಿಗೆಯ ಮೇಲೆ ಪರಿಣಾಮ ಬೀರಬಹುದು ಎಂದು ತಿಳಿಸಿದೆ.


    ಇದನ್ನೂ ಓದಿ: ಅಜೀರ್ಣ ಸಮಸ್ಯೆಗೆ ಈ ಕಾಳು ಪರಿಹಾರ ಅನ್ನುತ್ತೆ ಆಯುರ್ವೇದ!


    ಡ್ರೈ ಶಾಂಪೂ ನಿಮ್ಮ ನೆತ್ತಿಯ ಮೇಲಿನ ಶ್ಯಾಂಪೂವಿನ ಅಂಶಗಳನ್ನು ಹಾಗೆಯೇ ಬಿಡಬಹುದು. ನಿಯಮಿತವಾಗಿ ನೀರಿನಿಂದ ಶ್ಯಾಂಪೂ ಸ್ವಚ್ಛ ಮಾಡದಿದ್ದರೆ, ಆ ಉಳಿಯುವಿಕೆಯು ನಿರ್ಮಾಣವಾಗುತ್ತದೆ. ನಿಮ್ಮ ನೆತ್ತಿಯನ್ನು ಸ್ವಚ್ಛಗೊಳಿಸದಿದ್ದರೆ ಮತ್ತು ಡ್ರೈ ಶ್ಯಾಂಪೂವನ್ನು ಬಳಸಿದರೆ, ಅಲ್ಲಿ ದದ್ದುಗಳು ಮತ್ತು ಉರಿಯೂತ ಉಂಟಾಗಬಹುದು. ನೆತ್ತಿಯನ್ನು ಸರಿಯಾಗಿ ತೊಳೆಯದೆ ಒಣ ಶ್ಯಾಂಪೂವನ್ನು ಹೆಚ್ಚಾಗಿ ಬಳಸಿದರೆ ತಲೆಹೊಟ್ಟು ನಿರ್ಮಾಣವಾಗಬಹುದು.


    ಕೆಲವು ಬಾರಿ ಶ್ಯಾಂಪೂ ಮತ್ತು ನೀರಿನಿಂದ ಕೂದಲನ್ನು ತೊಳೆಯಬೇಕು


    ತಲೆಕೂದಲು ತೊಳೆಯುವವರು ವಾರದಲ್ಲಿ ಕೆಲವು ಬಾರಿ ಶ್ಯಾಂಪೂ ಮತ್ತು ನೀರಿನಿಂದ ಕೂದಲನ್ನು ತೊಳೆಯಬೇಕು ಎಂದು ತಜ್ಞರು ಶಿಫಾರಸು ಮಾಡಿದ್ದಾರೆ. ಒಣ ಅಥವಾ ಎಣ್ಣೆಯುಕ್ತ ಕೂದಲು ಹೊಂದಿರುವವರು ಸಾಮಾನ್ಯವಾಗಿ ವಾರಕ್ಕೆ ಎರಡು ಅಥವಾ ಮೂರು ಬಾರಿ ತಲೆತೊಳೆಯಬಹುದು.


    ಗುಂಗುರು ಕೂದಲು ಹೊಂದಿರುವವರು ಕಡಿಮೆ ಬಾರಿ ಕೂದಲು ತೊಳೆದಷ್ಟೂ ಉತ್ತಮ ಹಾಗೂ ಸ್ಟ್ರೇಟನಿಂಗ್ ಉತ್ಪನ್ನಗಳನ್ನು ಆದಷ್ಟು ಕಡಿಮೆ ಬಳಸಿ ಎಂದು ಸಲಹೆ ನೀಡಿದ್ದಾರೆ.


    ಅಕ್ಟೋಬರ್ 2021 ರ ಮೊದಲು ತಯಾರಿಸಲಾದ ಯೂನಿಲಿವರ್ ತಯಾರಿಸಿರುವ ಉತ್ಪನ್ನಗಳ ಪಟ್ಟಿ ಇಲ್ಲಿದೆ


    ಡವ್ ಡ್ರೈ ಶ್ಯಾಂಪೂ ವಾಲ್ಯೂಮ್ ಏಂಡ್ ಫುಲ್‌ನೆಸ್, ಡವ್ ಡ್ರೈ ಶ್ಯಾಂಪೂ ಫ್ರೆಶ್ ಕೋಕನಟ್, ಡವ್ ಡ್ರೈ ಶ್ಯಾಂಪೂ ಫ್ರೆಶ್ ಏಂಡ್ ಫ್ಲೋರಲ್, ಡವ್ ಡ್ರೈ ಶ್ಯಾಂಪೂ ಅಲ್ಟ್ರಾ ಕ್ಲೀನ್, ಡವ್ ಡ್ರೈ ಶ್ಯಾಂಪೂ ಇನ್‌ವಿಸಿಬಲ್, ಡವ್ ಡ್ರೈ ಶ್ಯಾಂಪೂ ಡಿಟಾಕ್ಸ್ ಏಂಡ್ ಪ್ಯೂರಿಫೈ, ಡವ್ ಡ್ರೈ ಶ್ಯಾಂಪೂ ಕ್ಲಾರಿಫೈಯಿಂಗ್ ಚಾರ್‌ಕೋಲ್, ಡವ್ ಡ್ರೈ ಶ್ಯಾಂಪೂ ಗೊ ಆ್ಯಕ್ಟೀವ್, ನೆಕ್ಸಸ್ ಡ್ರೈ ಶ್ಯಾಂಪೂ ರಿಫ್ರೆಶಿಂಗ್ ಮಿಸ್ಟ್, ನೆಕ್ಸಸ್ ಇನರ್ಜಿ ಫೋಮ್ ಶ್ಯಾಂಪೂ, ಸುವೇವ್ ಡ್ರೈ ಶಾಂಪೂ ಹೇರ್ ರಿಫ್ರೆಶರ್, ಸುವೇವ್ ಪ್ರೊಫೆಷನಲ್ಸ್ ಡ್ರೈ ಶ್ಯಾಂಪೂ ರಿಫ್ರೆಶ್, ಡಿ ಟ್ರೆಸ್ಪೂಮ್ ಡಿ ಶ್ಯಾಂಪೂ ರಿವೈವ್ ಮತ್ತು ಕ್ಲೀನ್, ಟ್ರೆಸೆಮ್ಮೆ ಪ್ರೊ ಪ್ಯೂರ್ ಡ್ರೈ ಶ್ಯಾಂಪೂ, ಬೆಡ್ ಹೆಡ್ ಓಹ್ ಬೀ ಹೈವ್ ಡ್ರೈ ಶ್ಯಾಂಪೂ, ಬೆಡ್ ಹೆಡ್ ಓ ಬೀ ಹೈವ್ ವಾಲ್ಯೂಮಿಂಗ್ ಡ್ರೈ ಶ್ಯಾಂಪೂ, ಬೆಡ್ ಹೆಡ್ ಡರ್ಟಿ ಸೀಕ್ರೆಟ್ ಡ್ರೈ ಶ್ಯಾಂಪೂ, ಬೆಡ್ ಹೆಡ್ ರಾಕಾಹೋಲಿಕ್ ಡರ್ಟಿ ಸೀಕ್ರೆಟ್ ಡ್ರೈ ಶ್ಯಾಂಪೂ.


    ಇತರ ಏರೋಸಾಲ್ ಕಂಟೆಂಟ್ ಇರುವ ಉತ್ಪನ್ನಗಳನ್ನು ಹಿಂಪಡೆಯಲಾಗಿದೆ


    ಉತ್ಪನ್ನಗಳ ಹಿಂಪಡೆಯುವಿಕೆ ಈ ಹಿಂದೆ ಕೂಡ ನಡೆದಿತ್ತು. ಸ್ಪ್ರೇ-ಆನ್ ಡ್ರೈ ಶ್ಯಾಂಪೂ ಸಮಸ್ಯೆ ಎಂದು ಗುರುತಿಸಿರುವುದು ಇದೇ ಮೊದಲಲ್ಲ. ಡಿಸೆಂಬರ್ 2021 ರಲ್ಲಿ, ವ್ಯಾಲಿಸೂರ್‌ನ ಸಂಶೋಧನೆಗಳನ್ನು ಅನುಸರಿಸಿ P&G ತನ್ನ ಸಂಪೂರ್ಣ ಏರೋಸಾಲ್ ಉತ್ಪನ್ನಗಳ ಪೋರ್ಟ್‌ಫೋಲಿಯೊವನ್ನು ಪರೀಕ್ಷಿಸಿತು, ನಂತರ ಸಂಸ್ಥೆಯು ಬೆಂಜೀನ್ ಮಾಲಿನ್ಯವನ್ನು ಉಲ್ಲೇಖಿಸಿ ಅದರ ಪ್ಯಾಂಟಿನ್ ಮತ್ತು ಹರ್ಬಲ್ ಎಸೆನ್ಸ್ ಡ್ರೈ ಶ್ಯಾಂಪೂಗಳನ್ನು ಹಿಂತೆಗೆದುಕೊಂಡಿತು.


    ಏರೋಸಾಲ್ ಡ್ರೈ ಶಾಂಪೂಗಳಂತಹ ಇತರ ಗ್ರಾಹಕ-ಉತ್ಪನ್ನ ವಿಭಾಗಗಳು ಬೆಂಜೀನ್ ಮಾಲಿನ್ಯದಿಂದ ಹೆಚ್ಚು ಪರಿಣಾಮ ಬೀರಬಹುದು ಹಾಗೂ ಈ ಪ್ರದೇಶವನ್ನು ತನಿಖೆ ಮಾಡುತ್ತಿದ್ದೇವೆ ಎಂದು ವ್ಯಾಲಿಶರ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡೇವಿಡ್ ಲೈಟ್ ತಿಳಿಸಿದ್ದಾರೆ.


    ಬ್ಲ್ಯೂಮ್‌ಬರ್ಗ್ ವರದಿ ಏನು ಹೇಳುತ್ತದೆ?


    ಬ್ಲ್ಯೂಮ್‌ಬರ್ಗ್ ವರದಿ ಮಾಡಿರುವಂತೆ, ಕಳೆದ ಒಂದೂವರೆ ವರ್ಷದಲ್ಲಿ, ಜಾನ್ಸನ್ ಮತ್ತು ಜಾನ್ಸನ್‌ನ ನ್ಯೂಟ್ರೋಜೆನಾ, ಎಡ್ಜ್‌ವೆಲ್ ಪರ್ಸನಲ್ ಕೇರ್ ಕಂ.ನ ಬನಾನಾ ಬೋಟ್ ಮತ್ತು ಬೀರ್ಸ್‌ಡಾರ್ಫ್ AG ಯ ಕಾಪರ್‌ಟೋನ್‌ಗಳಂತಹ ಹಲವಾರು ಏರೋಸಾಲ್ ಸನ್‌ಸ್ಕ್ರೀನ್‌ಗಳನ್ನು ತೆಗೆದುಹಾಕಲಾಗಿದೆ. ಮೇ 2021 ರಿಂದ ಕನೆಕ್ಟಿಕಟ್‌ನ ನ್ಯೂ ಹೆವನ್‌ನಲ್ಲಿರುವ ವ್ಯಾಲಿಸೂರ್ ಎಂಬ ಲ್ಯಾಬ್‌ನಿಂದ ಅಂತಹ ಉತ್ಪನ್ನಗಳಲ್ಲಿ ಬೆಂಜೀನ್‌ನ ಉಪಸ್ಥಿತಿ ಕಂಡುಬಂದ ಕಾರಣ ಹಿಂಪಡೆಯುವಿಕೆಗಳನ್ನು ಪ್ರಾರಂಭಿಸಲಾಗಿದೆ.


    ಡ್ರೈ ಶ್ಯಾಂಪೂವನ್ನು ಹೇಗೆ ಬಳಸಬೇಕು?


    ಕೂದಲು ಹಾಗೂ ನೆತ್ತಿಯ ರಚನೆಗೆ ಹಾನಿಯಾಗದಂತೆ ತಡೆಯಲು ಡ್ರೈ ಶ್ಯಾಂಪೂವನ್ನು ಬಳಸಿ. ನಿಮ್ಮ ತಲೆಯಿಂದ 6 ಇಂಚುಗಳಷ್ಟು ದೂರ ಬಾಟಲಿಯನ್ನು ಹಿಡಿದುಕೊಳ್ಳಿ ಮತ್ತು ಅಗತ್ಯವಿರುವಷ್ಟು ಮಾತ್ರ ಸಿಂಪಡಿಸಿ.


    ಇದನ್ನೂ ಓದಿ: ಹಣ್ಣುಗಳ ಸೇವನೆ ಎಷ್ಟು ಅನುಕೂಲಕರ? ಇವುಗಳ ಜೊತೆ ಬೇರೆ ಏನನ್ನು ತಿನ್ನಬೇಕು?


    ಸಿಂಪಡಿಸುವುದು ಪೂರ್ಣಗೊಂಡ ನಂತರ ನೆತ್ತಿಯನ್ನು ಮಸಾಜ್ ಮಾಡಿ ಹಾಗೂ ಬೆರಳುಗಳನ್ನು ಬಳಸಿ ಒಣ ಶ್ಯಾಂಪೂವನ್ನು ಕೂದಲಿಗೆ ಹರಡಿಕೊಳ್ಳಿ. ಡ್ರೈ ಶ್ಯಾಂಪೂವನ್ನು ಸತತವಾಗಿ 2 ದಿನಕ್ಕಿಂತ ಹೆಚ್ಚು ಕಾಲ ಬಳಸದಿರಿ ಎಂದು ತಜ್ಞರು ಶಿಫಾರಸು ಮಾಡುತ್ತಾರೆ. ನೆತ್ತಿ ಮತ್ತು ಕೂದಲಿಗೆ ಹಾನಿಯಾಗದಂತೆ ತಡೆಯಲು ಇದನ್ನು 3 ತಿಂಗಳಿಗಿಂತ ಹೆಚ್ಚು ಕಾಲ ಬಳಸದಂತೆ ತಜ್ಞರು ಶಿಫಾರಸು ಮಾಡಿದ್ದಾರೆ.


    ಡ್ರೈ ಶ್ಯಾಂಪೂ ವಿಧಗಳು


    ಡ್ರೈ ಶ್ಯಾಂಪೂಗಳಲ್ಲಿ ಹಲವಾರು ವಿಧಗಳಿದ್ದು ಕೆಲವು ಕೂದಲಿಗೆ ವಾಲ್ಯೂಮ್ ಅನ್ನು ಸೇರಿಸುತ್ತವೆ, ಇನ್ನು ಕೆಲವನ್ನು ಕೂದಲಿನ ಹೆಚ್ಚುವರಿ ಜಿಡ್ಡನ್ನು ನಿವಾರಿಸಲು ಬಳಸುತ್ತಾರೆ. ಕೂದಲಿಗೆ ಹೊಂದುವಂತಹ ಬಣ್ಣವನ್ನು ಆಯ್ಕೆಮಾಡಿಕೊಳ್ಳಿ ಇದರಿಂದ ಕೂದಲಿನ ಬಣ್ಣ ನಿಸ್ತೇಜಗೊಳ್ಳುವ ಅಪಾಯ ಇರುತ್ತದೆ. ಹೊಂಬಣ್ಣದ ಕೂದಲಿರುವವರು ಹೊಂಬಣ್ಣಕ್ಕಾಗಿ ಒಣ ಶ್ಯಾಂಪೂವನ್ನು ಆರಿಸಿದರೆ ಕೂದಲಿನಲ್ಲಿ ಕಪ್ಪು ಕಲೆಗಳು ಉಂಟಾಗಬಹುದು.


    ಡ್ರೈ ಶ್ಯಾಂಪೂ ಕೂದಲಿನ ಜಿಡ್ಡು, ಕೊಳಕನ್ನು ಮರೆಮಾಡಿದರೂ ನಿಮ್ಮ ಕೂದಲು ತೊಳೆಯಲು ಇದನ್ನು ಬಳಸುವಂತಿಲ್ಲ ಎಂಬುದು ಇಲ್ಲಿ ಮುಖ್ಯವಾದುದು. ಸತತ ಎರಡು ದಿನಗಳಿಗಿಂತ ಹೆಚ್ಚು ಕಾಲ ನೆತ್ತಿಯ ಮೇಲೆ ಡ್ರೈ ಶ್ಯಾಂಪೂವಿನ ಅವಶೇಷಗಳನ್ನು ಉಳಿಸಬೇಡಿ.

    Published by:Precilla Olivia Dias
    First published: